སྡེ་དགེ་ལྔ་བརྒྱ་ཞིང་ཁམས་ཀྱི་རྒྱལ་རབས་ལོ་རྒྱུས་བསྡུ་སྒྲིག་གི་གསལ་བརྡ།
༈ མཚུངས་མེད་སྡེ་དགེ་ལྔ་བརྒྱ་ཞིང་ཁམས་ཀྱི་ཁོངས་སུ་གཏོགས་པའི་རྒྱལ་ཕྱི་ནང་གི་བཀུར་འོས་མི་སྣ་ཡོངས་ལ་ཆེད་གསོལ།
དེའང་སྡེ་དགེ་ལྔ་བརྒྱ་ཞིང་ཁམས་ཀྱི་རྒྱལ་རབས་ལོ་རྒྱུས་ཞིབ་རྒྱས་ཤིག་གང་མགྱོགས་བསྡུ་སྒྲིག་ཐུབ་དགོས་རྒྱུ་ནི་ཡུལ་དུས་གནས་སྟངས་གང་ལ་བལྟས་ཀྱང་གལ་ཆེན་ཡིན་གཤིས། སྡེ་དགེ་རྒྱལ་ཡོངས་ལྷན་ཚོགས་དབུས་སྤྱི་ཁྱབ་རྒྱུན་ལས་ཁང་ནས་དེ་དག་གི་རྒྱུ་ཆ་འཚོལ་སྡུད་བྱེད་བཞིན་ཡོད་པས་མ་ཚད། མདོ་ཁམས་ཆུ་བཞི་སྒང་དྲུག་གི་ལོ་རྒྱུས་དེབ་ཕྲེང་སོགས་སུའང་སྡེ་དགེའི་ལོ་རྒྱུས་གང་མགྱོགས་འབྱོར་ཐབས་དགོས་པའི་བཀའ་ཕེབས་ལྟར། རང་ཁོངས་ལུང་ཚན། དགོན་སྡེ། དཔོན་འགོ མདུན་སྐོར། ཧོར་འདྲ། མི་སྣ། རྫོང་སྒོ། དཔོན་ཁག རོང་འབྲོག རིག་གཞུང་། ལག་ཤེས། དམག་འཐབ། གསུང་རྩོམ། ཡུལ་སྲོལ། གླུ་བྲོ། རྩེད་རིགས། ལོ་རྒྱུས་ལྡན་པའི་རྟེན། གནས། རི། ཆུ། གངས། བྲག་སོགས་ཀྱི་པར་རིས་དང་བཅས་ལོ་རྒྱུས་གང་ཡོད་ཁོངས་སོ་སོ་ནས་འགན་ཁུར་རྐང་ལེན་གྱིས་འདི་གར་ཕྱི་ལོ་ ༢༠༡༦་༣་༡ ནང་ཚུན་འབྱོར་ཐབས་གནང་རོགས་ཞུ།
དེ་བཞིན་ཚོགས་སྡེ་དང་གང་ཟག་སྒེར་སུ་ཞིག་ལ་སྡེ་དགེའི་རྒྱལ་རབས་ལོ་རྒྱུས་དང་འབྲེལ་བའི་ཁུངས་བཙུན་པའི་རྒྱུ་ཆ་སོགས་མཐུན་འགྱུར་གནང་རྒྱུ་ཡོད་ཚེ་ཧ་ཅང་བཀའ་དྲིན་ཆེ་བ་འདུག་པས་དེ་དེ་བཞིན་ཡོང་བའི་རེ་འདུན་དང་བཅས་
སྡེ་དགེ་རྒྱལ་ཡོངས་ལྷན་ཚོགས་དབུས་སྤྱི་ཁྱབ་རྒྱུན་ལས་ཁང་ནས་ ༢༠༡༥་༦་༡ ཉིན།
བསམ་ཚུལ་འབྲི།

འབྲེལ་ཡོད་ཀྱི་རྩོམ་གཞན།
-
ས་གནས་ཡུལ་མིའི་རེ་འབོད་ལ་བདག་སྐྱོང་དགོས་པའི་ཡོངས་ཁྱབ་བསྒྲགས་གཏམ།
-
སྡེ་དགེ་རྒྱལ་ཡོངས་ལྷན་ཚོགས་ཀྱི་ ༢༠༢༢ ལོའི་སློབ་ཡོན་གསལ་བསྒྲགས།
-
༄༅། །འཛམ་གླིང་ཤར་ནུབ་གང་དུ་བཞུགས་ཡོད་པའི་རང་རེེའི་སྡེ་དགེ་བ་ཕུ་ནུ་མིང་སྲིང་ཡོངས་ལ་སྡེ་དགེའི་ཉིན་མོའི་གསལ་བརྡ།
-
སྡེ་དགེ་པ་འཛིན་གྲྭ་བཅུ་པའི་སློབ་མ་ཡོངས་ནས་དོ་སྣང་གནང་དགོས་རྒྱུ་གལ་ཆེ།
-
སྡེ་དགེ་རྒྱལ་ཡོངས་ལྷན་ཚོགས་ཀྱི་ ༢༠༡༩ ལོའི་སློབ་ཡོན་འབུལ་འགོ་བཙུགས།