འདོན་སྤེལ། 2019/03/20 6:24 AM རྩོམ་པ་པོ།

རྩོམ་བརྡ།
༄༅།། ཤེས་རབ་ཀྱི་འོད་སྣང་ལུགས་གཉིས་དཔལ་གྱི་མཁའ་དབྱིངས་ན་འཚེར་བཞིན་པའི་ཆོས་རྒྱལ་སྡེ་དགེ་རྒྱལ་པོའི་ལྷ་འབངས་སུ་གཏོགས་པའི་རྒྱ་ཆེའི་སྨྱུག་འཛིན་པ་རྣམ་པར་ཆེད་གསོལ།
དེའང་སྡེ་དགེ་རྒྱལ་ཡོངས་ལྷན་ཚོགས་ཀྱི་དབུས་ཡིག་ཚང་ནས་བོད་ཀྱི་སྐད་ཡིག་གི་རིག་གནས་སྤྱི་དང་། ལྷག་པར་དུ་ཕ་མེས་རིམ་བརྒྱུད་ནས་བྱུང་བའི་རྩོམ་རིག་གི་ནུས་སྟོབས་གང་འཕེལ་ཆེད། དབུས་རྒྱུན་སྐབས་རེའམ་མི་ལོ་གསུམ་རེའི་མཚམས་སུ་<<སྡེ་བཞིའི་དཔལ་ཡོན་>>ཞེས་པའི་ཆེད་དེབ་རེ་འདོན་སྤེལ་ཞུ་མུས་སུ་ཡོད་པ་ལྟར། ཆེད་དེབ་འདོན་ཐེངས་ ༢ པ་དེ་འདི་ལོར་རྩོམ་སྒྲིག་དང་། འགྲེམས་སྤེལ་བྱ་རྒྱུར་ཐག་ཆོད་སོང་པས། མཁྱེན་དཔྱོད་ཀྱི་དཔུང་ཤུགས་རྒྱས་པའི་རྣམ་པ་ཚོས་ལོ་རྒྱུས། དཔྱད་རྩོམ། སྒྲུང་རྩོམ། སྙན་ངག་བཅས་ཀྱི་རྩོམ་ཡིག་གསར་པ་སྤུས་ལྡན་རིགས་འདི་ལོའི་ཕྱི་ཟླ་ ༨ པའི་ནང་ཚུན་དབུས་ཡིག་ཚང་དུ་མཁོ་གཏོང་གནང་རྒྱུར་བཀའ་དྲིན་མ་ཆུང་ཞུ།
ལྷ་རབ་བྱུང་ན་རྩོམ་ཡིག་དག་སྡེ་དགེའི་ཡུལ་གྱི་དཔལ་ཡོན་དང་འབྲེལ་ཐུབ་དགོས་ལ། གཙོ་བོ་ནི། ལོ་རྒྱུས། བཅར་འདྲི། དཔྱད་རྩོམ། སྒྲུང་རྩོམ་བཅས་ལ་དམིགས་ནས། ད་ཐེངས་སྙན་ངག་གི་ས་མིག་ཆུང་ངུ་ཙམ་ལས་འཇོག་འཆར་མེད་པས་དེ་ལུགས་མཁྱེན་ཆུབ་ཡོང་བ་ཞུ་རྒྱུ་དང་། མ་ཟད་རྩོམ་ཡིག་དག་གི་ཡིག་ཚོགས་མང་ཉུང་རན་ཞིང་། སྤྱི་སྨན་རང་བཞིན་ཅན་རེ་ཡིན་དགོས་པས་དེ་ལུགས་དགོངས་དབྱིངས་སུ་མངའ་བ་མཁྱེན་ཞེས་སྡེ་དགེ་རྒྱལ་ཡོངས་ལྷན་ཚོགས་ཀྱི་དབུས་ཡིག་ཚང་ནས་ ༢༠༡༩་༣་༢༠ ཉིན།

' རྩོམ་འོག་མ། སློབ་ཕྲུག་ ༡༤ ལ་སློབ་ཡོན་འབུལ་རྒྱུའི་གསར་བརྡ་མཐའ་མ།

འབྲེལ་ཡོད་ཀྱི་རྩོམ་གཞན།

• ས་གནས་ཡུལ་མིའི་རེ་འབོད་ལ་བདག་སྐྱོང་དགོས་པའི་ཡོངས་ཁྱབ་བསྒྲགས་གཏམ།
• སྡེ་དགེ་རྒྱལ་ཡོངས་ལྷན་ཚོགས་ཀྱི་ ༢༠༢༢ ལོའི་སློབ་ཡོན་གསལ་བསྒྲགས།
• ༄༅། །འཛམ་གླིང་ཤར་ནུབ་གང་དུ་བཞུགས་ཡོད་པའི་རང་རེེའི་སྡེ་དགེ་བ་ཕུ་ནུ་མིང་སྲིང་ཡོངས་ལ་སྡེ་དགེའི་ཉིན་མོའི་གསལ་བརྡ།
• སྡེ་དགེ་པ་འཛིན་གྲྭ་བཅུ་པའི་སློབ་མ་ཡོངས་ནས་དོ་སྣང་གནང་དགོས་རྒྱུ་གལ་ཆེ།
• སྡེ་དགེ་རྒྱལ་ཡོངས་ལྷན་ཚོགས་ཀྱི་ ༢༠༡༩ ལོའི་སློབ་ཡོན་འབུལ་འགོ་བཙུགས།