འདོན་སྤེལ། 2014/03/22 10:49 AM རྩོམ་པ་པོ།

བོད་དོན་རྒྱབ་སྐྱོར་བ་ཌོག་ཊར་མ་ཧེ་ཤ་ཡ་རྡབ་ཀྱི་གོ་སྒྲིག་འོག རྒྱ་གར་གྱི་རྒྱལ་ས་ལྡི་ལི་རུ་བོད་དོན་ཁྱབ་བསྒྲགས་དང་འབྲེལ་བའི་“རྒྱལ་སྤྱིའི་གཟི་བརྗིད་ཀྱི་མཛེས་མའི་འགྲན་སྡུར་”(Miss Glory of Universe-2014) ཞེས་པ་ཞིག་གོ་སྒྲིག་བྱས་ཡོད་པ་དང་། དེའི་ཁྲོད་མཛེས་མའི་དབུ་རྒྱན་དེ་བོད་ཀྱི་བུད་མེད་མེ་ཏོག་ལྷ་མཛེས་ལ་ཐོབ་ཡོད་པ་རེད།

1977157_1479420985602736_1431702353_n

(Miss Glory of Universe-2014) ཞེས་པའི་མཛེས་མའི་འགྲན་སྡུར་གྱི་དངོས་གཞི་དེ་ཕྱི་ཟླ་༣ ཚེས་༡༡ ནས་ཚེས་༡༤ བར་ལྡི་ལི་རུ་འཚོགས་པ་དང་། དེའི་ནང་མི་རིགས་འདྲ་མིན་གྱི་བུད་མེད་༡༣ འཛུལ་ཞུགས་བྱས་ཡོད་འདུག མང་ཆེ་བ་རྒྱ་གར་གྱི་བུད་མེད་ཡིན་པ་དང་། བོད་ཀྱི་བུད་མེད་མེ་ཏོག་ལྷ་མཛེས་གཅིག་པུ་ཡིན་པ་དང་། འགྲན་སྡུར་སྐབས་གཏམ་བཤད་དང་། དྲི་བ་དྲིས་ལན། གཟུགས་བྱད་ངོམ་པ། གོམ་འགྲོས་འགྲན་སྡུར་སོགས་ཡོད་འདུག མེ་ཏོག་ལྷ་མཛེས་ཀྱིས། “ཌོག་ཊར་མ་ཧེ་ཤ་ཡ་རྡབ་ནི་བོད་དོན་རྒྱབ་སྐྱོར་ཆེན་པོ་ཞིག་རེད་ལ། ཁོང་གིས་བུད་མེད་ཀྱི་འགྲན་སྡུར་ཞིག་གོ་སྒྲིག་བྱས་པ་དེ་བོད་དོན་རྒྱབ་སྐྱོར་དང་འབྲེལ་བའི་ལས་འགུལ་ཞིག་རེད། དེའི་ནང་བོད་པ་ཞིག་སླེབས་ན་བསམ་ནས་འཛུལ་ཞུགས་བྱས་པ་ཡིན། རྒྱལ་སྤྱིའི་ནང་གི་བུད་མེད་ཚོ་མཉམ་པོར་འགྲན་སྡུར་བྱས་ཏེ་རྒྱལ་ཁ་ཐོབ་དུས་ཧ་ཅང་དགའ་པོ་བྱུང་སོང་། མ་འོངས་པར་བོད་དོན་ཆེད་ལས་འགུལ་དེའི་རིགས་གལ་ཆེན་པོ་བརྩི་ཡི་ཡོད་”ཅེས་འགྲེལ་བརྗོད་གནང་སོང་།

རྒྱ་གར་བ་ཌོག་ཊར་མ་ཧེ་ཤ་ཡ་རྡབ་ནི་ལོ་མང་རིང་བོད་དོན་ལས་འགུལ་སྤེལ་མཁན་ཞིག་ཡིན་པ་དང་། དེ་ཡང་ཁོང་གིས་ཟུང་ཁྲག་གིས་བྲིས་པའི་“བོད་རང་བཙན། རྒྱ་གར་གྱི་བདེ་འཇགས་”ཞེས་པ་དང་། རྒྱ་གར་དབུས་གཞུང་གི་དཔོན་རིགས་ཁག་ལ་བོད་དོན་རྒྱབ་སྐྱོར་དགོས་པའི་ཟུང་ཁྲག་གིས་བྲིས་པའི་སྙན་ཞུ་ཕུལ་བ། བོད་དོན་ཆེད་གོམ་བགྲོད་དང་ཟས་བཅད་ངོ་རྒོལ་སོགས་ལས་འགུལ་རིགས་འདྲ་མིན་སྤེལ་གྱི་ཡོད་པ་རེད།

མེ་ཏོག་ལྷ་མཛེས་ཀྱིས་ཁོང་གི་ལོ་རྒྱུས་ངོ་སྤྲོད་གནང་བ་ལྟར། ཁོང་ཁམས་སྡེ་དགེ་འཇོ་མདའ་ནས་ཡིན་པ་དང་། ༡༩༩༩ ལོར་རྒྱ་གར་དུ་སྐྱབས་བཅོལ་ལ་ཡོང་ཏེ། སུ་ཇཱ་བོད་ཁྱིམ་སློབ་གྲྭར་ཞུགས་ཡོད་ནའང་། ཁོང་གི་ཨ་ཕ་ན་ནས་ཕྱིར་བོད་དུ་ལོག་དགོས་བྱུང་། ལོ་ཤས་རིང་ལྷ་སར་སྡོད་སྐབས། རྒྱ་ནག་གཞུང་གིས་མོ་རྒྱ་གར་ནས་ཡོང་བ་ཡིན་པར་བརྟེན། དོགས་གཞི་སྣ་ཚོགས་བྱས་ཏེ་བཀག་ཉར་བྱེད་པ་སོགས་སུན་གཙེར་སྣ་ཚོགས་བཟོས་པར་བརྟེན། རྗེས་སུ་བསྐྱར་དུ་རྒྱ་གར་དུ་སྐྱབས་བཅོལ་ལ་ཡོང་དགོས་བྱུང་ཡོད་པ་རེད།།

བསམ་ཚུལ་འབྲི།

' རྩོམ་འོག་མ།

སྡེ་དགེའི་དབུས་རྒྱུན་སྐབས་དང་པོའི་ཚོགས་འདུ་མཇུག་སྒྲིལ་བ།

མེ་ཏོག་ལྷ་མཛེས་ལགས་ལ་མཛེས་མའི་དབུ་རྒྱུན་ཐོབ་འདུག

བསམ་ཚུལ་འབྲི།

འབྲེལ་ཡོད་ཀྱི་རྩོམ་གཞན།