འདོན་སྤེལ། 2013/04/22 3:05 PM རྩོམ་པ་པོ།

2013_4_20_1 དེ་རིང་ཞོགས་པ་རྒྱ་ནག་གི་ཆུ་ཚོད་༨ དང་སྐར་མ་༢ ཐོག་རྒྱ་ནག་གི་སི་ཁྲོན་གཡག་རྔ་རུ་རིམ་པ་༧ ཅན་གྱི་ས་ཡོམ་ཞིག་བརྒྱབས་ཏེ། མི་གྲངས་༡༢༤ ལྷག་འདས་གྲོངས་དང་མི་༣༠༠༠ ཙམ་ལ་རྨས་སྐྱོན་ཕོག་ཡོད་པ་རེད།

དེ་ཡང་རྒྱ་ནག་གི་ཞྭིན་ཧ་དྲ་ཐོག་ཏུ་གནས་ཚུལ་སྤེལ་བ་ལྟར་ན། ཟླ་འདིའི་ཕྱི་ཚེས་༢༠ ཉིན་གྱི་ཞོགས་པ་རྒྱ་ནག་གི་ཆུ་ཚོད་༨ དང་སྐར་མ་༢ ཐོག་རྒྱ་ནག་གི་སི་ཁྲོན་ཞིང་ཆེན་གཡག་རྔ་གྲོང་ཁྱེར་ལུ་ཧྲེ་རྫོང་དུ་རིམ་པ་༧ ཅན་གྱི་ས་ཡོམ་ཞིག་བརྒྱབ་ཡོད་པ་དང་། ས་ཡོམ་ཐོག་མར་བརྒྱབ་པ་ནས་ཆུ་ཚོད་ཕྱེད་ཀའི་ནང་མུ་མཐུད་དུ་ས་ཡོམ་རིམ་པ་འདྲ་མིན་ཐེངས་མང་པོ་ཞིག་སླེབས་ཡོད་པ་རེད།

གཡག་རྔ་ཛ་དྲག་མྱུར་སྐྱོབ་ལས་དོན་ཚོགས་ཆུང་གིས་བཤད་པ་ལྟར་ན། ད་ལྟའི་ཆར་མི་གྲངས་༡༢༤ ལྷག་ས་ཡོམ་གྱི་གོད་ཆག་དེའི་ཁྲོད་རྐྱེན་འདས་སུ་སོང་ཡོད་པ་ཁ་གསལ་ངོས་འཛིན་བྱུང་འདུག ཡིན་ནའང་དེ་ལས་མང་བའི་ཤི་རྨས་ཅི་ཙམ་བྱུང་ཡོད་མིན་གྱི་གནས་ཚུལ་གསལ་པོ་ད་དུང་ཤེས་རྟོགས་ཐུབ་མེད་པ་དང་། ཤི་རྨས་ཀྱི་གྲངས་ཀ་མུ་མཐུད་འཕར་བཞིན་ཡོད་པ་རེད་འདུག དེ་བཞིན་ས་ཡོམ་དེས་རྐྱེན་པས་གཡག་རྔ་དང་ཁྱིམ་མཚེས་ཀྱི་ཁྲིན་ཏུའུ་དང་ཁྲུང་ཆིན་སོགས་སུའང་མངོན་གསལ་དོད་པོས་ས་ཡོམ་གྱི་ཚོར་ཤུགས་བྱུང་ཡོད་འདུག གཡག་རྔ་ནི་བོད་རྒྱའི་ས་མཚམས་སུ་ཆགས་པའི་ས་ཁུལ་ཞིག་ཡིན་ཞིང་། ད་ལྟའི་ཆར་རྒྱ་རིགས་གཙོས་པའི་མི་གྲངས་ཁྲི་བརྒྱ་ལྷག་ཙམ་འདུས་སྡོད་བྱེད་སའི་ས་ཆ་ཞིག་ཡིན་པ་རེད།
ཡོང་ཁུངས། བོད་ཀྱི་བང་ཆེན་དྲ་བ།

བསམ་ཚུལ་འབྲི།

' རྩོམ་འོག་མ།

གནའ་བོའི་བོད་ཀྱི་ཐམ་ཀ

རྒྱ་ནག་ཏུ་ས་ཡོམ་གྱིས་མི་གྲངས་༡༢༤ ལྷག་འདས་གྲོངས།

བསམ་ཚུལ་འབྲི།

འབྲེལ་ཡོད་ཀྱི་རྩོམ་གཞན།