འདོན་སྤེལ། 2013/04/17 1:49 PM རྩོམ་པ་པོ།

ཟླ་འདིའི་ཚེས་༡༥ ཉིན་ཨ་རིའི་བྷོ་སི་ཏྲོན་མཱ་ར་ཐང་རྒྱུགས་འགྲན་ར་བའི་ཉེ་སྐོར་གྱི་ལྟད་མོ་བའི་ཉེ་འཁྲིས་སུ་འབར་རྫས་ཐེངས་གཉིས་གས་འཐོར་བྱུང་སྟེ། ཉུང་མཐའ་ཡང་མི་༣ སྲོག་སྐྱོན་དང་མི་༡༤༠ ལྷག་ལ་རྨས་སྐྱོན་ཕོག་ཡོད་པ་རེད།

540087_540086162697038_1211420994_n ད་ལྟའི་ཆར་འབར་གས་དེ་བྱུང་བའི་རྒྱུ་རྐྱེན་དང་སུས་འབར་རྫས་ཀྱི་དོན་རྐྱེན་བཟོས་པ་ཡིན་མིན་གསལ་པོ་ཤེས་མེད་ཀྱང་། ཇུས་འགོད་ཞིབ་ཚགས་བརྒྱུད་པའི་འཇབ་རྒོལ་གྱི་དོན་རྐྱེན་ཞིག་ཡིན་པ་དང། ས་གནས་དེ་ནས་གས་གཏོར་མ་བྱུང་བའི་འབར་རྫས་སྒྲིག་སྦྱོར་གསུམ་རྙེད་སོན་བྱུང་ཡོད་འདུག ཨ་རིའི་སྲིད་འཛིན་ཨོ་བྷ་མ་ས་བརྙན་འཕྲིན་བརྒྱུད་འདིའི་སྐོར་ལ་གསུང་དོན། ཨ་རིའི་ཕྱོགས་ནས་དོན་རྐྱེན་འདི་སུས་བཟོས་པ་ཡིན་མིན་མི་ཤེས་ལ། དེ་ལྟར་བྱེད་དགོས་པའི་རྒྱུ་མཚན་ཡང་ཅི་ཡིན་ཤེས་ཀྱི་མེད། ཡིན་ནའང་རྙོག་གྲ་སློང་མཁན་ངེས་པར་དུ་རྩད་གཅོད་ཀྱིས་ཁྲིམས་ལ་སྦྱར་རྒྱུ་ཡིན་ཞེས་གསུངས་ཡོད་པ་རེད།

ཨ་རིའི་ཕོ་བྲང་དཀར་པོའི་དཔོན་རིགས་ཤིག་གིས་ཐེངས་འདིའི་འབར་གས་ཀྱི་དོན་རྐྱེན་འདི་འཇིགས་སྐུལ་རིང་ལུགས་པའི་ལས་འགུལ་དང་གཅིག་མཚུངས་ཀྱི་ཐག་གཅོད་བྱ་རྒྱུ་ཡིན་སྐོར་གསུངས་འདུག
བྷོ་སི་ཏྲོན་མཱ་ར་སང་རྒྱུགས་འགྲན་ནང་འཛུལ་ཞུགས་བྱས་པའི་རྒྱུགས་འགྲན་པ་༢༣༠༠༠ ཡོད་འདུག་ལ། འབར་གས་ཐེངས་དང་པོ་དེ་རྒྱུགས་འགྲན་རུ་ཁག་དང་པོ་མཇུག་མཐའི་ལམ་ཐིག་བརྒལ་ནས་ཆུ་ཚོད་གཉིས་ཀྱི་རྗེས་སུ་བྱུང་ཡོད་པ་དང། མི་༡༧༠༠༠ ལྷག་ཙམ་གྱིས་འབར་རྫས་མ་གས་སྔོན་ལ་བརྒྱུགས་ཚར་ཡོད་པ་རེད། འབར་གས་བྱུང་བའི་རྗེས་སུ་རྒྱུགས་འགྲན་མཚམས་འཇོག་བྱས་ཡོད་པ་དང། དོན་རྐྱེན་བྱུང་སའི་ཕྱོགས་སུ་ཡོང་མཁན་གྱི་ས་འོག་ལྕགས་ལམ་སོགས་ཀྱང་སྒོ་རྒྱག་ཡོད་པ་རེད། །
ཡོངས་ཁུངས། བོད་ཀྱི་བང་ཆེན་དྲ་བ།

བསམ་ཚུལ་འབྲི།

' རྩོམ་འོག་མ།

ཨ་རིར་འབར་རྫས་གས་གཏོར་གཏོང་མཁན་ཉེས་ཅན་པ་འཇུ་བཟུང་།

ཨ་རི་ལ་འབར་རྫས་ཀྱི་དོན་རྐྱེན་བྱུང་བ།

བསམ་ཚུལ་འབྲི།

འབྲེལ་ཡོད་ཀྱི་རྩོམ་གཞན།