སྡེ་དགེའི་དབུས་རྒྱུན་ཚོགས་འདུ་ཐེངས་ ༢ པ་ཚོགས་པ།
༄༅། །བོད་རྒྱལ་ལོ་ ༢༡༤༡ ཕྱི་ལོ་ ༢༠༡༤་༧་༡༢ ཉིན་སྡེ་དགེ་རྒྱལ་ཡོངས་ལྷན་ཚོགས་ཀྱི་དབུས་རྒྱུན་སྐབས་དང་པོའི་ཚོགས་འདུ་ཐེངས་ ༢ པ་དེ་ཉིན་གཅིག་རིང་རྒྱལ་ས་ལྡི་ལི་རུ་བསྐང་ཚོགས་གནང་པ་རེད།
ཐེངས་འདིའི་ཚོགས་ཐོག་ནས་སྡེ་དགེ་རྒྱལ་ཡོངས་ཚོགས་ཆེན་ཐེངས་དང་པོའི་ཚོགས་ཐོག་ནས་བཞག་པའི་གྲོས་ཆོད་ཁག་དང་། དབུས་རྒྱུན་ཚོགས་འདུ་ཐེངས་དང་པོའི་ཚོགས་ཐོག་ནས་བཞག་པའི་གྲོས་ཆོད་ཁག་བཅས་ལ་སྐྱར་ཞིབ་དང་། ལག་བསྟར་བྱེད་ཕྱོགས་སྐོར་ལ་བཀའ་བསྡུར་གནང་པ་ཡོད་པ་རེད། དེ་བཞིན་ཁྲོ་ལ་འཚེམ་བཟོ་ཁང་དང་། ཁྲོ་ལ་ཚོང་ཁང་བཅས་ཇི་ལྟར་ཡར་རྒྱས་ཚགས་ཚུད་གནང་ཕྱོགས་སྐོར་ལའང་བཀའ་གྲོས་གནང་ཡོད་པ་རེད། ད་དུང་ན་ནིང་ལོར་རྒྱ་གར་ནས་ཡུ་རོབ་ཏུ་འགྲོ་མཁན་གྱི་སྡེ་དགེའི་བུ་མོ་ཞིག་དང་། ཁོ་མོའི་ལམ་རོགས་བོད་སྟོད་ཕྱོགས་ནས་ཡིན་པའི་བུ་མོ་ཞིག་བཅས་ཁོ་གཉིས་ལམ་ཁྲིད་པའི་མགོ་སྐོར་འོག་ཚུད་དེ་ཨ་ཧྥི་རི་ཀར་ལུས་ནས་ལུས་སྲོག་ལ་ཛ་དྲག་གི་དཀའ་ངལ་འཕྲད་བཞིན་པའི་སྐབས་སྡེ་དགེ་ཚོགས་པས་རོགས་སྐྱོར་བྱེད་བཞིན་པ་སོགས་ཀྱིས་མཚོན་པའི་ཉམ་ཐག་རིགས་ལ་མུ་མཐུད་རོགས་རམ་ཐོན་ཐབས་དང་། ཚོགས་པའི་དམིགས་ཡུལ་ལྟར་སྡེ་དགེའི་ཡུལ་གྱི་རིག་གཞུང་དང་འབྲེལ་བའི་རྩ་ཆེན་དཔེ་དེབ་ཁག་ཅིག་དཔར་སྐྲུན་གནང་ཕྱོགས་ཀྱིས་མཚོན་པའི་གྲོས་ཆོད་ཁག་ ༨ ཙམ་བཞག་ཐུབ་ཡོད་པ་རེད་ཅེས་
སྡེ་དགེ་རྒྱལ་ཡོངས་ལྷན་ཚོགས་དབུས་སྤྱི་ཁྱབ་རྒྱུན་ལས་ཁང་ནས་ ༢༠༡༤་༧་༡༣ ཉིན།
བསམ་ཚུལ་འབྲི།
འབྲེལ་ཡོད་ཀྱི་རྩོམ་གཞན།
- སྡེ་དགེ་རྒྱལ་ཡོངས་ལྷན་ཚོགས་ཀྱི་དབུས་རྒྱུན་སྐབས་ ༣ པའི་ལོ་འཁོར་༣ གྱི་ལས་བསྡོམས་སྙིང་བསྡུས།
- ཨ་ཧྥི་ཏབ་ཀརྨ་སིང་པུ་རེ་ཝལ་ (Aftab Karma Singh Pureval) ལགས་ཨ་རིའི་གྲོང་ཁྱེར་སིན་སི་ན་ཊི་( Cincinnati) ཡི་སྤྱི་ཁྱབ་གྲོང་ཁྱེར་དཔོན་པོའི་གོ་གནས་ཀྱི་རྒྱལ་ཁ་ཐོབ་པ།
- བོད་ཕྲུག་༢༧་ལ་སྲིད་སྐྱོང་གི་སློབ་ཡོན་གཟེངས་རྟགས་ཐོབ་པའི་ནང་རང་རེ་སྡེ་དགེ་བའི་སློབ་མ་གཅིག་ཡོད་པ་རེད།
- དབུས་རྒྱུན་སྐབས་གསུམ་པའི་ཚོགས་ཐེངས་གཉིས་པ་དེ་བསྐོང་ཚོགས་གནང་
- ལོ་གསར་པའི་འཚམ་འདྲི་བཀྲ་ཤིས་བདེ་ལེགས།