འདོན་སྤེལ། 2014/06/12 4:43 AM རྩོམ་པ་པོ།

༈ ཁ་སང་སྔ་དྲོ་ཀུན་གཟིགས་ཞྭ་དམར་རིན་པོ་ཆེ་ཇར་མན་རུ་དགོངས་པ་གཞན་དོན་དུ་གཤེགས་པའི་ཡིད་སྐྱོའི་གནས་ཚུལ་ཐོན་འདུག

དེའང་ཁ་སང་ཕྱི་ལོ་ ༢༠༡༤་༦་༡༡ ཉིན་གྱི་ཞོགས་པ་ཆུ་ཚོད་ ༡༡ ཙམ་ན། ཇ་ནི་མི་བྱང་ཆུབ་ལམ་ཆོས་ཚོགས་སུ་ ༸སྐྱབས་རྗེ་༸ཀུན་གཟིགས་ཞྭ་དམར་རིན་པོ་ཆེ་མི་ཕམ་ཆོས་ཀྱི་བློ་གྲོས་མཆོག་དགོངས་པ་གཞན་དོན་དུ་གཤེགས་པའི་ཡིད་སྐྱོའི་གནས་ཚུལ་ཐོན་འདུག་པར་མྱ་ངན་གུས་འདུད་དང་འབྲེལ། མགོན་པོ་གང་གི་རླབས་ཆེན་དགོངས་བཞེད་མཐའ་དག་ཡིད་བཞིན་དུ་འགྲུབ་པའི་གསོལ་འདེབས་སྨོན་ལམ་དང་། ལྟོས་བཅས་འབྲེལ་ཡོད་སློབ་འབངས་ཡོངས་ལ་གདུང་སེམས་མཉམ་བསྐྱེད་ཞུ་ཞུ་ཞུ།

༸ཀུན་གཟིགས་ཞྭ་དམར་རིན་པོ་ཆེ་སྐུ་ཕྲེང་བཅུ་བཞི་པ་མི་ཕམ་ཆོས་ཀྱི་བློ་གྲོས་མཆོག་ནི་ཕྱི་ལོ་ ༡༩༥༢ ལོར་ཁམས་སྡེ་དགེ་ཨ་ཐུབ་ཚང་གི་ཁྱིམ་དུ་སྐུ་འཁྲུངས། བཙན་བྱོལ་དུ་འབྱོར་རྗེས་ ༸དཔལ་རྒྱལ་དབང་ཀརྨ་པ་བཅུ་དྲུག་རིག་པའི་རྡོ་རྗེ་མཆོག་གིས་ཀུན་གཟིགས་ཞྭ་དམར་སྐུ་ཕྲེང་ ༡༤ པའི་ཡང་སྲིད་དུ་ངོས་འཛིན་མཛད། ༸གོང་ས་ ༸སྐྱབས་མགོན་ཆེན་པོ་མཆོག་གིས་ཀྱང་གཞུང་འབྲེལ་ངོས་འཛིན་དང་རབ་བྱུང་བསྒྲུབས་གནང་མཛད། ཕྱི་ལོ་ ༡༩༨༡ ལོར་ ༸ཀརྨ་པ་བཅུ་དྲུག་པ་ཞིང་དུ་མ་གཤེགས་བར་ལྷན་བཞུགས་མཛད་དེ་བཀའ་བརྒྱུད་པའི་ཆོས་བཀའ་ཡོད་དོ་ཅོག་ཞུས་གནང་མཛད། ད་བར་ ༸ཀརྨ་པ་བཅུ་དྲུག་པ་ཆེན་པོའི་རྣམ་ཐར་གྱིས་གཙོས་དབྱིན་བོད་གཉིས་ཐོག་ཕྱག་དེབ་འགའ་བརྩམས་གནང་ཡོད་པ་དང་། དེ་བཞིན་ཀརྨ་བཀའ་བརྒྱུད་ཀྱི་ཆོས་ཚོགས་དགུ་བརྒྱ་ལྷག་གི་ཆོས་ཀྱི་སློབ་དཔོན་མཛད་བཞིན་པ་དང་། ཇར་མན་དུ་རྒྱལ་སྤྱིའི་ནང་པའི་ཆོས་ཚོགས་ཀྱི་དབུ་བླའང་གནང་བཞིན་པ་ཡོད་མུས་ཐོག འདི་ལོ་དགུང་གྲངས་ ༦༢ ཐོག་ཇར་མན་དུ་ཕྱི་རྒྱལ་གྱི་སློབ་ཚོགས་རྣམས་ལ་གསུང་ཆོས་གནང་པའི་སྐབས་གློ་བུར་དུ་བྱང་ཆུབ་ལམ་ཆོས་ཚོགས་སུ་དགོངས་པ་རྫོགས་པ་དང་། ད་ལྟའི་ཆར་ཐུགས་དམ་དུ་བཞུགས་ཡོད་པ་བཅས་ཀྱི་རྣམ་ཐར་སྙིང་བསྡུས་སུ།

སྡེ་དགེ་རྒྱལ་ཡོངས་ལྷན་ཚོགས་དབུས་སྤྱི་ཁྱབ་རྒྱུན་ལས་ཁུངས་ནས་ ༢༠༡༤་༦་༡༢ ཉིན།

One Response

1. སྐལ་བཟང་ says:

   June 13, 2014 at 5:00 pm

   བྱང་ཆུབ་སེམས་དཔའ་རྣམས་ཀྱི་ནི།། འགྲོ་དོན་ཐུགས་ལ་གང་འགྲུབ་ཤོག། མགོན་པོ་ཡིས་ནི་གང་དགོངས་པ།། འགྲོ་བ་རྣམས་ལ་དེ་འབྱོར་ཤོག།

   Reply

' རྩོམ་འོག་མ། ༸གོང་ས་མཆོག་གི་སྐུའི་འཁྲུངས་སྐར་ལ་འཚམས་འདྲི་ཞུ།

འབྲེལ་ཡོད་ཀྱི་རྩོམ་གཞན།

• སྡེ་དགེ་རྒྱལ་ཡོངས་ལྷན་ཚོགས་ཀྱི་དབུས་རྒྱུན་སྐབས་ ༣ པའི་ལོ་འཁོར་༣ གྱི་ལས་བསྡོམས་སྙིང་བསྡུས།
• ཨ་ཧྥི་ཏབ་ཀརྨ་སིང་པུ་རེ་ཝལ་ (Aftab Karma Singh Pureval) ལགས་ཨ་རིའི་གྲོང་ཁྱེར་སིན་སི་ན་ཊི་( Cincinnati) ཡི་སྤྱི་ཁྱབ་གྲོང་ཁྱེར་དཔོན་པོའི་གོ་གནས་ཀྱི་རྒྱལ་ཁ་ཐོབ་པ།
• བོད་ཕྲུག་༢༧་ལ་སྲིད་སྐྱོང་གི་སློབ་ཡོན་གཟེངས་རྟགས་ཐོབ་པའི་ནང་རང་རེ་སྡེ་དགེ་བའི་སློབ་མ་གཅིག་ཡོད་པ་རེད།
• དབུས་རྒྱུན་སྐབས་གསུམ་པའི་ཚོགས་ཐེངས་གཉིས་པ་དེ་བསྐོང་ཚོགས་གནང་
• ལོ་གསར་པའི་འཚམ་འདྲི་བཀྲ་ཤིས་བདེ་ལེགས།