འདོན་སྤེལ། 2014/03/26 2:07 PM རྩོམ་པ་པོ།

1601081_819816344700552_1389624422_n ༈ བོད་རྒྱལ་ལོ་༢༡༤༡ རབ་གནས་ཤིང་ཕོ་རྟ་ལོ། སྤྱི་ལོ་ ༢༠༡༤་༣་༢༤ ནས་ ༢༦ བར་ཉིན་གསུམ་རིང་སྡེ་དགེ་རྒྱལ་ཡོངས་ལྷན་ཚོགས་དབུས་སྤྱི་ཁྱབ་རྒྱུན་ལས་སྐབས་དང་པོའི་ཚོགས་འདུ་ཐེངས་དང་པོའི་རྒྱལ་ས་ལྡི་ལི་རུ་བསྐང་འཚོགས་བྱས་པའི་ལས་བསྡོམས་སྙིང་བསྡུས།

བོད་རྒྱལ་ལོ་༢༡༤༡ བོད་ཟླ་དང་པོའི་ཚེས་༢༥ སྤྱི་ལོ་༢༠༡༤ ཟླ་༣ ཚེས་༢༤ནས་༢༦བར་་ལྡི་ལི་དབུས་རྒྱུན་ལས་ཁང་དུ་ཉིན་གསུམ་རིང་ཚོགས་གཙོ་དབུ་བཞུགས་ཐོག་དྲུང་ཆེ་གཉིས་དང་། རྩིས་པ་། དངུལ་གཉེར། དཔལ་འབྱོར་འགན་འཛིན་བཅས་འདུ་འཛོམས་ཀྱིས་ཚོགས་འདུ་འཚོགས།

༡༽ སྡེ་དགེ་རྒྱལ་ཡོངས་ཚོགས་ཆེན་ཐེངས་དང་པོའི་ཚོགས་ཐོག་ནས་བཞག་པའི་གྲོས་ཆོད་དོན་ཚན་ ༧། པ་དང་ ༨། པ། ༡༠། ༡༡། ༡༢། པ་བཅས་ཁག་སོ་སོའི་དགོངས་དོན་བཞིན། དུས་ཐོག་ལས་ཁུངས་གསར་འཛུགས། སྡེ་དགེ་བོད་ཀྱི་ལག་ཤེས་སློབ་གླིང་འོག་ཁྲོ་ལ་མཚེམ་ཁང་གསར་འཛུགས་དང་། ཁྲོ་ལ་ཚོང་ཁང་སྒོ་འབྱེད། ལན་ཡག་མྱུར་སྐྱོབ་ཁང་སྒོ་འབྱེད་ཐོག་ཨ་ཧྥི་རི་ཀར་ལུས་པའི་རང་ཁོངས་ཉམ་ཐག་རོགས་སྐྱོར། གཞིས་བྱེས་མཉམ་འདུས་ཅན་གྱི་དྲྭ་ཐོག་སྡེ་ཚན་ཟུར་འཛུགས་ཐོག་རྩོམ་ཡིག་འབྲི་སྤེལ་དང་འགྲན་བསྡུར། དེ་བཞིན་སྡེ་དགེ་དྲ་བའི་ཐོག་རང་ཁོངས་རྩོམ་ཡིག་སྤེལ་ཐབས་བྱ་རྒྱུ་བཅས་ཀྱི་ཐོག་ཅ་དངོས་རྩིས་ལེན་དང་། བྱུང་སོང་ལྷག་གསུམ་གྱི་རྩིས་ཕྲ་ཁམས་གཙང་ལེགས་གྲུབ་བྱུང་།

༢༽ ཡན་ལག་མྱུར་སྐྱོབ་ཁང་དང་། ཤེས་ཡོན་རོགས་སྐྱོར་ཞུ་ཐབས། ཉམ་ཐག་སྐྱོབ་གསོ་འབུལ་སྟངས། རྒྱུགས་འབྲས་རྩེར་སོན་ཁག་ལ་གཟེངས་བསྟོད་བྱ་དགའ་འབུལ་ཕྱོགས་བཅས་ཁག་སོ་སོའི་སྒྲིག་གཞི་གསར་བཟོ་བྱས།

༣༽ རྒྱུན་ལས་ལས་ཁུངས་དོ་དམ་དང་རྒྱུན་བཞུགས་རྒྱུན་ལས་ཀྱི་ལས་དོན་སྒྲུབ་ཕྱོགས། རྒྱུན་ལས་རྣམ་པའི་ལམ་གྲོན་དང་བཞུགས་ཤག་སྐོར། ཁྲོ་ལ་འཚེམ་ཁང་དང་ཚོང་ཁང་རྒྱུན་སྐྱོང་བྱ་ཕྱོགས། ཤེས་ཡོན་གོང་འཐོར་གཏོང་ཐབས་སྐོར་བཅས་ཁག་སོ་སོའི་ལས་དོན་བྱེད་ཕྱོགས་སོགས་ཀྱི་ཐོག་བཀའ་བསྡུར་ཞིབ་ཚགས་ཀྱིས་ལས་དོན་སྒྲུབ་ཕྱོགས་ཐད་གཏན་ཁེལ་ཐག་ཆོད་བྱུང་།

༢༠༡༤་༣་༢༦ ཉིན་སྡེ་དགེ་རྒྱལ་ཡོངས་ལྷན་ཚོགས་དབུས་སྤྱི་ཁྱབ་རྒྱུན་ལས་ཁང་ནས།

བསམ་ཚུལ་འབྲི།

' རྩོམ་འོག་མ།

བོད་མིས་རྒྱ་གར་གྱི་འོས་བསྡུའི་ཆ་ཤས་ལེན་ཕྱོགས་སྐོར།

སྡེ་དགེའི་དབུས་རྒྱུན་སྐབས་དང་པོའི་ཚོགས་འདུ་མཇུག་སྒྲིལ་བ།

བསམ་ཚུལ་འབྲི།

འབྲེལ་ཡོད་ཀྱི་རྩོམ་གཞན།