འདོན་སྤེལ། 2013/08/16 7:48 AM རྩོམ་པ་པོ།

སྐབས་ཆེ་དགོན་གྱིས་བོད་མི་ནང་ཁུལ་གྱི་རྩོད་རྙོག་འདུམ་སྒྲིག་གནང་པ།

བསྡུ་སྒྲིག་པ་མི་གསོན་པོ།

སྐྱབས་ཆེ་དགོན་པ་ནི་ཕྱིའི་ཆ་རྐྱེན་རྟེན་གསུམ་གཙུག་ལག་དང་། ནང་གི་ཉམས་བཞེས་བཤད་སྒྲུབ་སོགས་གང་གིས་ཆ་ནས་སྡེ་དགེ་ཕྱི་འབྲོག་ཁུལ་གྱི་དགོན་པ་ཡོངས་ནས་ཨང་དང་པོའི་གྲས་སུ་བརྩི་ཆོག ལོ་ཤས་གོང་དུ་བོད་ཀྱི་དུས་བབ་ལས་གནས་ཚུལ་ཐོན་པ་ལྟར་དགོན་པ་འདིས་རྒྱལ་གཅེས་ཆོས་ཟེར་བའི་ལས་འགུལ་ལ་ཁས་ལེན་མ་བྱས་པས་དུས་ཡུན་རིང་པོ་དགོན་པ་སྟོང་པ་ཆགས་ནས་བླ་སྤྲུལ་རྣམས་

རི་བྱོལ་དུ་འགྲོ་དགོས་པའང་བྱུང་ཡོད། དགོན་པ་འདིའི་ད་ཡོད་ཀྱི་མཆོག་སྤྲུལ་རྣམ་པ་གསུམ་ནི་སྤྱི་ཚོགས་ཀྱི་གནས་བབ་དང་། མང་ཚོགས་ཀྱི་བདེ་སྡུག་ལ་འགན་ཁུར་ཆེན་པོས་ཞབས་ཞུ་བྱེད་མཁན་ཤ་སྟག་ཡིན་པ་དང་། ཁྱད་པར་གྲུབ་ཆེན་བཀྲ་ཤིས་ནོར་བུ་ནི་མི་ཚེ་སྒྲུབ་ལ་བརྩོན་ཞིང་བློ་རྩེ་ཆོས་ལ་གཏད་མཁན་གྱི་བཀའ་བརྒྱུད་གོང་མའི་རྗེས་འཇུག་ངོ་མ་ཞིག་ཡིན་སྟབས་མང་ཚོགས་ངོས་ནས་ཀྱང་དད་འདུན་ཧ་ཅང་ཆེ།

ད་ལན་མཆོག་སྤྲུལ་རྣམ་པ་གསུམ་གྱིས་འབད་བརྩོན་དང་འགན་ཁུར་ཆེན་པོས་བཀའ་སློབ་ལམ་སྟོན་དང་འབྲེལ་ཕྱོགས་ལྷུང་མེད་པའི་ཐག་གཅོད་ཀྱིས་ལོ་མང་རིང་དུ་རྩོད་རྙོག་རྒྱ་ཆེ་ལ་རྒྱུན་རིང་བའི་པདྨ་སྡེ་བ་དང་། སྐྱབས་ཆེ་རུ་བ་གཉིས་ཀྱི་ས་གྱོད་ཀྱི་རྩོད་གླེང་དེ་འཇུག་ཡོངས་སུ་གྲིལ་ནས་ཞི་བདེ་དང་ཞི་མཐུན་ལམ་དུ་ཞུགས་ཐུབ་པ་གྱུར། སྡེ་བ་གཉིས་ནས་ཀྱང་དད་པ་དང་དམ་ཚིག་གལ་ཆེན་དུ་བརྩིས་ནས་ཕྱིས་སུ་ས་གྱོད་འདིའི་ཐད་དུ་རྙོག་གླེང་མི་ཡོང་བའི་འགན་ལེན་དང་དམ་བཅའ་ཡང་གནང་འདུག འདི་ནི་བསྟན་འགྲོ་དོན་དུ་བྱོན་པའི་སྐྱབས་དགོན་མཆོག་སྤྲུལ་གསུམ་གྱི་ཕྱག་རྗེས་ཡིན་ལ་དོན་དམ་པའི་སྤྲུལ་སྐུ་ནི་མི་རིགས་ཀྱི་མགོན་སྐྱོབ་ཡིན་པའི་དཔང་རྟགས་ཞིག་ཀྱང་ཡིན།

ད་དུང་རང་མི་རིགས་ཀྱི་གནས་སྟངས་ཛ་དྲག་དང་གཉན་འཕྲང་ཅན་གྱི་སྐབས་འདིར་ཕན་ཚུན་མཐུན་འབྲེལ་དགོས་པའི་གཞི་རྩའི་གནས་བབ་ཐད་དེ་རིང་གི་བྱུང་བ་འདི་ནི་ང་ཚོ་བོད་པ་ཚང་གི་བླ་ན་མེད་པའི་རྒྱལ་ཁ་གསར་པ་ཞིག་ཀྱང་ལོས་ཡིན། སྤྱིར་འགྲོ་བ་མི་ནི་ཆགས་སྡང་དང་འགྲོགས་ཤིང་ཐོབ་ཤོར་གྱི་ངང་ནས་འཚར་ལོངས་འབྱུང་བཞིན་ཡོད་སྟབས་རྙོག་གྲ་དང་རྩོད་གླེང་ནི་རྟག་ཏུ་འབྱུང་སྲིད་པ་ཞིག་ཡིན་མོད། འོན་ཏེ་ཁ་ཡི་རྨ་ཁ་ནང་དུ་གསོ་བའི་གནས་ལུགས་ཀྱིས་ཕན་ཚུན་མི་མཐུན་པའི་ཆ་རྣམས་མཐུན་ཕྱོགས་སུ་བསྒྲུབ་ནས་ལག་གདང་གཅིག་ཏུ་སྦྲེལ་ཏེ་གོམ་སྟབས་མཉམ་དུ་སྤོ་རྒྱུ་ནི་ད་ལྟའི་དུས་སུ་ང་ཚོའི་དགོས་མཁོ་ཆེ་ཤོས་དེ་རེད། དེས་ན་བོད་ཕྱི་ནང་དུ་ཡོད་པའི་བླ་སྤྲུལ་ཆེ་ཁག་རྣམས་ཀྱིས་ཀྱང་ཁོང་རྣམ་པ་གསུམ་པོ་མིག་དཔེར་བྱས་ནས་བོད་མི་རིགས་འདི་ལ་ཕན་པའི་བྱ་གཞག་མཐུན་འབྲེལ་གོང་བུ་གཅིག་གྱུར་ཐོག་ལ་ཤུགས་སྣོན་བྱེད་རྒྱུ་ནི་ལུགས་གཉིས་གང་གི་ཆ་ནས་འོས་ཤིང་འཚམ་པ་ཞིག་ཡིན།
འདི་ནི། སྟོན་པའི་གསུང་ལ་གཅེས་སྤྲས་བྱེད་པ་ཡིན།
འདི་ནི། རྒྱལ་བའི་བཀའ་ལ་བརྩི་སྲུང་ཞུ་བ་ཡིན།
འདི་ནི། མི་རིགས་འདི་ལ་འགན་ཁུར་བྱེད་པ་ཡིན།
འདི་ནི། འགྲོ་བ་མི་ཡི་ཕན་བདེ་བསྒྲུབ་པ་ཡིན།
སྐྱབས་ཆེ་དགོན་གྱི་མཆོག་སྤྲུལ་རྣམ་པ་གསུམ་ཞབས་པད་བརྟན་ཅིན་མཛད་འཕྲིན་རྒྱས་པའི་སྨོན་འདུན་བཅས། བོད་རྒྱལ་ལོ།།

ཨ་རིའི་རླུང་འཕྲིན་ཁང་ནས་གནད་དོན་འདིའི་སྐོར་བཅར་འདྲི་བྱས་པ་ཞིག་དྲ་ཐག་འདིའི་སྟེང་ནས་གསན་རོགས།

2 Responses

1. Drimey Gyaltsen says:

   August 17, 2013 at 11:37 am

   ཨ་རིའི་རླུང་འཕྲིན་ཁང་ནས་གནད་དོན་འདིའི་སྐོར་གྱི་བཅར་འདྲི་བྱས་པ་ཞིག་གསན་རོགས།
   http://www.voatibetan.com/content/kyabchey-monsatery-settle-land-dispute-in-dhage-/1731458.html

   Reply
2. Drimey Gyaltsen says:

   August 17, 2013 at 11:49 am

   འདི་དང་འབྲེལ་བའི་གནས་ཚུལ་རྙིང་པ་འགའ་དྲ་ཐག་འདིའི་སྟེང་ནས་གཟིགས།
   http://dhege.org/%E0%BD%A6%E0%BE%A1%E0%BD%BA%E0%BC%8B%E0%BD%91%E0%BD%82%E0%BD%BA%E0%BD%A0%E0%BD%B2%E0%BC%8B%E0%BD%A6%E0%BC%8B%E0%BD%81%E0%BD%B4%E0%BD%A3%E0%BC%8B%E0%BD%A0%E0%BD%82%E0%BD%A0%E0%BC%8B%E0%BD%A3%E0%BC%8B/

   Reply

' རྩོམ་འོག་མ། འཕྲིན་ཕྲན་(wechat)མཚམས་ཞོག kakohཁ་ཁོ་འགོ་ཚུགས།

འབྲེལ་ཡོད་ཀྱི་རྩོམ་གཞན།

• སྡེ་དགེ་རྒྱལ་ཡོངས་ལྷན་ཚོགས་ཀྱི་དབུས་རྒྱུན་སྐབས་ ༣ པའི་ལོ་འཁོར་༣ གྱི་ལས་བསྡོམས་སྙིང་བསྡུས།
• ཨ་ཧྥི་ཏབ་ཀརྨ་སིང་པུ་རེ་ཝལ་ (Aftab Karma Singh Pureval) ལགས་ཨ་རིའི་གྲོང་ཁྱེར་སིན་སི་ན་ཊི་( Cincinnati) ཡི་སྤྱི་ཁྱབ་གྲོང་ཁྱེར་དཔོན་པོའི་གོ་གནས་ཀྱི་རྒྱལ་ཁ་ཐོབ་པ།
• བོད་ཕྲུག་༢༧་ལ་སྲིད་སྐྱོང་གི་སློབ་ཡོན་གཟེངས་རྟགས་ཐོབ་པའི་ནང་རང་རེ་སྡེ་དགེ་བའི་སློབ་མ་གཅིག་ཡོད་པ་རེད།
• དབུས་རྒྱུན་སྐབས་གསུམ་པའི་ཚོགས་ཐེངས་གཉིས་པ་དེ་བསྐོང་ཚོགས་གནང་
• ལོ་གསར་པའི་འཚམ་འདྲི་བཀྲ་ཤིས་བདེ་ལེགས།