འདོན་སྤེལ། 2013/01/28 11:21 AM རྩོམ་པ་པོ། རྩོམ་སྒྲིག་པ།

སྲིད་སྐྱོང་བློ་བཟང་སེང་གེ་མཆོག་གིས་རྒྱ་རིགས་སློབ་ཕྲུག་རྣམས་ལ་གསུང་བཤད་གནང་བ།

ཡོང་ཁུངས་དྲ་བ།

UofM-2-Sikyong-spoke-to-200-students-mostly-consisting-of-Chinese-and-Tibetans-copy-300x151

༄༅། ། ཕྱི་ལོ་ ༢༠༡༢ ཟླ་ ༡༠ ཚེས་ ༡༢ རེས་གཟའ་པ་སངས་ཉིན་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས་ཨ་རིའི་མི་ནེ་སོ་ཊ་མངའ་སྡེའི་མིན་ནེ་པོ་ལི་སིའི་ Minneapolis གྲོང་ཁྱེར་ནང་རྟེན་གཞི་བྱས་པའི་མི་ནེ་སོ་ཊ་མངའ་སྡེའི་ཁྲིམས་ཀྱི་གཙུག་ལག་སློབ་གྲྭར་རྒྱ་རིགས་གཙོ་བོར་གྱུར་བའི་ཨ་རི་བ་དང། བོད་རིགས་སློབ་མ་བཅས་ཁྲིམས་ཀྱི་སློབ་མ་གྲངས་ ༢༠༠ ཙམ་ལ་གསུང་བཤད་གནང་ཡོད། སྐབས་དེར་སྲིད་སྐྱོང་མཆོག་གིས་བོད་རྒྱ་འབྲེལ་མོལ་གྱི་ད་ལྟའི་གནས་བབ་སྐོར་དང། བོད་མིའི་སྒྲིག་འཛུགས་ཀྱི་དབུ་མའི་ལམ་གྱི་སྲིད་བྱུས་སོགས་ཀྱི་སྐོར་ཞིབ་ཕྲ་གསལ་བཤད་གནང་ཡོད། དེ་ཡང་སྲིད་སྐྱོང་མཆོག་གིས་གསུ

ང་དོན། རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་ཀྱི་སྒྲོམ་གཞིའི་འོག་བོད་རིགས་ཡོངས་ལ་མིང་དོན་མཚུངས་པའི་རང་སྲི༝ད་རང་སྐྱོང་གི་གནས་བབ་རྩོད་རྒྱུ་ནི་རྒྱ་ནག་ཁ་བྲལ་རྩོད་ཀྱི་མེད། ཕྱི་ལོ་ ༢༠༠༢ ནས་ཕྱི་ལོ་ ༢༠༡༠ བར་བོད་རྒྱ་འབྲེལ་མོལ་ཐེངས་དགུ་ལས་བྱུང་མེད། དུས་དེ་ནས་བཟུང་ད་བར་བོད་རྒྱ་འབྲེལ་མོལ་ཐེངས་གཅིག་ཀྱང་བྱུང་མེད། ད་ལྟའི་ཆར་འབྲེལ་མོལ་ཡོང་རྒྱུའི་རེ་བ་ཙམ་ལས་ཐག་ཆོད་ནས་དེ་འདྲ་ཡོང་རྒྱུ་རེད་བསམ་པའི་སྤོབས་པ་གང་ཡང་མེད། ཅེས་གསུངས་པ་མ་ཟད། སྲིད་སྐྱོང་མཆོག་གིས་ཕྱི་ལོ་ ༢༠༠༩ ནས་ད་བར་བོད་ནང་བོད་མི་ ༥༤ རང་ལུས་མེར་སྲེག་བཏང་བའི་ཛ་དྲག་གི་གནས་སྟངས་སྐོར་གསལ་བཤད་གནང་དོན། བོད་ནང་གི་བོད་མི་ཚོར་གཏམ་བརྗོད་རང་དབང་མེད་པ་དང་། བོད་མི་ཞི་རྒོལ་བ་རྣམས་རྒྱ་ནག་གཞུང་གིས་གང་བྱུང་འཛིན་བཟུང་བཀག་ཉར་འོག་མནར་གཅོད་གཏོང་བཞིན་ཡོད་པར་བརྟེན། བོད་མི་རྣམས་ད་ཆ་འུ་ཐུག་ཐབས་ཟད་ཀྱིས་རང་ལུས་མེར་སྲེག་གཏོང་དགོས་ཐུག་པའི་གནས་སྟངས་ཆགས་ཡོད། བོད་མིའི་སྒྲིག་འཛུགས་ཀྱིས་བོད་མི་རྣམས་ལ་འུ་ཐུག་ཐབས

་ཟད་ཀྱི་ལས་འགུལ་དེ་རིགས་མ་སྤེལ་རོགས་ཞེས་རྟག་ཏུ་འབོད་སྐུལ་ཞུ་བཞིན་ཡོད། འོན་ཀྱང་གཞིས་ལུས་བོད་མི་ཚོས་༸གོང་ས་མཆོག་བོད་དུ་གདན་འདྲེན་ཞུ་དགོས་པ་དང། བོད་ལ་རང་དབང་དགོས་པའི་དགོས་འདུན་བཏོན་པ་དེར་མུ་མཐུད་གདུངས་སེམས་མཉམ་སྐྱེའི་རྒྱབ་སྐྱོར་ཞུ་རྒྱུ་ཡིན། ཞེས་གསུང་བཤད་གནང་རྗེས་རྒྱ་རིགས་སློབ་མ་ཁག་གཅིག་གི་དྲི་བར་ལན་འདེབས་གནང་། དེ་ཡང་རྒྱ་རིགས་སློབ་མ་ཞིག་གིས་བོད་ནང་གི་གནས་ཚུལ་ཁྱེད་ཚོར་ཇི་ལྟར་འབྱོར་བཞིན་འདུག ཅེས་དྲིས་པར་སྲིད་སྐྱོང་མཆོག་གིས་ཁུངས་ལྡན་གནས་ཚུལ་འབྱོར་ཡུལ་གཞན་རྣམས་ཕུད་མིག་མཐོང་ལག་ཟིན་གྱི་གནས་ཚུལ་གཙོ་ཆེ་བ་རྣམས་རྡ་ས་དབུས་སྣེ་ལེན་ཁང་དུ། བོད་ནས་རྒྱ་གར་ལ་བྲོས་བྱོལ་ཡོང་མཁན་བརྒྱུད་ཁུངས་ལྡན་གནས་ཚུལ་དེ་དག་ལག་སོན་བྱུང་བཞིན་ཡོད་སྐོར་གསུངས། དེ་རྗེས་རྒྱ་རིགས་སློབ་ཕྲུག་གཞན་ཞིག་གིས་དེ་སྔ་ཁོང་རྒྱ་ནག་གི་འཕྲོད་བསྟེན་བློན་ཆེན་མཆོག་གཙུག་ལག་སློབ་ཁང་དུ་འབྱོར་སྐབས་ཐུག་འཕྲད་བྱེད་མ་འཇུག་ཀྱང་ད་ཆ་ཁོང་སྲིད་སྐྱོང་ཞིག་དང་མཇལ་འཕྲད་ཀྱི་གོ་སྐབས་ཐོབ་བྱུང་། ཞེས་ཞུས་པར་ཚོགས་ཁང་ནང་གི་མང་ཚོགས་ཚང་མས་དགའ་བསུའི་ཐལ་མོ་བརྡབ་ཡོད་པ་བཅས།།།

བསམ་ཚུལ་འབྲི།

' རྩོམ་འོག་མ།

རྗེ་༧རྒྱལ་བ་སྨན་རི་བ་ཀུན་མཁྱེན་ཉི་མའི་ཞལ་འདམས།

སྲིད་སྐྱོང་བློ་བཟང་སེང་གེས་རྒྱ་རིགས་སློབ་ཕྲུག་ལ་གསུང་བཤད།

བསམ་ཚུལ་འབྲི།

འབྲེལ་ཡོད་ཀྱི་རྩོམ་གཞན།