འདོན་སྤེལ། 2014/09/7 5:18 AM རྩོམ་པ་པོ།

10660448_573215479450731_596752487_n

སྦེལ་ཇམ་རྒྱལ་ས་བྷུ་རུ་སུ་རུ་ཕྱི་ཟླ་ ༨ པའི་ཚེས་ ༣༠ དང་། ཕྱི་ཟླ་ ༩ ཚེས་ ༦ བཅས་ཉིན་གཉིས་རིང་སྦེལ་ཇམ་ས་གནས་སྡེ་དགེ་དང་གོ་འཇོ་ཚོགས་པ་དང་། བོད་རིགས་ཚོགས་པ་བཅས་ཀྱིས་གོ་སྒྲིག་འོག སྡེ་དགེ་འདན་མའི་ཛ་དྲག་གནས་སྟངས་ལ་གདུང་སེམས་མཉམ་བསྐྱེད་ཆེད་བསྔོ་སྨོན་མཆོད་འབུལ་རྒྱ་ཆེན་ཞིག་གནང་འདུག་ལ། མཆོད་འབུལ་དེར་སྦེལ་ཇམ་དོན་གཅོད་སྐུ་ངོ་མཆོག་དང་དྲུང་ཆེ་རྣམ་གཉིས་ཀྱིས་གཙོས་བོད་རིགས་ཚོགས་པའི་ཚོགས་གཙོ་གཞོན་པ་དང་། ས་གནས་སྡེ་དགེ་ཚོགས་པའི་ཚོགས་གཙོ་བཅས་མཉམ་ཞུགས་ཐོག ཁོང་ཚོས་རྒྱ་ཆེའི་མང་ཚོགས་ལ་སྡེ་དགེ་འདན་མའི་ཛ་དྲག་གནས་ཚུལ་ངོ་སྤྲོད་དང་། བོད་ནང་གི་ད་ལྟའི་གནས་བབ་སོགས་ཀྱི་སྐོར་གསུང་བཤད་གནང་ཡོད་པ་རེད་འདུག

10468361_502153163252134_5832938020181548335_n དེ་བཞིན་ཕྱི་ཟླ་ ༨ ཚེས་ ༣༡ ཉིན་བལ་ཡུལ་ས་གནས་ཆུ་སྒང་གིས་གོ་སྒྲིག་འོག་བལ་ཡུལ་རྒྱལ་སའི་ཉེ་འགྲམ་མཆོད་འཇོར་མི་མང་ཚོགས་ཁང་དུ་འདན་མའི་ཛ་དྲག་གནས་སྟངས་ལ་གདུང་སེམས་མཉམ་བསྐྱེད་ཆེད། མ་ཎི་ས་ཡ་ ༢། མ་ཛྲ་གུ་གུ་འབུམ་ ༣། སྒྲོལ་མ་ཁྲི་ ༢ སོགས་གསོག་སྒྲུབ་གནང་ཡོད་འདུག་ལ། མི་མང་སུམ་བརྒྱ་ཡན་མན་ཞིག་མཉམ་ཞུགས་བྱས་ཡོད་འདུག

བསམ་ཚུལ་འབྲི།

' རྩོམ་འོག་མ།

ཀྲུང་གོའི་ཡུལ་མིའི་ཐོབ་ཐང་ལག་ཁྱེར་སྐོར་གྱི་བཅའ་ཁྲིམས།

སྦེལ་ཇམ་དང་བལ་ཡུལ་ནས་འདན་མར་གདུང་སེམས་མཉམ་བསྐྱེད།

བསམ་ཚུལ་འབྲི།

འབྲེལ་ཡོད་ཀྱི་རྩོམ་གཞན།