སྡེ་དགེའི་རྒྱལ་རབས་མུ་ཏིག་ཕྲེང་བ། ༼བཅུ་གཅིག་པ་རྫོགས་སོ།།༽
སྡེ་དགེའི་རྒྱལ་རབས་མུ་ཏིག་ཕྲེང་བ། ༼བཅུ་གཅིག་པ།༽ མཛད་པ་པོ་བར་མ་མཁན་པོ་ངེས་དོན།
༈ གསུམ་པ་སྤོང་བ་བསམ་གཏན་གྱི་འཁོར་ལོ་སྒྲུབ་གྲྭའི་སྐོར་ལ། དེའང་ལྕགས་ར་འཇིགས་བྱེད་སྒྲུབ་གྲྭ་ནི། ལྕགས་རྭ་དགོན་པས་ཞིག་གསོ་བྱས་ཤིང་དགོན་ཆེན་ལྷུན་གྲུབ་སྟེང་འདི་ནས་ཟུར་བླ་རེ་སྒྲུབ་དཔོན་གཙོས་ཅི་རིགས་མངགས་ཏེ་རྒྱུན་གནས་བཞིན་ལ། སྒྲུབ་གྲྭའི་གཙོ་བོ་དྲྭ་སྒང་རི་ཁྲོད་ཀྱི་སྒྲུབ་གྲྭ་ནི། མེ་བྱི་ཕྱི་ལོ་༡༩༩༦ལོར་སྒ་བླ་ངག་དབང་བསྟན་འཛིན་མཆོག་གིས་སྒྲུབ་གྲྭའི་ལྷ་ཁང་གྲྭ་ཤག་བཞི་བཅུ་ཙམ་ཐབ་ཚང་བཅས་ཉམས་གསོ་བཀོད་ལེགས་མཛད་པ་ཡིན་ལ། མེ་གླང་ཕྱི་ལོ་༡༩༩༧ལོར་ཁང་ལས་གྲུབ་ནས་སྒྲུབ་གྲྭ་དངོས་སུ་བཙུགས་པ་ནི་ལོ་དེའི་ཟླ་བ་དགུ་པའི་ཚེས་བཅུ་བཞི་ས་སྐོར་ཆེན་པོའི་ཉིན་མཛད་སྒོ་རྟེན་འབྲེལ་རྒྱས་སྤྲོས་དང་། ཟླ་བ་དེའི་ཚེས་ཉེར་གསུམ་ནས་བསྒྲུབ་པ་དངོས་སུ་ཚུགས། སྒྲུབ་གྲྭ་ཆེན་པོ་འདིར་སྒྲུབ་ཐེངས་རེར་ལོ་བཞི་རེ་ཡིན་པ་ལས་ཐོག་མར་སྒྲོལ་དཀར་ཚེ་སྒྲུབ་ཟླ་བ་གཅིག །དེ་ནས་ཀྱེ་རྡོར་བསྙེན་ཆེན་ལོ་གཅིག་དང་ཟླ་བ་ལྔ། མགོན་པོ་ཕྱི་སྒྲུབ་ཟླ་བ་དྲུག །གསང་སྒྲུབ་ཟླ་བ་དྲུག །མདུན་བསྐྱེད་ཀྱི་སྒྲུབ་པ་ཟླ་བ་དྲུག །ངོར་འཇིགས། མཁའ་སྤྱོད། དཔལ་མགོན་ཞལ་བཅས་ལ་ཟླ་བ་བཅུ་གཅིག །མཐར་གྲུབ་རྒྱལ་ཚེ་སྒྲུབ་ཟླ་བ་གཅིག་བཅས་བཞུགས་པ་སྔར་སྲོལ་ལྟར་འཇོག་ཡོད། དགོན་འདི་ཉིད་དང་ས་དགོན་ཁག་ནས་འདུས་པའི་སྒྲུབ་གྲྭ་བ་ཉེར་བརྒྱད་ཙམ་ཡོད་ཅིང་། དེ་དག་གི་འཚོ་བ་བླ་མ་ངག་དབང་བསྟན་འཛིན་ཉིད་ནས་ལོ་རེར་མར་རྒྱ་མ་བརྒྱ། ནས་རྒྱ་སུམ་བརྒྱ། ཇ་རྒྱ་བཅུ་སོགས་སྦྱར་བཞིན་པ་ཡིན་ལ། སྒྲུབ་ཐེངས་འདིར་དབང་ཁྲིད་ལམ་འབྲས་སོགས་སྨིན་གྲོལ་གང་དགོས་བླ་མ་འཇམ་སེང་གདན་དྲངས་ནས་གསུངས། སྒྲུབ་གྲྭ་འདིར་སྔར་ལུགས་ལྟར་བསྐང་གཏོར་དུས་བཞིར་ཚར་ལུགས་ལྟར་གསུངས་ཤིང་མདོར་ན་སྒྲུབ་པའི་རྒྱལ་མཚན་མཐོན་པོར་བསྒྲེངས་པའི་སྒྲུབ་སྡེ་ཆེན་པོ་ཞིག་ཡོད་དོ། དེ་དག་གིས་བསྟན་པ་སླར་ཡང་རྒྱས་ཚུལ་མདོར་བསྡུས་ཙམ་སྨོས་ཟིན་ལ་རེ་རེ་ནས་རྒྱས་པར་འབྲི་མ་ལངས། ༈ གཉིས་པ་བསྟན་འཛིན་གཙོ་བོ་འགའ་ཞིག་གི་རྣམ་ཐར་ལ། དེའང་ཕན་བདེའི་འབྱུང་གནས་རྒྱལ་བསྟན་སྤྱི་དང་བྱེ་བྲག །ཁྱད་པར་ཆོས་གྲྭ་ཆེན་པོ་འདི་ཉིད་ཀྱི་བཤད་སྒྲུབ་ལས་ཀྱི་འཁོར་ལོ་ལ་བཀའ་དྲིན་ཤིན་ཏུ་ཆེ་བ་འགའ་ཞིག་གི་རྣམ་ཐར་དད་པའི་གསོས་སུ་མདོར་བསྡུས་ཏེ་བཀོད་པ་ལ། སྒིས་བླ་རྡོ་རྗེ་འཆང་ངག་དབང་ཆོས་འཕེལ་བཟང་པོ་ནི། རྗེ་འདི་ཉིད་ངེས་དོན་དུ་ཐུགས་ཆོས་སྐུའི་དགོངས་པ་མངོན་དུ་མཛད་ཅིང་དམིགས་པ་མེད་པའི་ཐུགས་རྗེས་སྤྲུལ་པའི་རྣམ་རོལ་མཐའ་ཡས་པ་སྟོན་ཅིང་། ཁྱད་པར་གྲུབ་དབང་དྲྭ་སྒང་དཔལ་ལྡན་ཕྲིན་ལས་ཞེས་མགོན་པོ་ཆེ་ཆུང་བྲན་ལྟར་བྱེད་པའི་སྐྱེས་བུ་ཆེན་པོའི་རྣམ་རོལ་དུ་གདོན་མི་ཟ་སྟེ། རྗེ་ཉིད་ཀྱི་ཞལ་ནས་ཁོ་བོ་དྲྭ་མ་སྒང་དུ་ཐོག་མར་འགྲོ་སྐབས་རི་དང་ལམ། ཐ་ན་རྡོ་ཕ་བོང་ཞིག་ཚུན་ཆད་གསལ་བོར་དྲན་རྒྱུ་འདུག་ཅེས་དང་། འཇམ་དབྱངས་ཆོས་ཀྱི་བློ་གྲོས་ཀྱིས་སྒྲུབ་ཐབས་ཀུན་བཏུས་གསུངས་དགོས་ཚུལ་བཀའ་ཤོག་དབུ་ཞྭ་ས་ཞུ་བཅས་གནང་སྟེ་དྲྭ་སྒང་དཔལ་ལྡན་ཕྲིན་ལས་ཀྱི་འདྲ་སྐུ་ལ་ཞྭ་འདི་འདྲ་ཞིག་འདུག་པས་ཁྱོད་ཀྱིས་ཀྱང་ཞྭ་འདི་གྱོན་ཞེས་གསུངས་པས་ཤེས་ལ། བསྟན་འགྲོའི་མགོན་དུ་མིའི་སྲིད་པར་བཟུང་བའི་ཚུལ་ནི། སྡེ་དགེའི་ཆོས་རྒྱལ་ཆེན་པོའི་མངའ་འོག །འབྲི་ཀླུང་གསེར་ལྡན་གྱི་ནུབ་ཀྱི་ཟླ་སྒིས་ནང་ཞེས་པར། ཡབ་པདྨཚེ་རིང་གི་སྲས་སུ་རབ་བྱུང་བཅོ་ལྔ་པའི་ཤིང་འབྲུག་ཕྱི་ལོ་༡༩༠༤ལོར་སྐུ་འཁྲུངས། ཆུང་ངུ་ནས་རང་བཞིན་ཞི་ཞིང་བློ་གསལ་བ། སྐུ་རྩེད་ཀྱི་རྣམ་པའང་དབང་བསྐུར་ཆོས་འཆད་ལྟར་བུར་མཛད་པ་ཞིག་ཡོད་ཅེས་ཐོས་ལ། དགུང་ལོ་བདུན་པ་ནས་ཡོན་ཏན་གཞི་མ་ཡི་གེ་འབྲི་ཀློག་བསླབ་པས་བརྡ་བསྟན་པ་ཙམ་གྱིས་མཁྱེན། དེ་སྐབས་ཤིག་ཏུ་གློ་བུར་དུ་སེར་ཆར་བབས་པས་སྒིས་རྡོ་ཐོག་ཤིང་སྐྱེ་ཞེས་པའི་ཕ་བོང་ཞིག་གི་འཁྲིས་སུ་བཞུགས་པར་ཐོག་ལྷུང་སྟེ་ཉེར་འཁོར་གྱི་ར་ལུག་མང་པོ་ཤི་རྨས་བྱས་ཤིང་སྐུ་ལུས་ལ་ཁྲོ་ཆུ་མང་དུ་འཐོར་ཡང་མ་གནོད། དགུང་ལོ་དགུ་པ་ན་ཆོས་གྲྭ་ཆེན་པོ་འདི་ཉིད་དུ་ཕེབས་ཏེ་དངུལ་གདུང་ལྷ་ཁང་དུ་དབུ་ཆེན་དཔལ་ལྡན་ཆོས་མཛད་ལས་ཆོས་སྤྱོད་ཀྱི་རིགས་བསླབས། དགུང་ལོ་བཅུ་གསུམ་པར་ཝ་ར་བདེ་ཆེན་རི་ཁྲོད་དུ་ཕེབས་ཆོས་རྗེ་དམ་ཆོས་བསྟན་པ་ལས་རབ་བྱུང་གི་སྡོམ་པ་དང་སེམས་བསྐྱེད་ཀྱི་སྡོམ་པ་བཞེས། དེ་ནས་རྗེ་དེ་ཉིད་བཀའ་དྲིན་སུམ་ལྡན་དུ་བསྟེན་ཏེ་ལམ་འབྲས་སློབ་བཤད་ཀྱི་སྨིན་གྲོལ་རྒྱས་པ་དམིགས་རིམ་དང་སྦྲགས་ཏེ་གསན། གཞན་ཡང་ནཱ་རོ་མཁའ་སྤྱོད་ཀྱི་ཆོས་སྐོར། མགོན་པོ་བྲག་རྫོང་ཕྱི་ནང་གསང་བའི་དབང་ཁྲིད། ས་དྲུང་པའི་གཅོད་སྐོར་ཡོངས་རྫོཊ། ཆགས་གཅོད། བཀའ་གཅོད་སོགས་གཅོད་སྐོར་མང་པོས་མཚོན་ཟབ་ཆོས་དཔག་མེད་གསན། དགུང་ལོ་བཅུ་དྲུག་པ་ནས་ཉི་ཤུ་བའི་བར་ཀྱེ་རྡོར་གཞི་བསྙེན་རྒྱས་པ། བྲག་རྫོང་ཕྱི་ནང་མདུན་བསྐྱེད་ཀྱི་སྒྲུབ་པ་བཅས་དང་། གཅོད་སྐོར་མང་པོའི་སྒྲུབ་པ་སོགས་བསྙེན་སྒྲུབ་མཛད་ཅིང་རྟོགས་པ་མཐོན་པོར་བརྙེས། དགུང་ལོ་ཉི་ཤུ་པར་ཐུགས་ཀྱི་གཏད་སོ་ས་ངོར་གཉིས་ལ་མཛད་ནས་དབུས་གཙང་ཕྱོགས་སུ་ཕེབས། ལྷ་ལྡན་ཇོ་བོ་རིན་པོ་ཆེ་སོགས་རྟེན་མཇལ་མཆོད་འབུལ་མང་དུ་མཛད། ངོར་ཨེཝཾ་ཆོས་ལྡན་དུ་མཁན་དམ་པ་རིན་པོ་ཆེ་ངག་དབང་བློ་གྲོས་གཞན་ཕན་སྙིང་པོ་ལས་བསྙེན་རྫོགས་ཀྱི་སྡོམ་པ་བཞེས། མཚན་ངག་དབང་ཆོས་འཕེལ་བཟང་པོ་ཞེས་གསོལ། གསུང་ངག་ལམ་འབྲས་ཚོགས་བཤད་ལྟར་གྱི་སྨིན་གྲོལ་སོགས་ཟབ་རྒྱས་ཀྱི་ཆོས་བསམ་གྱིས་མི་ཁྱབ་པ་གསན། དེ་ནས་ལོ་ངོ་དྲུག་ཙམ་གྱི་རིང་ལ་རྒྱ་གར། བལ་ཡུལ། དཔལ་ས་སྐྱ་སོཊ་དབུས་གཙང་ཕྱོགས་ཀྱི་གནས་ཆེན་ཁག་དང་རྟེན་མཇལ་མཆོད་འབུལ་ཐུགས་དམ་ཉམས་བཞེས་སོགས་མཛད། དེ་ནས་ཁམས་སུ་བྱོན་རྗེ་དམ་ཆོས་བསྟན་པ་ལས་དཔལ་མགོན་ཞལ་ཁྲིད། འཇིགས་བྱེད་ཚར་ངོར་གྱི་ཆོས་སྐོར། སྒྲོལ་དཀར་ཁྲིད། རྒྱལ་བའི་བཀའ་འགྱུར་རིན་པོ་ཆེའི་ལུང་སོགས་གསན། དེ་སྐབས་བླ་མ་དམ་ཆོས་བསྟན་པས་རྒྱུད་སྡེའི་དཀྱིལ་འཁོར་འབྲི་བ་དང་། སྤར་ཁང་བཞེངས་པ་ལ་ཞབས་ཕྱི་ལེགས་པར་མཛད། རྗེ་དམ་ཆོས་བསྟན་པས་གསང་བདག་བློ་གཏེར་དབང་པོའི་སློབ་ཆེན་དཀོན་མཆོག་རྒྱལ་མཚན་ཆེད་དུ་གདན་དྲངས་པ་ལས་རྒྱུད་སྡེ་ཀུན་ལས་བཏུས་པའི་སྨིན་གྲོལ་གྱི་ཆོས་སྐོར་ཡོངས་རྫོགས། སྒྲུབ་ཐབས་ཀུན་བཏུས་ཁ་སྐོང་དང་བཅས་པ། གཅོད་སྐོར་དང་གཏེར་ཆོས་དུ་མ། མ་ཎི་བཀའ་འབུམ་སོགས་གསན། ཕྱིས་སུའང་རྗེ་དེ་ལས་མཁའ་སྤྱོད་བེའུ་བུམ་བཅས། འཇིགས་བྱེད་སྨིན་གྲོལ་རྭ་པོད་བཅས། མགོན་པོ་ཕྱི་ནང་གི་ཆོས་སྐོར་ཡོངས་རྫོགས་ཞལ་ཁྲིད་ཐུན་མོང་མིན་པའི་རྗེས་གནང་ཞལ་པོད་དང་བཅས་པ། དུར་བདག །བེཀྩེ། རྣམ་སྲས། དམག་ཟོར་སོགས་ཀྱི་པོད། ཐང་རྒྱལ་གསང་སྤྱོད་སྙན་བརྒྱུད་པོད་གཉིས་སོགས་ཟབ་ཆོས་དཔག་མེད་གསན། རྗེ་འདི་ནི་ཁོང་གི་ཚེ་རབས་ལས་ཀྱི་བླ་མ་ཡིན་གསུངས། ཝ་ར་བདེ་ཆེན་རི་ཁྲོད་དུ་སྔར་སྨོས་པ་དང་། གཞན་ཡང་འབྱུང་འདུལ་བསྙེན་པ། ཀུན་རིག་བསྙེན་པ་རྒྱས་པ། རིག་གསུམ་སྤྱི་བསྙེན། དྲི་མེད་རྣམ་གཉིས། དཔལ་རྩེ་དབྱིངས་གསུམ། དགྲ་གདོང་འཇིགས་གསུམ། བདེ་མཆོག །མཁའ་སྤྱོད། རྟ་ཕྱག་ཁྱུང་གསུམ། རྣམ་འཇོམས། འཇམ་ནག །ཚེ་སྒྲུབ་སྣ་ཚོགས་སོགས་ལྷག་པའི་ལྷ་མང་པོའི་བསྙེན་པ་ཁ་སྐོང་གི་སྦྱིན་སྲེག་དང་བཅས་པར་མཛད། དགུང་ལོ་སུམ་ཅུའི་སྐོར་ནས་སྡེ་དགེ་དགོན་ཆེན་ལྷུན་གྲུབ་སྟེང་འདིར་བཞུགས། ཡུན་རིང་མ་སོང་བར་ལྕགས་ར་འཇིགས་བྱེད་སྒྲུབ་གྲྭར་ཕེབས་ཏེ་ལོ་གཅིག་སྒྲུབ་པར་མཛད། དེ་ནས་ཆོས་གྲྭ་འདི་ཉིད་དུ་ཆོས་སྤྱོད་ཀྱི་རིགས་མཛད། མཁན་ངག་དབང་བསམ་གཏན་བློ་གྲོས་ལས་མགོན་པོ་ཆེ་ཆུང་གི་ཁྲིད་ཐེངས་མང་། འཇིགས་བྱེད་ཚར་ངོར་གྱི་ཁྲིད་རྭ་པོད་དང་བཅས་པ། སྒྲུབ་ཐབས་ཀུན་བཏུས་སོགས་ཟབ་ཆོས་མང་དུ་གསན། ནུབ་བླ་མ་འཇམ་དབྱངས་མཁྱེན་རབ་མཐའ་ཡས་ལས་མགོན་པོ་ཁྲོ་བཅུའི་དབང་ཁྲིད་སོགས་གསན། དབྱར་གནས་མཁན་པོ་ཡེ་ཤེས་བློ་གྲོས་ལས་མཁའ་སྤྱོད་སོགས་གསན། རྫོང་སར་བཀྲ་ཤིས་ལྷ་རྩེར་ཕེབས་འཇམ་དབྱངས་ཆོས་ཀྱི་བློ་གྲོས་ལས་སྒྲོལ་དཀར་རྗེས་གནང་དང་ཁྲིད་ཞིབ་རྒྱས། མཁའ་སྤྱོད་ཁྲིད། འཇིཊ་བྱེད་ཁྲིད། ངོར་དཀྱིལ་བདུན་གྱི་དབང་སོགས་གསན། ཕྱིས་སུའང་རྗེ་འདི་ལས་དྲྭ་སྒང་སྒྲུབ་སྡེར་བཞུགས་སྐབས་སྒྲུབ་པ་བ་ཐམས་ཅད་དང་ལྷན་དུ་རྫོང་སར་བྱོན་ལམ་འབྲས་སློབ་བཤད་སོགས་མང་པོ་གསན། དེ་ནས་དྲྭ་སྒང་སྒྲུབ་སྡེར་ལོ་བཞིའི་བར་བཞུགས་ནས་སྔ་སྲོལ་ལྟར་གྱི་བསྙེན་སྒྲུབ་མཛད། དེ་ནས་དགོན་ཆེན་འདིར་ཕེབས་ཤར་མགོན་ཁང་དུ་ལྷ་གཉེར་ལོ་གཉིས་ཙམ་མཛད། དེ་ནས་ཟུར་བླའི་གོ་ས་ཐོབ། ལྷག་ལྷ་མང་པོའི་བསྙེན་སྒྲུབ་མཛད། སླར་ཡང་དྲྭ་མ་སྒྲུབ་ཁང་དུ་སྒྲུབ་དཔོན་ལོ་བཞིར་མཛད། དེ་ནས་དྲྭ་མ་ཡར་དགོན་དུ་མཁན་པོ་ལོ་ཤས་མཛད་སྐབས་དགོན་པ་བཅོས་བསྒྱུར་དང་ཁེལ་བས་སྡེ་དགེར་ཟུར་བཙོན་ཁང་དུ་ཟླ་བ་བརྒྱད་ཙམ་འོ་རྒྱལ་ཆེན་པོའི་ངང་བཞུགས་དགོས་བྱུང་། དེ་ནས་ཁྲིམས་དཔོན་གྱིས་ཁྱེད་རང་གར་འགྲོ་ཤེས་ཟེར་བས་འགེ་འུག་ཏུ་བྱོན། ཞབས་སྙུང་ཚུལ་གྱིས་ཕྱིར་མ་བུད་པར་བསྒྲུབ་པ་ལ་བཙོན་པས་མཁའ་སྤྱོད་ཨོཾ་གསུམ་མ་དུང་གཅིག །ཁ་སྐོང་སྦྱིན་སྲེག་དང་བཅས་གདན་ཐོག་གཅིག་ལ་འགྲོ་བར་མཛད། གཞན་ཡང་རྒྱུད་སྡེ་མང་པོའི་བསྙེན་སྒྲུབ་བཞུགས། དེ་ནས་ཆོས་དད་རང་མོས་ཀྱིས་སླར་ཡང་བསྟན་པ་ཉམས་གསོའི་སྐབས་འདིར་སྔར་འགེ་འུག་བཞུགས་སྐབས་དང་། ཆོས་གྲྭ་ཆེན་པོ་འདི་ཉིད་དུ་ཞབས་སོར་འཁོད་ནས་གཙོ་བོར་ཐུགས་དམ་ཉམས་བཞེས་དང་བཅས་སྐྱེ་རྒུའི་རེ་འདོད་ཆོས་ཀྱིས་སྐོང་བར་མཛད་དེ། སྔར་ངོར་མཁན་རིན་པོ་ཆེ་ངག་དབང་མཁྱེན་བརྩེ་ཐུབ་བསྟན་སྙིང་པོ་མཆོག་གིས་རབ་བྱུང་བསྙེན་རྫོགས་ཀྱི་སྡོམ་པ་དང་སྨིན་གྲོལ་འཆད་སྤེལ་དགོས་ཚུལ་ས་ཞུ་བཅས་བསྩལ་བ་དང་། ཀླུ་ལྡིང་མཁན་རིན་པོ་ཆེ་འཇམ་དབྱངས་བསྟན་བའི་ཉི་མ་སྒ་སྟོད་དུ་ཕེབས་སྐབས་བཀས་བསྐུལ་བ་ལྟར། ཆོས་གྲྭ་འདིས་གཙོས་ཕྱོགས་ཀྱི་དགོན་སྡེ་ཁག་ནས་འདུས་པའི་མཁན་སྤྲུལ་བླ་གྲྭ་ཚད་མེད་པ་ལ་སོ་སོའི་བློ་དང་འཚམས་པའི་ཆོས་འཁོར་བར་མེད་དུ་བསྐོར། རབ་བྱུང་བསྙེན་རྫོགས་ཀྱི་སྡོམ་པ་བསྩལ་བ་སྟོང་ཕྲག་དུ་མར་ལངས་ཤིང་། དབང་ལུང་ཁྲིད་ཀྱི་ཆོས་གསུངས་པ་གཞལ་དུ་མེད། དུས་འདིར་ས་ངོར་གྱི་བླ་ཆེན་ལྗོངས་འདིར་མ་བཞུགས་པས་ངོར་མཁན་ཆེན་དམ་པ་ཞིག་གི་ཕྲིན་ལས་རྗེ་འདིས་སྐྱོང་བས། ཕྱོགས་ཀྱི་དགོན་པ་ཁག་གི་མཁན་པོ་སྤྲུལ་སྐུ་བླ་མ་སློབ་དཔོན་འདུས་ཚོགས་དང་བཅས་པ་ཐམས་ཅད་རྗེ་འདིའི་ཞལ་སློབ་མ་གྱུར་པ་མེད་པ་ལྟ་བུར་གྱུར། དད་ཅན་རྣམས་ཀྱིས་འབུལ་ནོད་བྱུང་བ་རྣམས་ཀྱང་རྟེན་བཞེངས་ཀྱི་ཆེད་དུ་དགོན་གཞུང་ལ་གནང་ཞིང་སྐལ་བ་དང་ལྡན་པ་རྣམས་ཀྱི་རེ་འདོད་ཆོས་ཀྱིས་སྐྱོང་། ཆོས་གྲྭ་ཆེན་པོ་འདི་ཉིད་ན་གྲུབ་ཆེན་ཐང་སྟོང་རྒྱལ་པོ་གཉིས་པ་རྗེ་འདི་ཉིད་དོ། མདོར་ན་བླ་མ་ཚད་མ་མང་པོའི་ཞབས་པད་བསྟེན་ནས་རིས་སུ་མ་ཆད་པའི་གྲུབ་མཐའ་སྤྱི་དང་། ཁྱད་པར་དཔལ་ས་སྐྱའི་མདོ་སྔགས་ཀྱི་ཆོས་སྐོར་གངས་རིའི་ལྗོངས་འདིར་བཞུགས་པ་ཡོངས་སུ་རྫོགས་པ་གསན་ཅིང་། སྙིང་པོ་ཉམས་བཞེས་མཛད་པའང་ཀྱེ་རྡོར་གཞི་བསྙེན་ཐེངས་མང་། རྒྱུད་སྡེ་ཀུན་ལས་བཏུས་པའི་ལྷག་པའི་ལྷ་རབ་འབྱམས་ཀྱི་བསྙེན་སྒྲུབ་ཚད་ལྡན་རེ་དང་། སྒྲུབ་ཐབས་ཀུན་ལས་བཏུས་པ་ཁ་སྐོང་དང་བཅས་པའི་ལྷ་ཕལ་མོ་ཆེའི་བསྙེན་སྒྲུབ་ཐ་ན་བདུན་མཚམས་རེ་མ་བཞུགས་པ་མེད་པར་མཛད། བཟླས་པ་ཁོ་ནའང་མཁའ་སྤྱོད་ཨོཾ་གསུམ་མ་དུང་གཅིག་དང་ས་ཡ་བདུན་ཅུ་ལྷག །མགོན་པོ་ཆེ་ཆུང་གཉིས་ཀའང་དུང་ལྷག་རེ། སྒྲོལ་དཀར་ས་ཡ་བརྒྱད་ཅུ་ལྷག །ཐང་རྒྱལ་ཚེ་སྒྲུབ་འབུམ་ཕྲག་སོ་བདུན་རྣམས་ཀྱིས་མཚོན་བསམ་གྱིས་མི་ཁྱབ། དེ་ལྟར་ཐུགས་ཉམས་བཞེས་པས་དངོས་ཉམས་རྨི་ལམ་ཅི་རིགས་པར་གྲུབ་པའི་རྟགས་མཐའ་ཡས་པ་ཞིག་མངའ་ཞིང་། རང་རྒྱུད་ཚད་མ་དང་ལྡན་པ་དེ་ལྟ་བུས་བསྟན་འགྲོའི་དོན་དཔག་ཏུ་མེད་པ་མཛད། དེ་ལྟར་དགུང་ལོ་དགུ་བཅུ་གོ་ལྔའི་བར་དུ་བསྟན་པ་དང་སེམས་ཅན་གྱི་དོན་རྒྱ་ཆེར་མཛད་དེ་རབ་བྱུང་བཅུ་བདུན་པའི་ས་སྟག་ཕྱི་ལོ་༡༩༩༨ས་ག་ཟླ་བའི་ཚེས་གཉིས་ཉི་མ་རྩེ་ཤར་གྱི་དུས་སུ་ཞབས་རྡོ་རྗེ་བསྐྱིལ་ཀྲུང་། ཕྱག་མཉམ་བཞག །སྐུ་དྲང་པོར་སྲོང་སྟེ་ས་གཡོ་བ། འཇའ་འོད་ཤར་བ་སོགས་ངོ་མཚར་བའི་ལྟས་དུ་མ་དང་བཅས་ཏེ་གཟུགས་སྐུའི་བཀོད་པ་བསྡུ་བའི་ཚུལ་བསྟན། ཚེས་ལྔ་ཉིན་ཤང་བུག་གཉིས་ནས་བྱང་སེམས་དཀར་དམར་འཕོ་བའི་ཚུལ་གྱིས་ཐུགས་དམ་གྲོལ་བའི་རྟགས་བྱུང་བ་དང་། གདུང་ཆས་ཞུས་ནས་ཚེས་དྲུག་ཉིན་འདུ་ཁང་ཆེན་པོའི་གཙོ་ཁང་དུ་བཞུགས་སུ་གསོལ་ནས་གདུང་མཆོད་དང་ཕྱོགས་དུ་མ་ནས་འདུས་པའི་སེར་སྐྱ་མང་པོས་མཇལ་ཁ་ཞུས། ཚེས་བཅུ་གསུམ་ཉིན་སྐུ་གདུང་ཞུགས་འབུལ་ཁང་དུ་གདན་དྲངས་ནས་ཤར་དུ་མཁའ་སྤྱོད་སློབ་དཔོན་དཔེ་ཝར་མཆོག་སྤྲུལ་རིན་པོ་ཆེ། ནུབ་ཏུ་ཀུན་རིག་སློབ་དཔོན་སྒ་བླ་མ་ངག་དབང་བསྟན་འཛིན། བྱང་དུ་མགོན་པོའི་སློབ་དཔོན་འཇམ་རྒྱལ་ཡང་སྲིད་རིན་པོ་ཆེ། ལྷོར་ཀྱེ་རྡོར་སློབ་དཔོན་སྐལ་ལྡན་ཚེ་རིང་རྣམས་ཀྱིས་ཞུགས་ལ་ཕུལ། ཚེས་བཅོ་ལྔར་གདུང་སྒོ་ཕྱེས་ཏེ་མཇལ་བས་བྱིན་རླབས་ཡེ་ཤེས་ཆེན་པོའི་རྟེན་དུ་ཐུགས་མ་ཚིག་པར་བཞུགས་ཤིང་ཞུན་ཐིག་དཔག་མེད་བྱོན་པ་དང་། གཟིམས་ཁང་དང་གདུང་ཁང་གི་ཉེར་ཁྲིས་སུ་རིང་བསྲེལ་ཁ་དོག་སྣ་ཚོགས་དཔག་མེད་བྱོན་པ་དད་པ་ཅན་རྣམས་ཀྱི་རྟེན་དུ་གྱུར། ཐུགས་དང་རིང་བསྲེལ་གདུང་རུས་གདུང་ཐལ་སོགས་རྟེན་གཙོ་བྱས་པའི་གསེར་དངུལ་ལས་གྲུབ་པའི་མཆོད་རྟེན་ཐོག་ཚད་ཅན་ད་ལྟ་གཙུག་ལག་ཁང་ཆེན་པོ་བཞུགས་པ་འདི་ཡིན་ལགས། ༈ དཔེ་ཝར་མཆོག་སྤྲུལ་རིན་པོ་ཆེ་འཇམ་དབྱངས་བསོད་ནམས་ལེགས་པའི་དབང་པོ་མཆོག་ནི། རབ་བྱུང་བཅུ་དྲུག་པའི་ཆུ་བྱ་ཕྱི་ལོ་༡༩༣༣ལོར་ཡབ་ཏྲེ་ཧོར་བླ་མ་ཀར་ལུ་རིན་པོ་ཆེ་ཞེས་ཤངས་པ་བཀའ་བརྒྱུད་ཀྱི་བསྟན་པའི་སྲོག་ཤིང་ཞིག་གི་སྐུ་མཆེད་མཆོག་སྤྲུལ་ཚུལ་ཁྲིམས་དང་། མ་ཡུམ་གུ་རུ་མཚོ་ཞེས་པ་གཉིས་ཀྱི་སྲས་སུ་རྫོང་ཤོད་བདེ་གཤེགས་འདུས་པའི་ཕོ་བྲང་གི་ཉེ་འདབས་སུ་སྐུ་འཁྲུངས། ཆུང་ངུ་ནས་དམ་པའི་རིགས་ལ་གནས་པའི་སྤྱོད་ཚུལ་དང་ལྡན་ཞིང་། དགུང་ལོ་ལྔ་ནས་རྫོང་སར་འཇམ་དབྱངས་ཆོས་ཀྱི་བློ་གྲོས་ཀྱིས་གྲུབ་ཆེན་བི༦་པའི་རྣམ་འཕྲུལ་ངོར་ཐར་རྩེ་ཞབས་དྲུང་རིན་པོ་ཆེ་ཀུན་དགའ་བསྟན་པའི་ཉི་མའི་ཡང་སྲིད་དུ་ངོས་འཛིན་མཛད་དེ་དཔེ་ཝར་དགོན་པའི་བསྟན་བདག་ཏུ་མངའ་གསོལ། ཡོངས་འཛིན་མཁན་པོ་བསྟན་འཛིན་རབ་རྒྱས་ལས་ཡོན་ཏན་གཞི་མ་ཡི་གེ་འབྲི་ཀློག་དང་། ཆོས་སྤྱོད་བློར་འཛིན་རིགས། སུམ་རྟགས་དག་གསུམ་སོགས་རིག་གནས་སྐོར་གསན། དགུང་ལོ་བཅུ་གསུམ་པ་ནས་རྫོང་སར་བཀྲ་ཤིས་ལྷ་རྩེར་ཕེབས། རྗེ་འཇམ་དབྱངས་ཆོས་ཀྱི་བློ་གྲོས་མཆོག་ཐུན་མིན་རིགས་བདག་ཏུ་བསྟེན་ནས་རྗེ་དེ་ཉིད་ལས་སྔ་ཕྱི་གསུང་ངག་རིན་པོ་ཆེ་ལམ་འབྲས་བུ་དང་བཅས་པའི་གདམས་ངག་སློབ་བཤད་ཀྱི་སྨིན་གྲོལ་ལན་གཉིས། ལམ་འབྲས་ཚོགས་བཤད་ཚར་གཅིག །སྒྲུབ་ཐབས་ཀུན་ལས་བཏུས་པ། བ་རི་བརྒྱ་རྩ། སྣར་ཐང་བརྒྱ་རྩ། རིན་ཆེན་གཏེར་མཛོད་ཀྱི་ཆོས་སྐོར་ཡོངས་སུ་རྫོགས་པའི་སྨིན་གྲོལ་ཟབ་རྒྱས། གདམས་ངག་རིན་པོ་ཆེའི་མཛོད། མགོན་པོ་བཀའ་བབས་བཞིའི་དབང་། ངོར་ལུགས་དཀྱིལ་འཁོར་བདུན་གྱི་དབང་བཀའ་སོཊ་དང་། དམར་པོ་སྐོར་གསུམ་གྱི་རྗེས་གནང་ཁྲིད་ལུང་། མཁའ་སྤྱོད་བྱིན་རླབས་དང་ཁྲིད་བེའུ་བུམ་པོད་ལུང་། མགོན་པོའི་རྗེས་གནང་ཁག་དང་ཁྲིད་སྐོར་ཡོངས་རྫོགས། འཇིགས་བྱེད་ངོར་ལུགས་དབང་ཁྲིད། སྤྱི་ལྗོན་བརྟག་གསུམ་སོགས་ཀྱི་རྒྱུད་བཤད། འཁོར་འདས་དབྱེར་མེད་ཀྱི་ལྟ་ཁྲིད། ཕྱག་རྫོགས་སོགས་ཟབ་ཁྲིད་སྐོར་མང་པོ་གསན་པ་སོགས་ཟབ་རྒྱས་ཆོས་སྐོར་མཐའ་ཡས་པ་གསན། རྫོང་གསར་ཁམས་བྱེའི་བཤད་གྲྭ་ཆེན་པོར་ལོ་ལྔ་ལ་བཞུགས་ནས་མཁན་ཆེན་མདོ་སྲིབ་པ་ཐུབ་བསྟན་ཆོས་ཀྱི་རྒྱལ་མཚན་སོགས་ལས་ཁམས་བྱེའི་བཤད་བཀའ་མདོ་སྔཊ་གཞུང་ཆེན་བཞི་བཅུའི་སྐོར་གསན་བསམ་མཐར་ཕྱིན་པར་མཛད། དགུང་ལོ་ཉེར་གསུམ་པར་དབུས་གཙང་དུ་གྲྭ་སར་ཕེབས། སྟོན་པའི་ཞལ་སྐྱིན་ཇོ་ཤཱཀ་ཡིད་བཞིན་ནོར་བུ་སོགས་རྟེན་མཇལ་མཆོད་འབུལ་རྒྱ་ཆེར་མཛད། ངོར་ཨེཝཾ་ཆོས་ལྡན་དུ་ཤར་ཆེན་ཀླུ་ལྡིང་མཁན་རིན་པོ་ཆེ་འཇམ་དབྱངས་བསྟན་པའི་ཉི་མ་ལས་གསུང་ངག་རིན་པོ་ཆེ་ལམ་འབྲས་བུ་དང་བཅས་པ་ཚོགས་བཤད་ལྟར་གྱི་སྨིན་གྲོལ་སོགས་སྤྱི་འགྲིགས་ལྟར་སྡོམ་པ་གསུམ་གྱི་ཆོས་བཀའ་དཔག་མེད་གསན། གཞན་ཡང་ས་སྐྱ་ཁྲི་ཆེན་རིན་པོ་ཆེ་ངག་དབང་ཐེག་ཆེན་དཔལ་འབར། བདག་ཆེན་ངག་དབང་ཀུན་དགའ་བསོད་ནམས་། དིལ་མཁྱེན་རབ་གསལ་ཟླ་བ། རྒྱལ་མཆོག་བཅུ་བཞི་པ་ཆེན་པོ། སྨིན་གླིང་ཁྲི་ཆེན་རིན་པོ་ཆེ། མཁྱེན་བརྩེའི་ཡང་སྲིད་རིན་པོ་ཆེ་འཇམ་དབྱངས་ཐུབ་བསྟན་ཆོས་ཀྱི་རྒྱ་མཚོ་མཆོག །བཅོ་བརྒྱད་ཁྲི་རིན་པོ་ཆེ། སྡེ་གཞུང་མཆོག་སྤྲུལ་ཀུན་དགའ་རྒྱལ་མཚན་སོགས་རིས་སུ་མ་ཆད་པའི་བསྟན་འཛིན་སྐྱེས་ཆེན་མང་པོའི་ཞབས་པད་བསྟེན་ནས་མདོ་སྔགས་རིག་གནས་དང་བཅས་པའི་གཞུང་ལུགས་རབ་འབྱམས་ལ་མཁྱེན་དཔྱོད་རབ་ཏུ་རྒྱས། ཐུགས་དམ་ཉམས་བཞེས་ཀྱང་ས་སྐྱའི་སྤྱི་སྒྲིག་འབྱུང་འདུལ། ཀྱེ་རྡོར་བསྙེན་ཆེན། ཀུན་རིག །འཇིཊ་བྱེད། འཁོན་ལུགས་ཕུར་པ་སོགས་ཀྱི་བསྙེན་སྒྲུབ་དགོན་ཉིད་དུ་བཞུགས། ཕྱིས་དུས་འགྱུར་སྐབས་སུ་དགོན་ཆེན་ལྷུན་གྲུབ་སྟེང་འདི་ཉིད་དུ་མི་ལོ་ཉི་ཤུ་ཙམ་བཅད་རྒྱའི་ཚུལ་དུ་བཞུགས་ནས་སྒྲོལ་དཀར་ཚེ་སྒྲུབ། མགོན་དཀར་ཕྱག་དྲུག་པ། ཉེ་བརྒྱུད་ཚེ་རྟ་ཟུང་འབྲེལ། རྣམ་འཇོམས། རོང་ཟོམ་པདྨམཁའ་འགྲོ། བཀའ་འདུས་ཆོས་ཀྱི་རྒྱ་མཚོ། ཆོས་ཀྱི་བློ་གྲོས་དགོངས་གཏེར་སེང་གདོང་མ། སྤྱན་རས་གཟིགས་དོན་ཡོད་ཞགས་པ། ཧེརུཀའི་ཡིག་བརྒྱ་འབུམ་ཕྲག་བདུན་ལྷག །ཕྱག་འབུམ་ཕྲག་བཞི། ཐར་མདོ་དང་དྲི་མེད་བཤགས་རྒྱུད་གྲངས་མང་། ལྕེ་བཙུན་སྙིང་ཐིག །མཁའ་འགྲོ་གསང་འདུས། དམ་གྲིབ་ཉེས་སེལ། སྐྱེར་སྒང་ལུགས་ཀྱི་རྟ་མགྲིན། འཇམ་དཀར་མ་ཏི་ལུགས། བྱད་གྲོལ་གསེར་གྱི་ལྡེ་མིག །ནཱ་རོ་མཁའ་སྤྱོད། ཡང་ཕུར་སྦྲགས་མའི་ཟབ་ཏིག །འཆི་མེད་འཕགས་མའི་སྙིང་ཐིག་སོགས་ཀྱི་བསྙེན་སྒྲུབ་མཛད་པ་དང་། ས་སྐྱའི་ཆག་མེད་རྣམ་བཞི་སོགས་རྒྱུན་གྱི་ཉམས་ལེན་མཛད་ཅིང་ཉིན་རེ་བཞིན་མ་མཐར་ཞལ་ཐུན་རེ་དམ་པོར་བཅད་མཛད། དེ་ལྟར་ལུང་རྟོགས་ཀྱི་ཡོན་ཏན་རྒྱ་མཚོ་ལྟ་བུ་ལ་དབང་བརྙེས་ཏེ་སྨིན་གྲོལ་གྱི་ཆོས་འཁོར་དཔག་ཏུ་མེད་པར་བསྐོར་བས་བསྟན་འཛིན་གྱི་ཞལ་སློབ་སྐྱོང་བའང་། རྫོང་སར་དགོན་དུ་ཞལ་སློབ་ཉིས་བརྒྱ་སྐོར་ལ་སྔོན་རྗེས་ཟླ་བ་གཅིག་ཙམ་གྱི་རིང་ངོར་དཀྱིལ་བདུན་གྱི་དབང་སོགས་གསུངས། མི་ཉག་རི་ཁུད་དགོན་དུ་ཞལ་སློབ་ལྔ་བརྒྱ་ལྷག་ལ་ལམ་འབྲས་སློབ་བཤད་ཀྱི་སྨིན་གྲོལ། ཡིད་ལྷུང་ལྷ་རྒྱལ་དགོན་དུ་ཞལ་སློབ་སུམ་བརྒྱ་ལྷག་ལ་ལམ་འབྲས་སློབ་བཤད་སོགས་དང་། རྒྱ་གར་བྷར་གནས་བརྟན་དགོན་དུ་ཞལ་སློབ་སུམ་བརྒྱ་སྐོར་ལ་རིན་ཆེན་གཏེར་མཛད་ཀྱི་དབང་བཀའ་རྒྱས་པ། ཡང་རྫོང་སར་དགོན་དུ་ཞལ་སློབ་བརྒྱ་དང་དྲུག་ཅུའི་སྐོར་ལ་གདམས་ངག་རིན་པོ་ཆེའི་མཛོད་སོགས་ཀྱི་སྨིན་གྲོལ་བསྩལ། རྫོང་སར་མཁྱེན་བརྩེའི་ཡང་སྲིད་རིན་པོ་ཆེ་ལ་ལམ་འབྲས་སློབ་བཤད་ཀྱི་སྨིན་གྲོལ། མཁྱེན་བརྩེའི་བཀའ་འབུམ། སྒྲུབ་ཐབས་ཀུན་བཏུས་ཀྱི་ལྗགས་ལུང་བཅས་ཕུལ་ཞིང་། དིལ་མཁྱེན་རིན་པོ་ཆེ། ཞེ་ཆེན་རབ་འབྱམས། ཞྭ་དེའུ་འཁྲུལ་ཞིག་སོགས་ལ་ཇོ་ལུགས་དུས་འཁོར་དབང་ཆེན་ཕུལ་བ་སོགས་ཀྱིས་མཚོན་དོན་གཉེར་ཅན་སོ་སོའི་སེམས་དང་བསྟུན་ཏེ་རིས་མེད་ཀྱི་ཆོས་ཚད་མེད་པ་གསུངས། ཁྱད་པར་ས་སྟག་ལོའི་ཧོར་ལུགས་ཟླ་བ་བདུན་པའི་ཚེས་བཅོ་ལྔ་ཚར་ཆེན་རྡོ་རྗེ་འཆང་གི་དུས་དྲན་དང་བསྟུན་ནས་བཟུང་ཆོས་གྲྭ་ཆེན་པོ་འདི་ཉིད་ཀྱི་གཙུག་ལག་ཁང་བསམ་གྲུབ་མཐོང་གྲོལ་ཆེན་མོར། མཁན་སྤྲུལ་འདུས་ཚོགས་བཅས་བདུན་བརྒྱ་ལྷག་ལ་གསུང་ངག་རིན་པོ་ཆེ་ལམ་འབྲས་བུ་དང་བཅས་པ་སློབ་བཤད་ཀྱི་སྨིན་གྲོལ་ཡོངས་སུ་རྫོགས་པ། སྒྲོལ་དཀར་རྗེས་གནང་དང་ཁྲིད། མི་འཁྲུགས་ལྷ་དགུའི་དབང་ཆེན། དྲི་མེད་རྣམ་གཉིས་ཀྱི་དབང་ཆེན་སོགས་ཟབ་རྒྱས་ཀྱི་ཆོས་རྒྱ་ཆེར་བསྩལ་བས་གཙོས་ཆོས་གྲྭ་འདི་ཉིད་དུ་ཆོས་སྒོ་ཕྱེས་ནས་གང་འོས་ཀྱི་ཆོས་འཁོར་ཚད་མེད་པར་བསྐོར། ཆོས་གྲྭ་ཆེན་པོ་འདི་ཉིད་དུ་འདུ་བ་ཆེན་པོ། ཕུར་པ། དུས་འཁོར། ཆོས་ཉིད་མ། ཀུན་རིག་སྒྲུབ་མཆོད་སོགས་ཀྱི་དབུར་བཞུགས་རྡོར་སློབ་ལོ་མང་མཛད། ལྷུན་གྲུབ་སྟེང་འདིའི་གཡུ་འབྲུག་ལྷ་ཁང་རྟེན་དང་བརྟེན་པར་བཅས་ཉམས་གསོ་བསྐྱར་བཞེངས་དང་། རྫོང་སར་འཇམ་དབྱངས་ཆོས་ཀྱི་བློ་གྲོས་ཀྱི་བཀའ་འབུམ་པོད་བཅོ་ལྔ་འཚོལ་སྡུད་དང་ཤིང་སྤར་སྤུས་ལེཊ་བསྐྲུན་ནས་རྫོང་སར་དགོན་དུ་བཞུགས་སུ་གསོལ། དཔེ་ཝར་དགོན་དུ་ལྷ་སར་དང་ལྷ་རྒན་བཤད་གྲྭ་དང་སྒྲུབ་གྲྭ་བཅས་ཉམས་གསོ་དང་། དུས་མཆོད་ཀྱི་རིཊ་མང་པོ་ཉམས་གསོ་གསར་འཛུགས་མཛད་དང་མཛད་བཞིན་ལ། ས་སྐྱའི་སྙན་བརྒྱུད་སྐོར་སོགས་དཔེ་རྒྱུན་དཀོན་པ་མང་པོ་འཚོལ་སྡུད་དང་གློག་སྤར་བསྐྱལ། ཀུན་གཟིཊ་པཎ་ཆེན་རིན་པོ་ཆེ་ཁམས་ཕྱོགས་གཟིཊ་ཞིབ་ཕེབས་སྐབས་དྲུང་ཆེན་པ་ཞུས་ཤིང་། པེ་ཅིང་མཐོ་རིམ་ནང་བསྟན་སློབ་གླིང་གི་ས་སྐྱའི་གྲུབ་མཐའི་སློབ་དེབ་རྩོམ་པ་པོ་དང་དགེ་རྒན་ཆེན་མོའི་འགན་བཞེས། ཁྱད་པར་དགོན་པ་འདི་ཉིད་ཆོས་སྒོ་ཐོག་མར་ཕྱེ་སྐབས་ཐང་རྒྱལ་ལྷ་ཁང་དང་། ཕྱིས་གཙུག་ལག་ཁང་ཆེན་པོ་བསྐྱར་བཞེངས་ཀྱི་མཛད་སྒོའི་སྐབས་སུ་སྐུ་གསུང་ཐུགས་རྟེན་མཆོད་ཆ་སོགས་ཤིན་ཏུ་རྩ་འགང་ཆེ་བའི་དངོས་པོའི་རྣམ་གྲངས་བདུན་བརྒྱ་ཙམ་གཏན་འཇོག་གིས་གཞལ་དུ་མེད་པའི་བཀའ་དྲིན་ཆེན་པོས་ཁྱབ་པར་མཛད། གཙུག་ལག་ཁང་མཛེས་པར་བྱེད་པའི་རྒྱན། ཕྱག་མཆོད་འབུལ་བའི་ཡུལ་རྟེན་གསུམ་མཆོད་པའི་ཡོ་བྱད་འགའ་ཞིག་རབ་རྒྱལ་མེ་རྟ་ལོར་རིག་གནས་གསར་བརྗེའི་སྐབས་མི་བཞི་ཤོག་ཁག་གིས་གཏོར་བཤིག་སྐབས་རང་སྲོག་བློས་བཏང་སྟེ་ཐབས་བརྒྱ་ཇུས་སྟོང་གིས་འབད་རྩོལ་ལ་བརྟེན་ལག་ཏུ་ཐོབ་པ་རྣམས། ཀྲུང་དབྱང་དབུ་ཁྲིད་ཏིང་ཞོ་ཕིན་མཆོག་གིས་གུ་ཡང་སྲིད་ཇུས་ལ་བརྟེན་བསྟན་པ་ཉམས་གསོ་གནང་སྟེ་གཙུག་ལག་ཁང་གསར་བཞེངས་གྲུབ་པར་དགའ་སྤྲོ་ཚད་མེད་པས་ལེགས་སྐྱེས་རྟེན་འབྲེལ་གྱི་ཚུལ་དུ་འབུལ་བའི་ཐོག་མར། ཞལ་ཐང་གྲས། སྡེ་དགེ་རྒྱལ་རབས་ཞེ་དགུ་པ་ལྷ་སྲས་རིན་པོ་ཆེ་ཚེ་དབང་བདུད་འདུལ་གྱིས་བཞེངས་པའི་ཕྲིན་ལས་ལྷ་མཆོག་དཔལ་ཆེན་རྡོ་རྗེ་གཞོན་ནུའི་བླ་བརྒྱུད། གཙོ་ཐང། ཆོས་སྐྱོང་བཅས་ཐོག་ཚད་གཉིས་ལྷག་ཞལ་ཐང་གསུམ། བཟང་གོས་ལྷན་དྲུབ་བྱས་པའི་བདེ་གཤེཊ་སོ་ལྔའི་སྟོན་པ་རྣམས་ཀྱི་མཛོད་སྤུར་མུ་ཏིག་གི་ཕྲ་རེ་ཡོད་པ་ཞལ་ཐང་གྲས་འགྲིགས་བཅུ་གསུམ། དབྱར་མཆོད་སྐབས་བཤམ་རྒྱུ། ངོར་ལུགས་དཀྱིལ་འཁོར་བདུན་གྱི་ཞལ་ཐང་ས་སྐྱ་གོང་མ་རིམ་བྱོན་གྱི་ཕྱག་སྤར་དགུ་རེ་གནང་བ་ཤིན་ཏུ་བྱིན་ལྡན་བདུན། གནས་གསར་རྡོ་རྗེ་འཆང་གི་ཐུགས་དམ་རྟེན་དུས་འཁོར་ཞལ་ཐང་ཤིན་ཏུ་བྱིན་ལྡན་གཅིག །འདུ་བ་ཆེན་པོའི་སྐབས་སུ་བཤམས་རྒྱུ་ངོར་ལུགས་དཀྱིལ་འཁོར་བདུན་གྱི་ནང་ཚན། བདེ་མཆོག་ལཱུ་ཧི་པ། བདེ་མཆོག་ནག་པོ་པ། གསང་འདུས་མི་བསྐྱོད་པ། སམྤུཊ། རྡོ་རྗེ་གུར་བཅས་ཞལ་ཐང་ཐོག་ཚད་མ་ལྔ། དམར་ནག་འཇིགས་གསུམ་ཞལ་ཐང་ཆེ་ལེགས་གསུམ། ཐུབ་པའི་སྐྱེས་རབས་ཞལ་ཐང་ཆེ་གཅིག །སྐྱེས་རབས་ཞལ་ཐང་ཆུང་བ་བདུན། ཚེ་དཔག་མེད་སྟོང་སྐུ་གསེར་ཐང་བདུན། སྒྲོལ་དཀར་སྟོང་སྐུ་གསེར་ཐང་ཉི་ཤུ། བླ་མ་རིན་འབྱུང་སྟོང་སྐུ་ཞལ་ཐང་གཅིག །མི་འཁྲུགས་སྟོང་སྐུ་གསེར་ཐང་གཉིས། རྡོར་སེམས་སྟོང་སྐུ་ཞལ་ཐང་གཅིག །ཀུན་རིག་སྟོང་སྐུ་གསེར་ཐང་གསུམ། བསྟན་པའི་སྦྱིན་བདག་ཁྲོ་ངེ་ཚང་ནས་གསར་བཞེངས་གུ་རུ་མཚན་བརྒྱད་གཙོ་ཐང་རྒྱན་གཞི་སྔོ་ཁྲའི་མཐའ་ཤན་ཅན་གཅིག །རྡོ་རྗེ་མི་འཁྲུགས་པ་བཀྲ་ཤིས་ལྷ་མོ་བརྒྱད་བསྐོར་ཞལ་ཐང་གཅིག །ཟངས་སྐུ་ལྷ་རྗེ་ཚེ་རིང་ཕུན་ཚོགས་ཀྱིས་གསར་བཞེངས་སྨན་བླའི་བློས་བསླང་ཞིང་བཀོད་ཤིན་ཏུ་སྤུས་ལེཊ་ཆེ་གཅིག །སྟོན་པ་གནས་བརྟན་བཅུ་དྲུག་གི་ཞལ་ཐང་གཅིག །མ་གཅིག་ལབ་སྒྲོན་གཅོད་ཐང་གཅིག །ཀྱེ་རྡོར་ལྷ་མོ་བརྒྱད་བསྐོར་ཞལ་ཐང་ཆེ་གཅིག །སྒྲོལ་མའི་ཞལ་ཐང་གཅིག །གུ་རུ་རྡོ་རྗེ་གྲོ་ལོད་ཞལ་ཐང་ཆུང་གཅིག །ས་སྐྱ་པཎྜིཏའི་ཞལ་ཐང་ཆུང་གཅིག །གོང་ཤམ་མེད་པའི་གྲས། སྲུང་བ་ལྷ་ལྔ་ཞལ་ཐང་གཅིག །ཀྱེ་རྡོར་ཞལ་ཐང་གཅིག །ཚེ་དཔག་མེད་ཞལ་ཐང་གཅིག །སྒྲོལ་དཀར་འཇིགས་པ་བརྒྱད་སྐྱོབས་ཞལ་ཐང་གཅིག །གོང་མ་ཀུན་དགའ་བློ་གྲོས་ཞལ་ཐང་གཅིག །ཚེ་དཔག་མེད་ལྷ་དགུ་ཞལ་ཐང་གཅིག །ཀྱེ་རྡོར་ལྷ་མོ་བརྒྱད་བསྐོར་ཞལ་ཐང་གཅིག །ཤར་བླ་མ་རིན་པོ་ཆེ་དགེ་འདུན་རྒྱ་མཚོས་གསར་བཞེངས་གནང་བའི་བདེ་ཆེན་ཞིང་བཀོད་ཤིན་ཏུ་སྒྲོས་ལེགས་གཅིག །ལྷ་གསར་གཡང་སྒམ་ནང་ཡོད་པའི་རྣམ་ཐོས་སྲས་རྐྱ་བརྒྱད་ཀྱི་གསེར་ཐང་གཅིག །མཐའ་རྟེན་སྡེ་དགེ་ཆོས་རྒྱལ་ཆེན་པོའི་ཕོ་བྲང་བསྟན་དགྲ་ཉག་རོང་པས་མེ་ལ་བསྲེག་སྐབས་བཀག་ནགས་ནང་འཕུར་བར་གྲགས་པའི་རྗེ་བཙུན་སྒྲོལ་མའི་ཞལ་ཐང་ཤིན་ཏུ་བྱིན་ལྡན་འདི་གཉིས་གོང་ཤམས་ཡོད་པ་བཅས། དཀྱིལ་ཐང་སྐོར་ལ། མཁན་ཆེན་རྡོ་རྗེ་འཆང་ངག་དབང་བསམ་གཏན་བློ་གྲོས་ཀྱིས་གསར་བཞེངས་རྒྱུད་སྡེ་ཀུན་བཏུས་དཀྱིལ་ཐང་བརྒྱ་དང་ཉེར་བཞི་བཞུགས་སྒྲམ་བཅས་ཆ་འབྱར། ཡང་ཚེ་དཔག་ལྷ་དགུའི་དཀྱིལ་ཐང་གཅིག །གསང་འདུས་མི་བསྐྱོད་པའི་དཀྱིལ་ཐང་གཅིག །མཁའ་སྤྱོད་དཀྱིལ་ཐང་ཆུང་གཅིག །ཀྱེ་རྡོར་དཀྱིལ་ཐང་། བསྟན་པ་རྒྱས་ཆོག་དཀྱིལ་ཐང་སྤུས་ལེགས་གསུམ་ཤིང་ལ་སྦྱར་བ་བཅས། སྐུ་གཟུགས་གྲས་ལ། ༡རབ་གནས་སྟོན་པར་གྲགས་པའི་ཐུབ་སྐུ་རྒྱ་གར་ཤར་ལི་ཧ་ཅང་བྱོན་ལེགས་ཞོ་དྲུག་སྐར་གཅིག །༢གདོང་ཐོག་ཐུབ་པར་གྲགས་པའི་འོད་དཔག་མེད་ལི་མ་ངོ་མཚར་ཅན་ཞོ་བཅུ་སྐར་བཞི། ༣དྲུག་ཅུ་ཆེན་པོའི་སྐབས་བཤམ་རྒྱུ་རྡོ་རྗེ་འཇིགས་བྱེད་ལི་མ་ཤིན་ཏུ་སྒྲོས་ལེགས་ཞོ་བཅུ་སྐར་གསུམ། ༤དྷཆུ་ཇོ་བོར་གྲགས་པའི་རྒྱལ་བ་བྱམས་པ་སྐུ་རྒྱུ་འགྲན་ཟླ་བྲལ་བའི་ལི་མ་པད་གདན་གསར་བསྐྲུན་བཅས་ཞོ་བཅུ་བཞི་སྐར་ལྔ། ༥ཉིན་དགོན་སྟོད་སྒྲོལ་མར་གྲགས་པའི་སྒྲོལ་མ་མྱུར་མ་དཔའ་མོ་ཤིན་ཏུ་བྱོན་ལེགས་ཞོ་བཞི་སྐར་བདུན། ༦མཁན་ཆེན་དཔལ་ལྡན་ཆོས་སྐྱོང་གི་སྐུ་གདུང་མཆོད་རྟེན་རིན་པོ་ཆེའི་བང་སྒོར་བཞུགས་པའི་སྟོན་པ་གདན་ཁྲི་བཅས་ལི་མ་ཞོ་བརྒྱད་སྐར་བརྒྱད། ༧ཉི་ལྡོག་སྐབས་བཤམས་སྲོལ་ཡོད་པའི་རྡོ་རྗེ་འཇིགས་བྱེད་ལི་མ་ཞོ་བརྒྱད། ༨རྡོ་རྗེ་སེམས་དཔའི་སྐུ་ལི་མ་ཞོ་བརྒྱད་སྐར་དགུ། ༩སྟོན་པ་ལི་སྐུ་རྡོར་གདན་མ་ཞོ་བརྒྱད། ༡༠བཅུ་གཅིག་ཞལ་ལི་མ་ཞོ་བརྒྱད། ༡༡སྟོན་པ་ལི་སྐུ་རྡོར་གདན་མ་ཞོ་བདུན་སྐར་བཞི། ༡༢ཐུབ་སྐུ་རྡོར་གདན་ལི་མ་ཞོ་བདུན་སྐར་གཅིག །༡༣མགོན་པོ་གུར་ལི་མ་ཞོ་བདུན་སྐར་གཉིས། ༡༤རྡོ་རྗེ་འཆང་ལི་མ་ཞོ་བདུན། ༡༥མགོན་པོ་མི་འཁྲུགས་པ་ཁྲི་རྒྱལ་ཡོལ་རང་བྱུང་ཞོ་བདུན། ༡༦སྒྲོལ་སྐུ་ལི་མ་ཞོ་དྲུག་སྐར་བརྒྱད། ༡༧སྟོན་པ་ལི་སྐུ་ཞོ་དྲུག་སྐར་བཞི། ༡༨ཇོ་བོའི་སྐུ་ལི་མ་ཞོ་དྲུག་སྐར་བཞི། ༡༩རྡོ་རྗེ་འཆང་ལི་མ་ཞོ་དྲུག་སྐར་གཉིས། ༢༠སྟོན་པའི་སྐུ་ལི་མ་ཞོ་དྲུག་སྐར་གཅིག །༢༡ཐུབ་སྐུ་ལི་མ་ཞོ་དྲུག་སྐར་གཉིས། ༢༢ཐུབ་སྐུ་ལི་མ་ཞོ་དྲུག་སྐར་གཅིག །༢༣ཇོ་བོའི་སྐུ་ལི་མ་དབུ་རྒྱན་ཕྲ་ཅན་ཞོ་དྲུག །༢༤ཐུབ་སྐུ་རྡོར་གདན་ལི་མ་ཞོ་དྲུག་སྐར་གཅིག །༢༥རྡོ་རྗེ་འཆང་ལི་མ་རྒྱབ་ཡོལ་གདན་ཁྲི་བཅས་ཞོ་དྲུག་སྐར་བཞི། ༢༦ཛྷིཀྵིཾ་སྟོན་པའི་སྐུ་བྱོན་ལེཊ་ཞོ་དྲུག །༢༧ཚེ་དཔག་མེད་སྤྲུལ་སྐུ་ལི་མ་ཞོ་དྲུག་སྐར་དྲུག །༢༨སྟོན་པ་ལི་སྨུག་ཞོ་དྲུག་སྐར་གཉིས། ༢༩བྱམས་པའི་སྐུ་ཁ་ཆེ་ལི་མ་ཞོ་ལྔ་སྐར་དགུ། ༣༠མཁའ་སྤྱོད་མའི་ལི་སྐུ་ཞོ་དྲུག །༣༡རྒྱུད་སྡེའི་ལྷ་ཞལ་གཅིག་ཕྱག་བཞི་ལི་མ་ཞོ་ལྔ་སྐར་བདུན། ༣༢གཤིན་རྗེའི་གཤེད་དམར་ལི་སྐུ་ཞོ་ལྔ་སྐར་དགུ། ༣༣ཐུབ་སྐུ་ལི་མ་རྡོར་གདན་མ་ཞོ་ལྔ་སྐར་བདུན། ༣༤རོལ་དཔོན་དགེ་བཤེས་བློ་གྲོས་རབ་རྒྱས་ཀྱིས་རང་གི་ལག་ཏུ་གནང་བའི་དཔལ་ལྡན་དམག་ཟོར་རྒྱལ་མོའི་ལི་སྐུ་ཁྲག་མཚོ་གསར་བཟོ་བཅས་ཞོ་ལྔ་སྐར་བདུན། ༣༥ཇོ་བོའི་སྐུ་ལི་མ་ཁྲི་རྒྱབ་ཡོལ་བཅས་ཞོ་ལྔ་སྐར་བཞི། ༣༦ཐུབ་སྐུ་ལི་མ་རྡོར་གདན་ཞོ་ལྔ་སྐར་དགུ། ༣༧སྟོན་པ་ལི་མ་ཞོ་ལྔ་སྐར་གཉིས། ༣༨སྟོན་པའི་སྐུ་ལི་མ་རྡོར་གདན་ཞོ་ལྔ་སྐར་གཅིག །༣༩སྟོན་པའི་སྐུ་ལི་མ་བཞུགས་ཁྲི་ཅན་ཞོ་ལྔ་སྐར་ལྔ། ༤༠བདེ་མཆོག་ལི་སྐུ་ཞོ་ལྔ་སྐར་ལྔ། ༤༡ཇོ་བོའི་སྐུ་ལི་མ་ཞོ་ལྔ་སྐར་གསུམ། ༤༢སྟོན་པའི་སྐུ་རྡོར་གདན་ལི་མ་ཤིན་ཏུ་བྱོན་ལེཊ་ཞོ་ལྔ་སྐར་གཉིས། ༤༣ཐུབ་སྐུ་ལི་མ་ཞོ་ལྔ་སྐར་གཅིག །༤༤ཕྱག་རྡོར་ཞི་བ་ལི་སྐུ་ཞོ་ལྔ། ༤༥ཐུབ་སྐུ་ལི་མ་ཞོ་ལྔ་སྐར་གཉིས། ༤༦སྟོན་པ་ལི་སྐུ་ཞོ་ལྔ་སྐར་གཅིག །༤༧སྟོན་པའི་སྐུ་རྡོར་གདན་ལི་མ་ཞོ་ལྔ་སྐར་གཉིས། ༤༨སྟོན་པའི་ལི་སྐུ་རྡོར་གདན་མ་ཞོ་ལྔ། ༤༩ཐུབ་སྐུ་ལི་མ་རྡོར་གདན་ཞོ་ལྔ་སྐར་གཅིག །༥༠ཐུབ་སྐུ་ལི་མ་རྡོར་གདན་མ་ཞོ་ལྔ། ༥༡སངས་རྒྱས་དོན་ཡོད་གྲུབ་པ་རྒྱ་ནག་ལི་མ་ཞོ་ལྔ་སྐར་གསུམ། ༥༢སྟོན་པ་ལི་མ་ཞོ་ལྔ། ༥༣སྟོན་པ་ལི་མ་ཞོ་ལྔ་སྐར་བཞི། ༥༤ཐུབ་སྐུ་རྡོར་གདན་ལི་མ་ཞོ་ལྔ། ༥༥འཇམ་དཔལ་དབྱངས་ལི་མ་ཞོ་ལྔ་སྐར་ལྔ། ༥༦འབྲི་གུང་སྐྱོབ་པ་རྡོར་གདན་མ་བོད་ལི་ཞོ་ལྔ་སྐར་གཅིག །༥༧ཇོ་བོ་ལི་མ་ཞོ་ལྔ་སྐར་གཅིག །༥༨ཇོ་བོ་ཞོ་ལྔ་སྐར་གཉིས། ༥༩སྟོན་པའི་སྐུ་ཞོ་ལྔ། ༦༠གྲུབ་ཆེན་ཌཱམརུཔའི་སྐུ་ལི་མ་ཞོ་ལྔ། ༦༡སྟོན་པ་ལི་མ་ཞོ་བཞི་སྐར་བརྒྱད། ༦༢རིགས་ལྡན་རྒྱལ་རབས་གྲས་ལྷའི་ཆ་བྱད་ཅན་ལི་མ་ཞོ་བཞི་སྐར་དགུ། ༦༣ཐུབ་པ་རྡོར་གདན་མ་ཞོ་བཞི་སྐར་བདུན། ༦༤ཧོར་ལི་བར་རྙིང་སངས་རྒྱས་རབས་བདུན་གྲས་ནས་འཐོར་བ་ཞོ་བཞི་སྐར་བརྒྱད། ༦༥སྒྲོལ་སྐུ་ལི་མ་ཞོ་བཞི་སྐར་བརྒྱད། ༦༦སྟོན་པའི་སྐུ་ལི་མ་ཞོ་བཞི་སྐར་དྲུག །༦༧སྟོན་པ་ལི་མ་ཞོ་བཞི་སྐར་བརྒྱད། ༦༨རྟ་མགྲིན་ཞལ་གཅིག་ཕྱག་བཞི་ལི་མ་ཞོ་བཞི་སྐར་བཞི། ༦༩ཐུབ་སྐུ་ལི་སྨུག་ཞོ་བཞི་སྐར་བཞི། ༧༠ཐུབ་སྐུ་ལི་མ་རྡོར་གདན་ཞོ་བཞི་སྐར་བཞི། ༧༡སྒྲོལ་སྐུ་ལི་མ་ཞོ་བཞི་སྐར་ལྔ། ༧༢ཛཾ་སེར་ལི་མ་ཞོ་བཞི་སྐར་བཞི། ༧༣འཇམ་དབྱངས་སྐུ་ལི་མ་ཞོ་བཞི་སྐར་དྲུག །༧༤སྤྱན་རས་གཟིགས་ཞོ་བཞི་སྐར་བཞི། ༧༥སྟོན་པའི་སྐུ་ལི་སེར་ཞོ་བཞི་སྐར་གསུམ། ༧༦ཤིན་ཏུ་རྩ་བ་ཆེ་ཤོས་སུ་གྲགས་པའི་སྟོན་པའི་སྐུ་བྱེ་མ་ཨ་ཀྲོང་ཞོ་བཞི་སྐར་བཞི། ༧༧སྟོན་པའི་སྐུ་ལི་མ་ཞོ་བཞི་སྐར་ལྔ། ༧༨འཇམ་དབྱངས་བློ་གྲོས་རྒྱལ་མཚན་ལི་མ་ཞོ་བཞི་སྐར་གཉིས། ༧༩སྟོན་པའི་སྐུ་བྱེ་མ་ཨ་ཀྲོང་གསེར་ལྗིབས་བྱུགས་ཅན་ཞོ་བཞི་སྐར་གཉིས། ༨༠ཐུབ་སྐུ་ལི་མ་མགུལ་ལ་སྐྱོན་ཅན་ཞོ་བཞི་སྐར་གཉིས། ༨༡ཚེ་དཔག་མེད་ལི་སེར་ཞོ་བཞི། ༨༢སྟོན་པའི་སྐུ་ལི་མ་ཞོ་བཞི་སྐར་གཅིག །༨༣ཡུམ་ཆེན་ཤེར་ཕྱིན་ལི་མ་ཞོ་བཞི་སྐར་གཉིས། ༨༤ཚེ་དཔག་མེད་ལི་མ་ཞོ་བཞི། ༨༥གྲུབ་ཆེན་བི༦་པ་ལི་སྐུ་ཞོ་བཞི་སྐར་གསུམ། ༨༦སྟོན་པ་ལི་མ་ཞོ་བཞི་སྐར་ལྔ། ༨༧སྒྲོལ་སྐུ་ཞོ་བཞི་སྐར་གཉིས། ༨༨ཇོ་བོ་ལི་མ་ཞོ་བཞི། ༨༩སྒྲོལ་སྐུ་ལི་མ་ཞོ་བཞི། ༩༠གུ་རུའི་སྐུ་ལི་མ་ཞོ་བཞི་སྐར་བརྒྱད། ༩༡སྟོན་པ་ལི་མ་ཞོ་བཞི། ༩༢སྟོན་པའི་སྐུ་ལི་མ། ༩༣ཐུབ་སྐུ་ལི་མ་ཞོ་བཞི་སྐར་གཉིས། ༩༤གུ་རུའི་སྐུ་ལི་མ་ཞོ་བཞི་སྐར་གསུམ། ༩༥སྒྲོལ་མ་ལི་སྐུ་ཞོ་བཞི་སྐར་བཞི། ༩༦ཐུབ་སྐུ་ལི་མ་ཞོ་བཞི་སྐར་ལྔ། ༩༧སྒྲོལ་སྐུ་ལི་མ་ཞོ་བཞི། ༩༨འཇམ་དབྱངས་ལི་མ་ཞོ་བཞི། ༩༩ཐུབ་སྐུ་ལི་མ་ཞོ་བཞི་སྐར་གཅིག །༡༠༠ ཇོ་བོ་ལི་མ་རྡོར་གདན་ཞོ་བཞི་སྐར་གཅིག །༡༠༡ཐུབ་སྐུ་རྡོར་གདན་ལི་མ་ཞོ་བཞི། ༡༠༢སྤྱན་རས་གཟིགས་ཞོ་བཞི་སྐར་ལྔ། ༡༠༣སྟོན་པ་ལི་སྐུ་ཞོ་བཞི། ༡༠༤ཐུབ་སྐུ་ལི་མ་ཞོ་བཞི། ༡༠༥སྤྱན་རས་གཟིཊ་ཕྱག་བཞི་ལི་མ་ཞོ་གསུམ་སྐར་དགུ། ༡༠༦སྒྲོལ་མའི་སྐུ་ལི་མ་ཞོ་གསུམ་སྐར་བརྒྱད། ༡༠༧བོ་ཇོད་ཚེ་རྒྱ་འདས་པས་བར་ར་ནང་སྲི་བཟློག་མཆོད་རྟེན་ནས་བྱུང་བ་བླུས་པའི་སྟོན་པ་ལི་སྐུ་ཞོ་གསུམ་སྐར་བརྒྱད། ༡༠༨ཕྱག་རྡོར་ལི་མ་ཞོ་གསུམ་སྐར་དགུ། ༡༠༩ཕྱག་རྡོར་ལི་སྐུ་ཞོ་གསུམ་སྐར་དྲུག །༡༡༠ཕྱག་རྡོར་འཁོར་ཆེན་ལི་སྐུ་ཞོ་གསུམ་སྐར་དགུ། ༡༡༡བྱམས་པ་ལི་མ་ཞོ་གསུམ་སྐར་དགུ། ༡༡༢སྟོན་པ་ལི་སྐུ་ཞོ་གསུམ་སྐར་དགུ། ༡༡༣ཐུབ་སྐུ་ལི་མ་ཞོ་གསུམ་སྐར་དགུ ༡༡༤ཐུབ་སྐུ་ལི་མ་ཞོ་གསུམ་སྐར་དྲུག །༡༡༥དོན་གྲུབ་རྒྱ་ནག་ལི་མ་ཞོ་གསུམ་སྐར་དགུ། ༡༡༦འཕཊ་པ་ཛཾབྷ་སེར་པོ་ཛྷེཀྵིཾ་ཞོ་གསུམ་སྐར་དགུ། ༡༡༧སྟོན་པ་རྒྱ་གར་ཤར་ལི་ཞོ་གསུམ་སྐར་བརྒྱད། ༡༡༨ཚེ་དཔག་མེད་སྤྲུལ་སྐུ་ལི་མ་ཞོ་གསུམ་སྐར་དགུ། ༡༡༩སྟོན་པ་ལི་མ་ཞོ་གསུམ་སྐར་བདུན། ༡༢༠སྤྱན་རས་གཟིཊ་ལི་མ་ཞོ་གསུམ་སྐར་བདུན། ༡༢༡ཀརྨ་པའི་བླ་སྐུ་ལི་མ་ཞོ་གསུམ་སྐར་བདུན། ༡༢༢རྡོ་རྗེ་འཆང་སྐུ་ལི་མ་ཞོ་གསུམ་སྐར་དྲུག །༡༢༣བླ་སྐུ་ལི་མ་གདན་ཁྲི་ཅན་ཞོ་གསུམ་སྐར་ལྔ། ༡༢༤སྤྱན་རས་གཟིགས་ཕྱག་བཞི་ལི་མ་ཞོ་གསུམ་སྐར་ལྔ། ༡༢༥སྤྱན་རས་གཟིཊ་སྐུ་རྙིང་ཞོ་གསུམ་སྐར་ལྔ། ༡༢༦ཐུབ་སྐུ་ལི་མ་ཞོ་གསུམ་སྐར་བདུན། ༡༢༧རྣམ་ཐོས་སྲས་ལི་མ་ཞོ་གསུམ་སྐར་བརྒྱད། ༡༢༨སྟོན་པའི་སྐུ་ལི་མ་ཞོ་གསུམ་སྐར་གཅིག །༡༢༩སྟོན་པའི་སྐུ་ལི་མ་ག་བུར་པད་གདན་མེད་པ་ཞོ་གསུམ་སྐར་གསུམ། ༡༣༠ཐུབ་སྐུ་ལི་མ་ཞོ་གསུམ་སྐར་བདུན། ༡༣༡ཆོས་རྗེ་ས་སྐྱ་པཎྜ་ིཏའི་སྐུ་ལི་མ་ཞོ་གསུམ་སྐར་བཞི། ༡༣༢འབྲི་གུང་སྐྱོབས་པ་རྡོར་གདན་ལི་མ་ཞོ་གསུམ་སྐར་གཉིས། ༡༣༣སྟོན་པ་ལི་མ་ཞོ་གསུམ་སྐར་བཞི། ༡༣༤ཛཾབྷ་སེར་པོ་ལི་མ་ཞོ་གསུམ་སྐར་གཉིས། ༡༣༥སྒྲོལ་སྐུ་ལི་མ་ཞོ་གསུམ་སྐར་ལྔ། ༡༣༦འཇམ་དབྱངས་སྐུ་ལི་མ་སྡིག་ཐམ་ཅན་ཞོ་གསུམ་སྐར་གསུམ། ༡༣༧ཚེ་དཔག་མེད་ལི་མ་ཞོ་གསུམ་སྐར་ལྔ། ༡༣༨ཐུབ་སྐུ་ལི་མ་རྡོར་གདན་ཞོ་གསུམ་སྐར་ལྔ། ༡༣༩སྟོན་པ་ལི་སེར་སྐུ་ཞོ་གསུམ་སྐར་ལྔ། ༡༤༠འཇམ་དབྱངས་སྐུ་ལི་མ་ཞོ་གསུམ་སྐར་ལྔ། ༡༤༡སྟོན་པ་ལི་མ་གདན་ཁྲི་ཅན་ཞོ་གསུམ་སྐར་གཉིས། ༡༤༢སྤྱན་རས་གཟིཊ་ལི་མ་ཞོ་གསུམ། ༡༤༣རྡོ་རྗེ་འཆང་ལི་མ་ཞོ་གསུམ་སྐར་གསུམ། ༡༤༤ཐུབ་སྐུ་ལི་མ་ཞོ་གསུམ། ༡༤༥རྡོ་རྗེ་འཆང་ལི་མ་ཞོ་གཉིས་སྐར་བཞི། ༡༤༦ཐུབ་སྐུ་ལི་མ་ཞོ་གཉིས་སྐར་བདུན། ༡༤༧སྤྱན་རས་གཟིཊ་ཕྱག་བཞི་པ་ལི་མ་ཞོ་གཉིས་སྐར་དགུ། ༡༤༨མུས་ཆེན་དཀོན་མཆོག་རྒྱལ་མཚན་ལི་སྐུ་ཞོ་གཉིས་སྐར་དགུ། ༡༤༩བླ་སྐུ་ལི་མ་ཞོ་གཉིས་སྐར་ལྔ། ༡༥༠ནོར་བཟང་སྙིང་པོའི་སྐུ་ལི་མ་ཞོ་གཉིས་སྐར་དགུ། ༡༥༡རྡོ་རྗེ་འཆང་ལི་སྐུ་ཞོ་གཉིས་སྐར་ལྔ། ༡༥༢འབྲི་གུང་སྐྱོབས་པ་ལི་སྐུ་ཞོ་གཉིས་སྐར་བརྒྱད། ༡༥༣བླ་སྐུ་ལི་མ་ཞོ་གཉིས་སྐར་གཉིས། ༡༥༤ཐུབ་སྐུ་ལི་མ་ཞོ་གསུམ་སྐར་གསུམ། ༡༥༥འཕཊ་པ་འཇམ་དཔལ་ལི་སྐུ་ཞོ་བཞི་སྐར་གཉིས། ༡༥༦སྟོན་པ་ལི་མ་ཞོ་ལྔ་སྐར་གསུམ། ༡༥༧འཇམ་དབྱངས་ཆོས་འཕེལ་གྱིས་རང་ལ་བྱིན་པའི་ལྷ་གསར་རྡོ་རྗེ་འཇིགས་བྱེད་ཀྱི་ནང་རྟེན་ནས་བྱོན་པའི་རྡོ་ཀ་མ་རཱུ་པའི་འཇིགས་བྱེད་ཞོ་གཉིས་སྐར་གཅིག་བཅས། བཀའ་གདམས་མཆོད་རྟེན་གྲས་ལ། ༡༥༨ནོར་བུ་བཟང་པོས་རང་གི་ལག་ཏུ་བྱིན་པའི་བཀའ་གདམས་མཆོད་རྟེན་ཟ་ར་ཚག་མེད་པ་ཞོ་བཅུ་གསུམ། ༡༥༩བཀའ་གདམས་མཆོད་རྟེན་ཞོ་དྲུག་སྐར་བདུན། ༡༦༠བཀའ་གདམས་མཆོད་རྟེན་ཞོ་དྲུག་སྐར་གཉིས། ༡༦༡བཀའ་གདམས་མཆོད་རྟེན་ཞོ་ལྔ་སྐར་དགུ། ༡༦༢བཀའ་གདམས་མཆོད་རྟེན་ཞོ་བཞི། ༡༦༣བཀའ་གདམས་མཆོད་རྟེན་ཞོ་བཞི་སྐར་བཞི། ༡༦༤བཀའ་གདམས་མཆོད་རྟེན་ཟ་ར་ཚག་མེད་པ་ཞོ་གཉིས་སྐར་བརྒྱད་བཅས། གསེར་སྐུ་གྲས་ལ། ༡༦༥ཇོ་བོ་གསེར་སྐུ་ཞོ་དགུ་སྐར་བདུན། ༡༦༦དགྱེས་རྡོར་གསེར་སྐུ་ཞོ་བདུན་སྐར་བཞི། ༡༦༧གནས་བརྟན་གྲས་རྣམ་ཐོས་སྲས་གསེར་སྐུ་ཞོ་དྲུག །༡༦༨འཇམ་དབྱངས་མཁྱེན་བརྩེའི་དབང་པོའི་གསེར་སྐུ་ཞོ་དྲུག་སྐར་ལྔ། ༡༦༩ཉེ་སྲས་བརྒྱད་ཀྱི་ནང་ཚན་གསེར་སྐུ་ཞོ་བཞི་སྐར་གསུམ། ༡༧༠འགྲོ་མགོན་ཆོས་རྒྱལ་འཕགས་པ་གསེར་སྐུ་ཞོ་བཞི་སྐར་བརྒྱད། ༡༧༡སྒྲོལ་མ་གསེར་སྐུ་ཞོ་ལྔ། ༡༧༢འོད་དཔག་མེད་གསེར་སྐུ་ཞོ་བཞི་སྐར་ལྔ། ༡༧༣སྒྲོལ་མ་གསེར་སྐུ་ཞོ་བཞི་སྐར་བདུན། ༡༧༤རྗེ་བཙུན་གྲགས་པ་རྒྱལ་མཚན་གསེར་སྐུ་ཞོ་བཞི་སྐར་ལྔ། ༡༧༥མར་མེ་མཛད་སྐུ་ཞོ་བཞི་སྐར་ལྔ། ༡༧༦ཀུན་དགའ་སྙིང་པོ་གསེར་སྐུ་ཞོ་བཞི་སྐར་ལྔ། ༡༧༧སྟོན་པ་གསེར་སྐུ་ཞོ་གསུམ་སྐར་བརྒྱད། ༡༧༨ས་སྐྱ་པཎྜིཏའི་གསེར་སྐུ་ཞོ་བཞི་སྐར་ལྔ། ༡༧༩མགོན་དཀར་ཡིད་བཞིན་ནོར་བུའི་གསེར་སྐུ་ཞོ་ལྔ་སྐར་གཅིག །༡༨༠ཚེ་སྒྲུབ་གསང་བ་འདུས་པའི་གསེར་སྐུ་ཞོ་བཞི་སྐར་ལྔ། ༡༨༡སྟོན་པ་གསེར་སྐུ་ཞོ་གསུམ་སྐར་བརྒྱད། ༡༨༢སློབ་དཔོན་བསོད་ནམས་རྩེ་མོ་གསེར་སྐུ་ཞོ་བཞི་སྐར་ལྔ། ༡༨༣་སྤྱན་རས་གཟིཊ་གསེར་སྐུ་ཞོ་གསུམ། ༡༨༤སྟོན་པ་གསེར་སྐུ་ཞོ་བཞི་སྐར་ལྔ། ༡༨༥འཇམ་དབྱངས་མཁྱེན་བརྩེའི་དབང་པོའི་གསེར་སྐུ་ཞོ་གཉིས་སྐར་དགུ། ༡༨༦བླ་སྐུ་སྔགས་འཆང་ཆས་གསེར་སྐུ་ཞོ་གཉིས་སྐར་བརྒྱད། ༡༨༧བླ་སྐུ་ཞོ་གསུམ་སྐར་ལྔ། ༡༨༨སློབ་དཔོན་རིན་པོ་ཆེ་གསེར་སྐུ་ཞོ་ལྔ་སྐར་གཉིས། ༡༨༩གནས་བརྟན་གྲས་གསེར་སྐུ་ཞོ་དྲུག །༡༩༠ཐུབ་པ་གསེར་སྐུ་ཞོ་བཞི་སྐར་གསུམ། ༡༩༡བཅུ་གཅིག་ཞལ་གསེར་སྐུ་ཞོ་ལྔ་སྐར་གཅིག་བཅས། འཁར་སྐུ་གྲས་ལ། ༡༩༢ཚེ་དཔག་མེད་འཁར་སྐུ་ཞོ་བཞི་སྐར་ལྔ། ༡༩༣ཉེ་སྲས་འཐོར་བུ་འཁར་སྐུ་ཞོ་གསུམ་སྐར་ལྔ། ༡༩༤སྤྱན་རས་གཟིཊ་འཁར་སྐུ་ཞོ་གཉིས་སྐར་ལྔ། ༡༩༥སྟོན་པའི་འཁར་སྐུ་ཞོ་གཉིས་སྐར་གཉིས། ༡༩༦སྒྲོལ་མ་འཁར་སྐུ་ཞོ་གསུམ་སྐར་དགུ། ༡༩༧སྟོན་པ་འཁར་སྐུ་ཞོ་གཉིས་སྐར་གཉིས། ༡༩༨སྟོན་པ་འཁར་སྐུ་ཞོ་གསུམ་སྐར་དགུ། ༡༩༩མཁན་ཆེན་དཔལ་ལྡན་ཆོས་སྐྱོང་གསེར་སྐུ་ཞོ་གཉིས་སྐར་ལྔ། ༢༠༠འོད་དཔག་མེད་འཁར་སྐུ་ཞོ་གཉིས་སྐར་ལྔ། ༢༠༡མཁའ་སྤྱོད་མའི་གསེར་སྐུ་ཞོ་དྲུག་སྐར་ལྔ། ཙནྡ་སྐུ། ༢༠༢ཙན་དམར་བླ་སྐུ་ཞོ་ལྔ་སྐར་གསུམ། ༢༠༣ཙན་དམར་བཅུ་གཅིག་ཞལ་ཞོ་ལྔ་སྐར་གཅིག །༢༠༤ཙན་དམར་དཔལ་ལྡན་ལྷ་མོ་འདོད་ཁམས་མ་ཞོ་ལྔ་སྐར་གཉིས། ༢༠༥ཙན་དམར་དམག་ཟོར་མ་ཞོ་བཞི་སྐར་གཉིས། ༢༠༦ཙནྡ་དམར་པོའི་སྤྱན་རས་གཟིགས་སྐུ་ཞོ་གསུམ་སྐར་བཞི། ༢༠༧ཙནྡ་དམར་པོའི་འཇམ་དབྱངས་སྐུ་ཞོ་གསུམ་སྐར་བཞི། ༢༠༨ཙནྡ་དམར་པོའི་ཕྱག་རྡོར་སྐུ་ཞོ་གསུམ་སྐར་བཞི། ༢༠༩ཙནྡ་དམར་པོའི་སྐུ་མཁན་ཆེན་བསོད་ནམས་དཔལ་ལྡན་ཞོ་གསུམ། ༢༡༠ཙནྡ་དཀར་པོའི་ཀུན་རིག་རྩ་ལྷ་ཡུམ་བཞི་ལས་སྒྲོལ་མའི་སྐུ་ཞོ་གཉིས་སྐར་བཞི། ༢༡༡དགེ་མཁྱེན་རབ་གྲགས་པ་སྐུ་གཤེགས་སྐབས་རང་ལ་བྱིན་པའི་ངོར་ཆེན་ང་འདྲ་མའི་སྨན་འདམ་སྐུ་བྱིན་ལྡན་བཞུགས་སྒྲམ་ཅན། དཔལ་ས་སྐྱའི་སྐྱབས་མགོན་གོང་མའི་ཕྱག་བཟོས་གུར་ཞལ་ལྕམ་གསུམ་ཞལ་འབག་ཆུང་གསུམ་བཞུགས་སྒྲམ་བཅས། མཐའ་རྟེན་ལ། ༢༡༢ནུབ་བླ་མ་ངག་དབང་རྣམ་རྒྱལ་ཐུགས་དམ་རྟེན་མགོན་པོའི་སྐུ་ཞོ་བརྒྱད་སྐར་གཉིས། ༢༡༣ཙནྡ་དཀར་པོས་བཞེངས་པའི་སྤྱན་རས་གཟིཊ་བཅུ་གཅིག་ཞལ་ཞོ་དྲུག །༢༡༤པད་མདའ་བུ་བཀྲ་ཤིས་རྣམ་རྒྱལ་གྱིས་རང་ལ་བྱིན་པའི་སྟོན་པ་ཆོས་འཁོར་གསེར་སྐུ་ཞོ་བདུན། ༢༡༥སྤྱི་དགེ་ཚེ་དབང་བཀྲ་ཤིས་ཀྱིས་རང་ལ་བྱིན་པའི་གེ་སར་རྡོ་རྗེ་ཚེ་རྒྱལ་གསེར་སྐུ་ཞོ་ལྔ་སྐར་ལྔ་བཅས་སྐུ་རྟེན་སྐོར། གསུང་རྟེན་མཚོན་བྱེད་སྟོན་མཆོག༧ཐུབ་པའི་དབང་པོའི་ཞལ་ནས་གསུངས་པའི་བཀའ་དྲི་མ་མེད་པ་མདོ་སྟེ་བསྐལ་པ་བཟང་པོའི་གླེགས་བམ་གཅིག །ཐུགས་རྟེན་ལ་གོང་དུ་ལི་མའི་གྲས་སུ་འཁོད་པའི་མཆོད་རྟེན་རྣམས་དང་། དབྱར་གནས་མཁན་པོས་ཕྱག་བསྣམས་བཛྲགྷནྜ་ཐེག་ཆེན་རྒྱ་རྩེ་སྤུས་ལེགས་གཅིག །དུས་འཁོར་མཆོད་དཔོན་ཕྱག་དྲིལ་རྒྱ་བྱིས་གཤོག་མ་རྩེ་དགུ་གཅིག་བཅས། ཡོན་ཏན་གྱི་རྟེན་དུ། གསེར་གདུང་འཛམ་གླིང་རྒྱན་གཅིག་གི་གནོད་སྦྱིན་བང་མཛོད་ནས་བྱུང་བའི་གནྜ་བྱིན་ལྡན་གཅིག །ཚངས་དབྱངས་འབྲུག་སྒྲར་གྲགས་པའི་རོལ་མོ་སྦུབ་ཆེན་གཅིག །རྡོ་རྗེ་འཆང་ཁང་དུ་ཡོད་པའི་རོལ་མོ་སྦུབ་ཆུང་གཅིག །གཟིམ་དུང་ཆ་གཅིག །འཁར་རྔ་ལྟེ་འབུར་གཅིག །དུང་དཀར་རིལ་མ་ཆ་གཅིག་བཅས། ཕྲིན་ལས་ཀྱི་རྟེན་དུ། དཔལ་ས་སྐྱའི་ཁྲི་ཆེན་རྡོ་རྗེ་འཆང་༧ངག་དབང་ཀུན་དགའ་ཐེག་ཆེན་དཔལ་འབར་ཕྲིན་ལས་བསམ་འཕེལ་དབང་གི་རྒྱལ་པོ་དང་། དིལ་མཁྱེན་རྡོ་རྗེ་འཆང་རབ་གསལ་ཟླ་བ། སྐྱབས་རྗེ་འཇམ་མགོན་རྡོ་རྗེ་འཆང་ཆོས་ཀྱི་བློ་གྲོས་ཀྱི་ཡང་སྲིད་རིན་པོ་ཆེ་རྣམ་གསུམ་གྱིས་བྱིན་རླབས་རབ་གནས་ཡང་ཡང་གནང་བ་འཕཊ་ཡུལ་ནས་གདན་དྲངས་པའི་ཕྲིན་ལས་ལྷ་མཆོག་དཔལ་ཆེན་རྡོ་རྗེ་གཞོན་ནུའི་དཀྱིལ་འཁོར་སྤྲོས་བཅས་སྒྲུབ་མཆོད་སྐབས་སློབ་དཔོན་གྱིས་བཞེས་འབག་ཁྱི་གདོང་གཅིག །དཀྱིལ་འཁོར་གཙོ་ཕུར་བྱིན་རླབས་མ་ཉམས་པ། སློབ་དཔོན་མདུན་བཤམ་རྒྱུའི་སྲས་མཆོག་རིཊ་ལྔའི་ཕུར་པ་ཕྱོགས་མདོག་ཅོད་པན་ཅན་ལྔ། ཕྱོཊ་བཞིའི་ཐོ་རྒྱལ་ཆེན་སྡེ་བཞིའི་ཞལ་ཐང་བཞི། གསེར་སྐྱེམས་སྣོད་ཤར་བླ་མ་དགེ་འདུན་རྒྱ་མཚོའི་དངུལ་གྱི་ཕུད་ཕོར་ཆེ་ལེཊ་གཅིག །གཙུག་ལག་ཁང་འདིའི་ཐུན་མོང་མིན་པའི་བཀའ་སྲུང་གནོད་སྦྱིན་བེཀྩེ་ལྕམ་སྲིང་བཀའ་སྡོད་བཅས་པའི་རྟེན་ཐུགས་མ་ཉམས་པ་ལ་གཟི་ལྟག་ལོག་ཚེ་བུམ་ཅན་སྤུས་ལེཊ་གཅིག །གཟའ་ཁྲ་མེན་གཉིས། མུ་མེན་གཉིས། སྤོས་ཤེལ་ཆུང་གཅིག །དུང་ཤྭ་གཅིག །ཤེལ་དཀར་ཟུར་བརྒྱད་གཅིག །ཟངས་ཕུར་སྔཊ་བྱང་ཅན་གཅིག་བཅས། ངོར་མཁན་ཁྲི་ཆེན་མོའི་སྟེང་བཞུཊ་པའི་རྡོ་རྗེའི་ཆོས་སྲུང་ཀུན་གྱི་གཙོ་བོ་གུར་གྱི་མགོན་པོ་གཙོར་མཛད། བླ་མ་ཡི་དམ་ཆོས་སྲུང་ནོར་ལྷའི་སྐུ་རྟེན་བཞུགས་སྒྲམ་ཤེལ་ཁྲ་ཅན་གཅིག་རྟེན་གསུམ་རབ་གནས་སྤྱན་དབྱེའི་སྐབས་མཁོ་བའི་གསེར་དངུལ་སྤྲས་མའི་མིག་ཐུར་གཅིག །འཐོར་ནས་སྒྲུབ་སྐབས་ཀྱི་མེ་ལོང་ཡེདྷཱའི་སྔཊ་བྱང་ཅན་གཅིག་བཅས། ནང་རྟེན་རྩ་ཆེའི་རིཊ་ལ། ཐུབ་ཆེན་རྒྱབ་ལུང་མའི་དབུའི་གཙུག་ཏོར། ངོར་ཕན་བདེ་མཁན་ཆེན་རྡོ་རྗེ་འཆང་དཔལ་ལྡན་ཆོས་སྐྱོང་གི་དབུ་ཐོད་རིན་པོ་ཆེ་འཁྲུལ་མེད་བུམ་རིལ། གསེར་གདུང་འཛམ་གླིང་རྒྱན་གཅིག་གི་ནང་རྟེན་ནས་བྱུང་བའི་སྐོར་ལ། རྗེ་བླ་མ་འཇམ་དབྱངས་མཁྱེན་བརྩེའི་དབང་པོའི་དབུ་ཞྭ་པཎ་ཞུ། སྐུ་འགག་གཅིག །ཨེཝཾ་ཐར་རྩེ་མཁན་ཆེན་རྡོ་རྗེ་འཆང་རྣལ་འབྱོར་འཇམ་དཔལ་བཟང་པོའི་སྐུ་གཟན་བཅས། མཁན་ཆེན་རྡོ་རྗེ་འཆང་ངག་དབང་བསམ་གཏན་བློ་གྲོས་ཀྱི་དབུ་ཞྭ་ས་ཞུ། སྐུ་ཆོས་སྣམ་སྦྱར་གཅིག །ཉི་ཁང་ངག་དབང་རྡོ་རྗེས་རང་ལ་བྱིན་པའི་༧གོང་ས་ལྷ་མའི་རྣམ་འདྲེན་རྒྱལ་དབང་ཐམས་ཅད་མཁྱེན་ཅིང་གཟིཊ་པ་ཆེན་པོ་བཅུ་བཞི་པའི་ཁྲི་བེར། བླ་མ་རིན་པོ་ཆེ་འཇམ་དབྱངས་རྒྱལ་མཚན་གྱི་པང་ཁེབས། གདུང་རྟེན་སྣ་ཚོགས་ལས་བྱུང་བའི་བླ་མ་གོང་མའི་ན་བཟའ་རིགས་བཅུ་གཉིས། དབུ་ཞྭ་བདུན། སྐུ་ཆོས་སྣམ་སྦྱར་གཉིས། སྐུ་ཆོས་བླ་གོས་དགུ། འགན་སྦྱར་གཉིས། སྐུ་གཟན་གཉིས་བཅས། གསེར་གདུང་འཛམ་གླིང་རྒྱན་གྱི་གནོད་སྦྱིན་བང་མཛོད་ནང་ནས་བྱུང་པའི་ཆིབས་སྒ་ལྕགས་ཤན་གཅིག །ཁྲབ་བྱང་ཡུག་གཅིག་བཅས། གནོད་སྦྱིན་འཁོར་ལོ་བཅུག་སྣོད་ཟངས་དཀར་ཆེ་ལེཊ་གཅིག །མཆོད་པའི་ཡོ་བྱད་སྐོར་ལ། ཀ་འཕན་གྲས། རྒྱ་ནག་རྒྱ་གསེར་ཤིན་ཏུ་སྤུས་ལེཊ་ཀྱི་ཀ་འཕེན་གཅིག །དཔལ་ཚ་ཁྲ་རིས་ཀྱིས་ཕུལ་བའི་རྒྱ་གར་རྒྱ་གསེར་ཀ་འཕེན་གཅིག །མཁན་ཆེན་རྡོ་རྗེ་འཆང་ངག་དབང་བསམ་གཏན་བྲོ་གྲོས་ཀྱིས་གནང་བའི་རྒྱ་ནག་རྒྱ་གསེར་ཀ་འཕེན་སྔོ་ཁྲ་གཅིག །དམར་ཁྲ་གཅིག །སྡེ་དགེའི་ལྷ་རིགས་སྲས་མོ་གཡུ་སྒྲོན་གྱིས་ཕུལ་བའི་པདྨརྒྱ་བྱ་སེར་པོའི་ཀ་འཕེན་གཅིག །བཟང་གོས་པདྨརྒྱ་བྱ་དམར་ཁྲའི་ཀ་འཕེན་གཅིག །བཟང་གོས་དམར་སེར་གསེར་བུམ་འབྲུག་རིས་ཅན་གྱི་ཀ་འཕེན་གཅིག །གོང་མའི་ན་བཟའ་རྒྱུ་བཟང་གོས་རྒྱན་གཞི་སེར་འཇམ་གྱི་ཀ་འཕེན་གཉིས། བཟང་གོས་ཁ་ཐི་སྒམ་ལུང་དམར་སྨུག་གི་ཀ་འཕེན་གཅིག །བཟང་གོས་སེར་འཇམ་གསེར་ཊཾ་ཅན་གཅིག །དམར་འཇམ་ཅན་ཀ་འཕེན་གཅིག །བསྟན་པ་རྒྱས་ཆོག་སྐབས་བཤམ་རྒྱུ་བཟང་གོས་དམར་སྨུག་གི་ཐང་གོས་གཅིག །བཞུགས་ཁྲིའི་རྒྱབ་ཡོལ་ཁ་ཐི་སེར་པོ་གསེར་འབྲུག་ཅན་གཅིག །སྨད་ཀྱི་རྒྱ་གསེར་ལ་ཁ་ཐི་སྒམ་ལུང་སྐོར་བརྒྱབ་པའི་སྤོས་ཁུག་ཆ་གཅིག །ཁ་ཐི་སྒམ་ལུང་སྔོན་པོའི་སྤོས་ཁུག་ཆ་གཅིག་བཟང་གོས་དམར་ཁྲ་འཐག་གྲུབ་བྱས་པའི་སྒོ་ནང་ཐད་སྟོད་ཡོལ་གཅིག་བཅས། བདུན་ཚར་སྐོར་སྟེང་བདུན་འོག་བདུན་ཆེ་བ་ཆ་གསུམ། ལི་ཏིང་ཆེ་དྲུག །ལྗོན་རག་ཏིང་ཆེ་དྲུག །ལི་ཏིང་ཆེ་བདུན་ཆ་གཅིག །ལི་ཏིང་འབྲིང་བདུན་ཆ་གཅིག །མཛོ་མིག་ཆེ་བ་བདུན་ཆ་གསུམ། ཡང་ཅུང་མི་འགྲིག་པ་བདུན། ལི་ཏིང་ཆེ་གཅིག །འབྲིང་གཉིས། དུང་ཆོས་ཆུང་གཅིག །ཕུར་པའི་འཆམ་པ་རྣམས་བཞུགས་གདན་དྲུམ་རྩེ་གྲལ་གདན་གཉིས། བཙུན་མོའི་ན་བཟའ་བཟང་གོས་སྔོ་ཁྲའི་ཕུ་མེད་གཅིག །བཟང་གོས་གསེར་མའི་བ་དན་དཀར་པོ་གཅིག་བཅས་འབུལ་ལམ་ཞུ་བ་དང་། སྔོན་མར་ཕུལ་བའི་སྐོར་ལ། མཛེས་ཕུ་ལྷ་ཁང་དུ། སྒྲོལ་མ་འཇིགས་པ་བརྒྱད་སྐྱོབས་ཞལ་ཐང་གཅིག །བཟང་གོས་སེར་པོ་མི་འཁྲུགས་སྐུ་ཅན་ཀ་འཕེན་བཞི། བྱིས་ལྕེ་ཀ་འཕེན་གཉིས། ཐང་རྒྱལ་ལྷ་ཁང་གསར་དུ་སྒོ་འབྱེད་སྐབས་ཕུལ་བའི་སྒྲོལ་མ་དངུལ་སྐུ་ལི་མ་ཞོ་དྲུག །ཐུབ་པ་གནས་བརྟན་བཅུ་དྲུག་ཞལ་ཐང་གཅིག །ཚེ་དཔག་མེད་སྟོང་སྐུ་གསེར་ཐང་གཉིས། སྒྲོལ་དཀར་སྟོང་སྐུ་གསེར་ཐང་གཅིག །ཁྲོ་ངེ་ཚང་གིས་གསར་བཞེངས་མཚན་བརྒྱད་ནང་གསེས་གུ་རུ་པདྨརྒྱལ་པོའི་ཞལ་ཐང་གཅིག །ཐང་རྒྱལ་ལྷ་ཁང་གི་རྟེན་གཙོ་གྲུབ་ཆེན་ཐང་སྟོང་རྒྱལ་པོའི་འདམ་སྐུ་གསར་བཞེངས་དང་། དབུ་ཀླད་ཐང་སྣམ་བླ་བྲེ་གཅིག་མདུན་དུ་བདུན་ཚར་སྟེང་བདུན་འོག་བདུན་དཔེ་ཆུང་ཆ་གསུམ། གཡང་སྒམ་ནང་སྤྱན་རས་གཟིགས་ལི་མ་ཞོ་དྲུག །ངོ་མཚར་རྟའི་རྭ་ཅོ་གཅིག །རོལ་མོ་སྦུབ་ཆེན་མཁའ་ལྡིང་དུ་གྲགས་པ་ཤིན་ཏུ་སྤུས་ལེཊ་གཅིག །སིལ་སྙན་རྟ་ཆེན་དུ་གྲགས་པ་ཤིན་ཏུ་ཆེ་ལེགས་གཅིག །ལྷ་སྲས་ཚེ་དབང་བདུད་འདུལ་གྱིས་གནང་བའི་འཆམ་རོལ་ཤིན་ཏུ་ཆེ་ལེགས་གཅིག །རྗེ་མཁྱེན་བརྩེའི་དབང་པོས་གནང་བའི་རོལ་མོ་མཁྱེན་རོལ་ཞེས་གྲགས་པ་ཆེ་ལེགས་གཅིག །རོལ་མོ་འབྲིང་ཚད་གཉིས། སིལ་སྙན་གཅིག །འཁར་རྔ་ལྟེ་འབུར་གཅིག །ཚེ་རྒྱ་འདས་པར་བཅོལ་བའི་སྟོན་པའི་སྐུ་ལི་མ་རྒྱབ་པད་ཅན་ཞོ་བཞི་སྐར་ལྔ། ངོར་ཆེན་རྡོ་རྗེ་འཆང་ལི་སྐུ་ཞོ་བཞི་སྐར་ལྔ། རིགས་ལྡན་ཆོས་རྒྱལ་ལྷའི་དབང་ལྡན་ལི་མ་རྒྱབ་པད་ཅན་ཞོ་བཞི་སྐར་ལྔ། བཀའ་གདམས་མཆོད་རྟེན་ཞོ་ལྔ་སྐར་གཉིས། མགོན་པོ་མི་འཁྲུགས་པའི་གསེར་སྐུ་ཞོ་བཞི་སྐར་ལྔ། མགོན་དཀར་གསེར་སྐུ་ཞོ་བཅུ་གཅིག་སྐར་ལྔ། གསེར་སྐུ་ཀུན་རིག་རྩ་ལྷ་ལས་སྣ་ཚོགས་ཞོ་གསུམ་སྐར་བརྒྱད། དཔལ་ལྡན་ལྷུན་གྲུབ་སྟེང་ཆོས་གྲྭ་ཆེན་པོའི་རྒྱུན་གྱི་ཚོགས་དུང་ཆ་གཅིག་བཅས་གོང་འཁོད་ཕྱོགས་བསྡོམས་ཞལ་ཐང་བརྒྱ་དང་གསུམ།༡༠༣། དཀྱིལ་ཐང་བརྒྱ་དང་ཉེར་དགུ༡༢༩། སྐུ་གཟུགས་ལི་མའི་གྲངས་བརྒྱ་དང་རེ་གཉིས།༡༦༢། གསེར་སྐུ་སུམ་ཅུ་སོ་ལྔ།༣༥། ཙནྡ་སྐུ་བཅུ།༡༠། སྨན་འདམ་སྐུ་གཅིག༡། འཁར་སྐུ་བརྒྱད།༨། ཞལ་འབག་བཞི།༤། ཕུར་པ་བདུན།༧། བཀའ་གདམས་མཆོད་རྟེན་བརྒྱད།༨། བླ་མ་གོང་མའི་དབུ་ཞྭ་ན་བཟའ་སྐོར་ཞེ་གཅིག༤༡། ཀ་འཕེན་བཅོ་བརྒྱད།༡༨། རོལ་མོ་བདུན།༧། སིལ་སྙན་གཉིས།༢། བདུན་ཚར་ཆེ་ཆུང་གོ་དགུ།༩༩། འཁར་རྔ་གཉིས།༢། དུང་ཀར་ཆ་གཉིས་བཅས་བསྐལ་བ་ཇི་སྲིད་གནས་ཀྱི་བར་བསྟན་འགྲོའི་ཕན་བདེ་འཕེལ་ཞིང་། སྐྱེ་འགྲོ་བསོད་ནམས་སྤེལ་བའི་རྟེན་དུ་འབུལ་ལམ་ཞུས་པ་རྣམས་བར་མ་དོར་ཆུད་ཟོས་འཐོར་བརླག་མེད་པར། ལོ་རེ་བཞིན་རྩིས་བཤར་གནང་ནས་ཉར་ཚགས་དོ་དམ་གང་ལེཊ་གནང་གྲུབ་པར་ཞུ། དེ་ལྟར་མཆོག་སྤྲུལ་རྡོ་རྗེ་འཆང་འདི་ཉིད་ཀྱིས་ཆོས་གྲྭ་ཆེན་པོ་འདིར་བཤད་སྒྲུབ་ལས་ཀྱི་འཁོར་ལོ་གསུམ་གྱི་ཕྲིན་ལས་སྐྱོང་བའི་བཀའ་དྲིན་ནི་གཟུགས་སུ་གྲུབ་ན་ནམ་མཁའི་ཁམས་ཀྱང་དོག་པོར་འགྱུར་ཏེ། ད་ལྟར་ཁྲི་འདུར་བོད་ཀྱི་ཤེས་རིག་ཞིབ་འཇུག་ལྟེ་གནས་ཀྱི་བཀའ་བསྟན་དཔེ་སྡུར་གྱི་ཞུ་ཆེན་པ་དང་ཞིབ་འཇུག་པའི་ཁུར་བཞེས་མུར་མཛད་ཕྲིན་དབྱར་མཚོ་ལྟར་འཕེལ་བཞིན་བཞུགས་པར། སླར་ཡང་བསྟན་འགྲོའི་མགོན་དུ་ཞབས་པད་ཡུན་དུ་བརྟན་ཅིང་བཞུགས་པར་གསོལ་བ་འདེབས་པ་ལགས། ༈ མཁན་ཆེན་རྡོ་རྗེ་འཆང་པདྨདམ་ཆོས་མཆོག་ནི། གུས་སློབ་པ་སྐལ་ལྡན་ཚེ་རིང་གིས་གསོལ་བ་བཏབ་པ་བཞིན་གནང་བའི་རྣམ་ཐར་ཞལ་གསུང་ལས་འདི་ལྟར་འབྱུང་སྟེ། ཁམས་བྱེའི་མཁན་མིང་པདྨདམ་ཆོས་ཀྱི་ལོ་རྒྱུས་ནི། བྲག་ཡབ་མ་དགོན་དང་ཉེ་བ་རྔེད་པ་ཞེས་པའི་ལུང་ཚན། གྲོང་སྨད་ཚང་ཞེས་པར་རབ་བྱུང་བཅུ་དྲུག་པའི་ཆུ་བྱ་ལོར་ཕ་རྒན་ངག་དབང་ཆོས་གྲགས་དང་། མ་རྣམ་རྒྱལ་ལྷ་མོ་ཞེས་པའི་བུ་རུ་སྐྱེས། ལོ་ངོ་དྲུག་ཙམ་ནས་སྐྱབས་འགྲོ་སྒྲོལ་བསྟོད་སོགས་ངག་འདོན་ཤེས། ལོ་བརྒྱད་ནས་ཕ་རྒན་གྱིས་ཡི་གེ་བསླབ། ལོ་བཅུ་ལ་ཕ་རྒན་ཤི། ཐར་མདོ་བརྒྱ་ཚར་གཅིག་ངག་འདོན་བྱས། རང་གི་ཞང་ཚང་གི་མེས་པོ་བྲག་ཡབ་ཞིང་ཆུང་ཞེས་པ་མཁྱེན་བརྩེ་ཆོས་ཀྱི་བློ་གྲོས་དང་། ཞེ་ཆེན་རྒྱལ་ཚབ་གཉིས་ཀྱི་ཕྱག་མཛོད་བྱས་པ་དེས་ངེད་ཀྱི་ཞང་ཚང་གི་ཤ་ཉེ་སེངྒེ་དགྲ་འདུལ་དང་། མཁས་མཆོག་གཉིས་ཁྲིད། མཁས་མཆོག་རྫོང་སར་མཁྱེན་བརྩེའི་ཞབས་གྲས་བྱས། སེངྒེ་དགྲ་འདུལ་ཁམས་བྱེའི་བཤད་གྲྭར་ལོ་བདུན། དཀར་མོ་སྒྲུབ་གྲྭར་ལོ་ལྔ་དང་སྒྲུབ་དཔོན་ལོ་ལྔ་ལ་བྱས། དེས་ང་རང་ལོ་བཅུ་གཉིས་སྟེང་རྫོང་སར་དུ་ཁྲིད། ལོ་ཆུང་བས་བཤད་གྲྭར་མ་ཚུད། མཁྱེན་བརྩེ་ཆོས་ཀྱི་བློ་གྲོས་མདུན་དགེ་བསྙེན་གྱི་སྡོམ་པ་ཞུས། པདྨདམ་ཆོས་བཏགས། ཡིད་ལྷུང་། དགོན་ཆེན་ཟིལ་བརྒྱུད། དཔའ་འོག་སོགས་སུ་ཨ་མཆོད་འདོན། ལོ་བཅུ་གསུམ་སྟེང་མཁྱེན་བརྩེ་ཆོས་ཀྱི་བློ་གྲོས་མདུན་རིན་ཆེན་གཏེར་མཛོད་ནང་དབང་བཀའ་ཉིས་བརྒྱ་ཙམ་ཐོབ། ལོ་བཅོ་ལྔའི་སྟེང་རྫོང་སར་ཁམས་བྱེའི་བཤད་གྲྭར་ཚུད། མཁན་རིན་པོ་ཆེ་ཐུབ་བསྟན་མདུན་ལོ་གསུམ། དམ་ཆོས་མདུན་ལོ་ལྔ། མཁྱེན་རབ་སེངྒེའི་མདུན་ལོ་གཉིས་བཅས་ལོ་བཅུ་ལ་གཞུང་བཤད་ཞུས། ལོ་ཕྱི་མ་ལྔ་ལ་སྐྱོར་དཔོན་བྱས། ཁམས་བྱེའི་བཤད་སྲོལ་ཡོངས་རྫོགས་ཚར་གཉིས་རེ་མ་ཐོབ་པ་མེད། མངོན་མཛོད་དང་ཤེར་ཕྱིན་ཚར་དྲུག་རེ་ཐོབ་ཅིང་ཚར་བཞི་རེ་སྐྱོར་ཁྲིད་བྱས། མཁན་རིན་པོ་ཆེ་དམ་ཆོས་མདུན་བསྙེན་རྫོགས་བསྒྲུབས་པའི་མིང་ལུང་རིགས་སྨྲ་བའི་དབང་ཕྱུག་བཏགས། ཆོས་ཀྱི་བློ་གྲོས་མདུན་གཏེར་མཛོད་ནང་གང་སྨྲོས་དང་། ལམ་འབྲས་སློབ་བཤད་ཚར་གཉིས། སྒྲུབ་བཏུས་ཚར་གཅིག །ངལ་གསོ་སྐོར་གསུམ་སོགས་བཀའ་ཆོས་མང་ཙམ་ཐོབ། མཁན་ཆེན་གཞན་དགའི་དངོས་སློབ་ཀླུ་ཕུག་མཁན་གཞན་ཕན་ལེགས་གྲུབ་མདུན་རྫོགས་ཆེན་ཡེ་ཤེས་བླ་མའི་སྟེང་ཁྲིད་སྦྱང་སོགས་བྱས་པས་བཀའ་དྲིན་ཆེ། གཞན་ཡང་དིལ་མཁྱེན་རབ་གསལ་ཟླ་བ། ས་སྐྱ་གོང་མ་བདག་ཆེན། དཔེ་ཝར་མཆོག་སྤྲུལ་རིན་པོ་ཆེ། མཁྱེན་བརྩེ་ཡང་སྲིད་ཐུབ་བསྟན་ཆོས་ཀྱི་རྒྱ་མཚོ། མཁན་རིན་པོ་ཆེ་མཁྱེན་རབ་སེངྒེ། སྒོང་སྨད་ཀརྨ་རྣམ་རྒྱལ། མཆོག་སྤྲུལ་དབང་ཆེན། བླ་མ་ཚེ་འབྱོར་སོཊ་ལས་ཐེག་ཆེན་སེམས་སྡོམ། སྒྱུ་འཕྲུལ་ཞི་ཁྲོའི་དབང་ལུང་། རྒྱུད་གསང་སྙིང་། བཀའ་འདུས་ཆོས་རྒྱལ་དབང་། ས་ཕུར་དབང་ཆེན། དྲི་མེད་རྣམ་གཉིས་དབང་ལུང་། བ་རི་བརྒྱ་རྩ། སྒྲུབ་ཐབས་རྒྱ་མཚོ། མཛོད་བདུན། རྙིང་མ་རྒྱུད་འབུམ་ལུང་སོགས་གསར་རྙིང་དབང་ལུང་ཞལ་ཁྲིད་ཅི་རིགས་སྔ་རྗེས་ཐོབ། རང་ལོ་ཉེར་ལྔའི་སྟེང་དགོན་ཆེན་བཤད་གྲྭའི་མཁན་པོར་སོང་། ལོ་གཅིག་ཙམ་གཞུང་བཤད་བྱས་མཐར་དགོན་པ་བཅོས་བསྒྱུར་སྐབས་ཁེལ་བས་བཤད་གྲྭ་ཡང་འཐོར། དགོན་ཆེན་དངུལ་ཕུ་མཉམ་ལས་ཁང་དུ་ལོ་གཅིག་ཙམ་ཞུགས། མི་དམངས་དང་ལྷན་དུ་ངལ་རྩོལ་བྱས། དེ་ནས་རང་ཡུལ་བྲག་ཡབ་ཏུ་ཐར། རང་ཁྱིམ་དུ་ལོ་ཤས་འཁུམ། དེ་ནས་རང་ཡུལ་མཉམ་ལས་བཙུགས་བྱུང་བའི་སྐུང་མདའ་རུ་ཁག་གི་ཡུངས་ཞིང་བསྲུང་བར་རི་མགོ་ཞིག་ཏུ་ལོ་བཅུ་ཙམ་བཞག་བྱུང་། ཞོར་དུ་དགེ་སྦྱོར་ཡང་ཅུང་འགྲུབ་སོང་། དེ་ནས་ཅུང་གུ་ཡང་བྱུང་སྐབས། འབྱུང་འདུལ། སྒྲོལ་དཀར། ཀྱེ་རྡོར་གཞི་བསྙེན། རིགས་གསུམ་སྤྱི་སྒྲུབ། ཐུབ་པ་དམ་ཚིག་གསུམ་བཀོད། སྨིན་གླིང་རྡོར་སེམས་བཅས་བསྙེན་མཚམས་འདུག །དེ་ནས་དྲི་མེད་མཆོད་རྟེན་བཞི་བཞེངས། རང་ལོ་ལྔ་བཅུའི་སྟེང་སྡེ་དགེ་དགོན་དུ་དབྱར་གནས་མཁན་པོ་ལོ་གཉིས་ལ་བྱས། དེ་ནས་བཟུང་གཞུང་བཤད་འགོས་བཙུགས། གོ་འཇོ་ཀླུ་ཕུག་དགོན། བྲག་ཡབ་ཡང་དགོན་ཁང་། ནང་ཆེན་གཙང་མདའ་དགོན་རྣམས་སུ་གཞུང་བཤད་ལོ་བཞི་ལ་བྱས། དེ་ནས་རྫོང་སར་ཁམས་བྱེ་བཤད་གྲྭར་མཁྱེན་བརྩེའི་ཡང་སྲིད་ཀྱི་བཀའ་བཞིན་འོང་ནས་ཐོག་མར་རྫོང་སར་མངའ་རི་ལྷ་ཁང་དུ་བཤད། དེ་ནས་ཁམས་བྱེར་ཁང་པ་ཐོན་ནས་དེར་གཞུང་བཤད་བཅས་ལོ་ལྔ་ལ་བྱས། སྔ་རྗེས་ཁམས་བྱེའི་བཤད་སྲོལ་ཚར་རེ་རེ་ནས་བཞི་རེའི་བར་གཞུང་ཡོངས་རྫོགས་མ་བཤད་པ་མེད། ཁམས་བྱེའི་སྔར་སྲོལ་གཞན་དགའི་མཆན་འགྲེལ་རྩ་བ་བཟུང་། འགྲེལ་པ་སྤྱི་དོན་བཀའ་གནད་རྣམས་བློར་འཛིན་ནས་བཤད་སྲོལ་ཡོད་ཀྱང་། ད་ལམ་གཞན་དགའི་མཆན་འགྲེལ་དཔེ་མ་འབྱོར་བས་རྩ་བའི་སྟེང་བཤད། ལོ་ཉེར་བཞི་ཙམ་རིང་དུས་དབང་གིས་དཔེ་ཆ་དང་བྱེ་བས་བཀའ་ངལ་ཆེའང་སྲོལ་ངན་རྒྱུན་འཇགས་རེད་ཀྱིས་དོགས་ནས་འགྲེལ་པ་སྤྱི་དོན་བཀའ་གནད་རྣམས་བློར་འཛིན་བྱས་ཏེ་བཤད། སློབ་མ་རྣམས་ལའང་རྒྱུག་འབུལ་སྐབས་རྩ་བ་མ་གཏོགས་བལྟ་མི་ཆོག་པར་བྱས། རྒྱལ་བསྟན་ངོ་མ་འཛིན་སྤེལ་དགོས་ན་དཔུང་དང་ལོངས་སྤྱོད་ཀྱིས་ཅི་བྱར་ཟད། ཉན་བཤད་སྒོམ་སྒྲུབ་ཀྱིས་བསྟན་པ་འཛིན་སྤེལ་དགོས་རྒྱུ་ཡིན་པ་ལ། རང་གི་ཆུང་ནས་བཤད་པས་བསྟན་པ་ལ་བྱ་བ་ཅུང་ཞིག་འགྲུབ་རེ་ཡོད་ཀྱང་དུས་དབང་གིས་མི་ཚེ་ཕྱེད་ལ་ཅི་བྱ་ཟད། ཅུང་གུ་ཡངས་ཐོབ་ནས་སྔོན་རྗེས་མི་ལོ་བཅུ་ལ་གཞུང་བཤད་བྱས། བཤད་པའི་སྙིང་པོ་བསྟན་པ་ལ་ཕན་དགོས་ཤིང་། དེར་ཕན་དགོས་ན་སློབ་མ་ཐོན་དགོས། སློབ་མ་ཐོན་དགོས་ན་མཁན་སློབ་ཚང་མས་བརྩོན་འགྲུས་མ་བརྩམ་པར་མི་འོང་བར་བསམ་ཏེ་ཉིན་མཚན་བར་མེད་འབད་བརྩོན་ཆེན་པོས་ཆོས་ཐུན་ཉིན་གཅིག་ཀྱང་མི་བཞག་ནས་བཤད་པ་བྱེད་རྒྱུ་འདི་ངེད་ཀྱི་རྣམ་ཐར་སྙིང་པོ་ཡིན། གཞན་ཡང་ནང་ཆེན་གཙང་མདའ་དགོན་དུ་སྒྲུབ་ཐབས་ཀུན་བཏུས་ཚར་གཅིག་དང་། སྔ་རྗེས་སུ་བ་རི་བརྒྱ་རྩ་ཚར་གཅིག །ཀྱེ་རྡོར་རྒྱུ་ལམ་དབང་ཚར་བཞི། དབུ་མ་ལུགས་ཀྱི་སེམས་སྡོམ་ཚར་བཞི། མཛོད་བདུན་ལུང་ཚར་གཅིག །མོས་བསྟུན་སློབ་མ་སྣོད་ལྡན་ལ་འཁོར་འདས་དབྱེར་མེད་ལྟ་ཁྲིད་དང་རྫོགས་ཆེན་ཉམས་ཁྲིད། དཔལ་སྤྲུལ་སྔོན་འགྲོའི་ཁྲིད་དང་། ཡེ་ཤེས་བླ་མའི་སྟེང་ཁྲིད་སྦྱང་སོགས་དང་རིག་པའི་རྩལ་དབང་བཅས་ལན་གྲངས། ཉམས་ཁྲིད་རྣམས་སློབ་མ་རང་རང་གིས་མཐའ་མ་ཕུད་པ་མ་གཏོགས་ངོ་འཕྲོད་ངེས་བྱས། གཞུང་བཤད་སློབ་མ་ལོ་ངོ་བཅུའི་རིང་ཞལ་གྲངས་དྲུག་ཅུའི་སྐོར་ནས་ཕྱེད་ཉིས་བརྒྱ་ཙམ་རྟག་ཏུ་བྱུང་བ་ལས། ཁམས་བྱེའི་བཤད་སྲོལ་རྗེས་ཟློས་རབ་འབྲིང་ཙམ་ཤེས་མཁན་ཁམས་བྱེའི་མཁན་ཐུབ་བསྟན་རབ་གསལ། བྲག་ཡབ་གཞོན་ནུ། དགོན་ཆེན་སྐལ་ལྡན་ཚེ་རིང་། མཁར་མདོ་ཆོས་འཕེལ་རབ་རྒྱས། བྲག་ཡབ་ཐུབ་བསྟན་རིན་ཆེན། ཧེ་རུ་ངག་དབང་ཕྲིན་ལས། དགོན་ཆེན་འཇམ་དབྱངས་བཟང་པོ་བཅས་བདུན། ཚིག་འབྲེལ་ཙམ་ཤེས་མཁན། གླང་དགོན་བཀྲ་ཤིས་ཟླ་བ། ཁྲི་ཚོ་ལུང་རིགས་ཉི་མ། རྫོང་སར་སྒྲུབ་བརྒྱུད་རྒྱལ་མཚན། ཉག་རོང་ཀ་ལུ་སོགས་ཡོད། འདུལ་བའི་སྐོར་དང་། སྤྱོད་འཇུག། དབུ་མ་སྐོར། སྡོམ་གསུམ་ཙམ་བཤད་ཤེས་མཁན་ནི་མང་ཙམ་ཐོན་སོང་། དགོན་ཆེན་ངག་དབང་མཐུ་སྟོབས་དང་ནོར་བཟང་རྣམས་དཔེ་ཆ་མཐའ་མ་སོང་ཡང་ཚེ་མཚམས་བཞུགས་འདུག་པས་ཆོས་པ་རེད་སོང་། དད་རྫས་བྱུང་རིགས་བག་མེད་རྩིང་སྤྱོད་ཅུང་ཟད་ཀྱང་མ་ཕོད་པར་གཙོ་ཆེར་དཔེ་ཆ་བསླུས་པར་བྲག་ཡབ་ཡང་དགོན་དུ་བཀའ་བསྟན་སོགས་པོད་སྟོང་དང་ཉིས་བརྒྱ་ཙམ་བཞག །གོ་འཇོ་ཀླུ་ཕུག་དགོན་དུ་བཀའ་བསྟན་རྙིང་མ་རྒྱུད་འབུམ་སོཊ་པོད་བཞི་བརྒྱ་ལྷག་བཞག །དགོན་འདི་གཉིས་རང་གིས་བདག་བཟུང་བྱས་པའི་དགོན་པ་རེད། ནང་ཆེན་གཙང་མདའ་དགོན་དུ་བསྟན་འགྱུར། ཞུ་ཆེན་བཀའ་འབུམ། ཨ་མྱེས་བཀའ་འབུམ་བཅས་པོད་ཉིས་བརྒྱ་སུམ་ཅུ་བཞག །ཁམས་བྱེའི་བཤད་གྲྭར་བཀའ་བསྟན་རྙིང་མ་རྒྱུད་འབུམ་གཞུང་སྐོར་བཅས་ཁྱོན་པོད་ལྔ་བརྒྱ་ཙམ་བཞག །དམེ་སྟོད་ཨེཝཾ་དགོན་དུ་ངོར་ཆེན་དང་ཨ་མྱེས་བཀའ་འབུམ་པོད་བཅུ་དང་། རྒྱ་ར་དགོན་དུ་མཛོད་བདུན་པོད་ལྔ། ལྷེ་གུག་དགོན་དུ་མཛོད་བདུན་པོད་ལྔ་བཅས་བཞག །རང་གིས་བདག་བཟུང་བྱས་པ་རྙིང་མ་བཀའ་མ། གཏེར་མཛོད། མཁྱེན་བརྩེའི་བཀའ་འབུམ། ས་སྐྱ་བཀའ་འབུམ། ཀུན་མཁྱེན་བཀའ་འབུམ། སྒྲུབ་ཐབས་ཀུན་བཏུས། དཔལ་སྤྲུལ་བཀའ་འབུམ། མཁྱེན་བརྩེའི་བཀའ་བབས། མཁའ་སྤྱོད་བེའུ་བུམ། ཀློང་ཆེན་མཛོད་བདུན། གཞུང་སྐོར་པོད་ཉི་ཤུ་ཙམ་བཅས་ཁྱོན་པོད་ཉིས་བརྒྱ་ཞེ་གསུམ་བཅས་ཡོངས་སུ་དྲིལ་བས་ཁྱོན་པོད་ཉིས་སྟོང་ལྔ་བརྒྱ་བརྒྱད་ཅུ་ལྷག་བསླུས། དེ་དག་ཕལ་ཆེར་གླེགས་ཤིང་གླེགས་ཐག །དབུ་ཁང་གདོང་དར་སོགས་དཔེར་བལྟ་འོས་པ་བཟོས། རྫོང་སར་འདུ་ཁང་ས་བཅལ་ལ་ལྕགས་རྩི་བླུགས་པ་དང་། ཁམས་བྱེའི་འདུ་ཁང་སྟེང་ཤོད་ཤེལ་ཁྲ་ལ་སྒོར་ཆིག་སྟོང་བདུན་བརྒྱ་ཙམ་སོང་། རང་ནས་བསླང་བ་དང་བསླང་ཡིག་བསྐུར་ནས་ཆེད་མངགས་བྱས་ཏེ་ཁམས་བྱེའི་གྲལ་གདན་ལ་བལ་སྟན་བདུན་བརྒྱ་ལྷག་སྔ་རྗེས་འབྱོར་བས་བལ་སྟན་ཉིས་རིམ་ཅན་གདན་དྲིལ་བཅུ་དང་། སྟན་ཆིག་རྐྱང་ཅན་གདན་རིང་བཅུ་ལ་གཡོགས་སྣམ་བུ་དམར་ཆེན་དང་སེར་བོ། ཁ་གང་མ་ཆ་ཡ་ཟུང་། གྲྭ་ཤག་སོ་སོར་སྟན་ཉིས་བརྩེཊ་ཅན་གདན་ཐུང་རེ་རེ་བཅས་བཞག་ཡོད་པ་ནི་ལྕཊ་ལུགས་ཕན་ལོ་ངོ་ང་དགུའི་རིང་གི་ལོ་རྒྱུས་མདོར་བསྡུས་ཡིན། ད་རུང་ཚེ་ལྷག་ཡོད་ན་འདི་ལོའི་འཇུག་ཏུ་ཁམས་བྱེ་ནས་ཞོགས་རྒྱུ་ཡིན་པས་དེ་མཚམས་བྲག་ཡབ་གཙང་སར་དགོན་དུ་སློབ་གྲྭ་བཙུགས་ཏེ་གཞུང་བཤད་ལོ་ཤས་དང་། དེ་ནས་སྒྲུབ་པ་ལ་བརྩོན་པའི་རེ་འདོད་ཡོད་ལགས། ཞེས་གསུངས་ཤིང་ལྕགས་ལུག་ལོ་ནས་བྲག་ཡབ་གཙང་སར་དགོན་དུ་ཕེབས་ནས་བཤད་གྲྭ་བཙུགས་ཏེ་ཞལ་སློབ་བདུན་ཅུ་ཙམ་ལ་ལོ་ངོ་གསུམ་གྱི་རིང་གཞུང་བཤད་མཛད། གཞན་ཡང་སྐུ་སེ་གསེར་ལྗོངས་དགོན་དུ་སྤྱི་ལྗོན་བརྟག་གསུམ་གྱི་རྒྱུད་བཤད་དང་འཁོར་འདས་དབྱེར་མེད་ལྟ་ཁྲིད་སོགས་ཆོས་བཀའ་མང་པོ་བསྩལ། སླར་ཡང་རྫོང་སར་ཁམས་བྱེར་ཟུར་དུ་སྤྱི་ལྗོན་བརྟག་གསུམ་རྒྱུད་བཤད་དང་ལྟ་ཁྲིད་སོགས་བར་མེད་དུ་སོ་སོའི་མོས་པ་ལྟར་གསུངས། མེ་བྱི་ལོར་དགོན་ཆེན་ལྷུན་གྲུབ་སྟེང་གི་མཛེས་ཕུ་བཤད་གྲྭ་ཆེན་པོ་འདི་ཉིད་བསྐྱར་བཙུག་ཆེད་དུ་ཕེབས་ཏེ་གཞུང་བཤད་ཟླ་བ་གཉིས་ལྷག་གི་བཀའ་དྲིན་སྐྱོང་ཞིང་བཤད་གྲྭའི་སྒྲིག་སྲོལ་སོགས་ཁམས་བྱེའི་བཤད་གྲྭ་དང་མཚུངས་པར་འཇོག་པ། གཞན་ཡང་སེར་སྐྱ་མང་ཚོགས་ལ་ཞེན་པ་བཞི་བྲལ་གྱི་བཀའ་ཁྲིད་བསྩལ། གཞན་ཡང་རྫོང་སར་དུ་ལམ་འབྲས་སློབ་བཤད་ཀྱི་སྨིན་གྲོལ་དང་། གཙང་མདའ་དགོན་དུ་ལམ་འབྲས་སློབ་བཤད། ཆབ་མདོ་སྤྱོ་མདའ་དགོན་དུ་ལམ་འབྲས་སློབ་བཤད། འཛིང་སྤྲ་མཐོ་དགོན་དུ་ལམ་འབྲས་སློབ་བཤད་ཀྱི་སྨིན་གྲོལ། སྐྱེ་སྐུ་དོན་གྲུབ་གླིང་། ཁྲི་འདུ་སྐལ་བཟང་དགོན་སོགས་དགོན་སྡེ་ཁག་མང་པོར་ཕེབས་ཏེ་དབང་ཁྲིད་ལུང་སོགས་ཟབ་རྒྱས་ཀྱི་ཆོས་འཁོར་ཚད་མེད་པར་བསྐོར་བས་བསྟན་པ་ལ་བཀའ་དྲིན་གཞལ་དུ་མ་མཆིས། དད་རྫས་རིགས་ཆུད་མ་ཟོས་པ་ཁམས་བྱེའི་སློབ་གྲྭར་སྒོར་ཁྲི་ཉི་ཤུ་ཙམ་དང་། མཛེས་ཕུ་བཤད་གྲྭ་འདིར་གྲལ་གདན་ཆེད་དུ་སྟན་དཀར་འཇམ་ཉིས་བརྒྱ་ཙམ་དང་ཀ་འཕེན་བྱིས་ལྕེ་ཆ་དྲུག་ཙམ་གཏན་འཇོག་གནང་བ་སོགས་བསྟན་འགྲོ་ཁོ་ནའི་དོན་དུ་གཏོང་། མདོར་ན་གཅིག་ཏུ་བསྟན་པ་ཁོ་ནའི་དོན་ལ་ཐུགས་ཁུར་བཞེས་ཤིང་འཇིག་རྟེན་ཆོས་ཀྱིས་མ་བསླད་པར་བཀའ་དང་བསྟན་བཅོས་དྲི་མ་མེད་པ་རྣམས་དང་མཐུན་པ་ཁོ་ནས་བསྟན་པ་འཛིན་སྐྱོང་སྤེལ་གསུམ་གནང་བ་ནི་རྗེ་འདི་ལྟ་བུ་དཀོན་ཞིང་། དུས་འདིར་རྒྱལ་བསྟན་སྤྱི་དང་བྱེ་བྲག་དཔལ་ལྡན་ས་སྐྱའི་བསྟན་པའི་སྲོག་མཐུད་པས་བཀའ་དྲིན་རི་ལྟར་ལྕི་བར་གྱུར། དེ་ལྟར་བསྟན་འགྲོའི་དོན་མཛད་བཞིན་བཞུགས་པར་སླད་མར་ཡང་ཞབས་པད་ཡུན་དུ་བཞུགས་པར་གསོལ་བ་འདེབས་པ་ལགས་སོ།། ༈ སྒ་བླ་མ་ངག་དབང་བསྟན་འཛིན་མཆོག་ནི། ས་སྐྱོང་སྡེ་དགེ་ཆོས་རྒྱལ་ཆེན་པོའི་མངའ་འོག་དབོན་སྟོད་བཟང་མདའ་ཞེས་པར་དཔལ་ཡུལ་སྒ་རྗེ་དབོན་དཔོན་གྱི་གཉན་ཚན། ཡབ་བྲོ་རྒྱལ་དང་། ཡུམ་ཚེ་དབང་སྒྲོལ་མ་གཉིས་ཀྱི་སྲས་སུ་རབ་བྱུང་བཅོ་ལྔ་པའི་ས་ལུག་ཕྱི་ལོ་༡༩༡༩ལོར་སྐུ་འཁྲུངས། དགུང་ལོ་དྲུག་པ་ལ་ཡབ་ཚེ་མ་ཟིན། ཡབ་གཤེཊ་ནས་ཉིན་བདུན་ལ་ཡུམ་ཡང་གཤེགས་ཏེ་དགུང་ལོ་བཅུའི་བར་ཉེར་འབྲེལ་རྣམས་ཀྱིས་བསྐྱངས། དགུང་ལོ་བཅུ་ལ་དབོན་སྟོད་དགོན་དུ་ཞུགས། དབོན་སྟོད་བླ་མ་སྐལ་བཟང་མཁྱེན་བརྩེ་ལས་ཡིག་ཀློག་གསན་ཏེ་གུས་རྟག་གི་བརྩོན་པ་ཆེན་པོས་ལེཊ་པར་མཁྱེན། དགུང་ལོ་བཅུ་གཉིས་པར་དགོན་ཆེན་དུ་འཁྱམས་ནས་རྟ་ལུད་དུ་གཟིམས་པ་དང་། ཁྱིམ་བདག་རྣམས་ལས་གསོལ་ཆས་སློང་བ་སོཊ་ཀྱིས་འཁྱར། དགུང་ལོ་བཅུ་གསུམ་ལ་ནུབ་བླ་མ་ནམ་མཁའ་དབང་ཕྱུག་མཆོག་ནས་བསྟན་དགོན་ལ་ཕན་ཐོགས་པར་མཁྱེན་ཏེ། དགོན་ཆེན་དུ་གྲྭ་པ་བྱེད་དགོས་པའི་བཀའ་གནང་དོན་བཞིན་དགོན་ཆེན་དུ་ཚོགས་ཞུགས་བྱས་ཏེ་དགོན་པའི་ཆོས་སྤྱོད་ཚོགས་འདོན་གྱི་སྐོར་དཔྱིས་ཕྱིན་པར་སྦྱངས་པས་ཀུན་གྱིས་བསྔགས་འོས་སུ་གྱུར། དགུང་ལོ་བཅུ་དྲུག་ལ་མཁན་པོ་མཁྱེན་རབ་བསྟན་འཛིན་ལས་དགེ་ཚུལ་གྱི་སྡོམ་པ་བཞེས། ཐིག་རྡུལ་ཚོན་གར་འཆམ། འབུད་རྡུང་དཀྲོལ་གསུམ་སོཊ་སྦྱངས་བརྡར་མཛད། དངུལ་གདུང་ལྷ་ཁང་དུ་ལྷ་གཉེར་ལོ་གཉིས་མཛད། དགུང་ལོ་བཅོ་བརྒྱད་ནས་དབུས་གཙང་གི་ཕྱོཊ་སུ་བྱོན། སྟོན་པའི་ཞལ་སྐྱིན་ཇོ་བོ་ཡིད་བཞིན་ནོར་བུ་སོགས་རྟེན་མཇལ་མཆོད་འབུལ་རྒྱ་ཆེར་མཛད། ངོར་ཨེཝཾ་ཆོས་ལྡན་དུ་ཕེབས་ངོར་ཕན་ཁང་མཁན་ཆེན་ངག་དབང་མཁས་གྲུབ་རྒྱ་མཚོ་ལས་བསྙེན་རྫོགས་ཀྱི་སྡོམ་པ་བཞེས། གསུང་ངག་རིན་པོ་ཆེ་ལམ་འབྲས་བུ་དང་བཅས་པའི་གདམས་ངག་ཚོགས་བཤད་ལྟར་གྱི་སྨིན་གྲོལ་སོགས་སྡོམ་པ་གསུམ་གྱིས་བསྡུས་པའི་ཆོས་དཔག་མེད་གསན། ངོར་ཁང་སར་མཁན་རིན་པོ་ཆེ་ངག་དབང་མཁྱེན་བརྩེ་ཐུབ་བསྟན་སྙིང་པོ་ལས་སྒྲོལ་དཀར་རྗེས་གནང་། ཚེ་རྟ་ཟུང་འབྲེལ། ངོར་དཀྱིལ་བདུན་གྱི་དབང་ཆེན། བྲག་རྫོང་ཕྱི་ནང་གི་དབང་ཁྲིད། བིར་སྲུང་ཕྱི་ནང་། ལམ་ཟབ་ཕྱི་ནང་། མཁའ་སྤྱོད། བླ་མ་རིན་འབྱུང་གི་བྱིན་རླབས། ཀུན་རིག་གི་དབང་བཅས་གསན། ཆོས་གྲྭ་ཆེན་པོ་དཔལ་ས་སྐྱར་ཕེབས། བདག་ཆེན་ངག་དབང་མཐུ་སྟོབས་དབང་ཕྱུག་ལས་ལྕཊ་རི་ལས་མི་འདའ་བའི་གསེར་ཆོས་བཅུ་གསུམ་སོཊ་སྨིན་གྲོལ་མང་པོ་གསན། དེ་ནས་ཁམས་སྡེ་དགེ་བྱོན། ཕྱག་རྡོར་འབྱུང་པོ་འདུལ་བྱེད་དང་། ཀྱེ་རྡོར་སྔོན་འགྲོ་འབུམ་བཞི་ནས་བརྩམས་ཏེ་གཞི་བསྙེན་རྒྱས་པར་མཛད། དངུལ་གདུང་ལྷ་ཁང་དུ་ལྷ་གཉེར་དང་རོལ་གཡོགས་ལོ་གསུམ་ཙམ་མཛད། དགུང་ལོ་ཉེར་གསུམ་པ་ནས་ཟུར་བླ་ལོ་བརྒྱད་དང་དབུ་མཛད་ལོ་བཅུ་ཙམ་མཛད། དེ་དག་གི་སྐབས་སུ་ཐང་རྒྱལ་ཚེ་སྒྲུབ་འབྲུ་འབུམ། རྟ་མགྲིན། ཁྱུང་ཁྲ། ས་ཕུར། སེང་གདོང་། ཀུན་རིག །བྲག་རྫོང་ཕྱི་བསྙེན། མཁའ་སྤྱོད་རྣམས་ཀྱི་བསྙེན་སྒྲུབ་ལེཊ་པར་གནང་། གཞན་ཡང་ད་ལྟའི་བར་དུ་ཆོས་གསན་བཞེས་མཛད་པའང་། རྫོང་སར་འཇམ་དབྱངས་ཆོས་ཀྱི་བློ་གྲོས་ལས་གདམས་ངག་རིན་པོ་ཆེའི་མཛོད་ཀྱི་སྨིན་གྲོལ་ཆ་ཚང་། རིན་ཆེན་གཏེར་མཛོད་གྱི་དབང་ལུང་ཕོན་ཆེན། སྒྲུབ་ཐབས་ཀུན་ལས་བཏུས་པའི་སྨིན་གྲོལ་ཟབ་རྒྱས། གསུང་ངག་རིན་པོ་ཆེ་ལམ་འབྲས་ཀྱི་ཟབ་ཁྲིད། མགོན་པོ་བཀའ་བབས་བཞིའི་དབང་ཆེན། མཁྱེན་བརྩེའི་བཀའ་འབུམ་ལུང་སོཊ་ཆོས་མང་དུ་གསན། ངོར་དཔོན་སློབ་རྡོ་རྗེ་རྒྱལ་མཚན་ལས་བདེ་མཆོག་མཁའ་འགྲོ་རྒྱ་མཚོ་དབང་ཆེན། ཨ་མདོ་ཛཾ་ཐང་མཆོག་སྤྲུལ་ལས་ཇོ་ལུགས་དུས་འཁོར་དབང་ཁྲིད། དུས་འཁོར་མི་ཕམ་འགྲེལ་ཆེན་ཁྲིད་ལུང་། དུས་འཁོར་འཁྲུལ་འཁོར་བཅས་གསན་བཞེས་མཛད། བླ་མ་ཀུན་བཟང་ཆོས་འཕེལ་ལས་བྲག་རྫོང་ཕྱི་ནང་གི་དབང་ལུང་ཁྲིད། མཁན་པོ་ཡེ་ཤེས་བློ་གྲོས་ལས་སྒྲུབ་ཐབས་ཀུན་བཏུས། ངོར་དཀྱིལ་བདུན་གྱི་དབང་། ནཱ་རོ་མཁའ་སྤྱོད་མའི་བྱིན་རླབས་ཟབ་ཁྲིད། ཞུ་ཆེན་བཀའ་འབུམ་ལུང་། རྒྱལ་མཚན་བླ་མ་ཆོས་གྲཊ་རྒྱ་མཚོ་ལས་མགོན་པོ་པོད་དྲུག །འཇིགས་བྱེད་པོད་གཉིས། དམག་ཟོར་པོད་གཅིག །བེཀྩེའི་པོད་གཅིག །ཨ་ཕྱི་མའི་པོད་གཅིག་བཅས་གསན། མཁན་པོ་བསོད་ནམས་མཆོག་གྲུབ་ལས་མགོན་པོའི་སྐྱ་པོད་གཉིས། ས་སྐྱའི་བདག་ཆེན་ངག་དབང་ཀུན་དགའ་བསོད་ནམས་ལས་ཕུར་པ་སྟོད་ལས་དང་སྨད་ལས་བཅས་པ། དིལ་མཁྱེན་རབ་གསལ་ཟླ་བ་ལས་སྨིན་གླིང་རྡོར་སེམས་ཀྱི་དབང་། ཆོས་ཀྱི་བློ་གྲོས་དགོངས་གཏེར་སེང་གདོང་མའི་དབང་། བཀའ་འདུས་ཆོས་ཀྱི་རྒྱ་མཚོའི་དབང་བཅས་གསན། མཁྱེན་བརྩེའི་ཡང་སྲིད་རིན་པོ་ཆེ་ལས་བརྒྱུད་པའི་ཁྱད་པ་གཉིས་ལྡན་གྱི་སེམས་བསྐྱེད། རྩ་གསུམ་དྲིལ་སྒྲུབ་ཀྱི་དབང་། སྒྲུབ་ཐབས་རྒྱ་མཚོ་དང་བརྒྱ་རྩ་བཅས་གསན། ཀླུ་ལྡིང་མཁན་རིན་པོ་ཆེ་འཇམ་དབྱངས་བསྟན་པའི་ཉི་མ་ལས་ངོར་དཀྱིལ་བདུན། སྦྱོང་རྒྱུད་དཀྱིལ་འཁོར་བཅུ་གཉིས་ཀྱི་དབང་། མཁའ་སྤྱོད་དང་། འཇིགས་བྱེད་དབང་ཁྲིད། དུས་འཁོར་དབང་ཆེན་བཅས་གསན། ཀླུ་ལྡིང་འཇམ་དབྱངས་བསྟན་པའི་རྒྱལ་མཚན་ལས་སྒྲུབ་བཏུས་ལས་ཕལ་ཆེ། ཐར་རྩེ་ངག་དབང་བསོད་ནམས་མཆོག་ལྡན་ལས་ངོར་ཆེན་བཀའ་འབུམ་ལུང་གསན། གཞན་ཡང་ས་སྐྱའི་ཁྲི་ཆེན། བཅོ་བརྒྱད་ཁྲི་ཆེན། སྨིན་གླིང་ཁྲི་ཆེན་སོགས་དམ་པ་དུ་མ་ལས་ཆོས་མཐའ་ཡས་པ་གསན་ནོ། །དགུང་ལོ་བཞི་བཅུ་པ་ལ་དགོན་པ་བཅོས་བསྒྱུར་དང་ཁེལ་བས་བཙོན་ཁང་དུ་ཟླ་བ་དྲུག་ཙམ་བཞུགས་དགོས་བྱུང་ཞིང་། དེ་ནས་ཞིང་འབྲོག་མཉམ་ལས་དུ་ངལ་རྩོལ་གནང་བ་སོགས་སྐུ་ངལ་ཆེར་བྱུང་། དགོན་པ་ཆོས་སྒོ་ཕྱེ་ནས་ཐོག་མར་དགོན་ཆེན་གྲྭ་ཚང་བདུན་གྱི་དབུ་འཛིན་མཛད་ཅིང་། ཐང་རྒྱལ་ལྷ་ཁང་དུ་སྒོར་ཆིག་ཁྲི། བཟང་གོས་རྙིང་པ་སྤུས་ལེགས་ཀྱི་གནམ་ཡོལ། གསེར་དངུལ་བཀྲ་མའི་སྤོས་ཕོར་ཆ་གཅིག །བྱེ་མ་ཨ་ཀྲོང་གི་ཐུབ་པའི་སྐུ་གཅིག །གནམ་ལྕཊ་ཀྱི་རྡོ་རྗེ་གཅིག །རྒྱ་དངུལ་དཀར་པོ་ཉིས་བརྒྱ་བཅས་བཞག །གཙུག་ལག་ཁང་བསམ་གྲུབ་མཐོང་གྲོལ་ཆེན་མོ་བསྐྱར་བཞེངས་སོཊ་དགོན་འདི་ཉིད་ཀྱི་རྟེན་བཞེངས་དུས་མཆོད་སོགས་ཀྱི་བདག་རྐྱེན་གྱི་གཙོ་བོ་བླ་མ་ཉིད་ནས་མཛད་དེ། གཙུག་ལག་ཁང་ཆེན་པོ་ལེགས་གྲུབ་ཐོག་ནང་དུ་རས་གཞི་ཀ་ཤོག་བདུན་ཙམ་གྱི་ཡོན་བླ་མ་ཉིད་ནས་སྦྱོར་བ། ཚེ་དཔག་མེད་ཐོག་ཚད་གསར་བཞེངས། ཐུབ་པ་ལི་སྐུ། ཀྱེ་རྡོར། མི་གཡོ་བ། ཆོས་རྒྱལ་སྲོང་བཙན་སྒམ་པོ་བཙུན་མོ་གཉིས་དང་བཅས་པའི་སྣང་བརྙན། བཀའ་གདམས་མཆོད་རྟེན་གཅིག །ལྕགས་གསེར་ལས་གྲུབ་པའི་ཕུར་པ་གཅིག་བཅས་གཏན་བཞག་མཛད། ས་འབྲུག་ཕྱི་ལོ་༡༩༨༨ལོར་དབྱར་གནས་ལྷ་ཁང་རྟེན་དང་བརྟེན་པར་བཅས་བསྐྱར་བཞེངས་མཛད་ཅིང་། ཨར་ལས་གྲུབ་ནས་མཁྱེན་བརྩེའི་ཡང་སྲིད་རིན་པོ་ཆེ། དཔེ་ཝར་མཆོག་སྤྲུལ་རིན་པོ་ཆེ་སོགས་ཀྱིས་རབ་གནས་མཛད། ལྕཊ་རྟ་ཕྱི་ལོ་༡༩༩༠ལོར་དབྱར་གནས་ཀྱི་ཀུན་དགའ་ར་བ་རྟེན་དང་བརྟེན་པར་བཅས་བཞེངས། ཆུ་བྱ་ཕྱི་ལོ་༡༩༩༣ལོར་བྱང་རྡོ་ཁོ་མའི་མཆོད་རྟེན་ཐོག་ཚད་བདུན་པ་ཕྱི་ནང་ཚད་ལྡན་ལེཊ་པར་བཞེངས་ནས་ཀླུ་ལྡིང་མཁན་ཞབས་རྣམས་ཀྱིས་རབ་གནས་བྱིན་དབབ་མཛད། མེ་བྱི་ཕྱི་ལོ་༡༩༩༦ལོར་ཧོར་ཟླ་གསུམ་པའི་ཚེས་བཅོ་ལྔ་ནང་དབུ་བརྩམ་སྟེ་དྲྭ་སྒང་རི་ཁྲོད་དུ་སྒྲུབ་གྲྭ་ལྷ་ཁང་རྟེན་དང་བརྟེན་པ་གྲྭ་ཤག་ལྔ་བཅུ་བཅས་བསྐྱར་བཞེངས་མཛད་ཅིང་། མེ་གླང་ཕྱི་ལོ་༡༩༩༧ལོར་བོད་ཟླ་བ་དགུ་པ་ནས་སྒྲུབ་གྲྭ་དངོས་སུ་བཙུགས་ཏེ་ས་དགོན་ཁག་ནས་འདུས་པའི་སྒྲུབ་གྲྭ་བ་ཉེར་བརྒྱད་ལ་ལོ་བཞིའི་རིང་ལོ་རེ་ལ་ནས་རྒྱ་མ་སུམ་བརྒྱ། མར་རྒྱ་མ་བརྒྱ། ཇ་རྒྱ་བཅུ་རེ་བཅས་གནང་བཞིན་པ་དང་། རྡོར་སེམས་སྟོང་སྐུ་བྲིས་ཐང་ལྔ། སྤྱན་རས་གཟིཊ་ཕྱག་བཞི་པ་དང་ཕྱག་སྟོང་སྤྱན་སྟོང་གི་བྲིས་ཐང་། བདེ་ཆེན་ཞིང་བཀོད་ཞལ་ཐང་། བེཀྩེའི་གསེར་སྐུ། དམག་ཟོར་འཇིམ་བརྙན་སོགས་གཏན་བཞག་མང་དུ་གནང་། དགོན་པའི་དུས་མཆོད་སྐོར་བསྐྱར་གསོ་དང་། དུས་མཆོད་ཕལ་ཆེའི་དབུར་བཞུགས་རྡོར་སློབ་ཀྱི་བཀའ་དྲིན་ལོ་མང་སྐྱོངས། སོ་སོའི་མོས་པ་ལྟར་གྱི་སྨིན་གྲོལ་མང་དུ་བསྩལ། དབུས་གཙང་འཕཊ་བལ་རི་བོ་རྩེ་ལྔ་སོཊ་རྒྱ་ནག་གི་གནས་རྟེན་རྩ་ཆེའི་རིགས་རྣམས་མཇལ་བ་དང་མཆོད་འབུལ་སོགས་རྒྱ་ཆེར་གནང་ཞིང་། ཇོ་བོ་ཡིད་བཞིན་ནོར་བུ་ལ་ཞལ་གསེར་དང་སྟོང་མཆོད་ཕུལ་བ་སོགས་བསོད་ནམས་ཚོགས་ཆེན་སྤེལ། ལྕགས་སྦྲུལ་ཕྱི་ལོ་༢༠༠༡ལོར་དགོན་གཞུང་དང་བཤད་གྲྭ་དང་སྒྲུབ་གྲྭ་བཅས་པ་ལ་འབྲས་རྒྱ་མ་ལྔ་བཅུ་རེ་དང་ཉལ་ཕྱར་རེ་འགྱེད་པས་མཚོན་དགེ་འདུན་ལ་མང་འགྱེད་བསྙེན་བཀུར་མང་དུ་མཛད། མདོར་ན་ཆོས་གྲྭ་ཆེན་པོ་འདི་ཉིད་ཀྱི་བསྟན་པ་སྡེ་དང་བཅས་པ་ཐམས་ཅད་ཀྱི་བདག་པོ་ཆེན་པོར་ཞབས་པད་བརྟན་བཞིན་བཞུགས་པར་སླད་མར་ཡང་ཞབས་པད་ཡུན་དུ་བརྟན་པར་གསོལ་བ་འདེབས་པ་ལགས་སོ། །དེ་དག་གིས་དཔལ་ལྡན་ས་སྐྱ་པའི་བསྟན་པ་རིན་པོ་ཆེ་བཤད་སྒྲུབ་ལས་ཀྱིས་ཕྱོགས་མཐར་སྤེལ་བའི་ཆོས་གྲྭ་ཆེན་པོ་སྡེ་དགེ་དགོན་ཆེན་ལྷུན་གྲུབ་སྟེང་ཞེས་བྱ་བའི་ལོ་རྒྱུས་ཡོངས་སུ་གྲུབ་བོ།། ༈ གསུམ་པ་འཇུག་གི་དོན་ལ་སྨྲས་པ། རྒྱལ་ཁམས་ཆོས་བཞིན་སྐྱོང་ལ་བསམ་བཞིན་རྫུས། །སྟོབས་ཀྱི་འཁོར་སྒྱུར་མི་དབང་ཆོས་རྒྱལ་ཆེ། །རིམ་པར་བྱོན་པའི་ཐུགས་བསྐྱེད་ཟླ་མེད་དང་། །དཔལ་ལྡན་ས་ངོར་ཚར་པའི་བསྟན་འཛིན་གྱི། །སྐྱེས་ཆེན་མཁས་ཚུལ་བཅུ་གཉིས་ཡོན་ཏན་གྱིས། །ཕྱུག་ཚུལ་བཟུང་བ་ངོ་བོ་སངས་རྒྱས་ལས། མི་འདའ་རྣམས་ཀྱི་ཐབས་ལ་མཁས་པ་ཡི། །སྤྱོད་པ་འདུལ་བ་སྒོམ་པ་མདོ་སྡེ་དང་། །བཤད་པ་མངོན་པ་གསང་སྔགས་རྒྱུད་སྡེ་དང་། །མཐུན་པའི་བསྟན་པ་རིན་ཆེན་བཤད་སྒྲུབ་དང་། །ལས་ཀྱི་འཁོར་ལོས་གསེར་ཞུན་བཙོ་མ་ལྟར། །མིག་དཔེར་འོས་པ་བསྐྱངས་པའི་སྔོན་བྱུང་གི། །མཆོད་ཡོན་རྣམ་དཀར་མཛད་བཟང་བླ་ན་མེད། །ད་ལྟའང་སྔ་མུར་བསྟན་འཛིན་སྐྱེས་ཆེན་གྱིས། །སྐྱོང་བཞིན་བཅས་ཀྱི་ལོ་རྒྱུས་རག་བསྡུས་ཤིག །རྒྱ་མཚོ་ཆེ་ལས་ཟིལ་པ་ཙམ་བླངས་ཏེ། །དགེ་ལེགས་བསམ་པས་བཀོད་པ་རེ་ཞིག་གྲུབ། །ཕྱོགས་རྣམས་ཀུན་ལས་རྣམ་པར་རྒྱལ་གྱུར་ཅིག །བསྟན་འཛིན་སྐྱེས་བུ་སྐུ་ཚེ་བརྟན་པ་དང་། །ཞི་དབྱིངས་བཞུགས་རྣམས་ཐུགས་དགོངས་རྫོགས་པར་ཤོག། །དགེའོ།། དགེའོ།། དགེའོ།།
༄། གོང་དུ་ས་སྐྱ་པའི་དགོན་པའི་མཚན་ཐོ་སྐབས། སྡེ་དགེའི་རྒྱལ་རབས་འབྲི་བ་པོས་དགོན་ཁག་མང་པོ་ཞིག་ཆོས་རྒྱལ་འཕགས་པས་བསྒྱུར་ཞེས་བྲིས་གནང་འདུག་པ་རྣམས་ནི་རྩོམ་འབྲི་པའི་ནོར་བ་ཞིག་ལས། དོན་དངོས་ཆོས་རྒྱལ་འཕགས་པས་བསྒྱུར་བ་མཛད་མེད་པ་ནི་ལོ་རྒྱུས་སྤྱི་ཐོག་ནས་དཔང་པོར་ཡོད་པ། གནམ་སའི་བདག་པོ་སེ་ཆེན་རྒྱལ་པོས་བོད་གངས་ཅན་གྱི་ལྗོངས་སུ་ས་སྐྱ་པའི་ཆོས་ལུགས་ལས་གཞན་བྱེད་མི་ཆོག་པའི་བཀའ་གནང་རྒྱུ་ཡིན་ཞེས་སྔ་ཕྱིར་༼དེབ་ཐེར་དཔྱིད་ཀྱི་རྒྱལ་མོའི་གླུ་དབྱངས་སོགས་ལ་གཟིགས་༽གསུངས་པ་ཡང་ཡང་ཕྱིར་བཟློག་མཛད་པ་ལ་དཔྱོད་ཅིག །དེར་མ་ཟད་འདིར་དཔྱད་ཡིག་ཞིག་འབུལ་རྒྱུ་ཡིན།༼འབའ་རོམ་པའི་ཆོས་འབྱུང་ནང་གི་ལུས་མེད་རྡོ་རྗེའི་རྣམ་ཐར་ལས། དེ་དུས་ས་སྐྱ་པའི་བླ་མ་འཕགས་པ་ཧོར་ཡུལ་ནས་བོད་དུ་ཕེབས་ཤིང་མདོ་སྟོད་དུ་བྱོན་པ་ལ་སྐུ་འབུམ་དགོན་གྱི་འདུས་གྲྭ་ཆེ་བགྲེས་རྣམས་མཇལ་དུ་བྱོན་ཏེ་འབུལ་ཞབས་བཟང་པོ་བྱས་ནས། བླ་མ་སྤྲུལ་པའི་སྐུ་ཆེན་པོ་དེ་ཞིང་ཁམས་གཞན་དུ་གཤེགས་ཏེ་མི་བཞུགས། ད་ཁྱེད་རང་བོད་ཀྱི་སེར་ཆགས་ཡོངས་ཀྱི་བདག་པོར་གྱུར་པས་ངེད་ཀྱི་བླ་མའི་གདན་ས་འདིར་བླ་མ་གཅིག་བསྐོ་བར་ཞུ་ཞུས་པས། ཞལ་ནས་འོ་སྐོལ་ཆོས་ལུགས་མི་གཅིག་པའི་ཞད་ཀྱིས། ངེད་ཀྱི་བླ་མ་གཅིག་བསྐོས་པས་མགོ་ལུས་འགྲིགས་པོ་རང་མི་ཡོང་། ཁྱེད་རང་གི་བུ་ཆེན་ཆེ་བ་གང་གྲགས་པ་གཅིག་བསྐོས་ནས་བདག་རྐྱེན་ལ་སོགས་པ་ངེད་ཀྱིས་བྱེད་པ་འཐད་གསུངས། འདིར་བུ་ཆེན་མང་དུ་བཞུགས་ཀྱང་ཐམས་ཅད་དབུ་མཐོ་བ་འདྲ་འདྲ་སོང་བས་བསྐོ་འོས་མེད། འགྲན་ཟླ་དང་བྲལ་བའི་ཐུགས་སྲས་ལུས་མེད་རྡོ་རྗེ་བྱ་བ་གཅིག་ཡོད་པ། ད་ལྟ་དབུས་གཙང་གཉིས་ན་བཞུགས་ཞུས་པས། འོ་ན་ཁྱེད་རང་ཚང་གི་མི་སྣ་ཐོངས་དང་ངེད་ཀྱིས་རྩོད་གཅོད་གསུངས། ལུས་མེད་རྡོ་རྗེ་མཚལ་གུང་ཐང་ནས་བཞུགས་སྐབས་འཕགས་པ་རིན་པོ་ཆེས་ས་སྐྱར་གདན་དྲངས་ནས་གདན་སར་རིན་པོ་ཆེ་བཞུགས་དགོས་གསུངས་ཤིང་ལུགས་གཉིས་ཀྱི་རྫོང་དར་བཅས་དགུང་ལོ་སུམ་ཅུ་རྩ་དགུ་བཞེས་པའི་དུས་ཤིང་མོ་གླང་གི་ལོ་ལ་བསྐོ་བཞག་མཛད་ཅིང་ཁམས་སུ་ཕེབས། སྐུ་འབུམ་རྩ་བའི་དགེ་འདུན་པ་རྣམས་དང་གནས་དྲུག་ལྷ་སྡེ་མི་སྡེའི་ཚོགས་ཀྱིས་བསུ་བ་སེར་སྦྲེང་དང་བཅས་ནང་སོ་ཆེན་མོའི་སེངྒེའི་ཁྲི་ལ་ཞབས་བཀོད་པར་མཛད། ཅེས་བཀོད་ཡོད།༽ཁྱེད་རྩོམ་འབྲི་བ་གཉིས་ཀྱིས་ཐོག་མར་འདི་ལྟར་སྡེ་དགེའི་རྒྱལ་རབས་ཞིག་བརྩམ་རྒྱུའི་ཀུན་སློང་རྣམ་པར་དག་པ་སྐྱེས། བར་དུ་དཀའ་བ་ཆེན་པོ་སྤྱད་ནས་སྡེ་དགེ་རྒྱལ་རབས་བརྩམས། མཐར་ལེགས་པར་གྲུབ་སྟེ་སྔ་ན་མེད་པའི་སྡེ་དགེའི་རྒྱལ་རབས་ཀྱི་ལེགས་སྐྱེས་འདི་ལྟ་བུ་ཞིག་བོད་རིགས་སྤྱི་དང་ཁྱད་པར་བདག་པོའི་མངའ་འབངས་སྡེ་དགེ་བ་རྣམས་ལ་ཕུལ་བ་ལ་སྙིང་ཐག་པ་ནས་ཐུགས་རྗེ་ཆེ་ཞུ་རྒྱུ་ཡིན་ལགས། །བཀྲ་ཤིས་པར་གྱུར་ཅིག། ངེས་དོན་གྱིས།།
' རྩོམ་འོག་མ།
ཞུ་ཆེན་ཚུལ་ཁྲིམས་རིན་ཆེན་གྱི་རྣམ་ཐར།