སྡེ་རོང་ཚེ་རིང་དོན་འགྲུབ་རྩོམ།
སྡེ་རོང་ཚེ་རིང་དོན་འགྲུབ་ལགས་ཀྱིས་བརྩམས
ཚེ་སྐྱིད་ཀྱིས་བསྒྱུར།
དུས་རབས་གསར་བའི་ཁྲོད་དུ་བོད་ཀྱི་སྲོལ་རྒྱུན་རིག་གནས་ཀྱི་འཕེལ་ཕྱོགས།
ལོ་རྒྱུས་ནི་འགུལ་ཚུལ་ཡིན་ལ་སྤྱི་ཚོགས་ནི་མདུན་སྐྱོདཡིན།ཁ་སང་གི་འོད་ཟེར་སྟོང་ལྡན་ནི་དེ་རིང་གི་འོད་ཟེར་སྟོང་ལྡན་གྱི་མཚོན་བྱེད་མིན་ལ།དེ་ནི་མདུན་སྐྱོད་ཀྱི་སྒུལ་ཤུགས་ཙམ་ལས་ང་རྒྱལ་གྱི་མ་རྩ་བརྩིས་ནས་བློ་ཚིམ་ཡིད་སྤྲོ་ཡི་ངང་ནས་ཡར་ཐོན་གྱི་འདུན་པ་འདོར་མི་འོས།རྒྱུ་མཚན་ནི་མིའི་རིགས་ཀྱི་འོད་སྟོང་འབར་བའི་ལོ་རྒྱུས་བསྐྲུན་མཁན་ནི་ང་ཚོ་མེས་པོ་གོང་མ་ཡིན་པ་ལས་ང་ཚོ་མིན་ཏེ་དེ་ནི་ཁ་སང་དུ་འགྱུར་ཚར།ང་ཚོ་བརྩོན་ལེན་དང་འབད་འཐབ་དགོས་ས་ནི་དེ་རིང་དང་སང་ཉིན་ཡིན་ལ།དེ་རིང་གཞན་ལ་ཡོད་ཀྱང་ང་ཚོ་ལ་མེད་པ་དང་གཞན་གྱིས་སྒྲུབ་ཐུབ་ལ་ང་ཚོས་སྒྲུབ་མི་ཐུབ་པའི་སྐབས་འདིར་ང་ཚོས་གོང་འོག་གཅིག་རྐྱང་ཁོ་ན་སྡུར་བའམ་ཡང་ན་རང་ཉིད་ཀྱི་ལེགས་ཆ་གཞན་གྱི་ཞན་ཆ་དང་བསྡུར་ཏེ་རང་སེམས་རང་གིས་གསོས་ནས་ཡར་རྒྱས་བརྩོན་ལེན་གྱི་་སྙིང་སྟོབས་མི་རྒྱས་པ་དང་།འཕྲེད་ཐིག་གིས་སྡུར་ཚད་མང་ཙམ་སྤྱད་ནས་ཕན་ཚུན་བར་གྱི་ཧེ་བག་ཤེས་ནས་མཁོ་གནད་ཆེ་བའི་འདུ་ཤེསདང་རྗེས་ལུས་ཀྱི་བསམ་བློ་མི་སྐྱེ་པ། དུས་རབས་གསར་བའི་ཁྲོད་དུ་བོད་ཀྱི་སྲོལ་རྒྱུན་རིག་གནས་འཕེལ་ཕྱོགས་རྒྱས་ཐབས་ནི་ སྲོལ་རྒྱུན་རིག་གནས་ཁྲོད་ཀྱི་སྙིང་བཅུདརྣམས་་བཙགས་ནས་དར་རྒྱས་གོང་འཕེལ་གཏོང་པ་དང་།སྙིགས་མ་རྣམས་ཕངས་སེམས་སྤངས་ནས་གཅེས་དངོས་བློས་གཏོང་བ་ལྟར་འདོར་ནས་སྔོན་བྱོན་གྱི་མེས་པོ་གོང་མའི་རྨང་གཞི་ཡི་ཡང་རྩེའི་སྒང་ལ་ཡས་སྒྲོན་དགོས་པ་དང།།ཤེས་རབ་ཡོད་ན་ད་གཟོད་གོ་གནས་ཡོད་པའི་བསམ་བློ་དེ་སྲ་བརྟན་དུ་འཛུགས་དགོས་
དེ་བྱེ་བྲག་ཏུ་དབྱེ་བ་ན།
དང་པོ། སྲོལ་རྒྱུན་རིག་གནས་ཇི་ལྟར་རྒྱུད་འཛིན་དང་།གསར་གཏོད།སྲུང་སྐྱོང་བཅས་བྱེད་དགོས།
རྒྱུད་འཛིན་དང་གཞན་གྱི་ལེགས་ཆ་བླངས་ནས་རང་གི་ཆད་པ་སྐོང་པ་ནི་མི་རིགས་ཀྱི་རིག་གནས་འཕེལ་རྒྱས་འགྲོ་བའི་གལ་ཆེན་གྱི་ཐབས་ཤེས་ཤིག་ཡིན་ལ།སྐྱོན་ཡོན་བགྲངས་པའི་ཁྲོད་དུ་སྲུང་སྐྱོང་བྱེད་པ་དང་།འདེམས་སྒྲིག་གི་ཁྲོདདུ་གཞན་གྱི་ལེགས་ཆ་བླངས་ནས་རང་གི་ཆད་པ་སྐོང་པ།གསར་གཏོད་ཀྱི་ཁྲོད་དུ་འཕེལ་རྒྱས་གཉེར་བ།གསར་འབྱེད་བཀོལ་སྤྱོདཀྱི་་ཁྲོདདུ་སྲུང་སྐྱོང་གང་ལེགས་སོགས་བྱེད་པ་ནིབོད་ཀྱི་སྲོལ་རྒྱུན་རིག་གནས་འཚོ་གནས་རྟེན་ས་དང་འཕེལ་རྒྱས་འགྲོ་བའི་རྩ་བའི་ཆོས་ཉིད་ཡིན། བོད་ཀྱི་སྲོལ་རྒྱུན་རིག་གནས་རྒྱུད་འཛིན་དང་།བླང་དོར།གསར་གཏོད།འཕེལ་རྒྱས།སྲུང་སྐྱོང་སོགས་བྱེད་པ་ཇི་ལྟར་བྱེད་པ་ནི་བོད་ཀྱི་རིག་གནས་ཤི་གསོན་ཆགས་འཇིག་གི་དོན་ཆེན་དང་།བོད་མི་རིགས་འདི་འཛམ་གླིང་གི་མི་རིགས་ཁྲོད་དུ་རྐང་བ་འཛུགས་ཐུབ་མིན་གྱི་གནད་དོན་བཅས་ཀྱི་གནད་འགག་ལ་ཐུག་ཡོད།
བོད་ཀྱི་སྲོལ་རྒྱུན་ཇི་ལྟར་རྒྱུད་འཛིན་དང་གསར་གཏོད་བྱེད་དགོས་ཤེ་ན།
ཁོ་བོའི་བསམ་ཚུལ་ནི། གཅིག དུས་རབས་ཀྱི་སྔོན་ཐོན་རིག་གནས་དང་ཟུང་འབྲེལ་དམ་པོ་བྱེད་པ། གཉིས།དུས་རབས་ཀྱི་བསམ་བློ་དང་ཟུང་འབྲེལ་དམ་པོ་བྱེད་པ།གསུམ།རིག་གནས་ཀྱི་འཛམ་གླིང་ཅན་དང་ཟུང་འབྲེལ་དམ་པོ་བྱེད་པ། བཞི།བོད་ཁུལ་འཕེལ་རྒྱས་ཀྱི་ཐབས་ཇུས་དང་ཟུང་འབྲེལ་དམ་པོ་བྱེད་པ།ལྔ། བོད་ཁུལ་གྱི་དངོས་ཡོད་དང་ཟུང་འབྲེལ་དམ་པོ་བྱེད་པ།དྲུག རིག་གནས་རྟོག་ཞིབ་དེ་ཁྲོམ་ར་དང་རིག་གནས་ཀྱི་ཐོན་རྫས་ཅན་གྱི་འགྲོ་ཕྱོགས་དང་ཟུང་འབྲེལ་དམ་པོ་བྱེད་པ།བདུན།བོད་ཁུལ་མི་དམངས་ཀྱི་བསམ་པའི་རིག་གནས་ཀྱི་འཚོ་བའི་དགོས་མཁོ་དང་ཟུང་འབྲེལ་བྱེད་པ་སོགས་ཡིན།
གཉིས་པ།བོད་ཀྱི་སྲོལ་རྒྱུན་རིག་གནས་མུ་རུ་འཕེལ་རྒྱས་འགྲོ་བའི་ཐབས་ཇུས་གཏན་འབེབས་བྱེད་དགོས།
དཔལ་འབྱོར་གྱི་འཛམ་གླིངཅན་དང་།རིག་གནས་ཀྱི་ཁྲོམ་ར་ཅན་གྱི་འཛམ་གླིངགི་འཕེལ་ཕྱོགས་ཁྲོད་དུ་ང་ཚོས་སྲོལ་རྒྱུན་རིག་གནས་ལ་རྒྱུད་འཛིན་དང་།བླང་དོར།གསར་གཏོད།འཕེལ་རྒྱས་སོགས་ནན་ཏན་གྱི་སྲུང་སྐྱོང་གི་ཐབས་ཇུས་ཤུགས་སྣོན་མ་བྱས་ནབོད་ཀྱི་སྲོལ་རྒྱུན་ཉམས་རྒུད་དུ་འགྲོ་བའི་ཉེན་ཁ་ཡོད་པས།དེ་བརྟེན།ང་ཚོས་བོད་ཀྱི་སྲོལ་རྒྱུན་རིག་གནས་མུ་རུ་འཕེལ་རྒྱས་འགྲོ་བའི་ཐབས་ཇུས་གཏན་འབེབས་བྱེད་དགོས།
གཅིག བོད་ཀྱི་རིག་གནས་མཚོན་བྱེད་མ་ལག་བཙུགས་ནས་གཟུགས་ལྡན་རིག་གནས་དང་གཟུགས་མེད་རིག་གནས་གཉིས་ཀ་དུས་གཅིག་ཏུ་སྲུང་སྐྱོང་བྱེད་དགོས།
གཉིས།བོད་ཀྱི་རིག་གནས་ཁྱབ་སྤེལ་དང་དར་སྤེལ་གཏོང་བར་སྤུས་དག་གི་བོད་ཀྱི་དྲ་བ་འཛུགས་་པ་ནི་བོད་ཀྱི་རིག་གནས་སྲུང་སྐྱོང་དང་ཁྱབ་སྤེལ་འགྲོ་བའི་ཐབས་ལམ་འགངས་ཆེན་ཞིག་ཡིནལ།དྲ་བ་སྤུས་དག་ཞིག་འཛུགས་པར་ཐོག་མར་བོད་ཀྱི་རིག་གནས་ཨང་ཀི་ཅན་དང་དེ་ནས་བོད་ཡིག་གི་རྩིས་འཁོར་འཕྲུལ་འཁོར་ཨང་སྒྲིག་བྱེད་དགོས།
གསུམ།མི་རིགས་རང་གི་ན་གཞོན་ཚོ་ཡི་རིག་གནས་་ཀྱི་རང་ཚོར་གྱི་འདུ་ཤེས་མཐོ་རུ་གཏོང་དགོས་ཏེ།རིག་གནས་ཀྱི་རང་ཚོར་གྱི་འདུ་ཤེས་་ནི་མི་རིགས་རང་གི་རིག་གནས་དར་སྤེལ་དང་སྲུང་སྐྱོང་བྱེད་དགོས་པའི་འོས་འགན་དང་ཐོཔ་ཐང་ཡོད་པའི་་འདུ་ཤེས་་དང་།རིག་གནས་བདེ་སྲུང་གི་འདུ་ཤེས་།རིག་གནས་སྣ་མང་ཅན་ནི་མིའི་རིགས་ཡོངས་ལ་ཕན་པ་ཡོད་པའི་འདུ་ཤེས་།རིག་གནས་ཉམས་ནས་ཤི་བ་ནི་མི་སེར་དཀྱུས་མ་སུ་ཡིན་རུང་འགན་ཁུར་ཡོད་པའི་འདུ་ཤེས་་དང་ཕྱི་ཡོང་གི་ཐ་ཤལ་ཅན་གྱི་རིག་གནས་བཙན་འཛུལ་བྱེད་པར་བཀག་འགོག་བྱེད་དགོས་པའི་འདུ་ཤེས་སོགས་ཡིན།རྒྱ་ཆེ་བའི་མི་དམངས་ཚོར་ཕྱི་ཡོང་གི་ཕུལ་དུ་བྱུང་བའི་རིག་གནས་ཀྱི་སྙིང་བཅུད་ལེན་ལ་མི་རིགས་རང་གི་་རིག་གནས་ཀྱང་གཅེས་སྤྲས་བྱེད་པའི་བསམ་བློ་ཡོད་དགོས།
བཞི།རྒྱལ་སྤྱིའི་རིག་གནས་སྤེལ་རེས་ཀྱི་ཚན་རིག་པ་དང་ཞིབ་འཇུག་པ་སོགས་ཀྱི་་ཤེས་ཡོན་པ་གསོ་སྐྱོང་བྱེད་པར་ཤུགས་སྣོནབྱས་ནས་བོད་ཀྱི་སྲོལ་རྒྱུན་རིག་གནས་ཁྲོད་གང་དག་ཉིང་བཅུད་དང་གང་དག་སྙིགས་མ་ཡིན་པར་གཏན་འཁེལ་བྱེད་དགོས།
ལྔ།བོད་ཀྱི་རིག་གནས་ཐོན་ལས་ཀྱི་འཛུགས་སྐྲུན་ཤུགས་སྣོནབྱེད་དགོས།རིག་གནས་ཐོན་ལས་ནི་བོད་རིགས་ཀྱི་ཁྲོད་དུ་སྣང་ཚུལ་གསར་བ་ཞིག་དང་ཐོན་ལས་གསར་པ་ཞིག་ཡིན་པས་ལས་ཀ་འདིའི་དཀའ་གནད་ཧ་ཅང་ཆེ་ཡང་ང་ཚོས་ངེས་པར་དུ་རིག་གནས་ཐོནརྫས་ཀྱི་ཚོང་རྫས་ལ་དོ་སྣང་བྱེད་དགོས།ཐོན་ལས་དང་དཔལ་འབྱོར་གྱི་འཛམ་གླིང་ཅན་དང་རྒྱལ་སྤྱི་་རིག་གནས་སྤེལ་རེས་ཀྱི་ཉིན་རེ་བཞིན་གྱི་བཟོ་ལས་ཅན་གྱི་དུས་རབས་འཕེལ་ཕྱོགས་ཆེ་བོའི་ཁྲོདརང་གི་རིག་གནས་ཀྱི་ལས་རིགས་འཕེལ་རྒྱས་གཏོང་བ་དང་རང་གི་རིག་གནས་ཀྱི་ཐོན་ལས་ཡོད་པ།རང་གི་རིག་གནས་ཀྱིས་ཐོན་རྗས་གསར་གཏོད་བྱས་ནས་རྒྱལ་ཕྱི་ནང་གི་རིག་གནས་ཐོན་རྫས་ཀྱི་ཁྲོམ་རའི་ནང་དུ་འཛུལ་བ་ནི་འཛམ་གླིང་ཅན་གྱི་ཁྲོམ་རའི་ཁྲོད་དུ་རང་ཉིད་ཀྱི་སྡོད་གནས་ཡོད་པ་དང་བོད་ཀྱི་རིག་གནས་རྒྱུན་ཆད་མེད་པར་འཕེལ་རྒྱས་འགྲོ་བའི་འཐབ་ཇུས་ཀྱི་ཐབས་ཤེས་ཡིན།
དྲུག་པ།བོད་ཀྱི་རིག་གནས་ཀྱི་རྒྱུ་ཆས་གསར་གཏོདཁྲོད་དུ་གསར་གཏོད་དང་སྲུང་སྐྱོང་གི་འབྲེལ་བ་ལེགས་པོ་བྱེད་དགོས་ཏེ།འདིར་གཙོ་བོ་བཤད་པ་ནི་སྲུང་སྐྱོང་གི་གནད་དོན་སྐོར་ཡིན་ལ།སྲིད་གཞུང་།ཁེ་ལས།སྤྱི་ཚོགས།མང་ཚོགས་བཅས་ཚང་མ་ནི་བོད་ཀྱི་རིག་གནས་་སྲུང་སྐྱོང་བྱེད་མཁན་གཙོ་བོ་ཡིནདགེོས་ཏེ།བཅའ་ཁྲིམས་དང་།སྲིད་ཇུས་།ལག་རྩལ།ཐོན་ལས་བཅས་ནི་སྲུང་སྐྱོང་གི་ཐབས་ཤེས་ཡིནལ།་ཁྲིམས་འཛུགས་ཀྱི་སྲུང་སྐྱོང་དང་།མང་ཚོགས་ཀྱི་སྲུང་སྐྱོང་།སྤྱི་ཚོགས་ཀྱི་སྲུང་སྐྱོང་།རྩ་ཆེན་གྱི་སྲུང་སྐྱོང་།རིགས་ཕྱེ་བའི་སྲུང་སྐྱོང་།ཁེ་ལས་ཀྱི་སྲུང་སྐྱོང་།རྒྱུད་འཛིན་མི་གསོ་སྐྱོང་བྱེད་པ་སོགས་ཀྱི་ནང་དོན་ཡོངས་རྫོགས་དེ་ཡི་ཁོངས་སུ་གཏོགས།སྲུང་སྐྱོང་གི་ཁྲོད་ངེས་པར་དུ་མི་རིགས་ཀྱི་ཐུན་མོང་མིན་པའི་ཁྱད་ཆོས་སྲུང་སྐྱོང་བྱེད་པར་དོ་སྣང་དགོས་ཏེ།ནུབ་ཕྱོགས་མི་རིགས་ཀྱི་རིག་གནས་ལས་དོན་ཞིབ་འཇུག་དང་གྲོས་བསྡུར་བྱེད་པའི་གྲོས་ཚོགས་་སྐོང་ཚོགས་ཐོག་ཏུ་ཧོ་ནོན་ཞིང་ཆེན་གྱི་མི་རིགས་དོན་གཅོད་ཨུ་ཡོན་ལྷན་ཁང་གི་ཀྲུའུ་རེན་གཞོན་པ་ཀྲོང་ཚིན་ཞོའོ་ཡིས་བཏོན་པའི་མི་རིགས་ཀྱི་རིག་གནས་འཚོ་གནས་རྟེན་སའི་སྐྱེ་དངོས་ཁོར་ཡུག་སྲུང་སྐྱོང་དང་།ཡུལ་སྐོར་སྤྲོ་གསེང་ས་ཁུལ་དུ་གདོད་མའི་རིག་གནས་དེ་ནུབ་ཕྱོགས་ཅན་དང་།རྒྱ་རིགས་ཅན།སྟབས་བདེར་ཅན།ཐ་མལ་བ་དང་གྲོང་ཁྱེར་ཅན་སོགས་འགྱུར་བ་སྔོན་འགོག་བྱེད་པའི་((ཀྲུང་གོའི་མི་རིགས))༢༠༠༢ལོའི་ཐེངས་ལྔ་བའི་ཤོག་གྲངས་བཅུ་གཉིས)མི་རིགས་་རིག་གནས་ཀྱི་ཐོན་ཁུངས་་སྲུང་སྐྱོང་གི་ཐབས་ཤེས།་དེ་ཡིན།
གསུམ་པ།རིག་གནས་ཀྱི་འཇིག་རྟེན་རང་བཞིན་དང་ཚན་རིག་ནི་རིག་གནས་ཀྱི་སྐྱེ་སྟོབས་དང་གསོན་ཤུགས་ཡིན།
དེང་དུས་ཀྱི་འཛམ་གླིང་ནི་ཆ་འཕྲིན་གྱི་དྲ་བ་ཅན་དང་དཔལ་འབྱོར་གྱི་འཛམ་གླིང་ཅན།ཤེས་རིག་གི་དཔལ་འབྱོར་ཅན་གྱི་དུས་རབས་།ཚན་རིག་དང་ལག་རྩལ་ཆེ་བ།ལག་རྩལ་གསར་བ་ཉིན་རེ་བཞིན་ལྟར་བྱུང་བཞིན་ཡོད་པ་ཡིན།འཛམ་གླིང་གི་འགྲན་རྩོད་གཙོ་བོ་ནི་ཚན་རྩལ་དང་སློབ་གསོ།རིག་སྟོབས་ཆེ་བའི་ཤེས་ཡོན་པ།ཕྱོགས་བསྡུས་ཀྱི་སྟོབས་ཤུགས་བཅས་ཀྱི་འགྲན་རྩོད་ཡིན།བོད་ཀྱི་སྲོལ་རྒྱུན་གྱི་རིག་གནས་ངེས་པར་དུ་དུས་རབས་འདི་དང་འཕྲོད་དགོས།དེར་བརྟེན།བོད་ཀྱི་སྲོལ་རྒྱུན་རིག་གནས་ཀྱི་འཕེལ་རྒྱས་འགྲོ་ཕྱོགས་ཀྱི་ལྟེ་གནས་དེ་སྔོག་འདོན་རྒྱུད་འཛིན་དང་དར་སྤེལ་བྱེད་པའི་སྲོལ་རྒྱུན་རིག་གནས་ཁྲོད་ཀྱི་རིག་གནས་དེ་འཇིག་རྟེན་རང་བཞིན་དང་ཚན་རྩལ་གྱི་གྲུབ་ཆ་ཐོག་ཏུ་བཞག་དགོས་པ་དང་།ལྷག་པར་དུ་སྲོལ་རྒྱུན་རིག་གནས་ཁྲོད་ཀྱི་ཚན་རྩལ་གྱི་གྲུབ་ཆ་དེ་མུ་མཐུད་རྒྱུད་འཛིན་དང་སྔོག་འདོན་བྱེད་པ་དེ་གལ་ཆེན་ཁྲོད་ཀྱི་གལ་ཆེན་ཡིན་ལ།དེ་དང་ཆབས་ཅིག་ཏུ་གདོད་མ་ནས་ཡོད་པའི་ཚན་རྩལ་གྱི་ཁྲོད་དུ་མ་མཐུད་དུ་དེང་དུས་སྤྱི་ཚོགས་ཀྱི་ཚན་རྩལ་མཐོ་བའི་ཉིང་བཅུད་་ལྡུག་བླུག་དང།ཕྱོགས་ཡོང་ནས་་ནང་འདྲེན་དང་གསོག་ཉར།མ་མཐུད་གསར་གཏོད་གསོག་འཇོག་བཅས་འདི་ལྟར་ཁོ་ན་བྱས་ན་ད་གཟོད་བོད་ཀྱི་རིག་གནས་ལ་སྐྱེ་སྟོབས་ཀྱི་ནུས་པ་ལྡན་སྲིད།
བཞི་བ།ཕྱོགས་ཡོང་ནས་ཕྱི་ཡོང་གི་ཕུལ་དུ་བྱུང་བའི་རིག་གནས་ནང་འདྲེནབྱེད་པ་དེས་བོད་ཀྱི་སྲོལ་རྒྱུན་རིག་གནས་དེ་སྣ་ཁ་མང་བའི་རིག་གནས་ཀྱི་འགྲན་རྩོད་ཁྲོད་མི་ཕམ་པའི་གནས་སུ་་འཁོད་ཐུབ།
འཛམ་གླིང་ཐོག་གི་མི་རིགས་དང་རིག་གནས་གང་ཞིག་ཡིན་རུང་ཚང་མས་དུས་ཡུན་རིང་པོའི་ཁྲོད་དུ་ཕྱོགས་ཡོངས་ནས་ནང་འདྲེན་དང་གསོག་ཉར་བྱས་ནས་བྱུང་ལ་འཕེལ་རྒྱས་སོང་བ་ཞིག་ཡིན།བློ་ཁོག་ཡངས་ལ་མི་རིགས་གཞན་གྱི་སྔོན་ཐོན་རིག་གནས་ཕྱོགས་ཡོང་ནས་སློབ་གཉེར་དང་ནང་འདྲེན་བྱེད་མཁན་ཞིག་ཡིན་ཕྱིན་ཚང་མ་འཛམ་གླིང་ཐོག་གི་སྔོན་ཐོན་མི་རིགས་ཀྱི་གྲལ་དུ་ཚུད་ནས་རིག་གནས་འདྲ་མིན་སྣ་ཚོགས་ཀྱི་འགྲན་རྩོད་ཁྲོད་དུ་རྒྱལ་ཁའི་གནས་སུ་ཐོན་ཡོད།འཛམ་གླིང་ཐོག་གི་ཕུལ་དུ་བྱུང་བའི་མི་རིགས་དང་དར་རྒྱས་ཆེ་བའི་རྒྱལ་ཁབམང་བོ་དག་་དེ་མཚུངས་རེད།བོད་ཀྱི་རིག་གནས་དར་རྒུད་ཀྱི་ལོ་རྒྱུས་ཀྱིས་ཀྱང་དེ་ར་སྤྲོད་བྱས་ཡོད།སྒོ་འབྱེད་དང་འགྲན་རྩོད་ཀྱི་དུས་རབས་ཉི་ཤུ་རྩ་གཅིག་གི་ནང་བོད་ཀྱི་རིག་གནས་ཀྱང་ངེས་པར་དུ་དུས་རབས་གསར་བའི་རིག་གནས་གསར་བ་ནང་འདྲེན་དང་།གཞན་གྱི་སྔོནཐོན་གྱི་རིག་གནས་རིག་གནས་སློབ་གཉེར་དང་ནང་འདྲེན་དགོས་ལ་ལྷག་པར་དུ་མཐོ་གསར་གྱི་ཚན་རྩལ་གྱི་གྲུབ་ཆ་ཡི་རིགས་སྲོལ་རྒྱུན་རིག་གནས་དང་མཉམ་སྦྲེལ་བྱེད་དགོས་ཏེ་རྒྱུ་་མཚན་ནི་སྔོན་ཐོན་གྱི་རིག་གནས་ནི་མིའི་རིགས་ཀྱི་དཔལ་ཡོན་ཡར་རྒྱས་འགྲོ་བའི་་ཉིང་བཅུད་ཡིན།དེ་འདྲ་བྱས་ན་ད་གཟོད་འགྲན་རྩོད་དྲག་པོའི་ཁྲོད་ནམ་ཡང་མི་ཕམ་པའི་གནས་སུ་འདུག་ཐུབ་ལ་།ཕྱི་ཡོང་འབུད་འདེད་དང་།རྙིང་ཞེན་བག་འཁུམས་ཀྱི་ཁོ་ན་གཞི་ཚགས་བྱས་པའི་གཅིག་གྲུབ་ཀྱི་རིག་གནས་དེ་སྒོ་འབྱེད་ཀྱི་དུས་རབས་ཁྲོད་དུ་ལག་ལེན་འཁྱོལ་ཐབས་མེད་ལ།གལ་སྲིད་ང་ཚོས་ད་དུང་འདི་ལྟར་རྒྱུན་འཁྱོངས་བྱས་ན་བོད་ཀྱི་རིག་གནས་དེ་རང་སར་སོར་གནས་སམ་ཉམས་རྒུད་ཀྱི་ཕྱོགས་སུ་འཁྲིད་སྲིད།
ལྔ་བ།རིག་གནས་ཀྱི་སྒོ་འབྱེད་རང་བཞིན་ནི་རིག་གནས་མུ་རུ་འཚོ་གནས་ཐུབ་པ་དང་སྐྱེ་འཕེལ་གྱི་སྟོབས་ཤུགས་ཡིན།
བོད་མི་རིགས་ཀྱི་སྲོལ་རྒྱུན་རིག་གནས་དེ་ཉིད་རང་ཡུལ་དང་ཕྱི་ཡོང་གི་རིག་གནས་གཉིས་མཉམ་འདྲེས་དང་རིག་གནས་སྣ་མང་དག་་བསྡུ་རུབ་བྱས་ནས་བྱུང་བའི་ཐུན་མོང་མིན་པའི་མི་རིགས་ཀྱི་ཁྱད་ཆོས་ལྡན་པའི་གངས་ལྗོངས་ཀྱི་རིག་གནས་ཏེ་ངོ་བོ་སྒོ་འབྱེད་རང་བཞིན་ཅན་གྱི་མ་ལག་ཞིག་ཡིན།འོན་ཏེ་སྤྱི་ལོ་དུས་རབས་བཅོ་བརྒྱད་ནས་བཟུང་རིམ་བཞིན་སྒོ་སྦྱར་གྱི་ངང་ཚུལ་དུ་ཕྱིན་པ་ཁོ་ན་ཞིག་ཡིན།དུས་རབས་གསར་བའི་ཁྲོད་བོད་ཀྱི་རིག་གནས་དེ་ཡལ་འདབ་རྒྱས་པར་ངེས་པར་དུ་སྒོ་འབྱེད་རང་བཞིན་ཅན་གྱི་ལམ་དུ་འགྲོ་དགོས།མིག་སྔར་འཛམ་གླིང་གི་ཁྱབ་ཁོངས་ཡོངས་སུ་བོད་རིག་་ཞིབ་འཇུག་བྱེད་པའི་རྦ་རླབས་དྲག་ཏུ་འཕྱུར་ཡོད་པ་ནི་བོད་མི་རིགས་ཀྱི་གོ་སྐབས་ཤིག་རེད་ལ་འགྲན་སློང་ཞིག་ཀྱང་ཡིན།འོན་ཀྱང་གོ་སྐབས་དེ་འགྲན་སློང་ལས་ཆེ་་པས་ང་ཚོས་ངེས་པར་དུ་གོ་སྐབས་བཟང་པོ་དེ་དམ་འཛིན་བྱེད་དགོས།བོད་ཀྱི་རིག་གནས་ཐབས་ལམ་དང་འབྲེལ་ལམ་སྣ་ཚོགས་བཀོལ་ནས་འཛམ་གླིང་གི་རྒྱལ་ཁབ་སོ་སོའི་མི་དམངས་རྣམས་ལ་ཁྱབ་སྤེལ་བཏང་ནས་བོད་ཀྱི་རིག་གནས་འཛམ་གླིང་གི་ཕྱོགས་སུ་འགྲོ།
དྲུག་པ།རིག་གནས་ཀྱི་སྣ་མང་རང་བཞིན་ནི་རིག་གནས་ཡལ་འདབ་རྒྱས་པའི་སྒུལ་ཤུགས་ཡིན།
བོད་ཀྱི་རིག་གནས་འཕེལ་རྒྱས་ཀྱི་་ཡང་རྩེ་སོནདུས་ནི་དུས་རབས་བདུན་པ་ནས་དུས་རབས་བཅུ་གསུམ་བར་གྱི་ཐུ་བྷོད་ཀྱི་རྒྱལ་རབས་དང་བཙན་པོ་རྣམས་ཀྱིས་ས་ཁུལ་བཅད་བཟུང་བྱས་པའི་དུས་ཡུན་རེད།དུས་རབས་འདི་ཡིས་བོད་ཀྱི་རིག་གནས་དེ་མེ་ཏོག་མཉམ་བཞད་དང་མཁས་བརྒྱ་འགྲན་གླེང་དང་།སྔར་མེད་གསར་གཏོད།རིག་གནས་སྣ་མང་མཉམ་གནས་སོགས་ཀྱི་ཤིན་ཏུ་ལེགས་པའི་རིག་གནས་འཕེལ་རྒྱས་ཀྱི་ཁོར་ཡུག་མཁོ་སྤྲོད་བྱས་ནས་བོད་ཀྱི་རིག་གནས་འཕེལ་རྒྱས་དང་སྣ་མང།རྒྱ་སྐྱེད་སོགས་ཧ་ཅང་ཚད་མཐོ་པོ་རུ་ཐོནཡོད།
དེང་དུས་འཛམ་གླིང་ཇེ་ཆུང་དང་ཇེ་ཆུང་དུ་འགྲོ་བཞིན་ཡོད་ལ།རྒྱལ་ཁབ་སོ་སོ་དང་མི་རིགས་སོ་སོའི་བར་གྱི་རིག་གནས་བརྗེ་རེས་ནི་རྒྱུན་དུ་འགལ་ཟླ་ཡི་གྲུབ་ཆ་ལས་ཤུགས་ཆེ་བ་དང་།འཛམ་གླིང་གི་སྒོ་འབྱེད་དང་།ཆ་འཕྲིན།འགྲིམ་འགྲུལ་བཅས་གསར་གཏོད་བྱུང་བར་བསྟུན་ནས་རྒྱལ་ཁབ་སོ་སོ་དང་མི་རིགས་སོ་སོ་བར་གྱི་རིག་གནས་སྤེལ་རེས་མ་མཐུད་དུ་དམ་པོར་ཕྱིན་ནས་རིག་གནས་བར་གྱི་ཧེ་བག་ཆུང་དུ་འགྲོ་བཞིན་ཡོད་ལ།འདི་ནི་ཕྱིན་ཆད་ཀྱི་རིག་གནས་འཕེལ་རྒྱས་ཀྱི་འཕེལ་ཕྱོགས་ཆེན་པོ་ཡིན།དེར་བརྟེན།བོད་ཀྱི་རིག་གནས་དེ་ངེས་པར་དུ་གནས་བབ་གསར་བ་འདི་དང་འཕྲོད་པ་ཞིག་བྱེད་དགོས།
བདུན་པ།བོད་ཀྱི་སྲོལ་རྒྱུན་དེ་ངེས་པར་དུ་ཐོནལས་ཅན་གྱི་འཕེལ་རྒྱས་ཀྱི་ཐབས་ལམ་དུ་འགྲོ་དགོས།
བོད་ཀྱི་སྲོལ་རྒྱུན་རིག་གནས་ཐོན་ལས་ཅན་གྱི་ཐབས་ལམ་དུ་འགྲོ་པར་བདག་གི་བསམ་ཕྱོགས་འདི་ལྟར་ཡོད་དེ།
གཅིག རིག་གནས་ཀྱི་འཛུགས་སྐྲུན་དེདེང་རབས་ཀྱི་དཔལ་འབྱོར་དང་སྒུལ་ཤུགས་ཆེ་བར་གཏོང་བའི་་ལག་ཆ་འགྱུར་ཆོག་ལ།དཔལ་འབྱོར་གྱི་འཛུགས་སྐྲུན་ཡང་རིག་གནས་གསར་བ་འཕེལ་སྣོན་དང་རྨང་གཞི་སྲ་བརྟན་དུ་འགྲོ་བའི་ཡོ་བྱད་དུ་འགྱུར་ཆོག་སྟེ་དཔལ་འབྱོར་གྱི་ལྕོག་རིང་སྟེགས་བུ་སྟེང་དུ་རིག་གནས་ཀྱི་ཟློས་གར་འཁྲབ་པ་དང་རིག་གནས་ཀྱི་ལྕོག་རིང་སྟེགས་བུ་སྟེང་དུ་དཔལ་འབྱོར་གྱི་ཟློས་གར་འཁྲབ་པ་སྟེ།་དཔལ་འབྱོར་གྱི་དུས་རབས་སུ་ང་ཚོས་ངེས་པར་དུ་མང་ཚོགས་མཚམས་སྦྱོར་བེད་སྤྱོད་་གཏོང་ཤེས་པ་དང་རིག་གནས་གཟུགས་ཉིད་ཀྱི་བཀོལ་སྤྱོད་གསར་སྤེལ་གང་ཐུབགཏོང་དགོས།རིག་གནས་ཀྱི་རིན་ཐང་གི་ངོ་བོ་མངོན་དུ་མེད་པ་དེ་དངོས་ཡོད་ཀྱི་རིན་ཐང་ཆེ་ཤོས་སུ་བསྒྱུར་དགོས་ལ།མངོན་པ་མེད་པའི་ཁྲོམ་ར་ངེས་པར་དུ་དངོས་ཡོད་ཀྱི་ཁྲོམ་ར་རུ་་བསྒྱུར་ནས་རིག་གནས་ཀྱི་་གཟུགས་ཉིད་བསམ་པའི་དཔལ་ཡོན་དང་དངོས་པོའི་དཔལ་ཡོན་གཉིས་ཀྱི་རིན་ཐང་ངེས་པར་དུ་མངོན་དུ་འགྱུར་ནས་ཕུན་སུམ་ཚོགས་པའི་རིག་གནས་རྒྱུ་ཆ་དེ་ངེས་པར་དུ་དངོས་ཡོད་ཀྱི་རིག་གནས་དཔལ་འབྱོར་གྱི་ནུས་སྟོབས་དང་་།གསར་འཛུགས་དང་།ཧ་ཅང་འཐུས་ཚང་ལ་མང་ཚོགས་ཀྱི་འཚོ་བ་ཡི་རིག་གནས་ཁྲོམ་རའི་མ་ལག་ཉེ་བར་བཅར་བར་འགྱུར་དགོས།
གཉིས་།དངོས་ཡོད་འཚོ་བའི་ཁྲོད་ཀྱི་དཔལ་འབྱོར་དང་རིགགནས་ཀྱི་འབྲེལ་ཐག་སོ་སོ་ཁ་བྲལ་་བ་དངརྒྱང་རིང་དུ་ཕྱིན་པ་དེ་ལེགས་སྒྲིག་དང་སེལ་ཐབས་གང་མགྱོགས་བྱེད་དགོས།རིག་གནས་ཀྱི་དཔལ་འབྱོར་སྐྱོ་བ་དང་དཔལ་འབྱོར་གྱི་རིག་གནས་ཞན་པ་གྲུབ་པ་སྟེ་སྒོར་མོ་མེད་པས་རིག་གནས་འཕེལ་རྒྱས་གཏོང་མི་ཐུབ་དང་རིག་གནས་མེད་པས་དཔལ་འབྱོར་འཕེལ་རྒྱས་གཏོང་མི་ཐུབ་པའི་དེ་གཉིས་འཁོར་རེས་ཚབས་ཆེན་འོག་འུ་ཐུག་ཐབས་ཟད་ཀྱི་གནས་ཚུལ་བྱུང་བཞིན་ཡོད།རིག་གནས་ཀྱི་ཐོན་ལས་དང་རིག་གནས་་ཀྱི་ཁྲོམ་ར་འཕེལ་རྒྱས་གཏོང་བ་དང་རིག་གནས་ཀྱི་ཐོན་ལས་གསར་བརྗེ་ལག་ལེན་བསྟར་ནས་རིག་གནས་དང་དཔལ་འབྱོར་གཅིག་གྱུར་ཅན་གྱི་འཕེལ་རྒྱས་ཀྱི་ཐབས་ལམ་དེ་གསོ་སྐྱོང་དང་།འཚར་ལོངས།འཛུགས་སྐྲུན་བྱས་ནས་རིག་གནས་དང་དཔལ་འབྱོར་གཉིས་ཀྱི་སྟོབས་ཤུགས་མི་འདང་བ་ཕན་ཚུན་ཁ་གསབ་བྱེད་རེས་དང་།མཉམ་གནས་དུསྐྱེ་སྲིང་བྱེད་པ་་།ཐུན་མོང་དུ་འཕེལ་རྒྱས་སོགསབཏང་ནས་དངོས་ཡོད་ཀྱི་བོད་ཀྱི་རིག་གནས་སྟོབས་ཤུགས་་མུ་མཐུད་དུ་འཕེལ་རྒྱས་འགྲོ་བ་དང་དེང་རབས་ཅན་ལས་བརྒལ་བར་ཧུར་ལེན་བྱེད་དགོས།གོང་དུ་བཤད་པའི་བསམ་ཕྱོགས་དེ་གོ་བདེ་བར་བཤད་ན་དེ་ནི་སྒོར་མོ་སྤྱད་ནས་རིག་གནས་འཕེལ་རྒྱས་གཏོང་བ་དང་རིག་གནས་ལ་བརྟེན་ནས་སྒོར་མོ་གསོག་པ་སྟེ་རིག་གནས་དང་སྒོར་མོ་གཉིས་་ཀྱི་ ཉོ་ཚོང་གི་ཁྲོམ་ར་འཛུགས་སྐྲུན་བྱེད་རྒྱུ་དེ་རེད།
བརྒྱད་པ། དུས་རབས་གསར་བའི་ཁྲོད་དུ་བོད་ཀྱི་སྲོལ་རྒྱུན་རིག་གནས་ལས་བྱུང་བའི་སྲོལ་རྒྱུན་བསམ་བློ་ལ་ཕོག་ཐུག་ཐེབས་པ་ནི་འགོག་ཐབས་མེད་པ་ཞིག་ཡིན།
རྣམ་པ་སྣ་ཚོགས་པའི་དེང་རབས་ཀྱི་དངོས་པོའི་དཔལ་ཡོན་དང །མིག་འཁྲུལ་ཀླད་འཁྲུལ་འཇུག་པའི་དངོས་པོའི་འཛམ་གླིང་།ཁེ་ཕན་དང་གླ་རིན་ལ་སྣང་ཆེན་བྱེད་པ།འགྲན་རྩོད་དང་དངོས་པོ་བརྩོན་ལེན་གཉེར་བའི་་རིན་ཐང་གི་ལྟ་བ་སོགས་ཀྱིས་་བོད་ཀྱི་སྲོལ་རྒྱུན་ལྟ་བ་ལ་ཕོག་ཐུག་དྲག་པོ་གཏོང་་སྲིད།སྲོལ་རྒྱུན་དབྱུག་ཀྱང་་སྲོལ་རྒྱུན་རིག་གནས་ཀྱི་ཤུགས་རྐྱེན་ལས་ཐར་མི་ཐུབ་པའི་རྒྱུ་གཉིས་ཀྱི་སེམས་ཁམས་ཏེ་ལྷག་པར་དུ་ན་གཞོན་གྱི་དུས་རབས་ཁྲོད་དུ་མངོན་གསལ་ཆེ་བ་ཡིན།
བོད་ཀྱི་སྲོལ་རྒྱུན་རིག་གནས་ལ་ཀུན་སྤྱོད་དང་སྤྱོད་ལམ་ཚད་གཞི་ཆ་ཚང་ཞིག་ལྡན་པ་དང་།སྲོལ་རྒྱུན་གྱི་བསམ་བློ་དག་ནི་ཆོས་དད་ཆེ་བ་ལ་རྒྱུ་ནོར་གལ་ཆུང་དུ་འཛིན་དང་།འདུ་ཤེས་གཙོ་བོ་འཛིན་ལ་དངོས་ཡོད་གལ་ཆུང་དུ་འཛིན་པ།གསོག་ཉར་དང་གྲོན་ཆུང་སྣང་ཆེན་བྱེད་པ་དང།་ཡོང་སྒོ་དང་བརྩོན་ལེན་སྣང་ཆུང་བྱེད་པ།རྟེན་ས་དང་རྒྱབ་རྟེན་་གལ་ཆེནདུ་་འཛིན་པ་དང་རང་ཁ་རང་གསོ་གལ་ཆུང་དུ་འཛིན་པ།ཆོས་ཤེས་ཅན་ལ་གཏན་བདེ་ཐོབ་པ་དང་།བག་ཡོད་ཚུལ་ལྡན།གོང་བཀུར་དང་བསམ་ཤེས།བྱམས་སྙིང་རྗེ་དང་སྦྱིན་གཏོང་།ཚེ་རབས་ཕྱི་མའི་བདེ་སྐྱིད།རང་རང་གི་འདོད་ཚུལ་ལྟར་འགྲན་རྩོད་དང་ཧུར་ལེན་དང་རྒྱུན་སྲོལ་ལས་་བརྒལ་མི་རུང་བ་སོགས་བ་ནན་གྱིས་བཤད་པ།
དེང་རབས་འཛམ་གླིང་ཁྲོམ་རའི་དུས་རབས་སུ་འཛུལ་ནས་དཔལ་འབྱོར་གྱི་ཁེ་ཕན་ལ་དང་དོད་ལས་མ་རྩ་ཆག་པ་་ལ་ཁ་ཡ་མི་བྱེད་པ་དང་།འགྲན་རྩོད་ལས་བསམ་ཤེས་མི་བྱེད་པ།སྒོ་འབྱེད་ལས་སྒོ་སྦྱརལ་དགག་པ།འགྱུར་སྐྱེན་ལས་རེངས་པོ་ལ་མཐོང་ཆུང་བྱེད་པ།གསར་གཏོད་ལ་དང་དོད་ལས་རྙིང་ཞེན་ལ་ཁས་མི་ལེན་པ།གླ་རྔན་ལ་དམིགས་པ་ལས་རིན་མེད་བྱས་རྗེས་གཙིགས་ཆེན་དུ་མི་འཛིན་པ་སོགས་གྱུར་ཡོད། ཁེ་ཕན་དང་།འགྲན་རྩོད།སྒོ་འབྱེད་སོགས་ཀྱི་ཁྲོམ་རའི་དཔལ་འབྱོར་མི་འཛུལ་ས་མེད་པར་ཁ་བའི་རི་དང།རི་མཐོ་གཡང་གཟར།གྲོང་མདའ་སྒོ་ཁ་སོགས་སུ་འཛུལ་སྐབས་སྲོལ་རྒྱུན་རིག་གནས་ཀྱི་ཤུགས་རྐྱེན་ཐེབས་པའི་བོད་མི་དམངས་རྣམས་ཅི་བྱ་གཏོལ་མེད་དུ་གྱུར་ནས་གོ་སྐབས་མང་བོ་ཤོར་བཞིན་ཡོད་དེ་ཆེ་ས་ནས་གྲོང་རྡལ་་གྱི་འཛུགས་སྐྲུན་དང་།གཞུང་ལམ་བཟོ་བ།ཟམ་པ་ལས་པ་སོགས་ཆེ་འབྲིང་གི་རིགས་ཀྱི་བཟོ་སྐྲུན་དང་།འབྲིང་ས་ནས་ཆང་ཁང་ཟ་ཁང་སྒོ་ཕྱེ་བ་དང་།རོལ་རྩེད་དབྱར་སྤྲོ་ཁང་།ཚོང་རྫས་སྡེབ་འཚོང་གི་སིལ་འཚོང་དང་གཞན་དག་ཁྲོམ་འདོནཤོམ་པ་སོགས།ཆུང་ས་ནས་གྱོན་ཆས། སྔོ་ཚལ།ཤ་རིགས།སིལ་ཏོག་བཅས་ཀྱི་ཉོ་ཚོང་དང་ལྷམ་ཕྱེ་བ་དང་ལྷམ་བཟོ་པ་སོགས་ང་ཚོ་བོད་མི་དག་ལ་སྐལ་བ་གཅིག་ཀྱང་མེད་པ།ཕྱི་ཡོང་གི་མི་དག་གིས་ང་ཚོའི་སྒོ་འགྲམ་དུ་ཤོག་སྒོར་འབོར་ཆེན་གྱི་ཁེ་བཟང་ལེན་སྐབས་ང་ཚོ་བོད་མི་དམངས་ཚོ་ཁ་གདངས་མིག་བགྲད་ནས་སྡོད་པའམ་སེམས་གཏིང་ནས་ཁོང་ཁྲོ་ཟ་ཐག་ཆོད་པ་་ལས ཕྱི་ཡོང་གི་མི་རྣམས་ས་རྒྱུས་མི་རྒྱུས་མེད་པ་དང་རང་བྱུང་གི་ཆ་རྐྱེན་དཀའ་ངལ་ཆེ་བའི་བོད་ཁུལ་དུ་ཁེ་བཟང་འབོར་ཆེན་རག་ཐུབ་ན་ང་ཚོ་རང་ས་རང་ཡུལ་དུ་སྐྱེས་པའི་བོད་རིགས་ཚོས་ཅིའི་ཕྱིར་ང་ཚོའི་སྒོ་འགྲམ་གྱི་ཁེ་བཟང་མི་རག་པའི་་རྒྱུ་མཚན་ལ་བསམ་གཞིགས་མཁན་ཉུང་ཉུང་རེད།གནད་དོན་འདིའི་ཐད་དུ་ང་ཚོ་རྒན་གཞོན་དང་ཕ་མ་དཔོན་རིགས་ཀྱིས་གཙིགས་ཆེན་བྱས་པའི་ཤུགས་ཚད་མི་འདང་བས་རེད།
ང་ཚོ་བོད་མི་དམངས་ཚོ་སྒོ་འགྲམ་དུ་ཡོད་པའི་ཁེ་བཟང་ལེན་མི་ཐུབ་པ ནི་ལོ་རྒྱུས་དང་དངོས་ཡོད་ཀྱི་རྒྱུ་རྐྱེན་ཡིན་མོད།འོན་ཀྱང་རྒྱུ་རྐྱེན་གཙོ་བོ་ལྔ་ཡོད་དེ།
གཅིག་ནི་སྲོལ་རྒྱུན་གྱི་བསམ་བློ་དང་བསམ་གཞིགས་བྱེད་སྟངས་ཀྱི་འཆིང་པ་དང་།གཉིས་ནི་དཔལ་འབྱོར་ལམ་ལུགས་འཆར་གཞི་ཡི་ཤུགས་རྐྱེན་ཐེབས་པ།གསུམ་ནི་དཀའ་ངལ་ལ་སྐྲག་པ་དང་ངལ་དུབ་ལ་འཛེམ་པ།བཙོག་པ་ལ་དོགས་པ།རྙོག་དྲ་ལ་ཞེད་པ་སོགས་ཀྱི་སྒྱིད་ལུག་གི་བསམ་བློ།བཞི་ནི་ཉེན་ཁ་ལ་སྐྲག་ནས་འཚོ་བ་སྐྱོ་བ་དེ་རོལ་ནས་སྡོད་པར་དགའ་བ་ལས་ཕྱི་རུ་འཁྱམ་ཉུལ་ནས་འབྱོར་ལྡན་གྱི་འཚོ་བ་རོལ་བར་རྡབ་རྡབ་མི་གཏོང་བ་།ལྔ་ནི་ཁེ་སྤགས་ཆུང་ཆུང་གསོག་འདོད་མེད་པ་དང་དངུལ་སྒོར་འབོར་ཆེན་དང་ཁེ་ལས་ཆེནམོ་བཅས་ནི་མ་རྩ་ཆུང་ཆུང་ནས་བསགས་པའི་ཚོང་གཉེར་གྱི་ཐབས་ཤེས་ཡིན་པ་མི་ཤེས་པ།
ལོ་རྒྱུས་འཕེལ་རྒྱས་འགྲོ་བཞིན་ཡོད་ལ་དུས་རབས་མདུན་དུ་སྐྱོད་བཞིན་ཡོད་པ་དང་།གནས་བབ་འགྱུར་ལྡོག་འགྲོ་བཞིན་ཡོད་ལ་འཛམ་གླིང་གི་སྒོ་ཁ་འབྱེད་བཞིན་ཡོད།ང་ཚོས་སྲོལ་རྒྱུན་གྱི་རིག་གནས་ཁྲོད་ཉིང་བཅུད་དང་སྤྱོད་བཟང་། ཕན་ནུས་ལྡན་པའི་རིགས་བླངས་ནས་དར་སྤེལ་གཏོང་བ་དང་།སྙིགས་དང་རྗེས་ལུས།ཕན་ནུས་མེད་པ་དག་དང་དུས་རབས་མི་འཕྲོད་པའི་ཚིགས་འགྲོགས་སུ་གཏོགས་པ་རྣམས་དབྱུག་པར་འོས།
བསམ་ཚུལ་འབྲི།
བག་ཆགས་དོང་སྤྲུགས།