འདོན་སྤེལ། 2018/11/22 4:38 PM རྩོམ་པ་པོ།

མྱ་ངན་དང་གདུང་སེམས་མཉམ་བསྐྱེད་ཞུ།
46633711_1418322494968525_3113857719166042112_n ༄༅།། ཁྱད་ཆོས་ཆེ་བ་དྲུག་གིས་མངོན་པར་མཐོ་བའི་དཔལ་གསང་ཆེན་སྔ་འགྱུར་རྙིང་མ་པའི་དབུ་འཛིན་ཁྲི་རབས་ ༧ པ་ ༸སྐྱབས་རྗེ་ ༸ཀཿཐོག་དགེ་རྩེ་རིན་པོ་ཆེ་མཆོག་འདི་ཟླའི་ཕྱི་ཚེས་ ༡༩ ཉིན་གློ་བུར་དུ་སྐུ་གཤེགས་པའི་ཡིད་སྐྱོའི་གནས་ཚུལ་ཐོན་པ་ནི་རྒྱལ་བསྟན་སྤྱི་དང་ཡང་སྒོས་སྔ་འགྱུར་བར་གྱོང་གོད་ཚད་མེད་ཅིག་བྱུང་ཡོད་སྟབས་སྡེ་དགེ་ཆོས་རྒྱལ་ཆེན་པོའི་ཆབ་འབངས་སུ་གཏོགས་པ་ཡོངས་ལའང་ཧ་ཅང་བློ་ཕམ་བྱུང་། འདི་ནས་ཞི་བར་གཤེགས་པ་གང་ལ་མྱ་ངན་གུས་འདུད་དང་བཅས་མགོན་པོ་གང་གི་ས་ལམ་གྱི་མངོན་རྟོགས་ལ་བར་ཆད་མི་འབྱུང་བའི་གསོལ་འདེབས་ཞུ་བ་དང་། སྔ་འགྱུར་བའི་དད་འབངས་ཡོངས་ལ་གདུང་སེམས་མཉམ་བསྐྱེད་ཞུ་བཞིན་ཡོད།

46495884_1418322484968526_3271306517248212992_n དེའང་ཤར་རྒྱལ་བ་ཀཿཐོག་པ་ནི་ས་སྐྱོང་སྡེ་དགེ་ཆོས་རྒྱལ་ཆེན་པོའི་དབུ་བླ་ཁག་ལྔའི་ཡ་གྱལ་ཞིག་ཡིན་ལ། ༸སྐྱབས་རྗེ་དགེ་རྩེ་རིན་པོ་ཆེའི་སྐུ་ཕྲེང་ན་རིམ་ནི་རྒྱལ་བ་ཀཿཐོག་པའི་གསེར་ཁྲི་ལྔ་བདག་གི་ཡ་གྱལ་ཞིག་ཡིན་པས་མ་ཚད། སྐུ་ཕྲེང་ ༤ པ་དགེ་རྩེ་འགྱུར་མེད་བསྟན་པའི་རྒྱལ་མཚན་མཆོག་ནི་ ༡༩༥༤ འཁྲུངས་ཤིང་། ཨ་འཛོམས་འབྲུག་ཆེན་སོགས་ཀྱིས་གོང་མིའི་ཡང་སྲིད་དུ་ངོས་འཛིན་མཛད། ༡༩༨༠ ལོར་གོང་མའི་གདན་སར་ཁྲི་འདོན་ཞུས། ད་བར་དམ་པའི་སྐྱེས་ཆེན་མང་པོར་བསྟེན་ཏེ་དབང་ལུང་མན་ངག་གིས་ཕྱུག་པར་མཛད། རྒྱུན་དུ་ངེས་མེད་དབེན་གནས་རྣམས་སུ་ཉམས་ལེན་གྱིས་སྒྲུབ་པའི་རྒྱལ་མཚན་བཙུགས་ནས་སྤྲོས་མེད་ཀྱི་མཛད་པ་བསྐྱངས། ༢༠༡༨ ལོར་སྔ་འགྱུར་རྙིང་མའི་དབུ་འཛིན་ཁྲི་རབས་ ༧ པར་མངའ་གསོལ་ཁྲི་འདོན་ཞུས་པ་བཅས་ཀྱི་རྣམ་ཐར་དག་རྗེས་སུ་དྲན་ནས་
གུས་སྐྱབས་འོག་པ་སྡེ་དགེ་རྒྱལ་ཡོངས་ལྷན་ཚོགས་དབུས་སྤྱི་ཁྱབ་རྒྱུན་ལས་ཁང་ནས་ཕྱི་ལོ་ ༢༠༡༨་༡༡་༢༡ ཉིན།

བསམ་ཚུལ་འབྲི།

' རྩོམ་འོག་མ།

ཚུལ་ཁྲིམས་བློ་གྲོས་ནི་ཅི་ཞིག་རེད། སྡེ་དགེ་ཟླ་ཡག

སྔ་འགྱུར་རྙིང་མའི་དབུ་འཛིན་ ༧ པ་ཞི་བར་གཤེགས་པར་མྱ་ངན་ཞུ།

བསམ་ཚུལ་འབྲི།

འབྲེལ་ཡོད་ཀྱི་རྩོམ་གཞན།