འདོན་སྤེལ། 2014/03/22 10:38 AM རྩོམ་པ་པོ།

བོད་ཀྱི་བུད་མེད་སློབ་མ་ཞིག་ལ་རྒྱ་གར་གྱི་གཟེངས་རྟགས་ཐོབ་པ།

གློག་འཕྲིན། པར་འདེབས། ཕི་ཌི་ཨེཧཕ།

kelsang-gold-metalist-271×300༢༠༡༣ ལོའི་ཕྱི་ཟླ་༣ པའི་ནང་རྒྱ་གར་བྷེང་ལོར་ཝི་ཇེ་ཝ་ཌ་གཙུག་ལག་སློབ་གྲྭ་ཆེན་མོའི་ (Maris Stella Autonomous College in Vijayawada) ནང་ཚོང་རིགས་ཐོག་ཡིག་རྒྱུགས་གཟེངས་སུ་ཐོན་པའི་བོད་པའི་སློབ་མ་སྐལ་བཟང་ལ་གཙུག་ལག་སློབ་གྲྭའི་ལོ་འཁོར་བསླབ་པ་མཐར་སོན་པའི་མཛད་སྒོའི་ཐོག་གསེར་གྱི་གཟེངས་རྟགས་གསོལ་རས་གནང་ཡོད་འདུག

སློབ་མ་སྐལ་བཟང་གིས་ལོ་གསུམ་རིང་ཁྱོན་བསྡོམས་ཡིག་རྒྱུགས་ཀྱི་བརྒྱ་ཆ་༨༠ ལྷག་བླངས་ཏེ་ཨང་རིམ་དང་པོ་ཆགས་ཡོད་པ་དང་། མོས་“གཟེངས་སུ་ཐོན་པའི་གྲུབ་འབྲས་འདི་ཉིད་༧གོང་ས་མཆོག་དང་། བོད་མིའི་སྒྲིག་འཛུགས་ཀྱི་བཀའ་དྲིན་ལ་རྟེན་ནས་བྱུང་བ་ཞིག་ཡིན་”ཞེས་བརྗོད་འདུག

བོད་མིའི་སྒྲིག་འཛུགས་ཀྱི་དྲ་གནས་ཐོག་“ཁོ་མོའི་གྲུབ་འབྲས་འདི་བརྒྱུད་བོད་མིའི་སྤྱི་ཚོགས་ཁྲོད་ཤེས་ཡོན་གྱི་གནས་ཚད་གོང་སྤེལ་ཡོང་རྒྱུར་སྙིང་སྟོབས་འཕེལ་ཐུབ་པ་བྱུང་བ་མ་ཟད། བོད་པའི་སློབ་ཕྲུག་གཞན་རྣམས་ཀྱིས་མུ་མཐུད་སློབ་གཉེར་ཡག་པོ་བྱ་རྒྱུར་བློ་སྤོབས་ཀྱང་བསྐྲུན་ཡོད་”ཅེས་གནས་ཚུལ་སྤེལ་འདུག

སློབ་མ་སྐལ་བཟང་ནི་བོད་ནང་གི་འབྲོག་པའི་ཁྱིམ་ཚང་དུ་སྐྱེས་པ་དང་། ཕྱི་ལོ་ ༡༩༩༦ ལོར་རྒྱ་གར་ལ་སྐྱབས་བཅོལ་ལ་ཡོང་སྟེ། གྷོ་པལ་པུར་བོད་ཁྱིམ་ནས་གཞི་རིམ་སློབ་སྦྱོང་དང་། དེ་རྗེས་སྦེལ་ཀོབ་བོད་ཁྱིམ་ནང་སློབ་སྦྱོང་གནང་། ད་ཆ་མོན་ཊི་ཀར་མེལ་མཐོ་སློབ་ Mount Carmel College ནང་མུ་མཐུད་ཚོང་རིགས་སློབ་དཔོན་གནས་རིམ་ཐོག་སློབ་སྦྱོང་གནང་བཞིན་ཡོད་པ་རེད།།

བསམ་ཚུལ་འབྲི།

' རྩོམ་འོག་མ།

མེ་ཏོག་ལྷ་མཛེས་ལགས་ལ་མཛེས་མའི་དབུ་རྒྱུན་ཐོབ་འདུག

བོད་ཀྱི་བུད་མེད་སློབ་མ་ཞིག་ལ་རྒྱ་གར་གྱི་གཟེངས་རྟགས་ཐོབ་པ།

བསམ་ཚུལ་འབྲི།

འབྲེལ་ཡོད་ཀྱི་རྩོམ་གཞན།