འདོན་སྤེལ། 2018/11/8 8:13 PM རྩོམ་པ་པོ།

D10FF49B-43D6-435B-9B9D-2723358735E8 འདི་ནས་ཡུལ་དངོས་ལ་རྒྱུས་ལོན་བྱས་ཏེ་གནས་ཚུལ་འབྱོར་བ་ལྟར་ན། འདི་ཟླའི་ཕྱི་ཚེས་ ༣ ཉིན་གྱི་ཕྱི་དྲོར་སྡེ་དགེ་འཇོ་མདའ། སྤོ་ལུའི་ཕྱོགས་ནས་ཁ་སྔོན་ཕྱི་ཟླ་༡༠ ཚེས་༡༡ ཉིན་རི་ཉིལ་ཏེ་འབྲི་ཆུ་བཀག་སའི་ཕྱོགས་ནས་བསྐྱར་དུ་རི་བོ་ཉིལ་ཏེ་འབྲི་ཆུ་བཀག་པའི་ཛ་དྲག་གནས་ཚུལ་ཐོན་ཡོད་པ་དང་། ད་ལྟ་སྤོ་ལུ་ཤང་དང་དེའི་ཉེ་འཁོར་གྱི་གྲོང་ཚོ་དང་། ཞིང་ཁ་མང་པོ་ཞིག་ཆུའི་ནང་ནུབ་བཞིན་ཡོད་པ་རེད།

སྤྱིར་བཏང་འབྲི་ཆུ་དང་རྩམ་ཆུ་གཉིས་པོ་འབྲི་རྩམ་སུམ་མདོ་ནས་འདྲེས་ཏེ་འབབ་བཞིན་ཡོད་པ་དང་། འབྲི་རྩམ་སུམ་མདོའི་མར་ཙམ་ནས་འབྲི་ཆུའི་(དཔལ་ཡུལ)ཤར་(འཇོ་མདའ)ནུབ་ཀྱི་རི་བོ་ཕན་ཚུན་ཉིལ་ཏེ་འབྲི་ཆུའི་འབབ་མཚམས་བཅད་ཡོད་པས་མ་ཚད། རི་བོ་ཉིལ་བའི་ས་རོ་རྡོ་རོའི་མཐོ་ཚད་ལ་ཐོག་བརྩེགས་ ༥༠ ཡན་མན་ཡོད་ཚུལ་བཤད་ཡོད། ད་བར་མི་དང་འཕྲུལ་འཁོར་གྱིས་དེ་དག་གཤོང་ཐབས་བྱེད་བཞིན་ཡོད་མོད། ད་དུང་མུ་མཐུད་འབད་བརྩོན་བྱས་ཀྱང་ཆུ་ཚོད་ ༣༠ ཡན་མན་འགོར་སྲིད་པའི་གནས་ཚུལ་འབྱོར་ཡོད།

ས་གནས་མང་ཚོགས་རྣམས་ས་གནས་གཞན་དུ་གནས་སྤོ་བྱས་ནས་ད་བར་མིའི་ཚེ་ 77234512-100D-48AF-A8A2-615E96D3F51A སྲོག་ཤོར་བའི་གནས་ཚུལ་བྱུང་མེད་ཀྱང་། སྤོ་ལུ་ཤང་གི་སློབ་གྲྭ་དང་། ལས་ཁུངས། ཞིང་ཁ། གྲོང་ཚོ་བཅས་ད་ཆར་གང་འཚམས་ཆུའི་ནང་ནུབ་ཚར་ཡོད་པས་མ་ཚད། རྩམ་ཆུའི་ངོགས་ན་ཆགས་པའི་སྤོ་ལུ་དགོན་པའི་ཉེ་འགྲམ་ནའང་རྩམ་ཆུ་དང་འབྲི་ཆུ་གྱེན་དུ་འཁྱིལ་ནས་ཉེན་ཚབ་ཆེན་པོ་འགྱུར་ཡོད་པ་རེད། ད་ཆར་ས་གནས་མང་ཚོགས་ཀྱི་སེམས་འཚབ་བྱ་ས་གཙོ་བོ་ཞིག་ནི། རང་རང་གི་ས་ཁང་དང་། ཞིང་ཁ་ཙམ་མིན་པ། སྤོ་ལུ་དགོན་པ་འདི་ལོ་རྒྱུས་ཡུན་རིང་ལྡན་པའི་དགོན་པ་རྩ་ཆེན་ཞིག་ཡིན་པས་མ་ཚད། སྐུ་གསུང་ཐུགས་རྟེན་རྩ་ཆེན་མང་པོ་ཞིག་ཡོད་སྟབས་འདི་ཉིད་སྲུང་སྐྱོབ་བྱ་རྒྱུ་དེ་ཡིན་པ་རེད།

འདིའི་ཐད་ནས་སྡེ་དགེ་རྒྱལ་ཡོངས་ལྷན་ཚོགས་ཀྱིས་དབུས་བྱེས་འཁོད་བོད་མི་སྤྱི་དང་ཡང་སྒོས་སྡེ་དགེའི་མང་ཚོགས་ཚོས་ཉིན་ལྟར་གནས་ཚུལ་བཟང་པོ་རེ་ཐོན་པར་རེ་སྒུག་དང་བཅས་སེམས་འཚབ་ཆེན་པོ་བྱེད་ཀྱིན་ཡོད་པ་རེད།

dege old
dege 3 0C73D89E-576C-4E1C-936D-BD31F1091492