འདོན་སྤེལ། 2016/09/22 5:42 AM རྩོམ་པ་པོ།

ཚོགས་ཆེན་ཚོགས་བརྡ་།

༄༅། །དེའང་༸གོང་ས་༸སྐྱབས་མགོན་པོ་ཆེན་པོ་མཆོག་གིས་གཙོས་རིས་མེད་བསྟན་འཛིན་གྱི་སྐྱེས་བུ་རྣམས་སྐུ་ཚེ་བརྟན་ཅིང་མཛད་ཕྲིན་རྒྱས་ཐབས་དང་། ཆོས་དང་རིག་གཞུང་རྣམས་རྒྱུན་འཛིན་དར་སྤེལ་བྱེད་ཕྱོགས། རྒན་རབས་དང་ནད་པ་ཉམས་ཐག་སོགས་ལ་རོགས་རམ་ཐུབ་ཐབས། ལོ་ཆུང་ཚོ་མནའ་དེང་ཤེས་ཡོན་ལ་ཡར་སྐུལ་དང་སློབ་སྦྱོང་གི་མཐུན་རྐྱེན་འབྱོར་ཐབས། ཡང་སྒོས་སྡེ་དགེ་རྒྱལ་ཡོངས་ལྷན་ཚོགས་ཀྱི་དབུས་སའི་རྒྱུན་ལས་ཁག་གི་ལོ་གསུམ་ལས་བསྡོམས་དང་རྩིས་ཁྲ་ཁག་ལ་ཞིབ་འཇུག དེ་བཞིན་དབུས་རྒྱུན་གསར་འདེམས་དང་མ་འོངས་ལས་དོན་བྱ་ཕྱོགས་ཀྱི་གྲོས་གཞི་གྲོས་ཆོད་འཇོག་རྒྱུ་སོགས་ལ་དམིགས་ཏེ། སྒྲིག་གསལ་ལྟར་ལོ་གསུམ་རེའི་མཚམས་སུ་ཚོགས་ཆེན་ཐེངས་རེར་བསྐང་འཚོག་གནང་དགོས་རྒྱུ་ལྟར།

སྡེ་དགེ་རྒྱལ་ཡོངས་ལྷན་ཚོགས་ཀྱི་ཚོགས་ཆེན་ཐེངས་དང་པོ་དེ་འདི་ལོའི་ཕྱི་ཟླ་ ༡༡ ཚེས་ ༡༠ ནས་ ༡༢ བར་ཉིན་གསུམ་རིང་ཚོགས་འདུ་དང་། ཚེས་ ༡༣ ཉིན་ཐུགས་སྤྲོ་ཞིག་དང་བཅས་རྒྱལ་ས་ལྡི་ལི་རུ་འཚོག་གཏན་ཁེལ་བར་ལགས་ཤིང་། སྐབས་དེར་ཕུ་ནུ་གྲོས་རའི་རྒྱུན་ཟུར་དང་ས་གནས་འཐུས་ཟུར་རྣམ་པར་བཀའ་དྲིན་རྗེས་དྲན་དང་ཆེ་བསྟོད་ཆེད་གཟེངས་བསྟོད་ཕྱག་ཁྱེར་རེ་འབུལ་རྒྱུ་ལགས་པས། རང་ཁོངས་སྤྱི་འཐུས་རྣམ་པ་དང་། ཕུ་ནུ་གྲོས་རའི་རྒྱུན་ཟུར་དང་ས་གནས་འཐུས་ཟུར་རྣམ་པ། རྩིས་ཞིབ་པ་རྣམ་པ་དང་། རང་ཁོངས་ཆུ་སྒང་དབུས་རྒྱུན་རྣམ་པ། ས་ཁང་ཚོགས་ཆུང་གི་ཚོགས་མི་རྣམ་པ་བཅས་སྐུ་མགྲོན་དུ་ངེས་ཕེབས་ཡོང་བ་ཞུ་རྒྱུ་དང་། དེ་བཞིན་རྒྱལ་ཕྱི་ནང་གི་ས་གནས་སྡེ་དགེའི་རྒྱུན་ལས་རྣམ་པ་དང་། ས་གནས་འབྲེལ་མཐུད་པ་རྣམ་པ་བཅས་ལྷན་རྒྱས་ཚོགས་ཞུགས་ཡོང་བའི་ཚོགས་བརྡར་འབུལ་བཞིན་ཡོད་ལ། ཚོགས་བཅར་བ་རྣམ་པ་རྒྱ་བལ་ས་ཁོངས་སོ་སོ་ནས་ཕར་ཚུར་ལམ་གྲོན་དང་། ཚོགས་འདུའི་རིང་བཞུགས་ཤག་དང་གསོལ་ཚིགས་བཅས་གྲ་སྒྲིག་ཆ་ཚང་དབུས་ནས་ཞུ་བཞིན་ཡོད་པས་དེ་ལུགས་དགོངས་འཇགས་གནང་རོགས་ཞེས་

སྡེ་དགེ་རྒྱལ་ཡོངས་ལྷན་ཚོགས་དབུས་སྤྱི་ཁྱབ་རྒྱུན་ལས་ཁང་ནས་ ༢༠༡༦་༩་༢༠ ཉིན།

བསམ་ཚུལ་འབྲི།

' རྩོམ་འོག་མ།

སྡེ་དགེའི་རྒྱལ་རབས་ངག་གི་ས་བོན་ཨཏྤལ་ཆུན་པོ་ཞེས་བྱ་བ།

སྡེ་དགེ་རྒྱལ་ཡོངས་ལྷན་ཚོགས་ཀྱི་ཚོགས་ཆེན་ཚོགས་བརྡ།

བསམ་ཚུལ་འབྲི།

འབྲེལ་ཡོད་ཀྱི་རྩོམ་གཞན།