འདོན་སྤེལ། 2014/08/17 6:53 PM རྩོམ་པ་པོ།

དེ་རིང་རྒྱ་གཞུང་གི་མནར་གཅོད་ལ་ངོ་རྒོལ་ཆེད་བློ་དཔལ་བཟང་གིས་རང་ཤི་བརྒྱབ་འདུག་ལ། སྐྱེས་པ་རང་ལོ་ཉི་རྩ་གཉིས་བྱས་པ་ཞིག་ཀྱང་འདས་གྲོངས་ཕྱིན་པའི་གནས་ཚུལ་ཐོན་འདུག

ཟླ་བ་འདིའི་ཕྱི་ཚེས་ ༡༧ ཉིན་འདི་གར་གནས་ཚུལ་འབྱོར་གསལ་ལྟར་ན། དེ་རིང་ཕྱི་ཚེས་ ༡༧ ཉིན་འདན་མ་རུ་ཉེ་ཆར་དྲག་གནོན་བྱས་པའི་ཁྲོད་རྨས་སྐྱོན་ཐེབས་པ་དང་། དེ་ནས་འཇུ་བཟུང་བྱས་ཏེ་བཀག་བསྐྱིལ་བྱས་ཡོད་པའི་ཤུག་པ་སྡེ་བའི་སྐྱེས་པ་བློ་དཔལ་བཟང་གིས་རྒྱ་གཞུང་གི་གནར་གཅོད་ལ་ངོ་རྒོལ་ཆེད་བཀག་བསྐྱིལ་ཁང་དུ་རང་ཤི་བརྒྱབ་འདུག དེ་བཞིན་ཉིན་འདིར་ཉེ་ཆར་དྲག་གནོད་ཁྲོད་རྨས་མར་གྱུར་པའི་རང་ལོ་ ༢༢ ཅན་གྱི་སྐྱེས་པ་ཞིག་ཀྱང་འདས་གྲོངས་ཕྱིན་འདུག

སྤྱིར་བཏང་ཤུག་པ་སྡེ་པའི་ནང་མི་གྲངས་ ༧༠༠ ཙམ་ཡོད་པ་ལས་སྐྱེས་པ་ལོ་ན་༡༢ ཡན་ཆད་ནས། རྒན་ཁོག་ལོ་རྒན་མན་ཆད་ཆ་ཚང་ཁ་སང་འཇུ་བཟུང་བྱས་ཏེ་ལོ་ཕྱུག་ཏུ་བཀག་བསྐྱིལ་བྱས་ཟིན་འདུག དེའི་ནང་ཤུག་པ་མེ་རུ་དགོན་པའི་སྒྲུབ་དཔོན་ཀརྨ་རིན་ཆེན་སོགས་ཀྱང་བཅུག་ཟིན་ཡོད་པ་རེད། བཀག་བསྐྱིལ་བྱས་པ་རྣམས་དང་པོ་ལོ་ཕྱུག་གི་བཙོན་ཁང་དུ་བཅུག་པ་དང་། དེའི་ནང་མ་ཤོང་པ་རྣམས་སྨན་ཁང་གསར་པའི་ནང་བཀག་ཉར་བྱས་ཡོད་འདུག  ད་ལྟ་ཤུག་པ་གྲོང་སྡེ་རུ་རྒན་རྒོན་འགའ་ཤས་དང་། བྱིས་པ་ཁ་ཤས་ཤིག་ངུ་འབོད་བྱེད་བཞིན་ལྷག་ཡོད་པ་ལས་གྲོང་སྡེ་ཡོངས་སྟོང་སེང་སེང་གྱུར་ཡོད་འདུག

ཁ་སྔོན་ཕྱི་ཚེས་ ༡༢ ནས་འཛིན་བཟུང་བྱས་པའི་བོད་ ༢༥ ཡི་མཚན་ཐོ་འབྱོར་བ། ༡་བློ་དཔལ་བཟང་། ༢་པདྨ་རྒྱལ་ལོ། ༣་ཡོན་ཏན་སྐྱབས། ༤་བཀྲ་དགའ། ༥་ཀུན་དགའ་བསྟན་འཛིན། ༦་ཟླ་བ་བཀྲ་ཤིས། ༧་ཀརྨ་བཀྲ་ཤིས། ༨་བཀྲ་ཤིས་མགོན་པོ། ༩་ཀུན་དགའ་ཤེས་རབ། ༡༠་ཡེ་ཤེས། ༡༡་འཇམ་དབྱངས་བསོད་ནམས། ༡༢་བཀྲ་ཤིས། ༡༣་ཚེ་རིང་། ༡༤་རྒྱ་ལུག ༡༥་ཐུབ་བསྟན་ཆོས་འཕེལ། ༡༦་བླ་སྐྱབས། ༡༧་དབང་ཆེན། ༡༨་བུ་མོ། ༡༩་མཚོ་རྒྱལ། ༢༠་སྦུ་རྒྱལ། ༢༡་དབྱངས་ཅན་ལྷ་མོ། ༢༢་ཚེ་སྐྱབས་དབང་མོ། ༢༣་ཡེ་ཤེས་སྒྲོན་མ། ༢༤་དབྱངས་ཅན་དཔལ་མོ། ༢༥་ཀརྨ་རིན་ཆེན་བཅས་འདི་དག་ཕལ་ཆེ་བ་ཉེ་ཆར་དྲག་གནོད་ཁྲོད་རྨས་སྐྱོན་ཐེབས་པ་རྣམས་ཡིན་པ་དང་། རྨས་མ་རྣམས་དང་པོ་སྐྱེ་དགུ་སོགས་སྨན་ཁང་ནང་ཁྱེར་ནས་སྨན་བཅོས་བྱས་ཡོད་ནའང་། དེ་རྗེས་ཚང་མ་ཕྱིར་འདན་མ་རུ་ཁྲིད་ནས་ད་ལྟ་སྨན་བཅོས་ཀྱི་གོ་སྐབས་འཕྲོགས་ཏེ་བཀག་བསྐྱིལ་བྱས་འདུག

དེ་བཞིན་དཔོན་དབང་དྲག་གི་བུ་ཀུན་དགའ་ཤེས་རབ་སོགས་ཁག་ཅིག་གི་མདེལ་མགོའང་ཕྱིར་བཏོན་རོགས་མ་བྱས་པ་བཞག་འདུག་པས། དཔོན་གྱི་བུ་ད་ལྟ་ཛ་དྲག་གནས་སུ་ལྷུང་ཡོད་པ་རེད། བཀག་ཉར་བྱས་པ་རྣམས་ལ་ཕྱི་ཕྱོགས་ནས་སུས་ཀྱང་འབྲེལ་བཏུག་མི་ཆོག་པ་དང་། རྨས་མ་རྣམས་ལ་ནད་གཡོག་དང་སྨན་བཅོས་ཀྱི་མཐུན་རྐྱེན་མེད་པ་བཀག་བསྐྱིལ་བྱས་ཡོད་པ་རེད་འདུག ཡོང་ཁུངས། སྡེ་དགེ་དྲ་བ། www.dhege.org

2 Responses

1. ཆབ་བསྟན་ཉི་མ། says:

   August 17, 2014 at 8:28 pm

   སྡེ་དགེ་འདན་ཁོག་གི་དཔོན་དབང་གྲགས་གཙོས་པའི་མི་དམངས་ཚང་མར་གདུང་སེམས་མཉམ་སྐྱེད་དང་། འདས་གྲོངས་སུ་ཕྱིན་པའི་ཤུལ་ལུས་ནང་མི་ཡོངས་ལ་འཚམས་འདྲིའི་སེམས་གསོ་ཞུ་རྒྱུ་དང་། རྨས་སྐྱོན་ཕོག་པ་རྣམས་མགྱོགས་ནས་མྱུར་དུ་དྲག་པའི་སྨོན་འདུན་བཅས་ཞུ་ཞུ།

   Reply
2. ཁྲུང་ཁྲུང་དཀར་མོ། says:

   August 19, 2014 at 11:59 pm

   ཁོང་རྣམ་པ་ཚང་མ་ལ་བདུང་སེམས་མཉམ་སྐྱེད་ཡོད།

   Reply

' རྩོམ་འོག་མ། མི་གསུམ་དམར་བསད་དང་སྤྱི་འཐུས་ཀྱི་བསྒྲགས་གཏམ།།

འབྲེལ་ཡོད་ཀྱི་རྩོམ་གཞན།

• སྡེ་དགེ་རྒྱལ་ཡོངས་ལྷན་ཚོགས་ཀྱི་དབུས་རྒྱུན་སྐབས་ ༣ པའི་ལོ་འཁོར་༣ གྱི་ལས་བསྡོམས་སྙིང་བསྡུས།
• ཨ་ཧྥི་ཏབ་ཀརྨ་སིང་པུ་རེ་ཝལ་ (Aftab Karma Singh Pureval) ལགས་ཨ་རིའི་གྲོང་ཁྱེར་སིན་སི་ན་ཊི་( Cincinnati) ཡི་སྤྱི་ཁྱབ་གྲོང་ཁྱེར་དཔོན་པོའི་གོ་གནས་ཀྱི་རྒྱལ་ཁ་ཐོབ་པ།
• བོད་ཕྲུག་༢༧་ལ་སྲིད་སྐྱོང་གི་སློབ་ཡོན་གཟེངས་རྟགས་ཐོབ་པའི་ནང་རང་རེ་སྡེ་དགེ་བའི་སློབ་མ་གཅིག་ཡོད་པ་རེད།
• དབུས་རྒྱུན་སྐབས་གསུམ་པའི་ཚོགས་ཐེངས་གཉིས་པ་དེ་བསྐོང་ཚོགས་གནང་
• ལོ་གསར་པའི་འཚམ་འདྲི་བཀྲ་ཤིས་བདེ་ལེགས།