འདོན་སྤེལ། 2014/12/5 8:39 AM རྩོམ་པ་པོ།

10322650_967396349942550_473212324695895955_n ༈ ཉེ་ཆར་སྡེ་དགེའི་བྲོ་ཆེན་དང་མདུན་བྲོ་གཉིས་ཀྱི་བྲོ་ཚིག་རྣམས་ཕྱོགས་བསྒྲིགས་ཞུས་པའི་དཔེ་དེབ་ཁག་གཉིས་སྡེ་དགེ་རྒྱལ་ཡོངས་ལྷན་ཚོགས་དབུས་སྤྱི་ཁྱབ་རྒྱུན་ལས་ཁང་ནས་པར་སྐྲུན་གནང་པ་དང་། འདི་ལོའི་ཕྱི་ཟླ་ ༡༡ ཚེས་ ༨ ཉིན་སྡེ་དགེ་རྒྱལ་ཡོངས་ལྷན་ཚོགས་ཀྱི་འགན་འཛིན་ལྷན་ཚོགས་ཐེངས་དང་པོའི་ཚོགས་ཐོག་ནས་དབུ་འབྱེད་ཞུས་ཤིང་། ས་གནས་སོ་སོར་འགྲེམས་སྤེལ་ཞུས་ཡོད་པ་རེད། དཔེ་དེབ་དེ་དག་གི་ནང་དུ་ཁམས་སྡེ་དགེའི་ཡུལ་ནས་དར་བའི་བྲོ་སྣ་མ་འདྲ་བ་ཉིས་བརྒྱ་ལྷག་གི་བྲོ་ཚིག་བསྡུས་ཡོད་པ་དང་། དེ་མིན་བྲོ་ཆེན་གྱི་ལོ་རྒྱུས། བུ་དང་བུ་མོའི་རྒྱན་ཆས་སྤྲས་སྟངས། བྲོ་ངག་འགུགས་ལུགས་སོགས་བཀོད་པ་རེད་ལ། ད་དུང་སྲོལ་རྒྱུན་གྱི་རྩེད་མོ་ཐེ་གེ་རྩེ་ཚུལ། དར་བཤད། བག་བཤད། གྱང་རྡུང་དུས་ཀྱི་གྱང་གླུ། སོ་ནམ་ལས་ཀའི་བཤད་པ། ཤྭ་བཤད། གཟིངས་བཅའ་ཚུལ་སོགས་འཁོད་ཡོད་པ་རེད། བྲོ་ཚིག་དེ་རྣམས་འཛོམས་བྲོ། བཞུགས་བྲོ། བྲོ་མཆོད། བྲོ་གཞུང་། གྱེས་བྲོ། སྨོན་བྲོ། ཤིས་བྲོ། གླུ་བྲོ། མགུར་བྲོ་བཅས་ཀྱི་ས་བཅད་སོ་སོར་བགོས་ཏེ་བསྒྲིགས་ཡོད་པ་རེད། བྲོ་ཚིག་དེ་དག་བོད་ནང་ཁུལ་ནས་རབ་བརྟན་དགེ་ལེགས་ལགས་སྡེ་དགེ་ལྔ་བརྒྱ་ཞིང་ཁམས་ཀྱི་ས་གནས་སོ་སོར་ཆེད་བསྐྱོད་ཀྱིས་ཕྱོགས་བསྡུས་བྱས་ཏེ་བསྒྲིགས་པ་ཞིག་ཡིན་པ་དང་། ད་བར་སྡེ་དགེའི་བྲོ་ཚིག་ཕྱོགས་བསྡུས་ཀྱི་དཔེ་དེབ་གྲ་རྒྱས་ཤོས་ཤིག་ཏུ་གྱུར་ཡོད་པ་རེད། དཔེ་དེབ་དེ་གཉིས་ཀྱི་པར་སྐྲུན་སྦྱིན་བདག་རི་སྤྲུལ་ཀུན་བཟང་བསྟན་འཛིན་མཆོག་གིས་གནང་ཡོད་པ་བཅས་སོ།།
དཔེ་དེབ་འདི་གཉིས་མངག་ཉོ་དགོས་ཚེ་གཤམ་གསལ་ཁ་བྱང་ཐོག་འབྲེལ་བ་གནང་རོགས།
དེབ་གཉིས་ལ་ཧིན་སྒོར་₹ 300 ཡུ་སྒོར་€ 10 ཨ་སྒོར་$ 15
རྒྱ་གར་གྱི་རྒྱལ་ས་ལྡི་ལི། སྡེ་དགེ་རྒྱལ་ཡོངས་ལྷན་ཚོགས་དབུས་སྤྱི་ཁྱབ་རྒྱུན་ལས་ཁང་།
སྡེ་དགེ་ཁྲོ་ལ་ཚོང་ཁང་།
E-mail; [email protected]
Mb. 9717153449

བསམ་ཚུལ་འབྲི།

' རྩོམ་འོག་མ།

སྡེ་དགེ་ཡུལ་གྱི་སྐྱེས་པ་ཚོའི་ཆས་གོས་སྐོར།

སྡེ་དགེའི་བྲོ་ཆེན་གྱི་བྲོ་ཚིག་དཔེ་དེབ་གསར་ཐོན།

བསམ་ཚུལ་འབྲི།

འབྲེལ་ཡོད་ཀྱི་རྩོམ་གཞན།