གོང་ས་མཆོག་གིས་རྒྱ་བོད་ཚོགས་ཆེན་དབུ་འབྱེད་ལ་བཀའ་སློབ།
༼ཡོང་ཁུངས་།བོད་གཞུང་དྲ་གནས་།༽
ཕྱི་ལོ་༢༠༠༩ཟླ་༨ཚེས་༦ཉིན་ྋགོང་ས་མཆོག་ནས་རྒྱལ་སྤྱིའི་འགྲིག་ཆགས་མཐུན་ཚོགས་དང་སུད་བོད་མཛའ་འབྲེལ་ཚོགས་པ་གཉིས་ནས་གོ་སྒྲིག་གནང་བའི་རྒྱ་བོད་ཚོགས་ཆེན་ཐུན་མོང་གི་གཞི་རྟེན་འཚོལ་བ་ཞེས་པའི་ཚོགས་འདུ་དབུ་འབྱེད་བསྐྱངས་པ་མ་ཟད་བཀའ་སློབ་ཕེབས་དོན།
“བོད་ཀྱི་གནད་དོན་འདི་སེལ་དགོས་ཀྱི་ཡོད་པ་རེད།དེ་གང་འདྲ་བྱས་ནས་སེལ་དགོས་པའི་ཐབས་ལམ་དེ་ནི་དེ་རིང་ང་ཚོས་གྲོས་བསྡུར་བྱེད་དགོས་ཀྱི་ཡོད།ད་རེས་ངོས་ནས་རྒྱ་རིགས་སྤུན་ཟླ་ཚོས་དབུ་མའི་ལམ་གཞི་ལ་བཞག་ནས་བོད་ཀྱི་གནད་དོན་འདི་སེལ་ཐབས་ལ་བསམ་བློ་གསར་པ་དང༌།བསམ་ཚུལ་གསར་པ་གང་ཡོད་པ་ཤེས་འདོད་འདུགཅེས་དང་ཡང་ྋགོང་ས་མཆོག་ནས་བཀའ་ཕེབས་དོན།”ཚོགས་འདུ་འདིའི་ཚོགས་དགོས་དོན་གཙོ་བོ་ནི།བོད་ཀྱི་ས་ཁུལ་མང་པོའི་ནང་དུ་ཞི་རྒོལ་བྱེད་ཀྱི་ཡོད་པ་དང༌།དེ་བཞིན་རྒྱ་ནག་གཞུང་ཕྱོགས་ནས་དེ་དག་ལ་དམ་བསྒྲགས་ཤུགས་ཆེ་བྱེད་བཞིན་ཡོད།ཞི་རྒོལ་བྱེད་དགོས་དོན་ནི་མི་རབས་མང་པོ་ཞིག་ནས་དཀའ་ངལ་མྱངས་ཡོད་རྐྱེན་དེ་དག་མ་བཟོད་པར་བྱུང་བ་ཞིག་རེད།དེ་ལྟར་ཞི་རྒོལ་ནང་མཉམ་ཞུགས་བྱེད་མཁན་མང་ཆེ་བ་ནི་གཞོན་སྐྱེས་ཡིན་པ་རེད།གང་ལྟར་དངོས་ཡོད་ཀྱི་ལམ་ནས་ཐབས་ལམ་ཞིག་འཚོལ་དགོས་ཀྱི་ཡོད།”
ཕྱོགས་གཞན་ཞིག་ནས་ང་ཚོས་རྒྱ་ནག་གཞུང་དང་འབྲེལ་བ་བྱེད་རྒྱུ་དེ་ཁག་པོ་ཆགས་ཀྱི་འདུགདེ་འདྲ་སོང་ཙང་ང་ཚོས་རྒྱ་རིགས་སྤུན་ཟླ་ཕོ་མོ་ཚོ་དང་འབྲེལ་བ་བྱེད་ཀྱི་ཡོད།རྒྱ་རིགས་ཕོ་མོ་ཚོའི་ངོས་ནས་བོད་དོན་ལ་རྒྱབ་སྐྱོར་གནང་མཁན་ཇེ་མང་དུ་འགྲོ་བཞིན་ཡོད།ད་ལྟ་བར་ང་ཚོས་ཤེས་ཚོད་ལྟར་ན་བོད་དོན་རྒྱབ་སྐྱོར་གྱི་རྒྱ་ཡིག་ཐོག་ནས་རྩོམ་ཡིག་དྲུག་བརྒྱ་ལྷག་ཙམ་སྤེལ་འདུགདེ་དག་ཚང་མ་བོད་པ་ལ་ཤ་ཚ་དང་རྒྱབ་སྐྱོར་གྱི་ཐོག་ནས་བྲིས་པ་ཤ་སྟག་རེད་འདུགདེར་བརྟེན་ང་ཚོ་ཁ་བྲལ་དུ་མི་འགྲོ་བའི་ཐོག་ནས་གཉིས་མོལ་གྱིས་དཀའ་ངལ་སེལ་རྒྱུ་དེ་ནི་ཕྱོགས་གཉིས་ཀར་འགན་ཡོད་པ་ཞིག་རེད།ཅེས་བཀའ་སྩལ།
ཡང་ྋགོང་ས་མཆོག་ནས་བཀའ་ཕེབས་དོན།རྒྱ་རིགས་ཀྱི་མཁས་དབང་བོད་པའི་གནད་དོན་ཤེས་མཁན་དེ་དག་གིས་བོད་པའི་དངོས་ཡོད་ཀྱི་གནས་ཚུལ་རྣམས་ཡིག་ཐོག་ལ་བྲིས་པ་དང་ཆབས་ཅིག་མི་གཞན་ལ་གསལ་པོ་བཟོ་རྒྱུ་དེ་གལ་ཆེན་པོ་ཆགས་ཀྱི་འདུགངོས་ནས་ཀྱང་རྒྱ་རིགས་མཁས་དབང་དེ་དག་ལ་བོད་ཀྱི་གནད་དོན་ཡག་པོ་ཤེས་རྟོགས་ཡོང་ཆེད་ཡང་ནས་ཡང་དུ་ཐུག་འཕྲད་ཆེད་འབད་བརྩོན་བྱེད་ཀྱི་ཡོད།ད་རེས་ཀྱི་ཚོགས་འདུ་འདི་ཡང་གཞི་རྒྱ་ཆེ་བ་ཞིག་རེད།དེར་ངོས་ནས་ཡོང་མི་སྲིད་པ་དེ་འདྲ་རེ་བ་གང་ཡང་བྱེད་ཀྱི་མེད།ཡིན་ནའང་ད་རེས་ཀྱི་ཚོགས་འདུ་འདི་རྒྱ་བོད་གཉིས་ཀྱི་མཛའ་མཐུན་གྱི་འབྲེལ་ལམ་དེ་ཡག་ཏུ་གཏོང་རྒྱུའི་སྡིངས་ཆ་ལྟ་བུ་ཞིག་ཆགས་ཡོད་ཅེས་བཀའ་ཕེབས་ཡོད།
དེ་ཉིན་སྔ་དྲོ་ྋགོང་ས་མཆོག་ནས་རྒྱ་མི་རིགས་དང༌།རྒྱལ་སྤྱིའི་གསར་འགོད་པ་ལྷན་ཚོགས་བཅས་ཀྱི་ཚོགས་འདུ་ཁག་གཉིས་ལ་ཆིབས་སྒྱུར་བསྐྱངས་ཡོད།ྋགོང་ས་མཆོག་ནས་ཚོགས་འདུ་དབུ་འབྱེད་ཀྱི་བཀའ་སློབ་གྲུབ་མཚམས་རྒྱ་རིགས་མཁས་དབང་ཡཱན་ཇཱའི་ཆི་ནས་གསུང་བཤད་གནང་ཡོད།ཁོང་ནི་སྤྱི་ཚོགས་ཚན་རིག་ཐོག་ལ་མཁས་དབང་ཞིག་ཡིན་པ་དང༌།ཕྱི་ལོ་༢༠༠༥ལོར་འདས་གྲོངས་སོང་བའི་རྒྱ་ནག་གི་སྲིད་བློན་ཟུར་པ་ཀྲའོ་ཙེ་དབྱང་གི་སློབ་སྟོན་པ་རྒན་གྲས་ཤིག་ཀྱང་ཡིན་འདུགཁོང་ནས་གསུང་དོན།ྋགོང་ས་མཆོག་ནི་བཙན་བྱོལ་དུ་ཡོད་པའི་བོད་པ་གཅིག་པུའི་སྐུ་ཚབ་ཙམ་མིན་པར་མགོན་པོ་གང་ཉིད་ནི་གཞིས་བྱེས་བོད་མི་ཡོངས་ཀྱི་སྐུ་ཚབ་མཚོན་གྱི་ཡོད་ཅེས་དང༌།ཡང་ཁོང་ནས་གསུང་དོན།ྋགོང་ས་མཆོག་གི་རང་ལས་གཞན་གཅེས་པའི་ཐུགས་བཞེད་དང་དེ་བཞིན་བྱམས་བརྩེ་དང་འཚེ་མེད་ཞི་བའི་ཐབས་ལམ་གོང་འཕེལ་གཏོང་རྒྱུའི་ནུས་སྟོབས་སོགས་ཀྱི་མཛད་འཕྲིན་ཁག་གསུངས་ཡོད།
དེ་དག་ཚང་མ་བོད་ཀྱི་འཐབ་རྩོད་ཀྱི་ལས་འགུལ་ཐོག་ལ་ནུས་སྟོབས་ཆེན་པོ་ཞིག་རེད།བོད་མི་རྣམས་བོད་ལ་ལོག་རྒྱུ་དེ་ནི་ཚང་མའི་ཐོབ་ཐང་རེད།ཅེས་གསུངས་ཡོད།
ད་རེས་ཀྱི་ཚོགས་ཆེན་དེར་བཀའ་བློན་ཁྲི་པ་མཆོག་ནས་ཀྱང་གསུང་བཤད་གནང་ཡོད།དབུ་འབྱེད་མཛད་སྒོའི་རྗེས་བཀའ་ཁྲི་མཆོག་ནས་ཆུ་ཚོད་གཉིས་ལྷག་ཙམ་ཞིག་རྒྱ་རིགས་ཀྱི་ཚོགས་བཅར་བ་རྣམས་ཀྱི་དྲི་བར་ལན་འདེབས་ཀྱང་གནང་ཡོད་པར་བརྟེན།རྒྱ་རིགས་ཚོགས་བཅར་བ་རྣམས་ལ་བོད་ཀྱི་གནད་དོན་ཤེས་རྟོགས་བྱུང་བ་དང་དེ་བཞིན་བཙན་བྱོལ་བོད་གཞུང་ངོས་ནས་ལས་དོན་གང་གནང་བ་ཚང་མ་ཤེས་རྟོགས་ཡོང་རྒྱུར་ཕན་ཐོགས་ཆེན་པོ་བྱུང༌།ཞེས་རྒྱ་རིགས་ཚོགས་བཅརབ་ཚོས་འགྲེལ་བརྗོད་གནང་ཡོད།ཕྱི་ཚེས་༧དང་༨ལ་ཚོགས་བཅར་བ་རྣམས་ཚོགས་ཆུང་ཆ་བགོས་ཀྱིས་གྲོས་བསྡུར་གནང་རྒྱུ་ཡིན་འདུག
ཐེངས་འདིའི་ཚོགས་ཆེན་ལ་རྒྱལ་ཁབ་ཁག་བཅུ་གཉིས་ལྷག་ཙམ་ནས་རྒྱ་བོད་ཀྱི་མཁས་དབང་བརྒྱ་ལྷག་མཉམ་ཞུགས་གནང་ཡོད་པ་བཅས་སུ།།
བསམ་ཚུལ་འབྲི།
མཁན་ཆེན་གཞན་དགའ་རིན་པོ་ཆེ།