སྡེ་དགེ་རྒྱལ་ཡོངས་ཚོགས་ཆེན་གྱི་གསལ་བརྡ།
༈ བཀུར་འོས་རྒྱ་ཆེའི་སྡེ་དགེ་བ་ཡོངས་ལ་གུས་འདུད་ཆེན་པོའི་ཐོག་ཕུ་ནུ་གྲོས་རའི་ངོས་ནས་ཆེད་དུ་ཞུ་གསོལ་འདེབས་དོན།
མཁྱེན་གསལ་ལྟར་ཕུ་ནུ་གྲོས་ར་ནི་ ༢༠༡༢་༡༡་༡༧ ཉིན་དྲྭ་ཐོག་ཏུ་དབུ་བརྙེས་པ་དང་། སྡེ་དགེ་བའི་ཆོས་དང་རིག་གཞུང་། ཡུལ་སྲོལ་གོམས་གཤིས་བཟང་པོ་རྣམས་རྒྱུད་འཛིན་དང་། ཉམ་ཐག་དང་སློབ་ཕྲུག་དཀའ་ངལ་ཅན་ལ་རོགས་སྐྱོར། རྩ་ཆེའི་ལོ་རྒྱུས་མཁོ་སྒྲུབ་བྱ་རྒྱུ་བཅས་ཀྱི་དམིགས་ཡུལ་འོག ལུང་ཚན་དང་ཆོས་བརྒྱུད། ཚོགས་སྡེ་དང་གང་ཟག་སྒེར་བཅས་ཀྱི་རིས་སུ་མ་ཆད་ཅིང་། ཕྱོགས་སུ་མ་ལྷུང་པའི་ཐོག་ནས་ལས་འཆར་གཙོ་བོ་ཁག་གསུམ་བསྒྲིགས་པ་སྟེ། ༡་སྡེ་དགེ་དྲྭ་རྒྱ་བཟོ་རྒྱུ། ༢་སྡེ་དགེའི་ལོ་རྒྱུས་མཁོ་སྒྲུབ། ༣་ལོ་གཅིག་ནང་ཚུན་སྡེ་དགེ་ཚོགས་ཆེན་ཞིག་གོ་སྒྲིག་ཞུས་ཏེ་སྡེ་དགེ་དབུས་སྤྱི་ཁྱབ་རྒྱུན་ལས་ཁང་ཞིག་འཛུགས་ཐུབ་པར་བྱ་རྒྱུ་བཅས་ཡིན། ༢༠༡༣་༢་༡༥ ཉིན་ www.dhege.com སྡེ་དགེ་དྲ་བ་ལེགས་གྲུབ་ཐོག་དངོས་སུ་ཤར་གཏོང་བྱེད་ཐུབ་པ་བྱུང་ཡོད་ལ། ད་བར་ལོ་རྒྱུས་ཀྱང་མཁོ་སྒྲུབ་བྱེད་བཞིན་པས་མཚོན་སྡེ་དགེ་བའི་དུས་གསུམ་གྱི་ཆེད་དུ་བྱ་དཀའ་བྱེད་གཏད་ཀྱི་ཁྲོད་ལས་དོན་བསྒྲུབས་དང་སྒྲུབ་མུས་ཡིན།
ད་ལྟ་ནི་ཕུ་ནུ་གྲོས་ར་དབུ་བརྙེས་ནས་ཟླ་བ་ ༡༡ ཟིན་ལ་ཉེ་བར་ཡིན་དུས། ཚོགས་ཆེན་གོ་སྒྲིག་བྱེད་བཞིན་ཡོད་ལ། ཕུ་ནུ་གྲོས་རའི་ས་གནས་འཐུས་མི་ལྷན་ཚོགས་ནས་འདི་ལོའི་ཕྱི་ཟླ་༡༡ ཚེས་ ༨ བོད་ཟླ་ ༩ ཚེས་ ༥ ཉིན་རྒྱ་གར་གྱི་རྒྱལ་ས་ལྡི་ལི་རུ་ཉིན་གསུམ་རིང་སྡེ་དགེ་རྒྱལ་ཡོངས་ཚོགས་ཆེན་འཚོག་རྒྱུར་གཏན་འབེབ་གྲུབ་སོང་བས། གཤམ་གསལ་ཚོགས་བཅར་མི་འགྲོའི་གྲངས་ལྟར་ཁུངས་སོ་སོ་ནས་འདེམས་སྒྲུག་ཐོག་ཚོགས་ཞུགས་གནང་རོགས། ཚོགས་འདུའི་བརྗོད་གཞི་ནི། འཛུགས་འཆར་སྡེ་དགེ་དབུས་སྤྱི་ཁྱབ་རྒྱུན་ལས་ཁང་གི་སྒྲིག་གཞི་གཏན་འབེབ་དང་། གོང་གསལ་དམིགས་ཡུལ་དང་འབྲེལ་བའི་གྲོས་ཆོད་གྲོས་འཆར་ཁག་གཏན་འབེབ། དབུས་རྒྱུན་ལས་འོས་འདེམས་བྱ་རྒྱུ་བཅས་ཡིན། ཚོགས་འདུའི་རིང་ཞལ་ལག་དང་བཞུགས་ཤག་བཅས་འདི་ནས་གྲ་སྒྲིག་ཞུ་བཞིན་ཡོད་ལ། ས་མིག་ནང་གསལ་རྒྱ་བལ་འབྲུག་གསུམ་གྱི་ཚོགས་བཅར་བ་རྣམ་པར་མེ་འཁོར་ཨང་གསུམ་པ་དང་། སྤྱི་སྤྱོད་རླངས་འཁོར་བཅས་ཀྱི་ལམ་གྲོན་ཀྱང་འབུལ་འཆར་ཡོད་མོད། དཀའ་ངལ་ཆེན་པོ་མེད་ཚེ་ལམ་གྲོན་ཁོངས་སོ་སོ་ནས་གཏོང་ཐུབ་ན་བཀའ་དྲིན་མ་ཆུང་ཞུ།
ཐུགས་སྣང་དགོས་རྒྱུར། ཚོགས་བཅར་བའི་མཚན་ཐོ་ ༢༠༡༣་༡༠་༢༠ ནང་ཚུན་ས་གནས་སོ་སོའི་ཕུ་ནུ་གྲོས་རའི་འཐུས་མིའམ། གོ་སྒྲིག་པར་ངེས་འཕྲོད་དགོས་རྒྱུ་བཅས།
ཕུ་ནུ་གྲོས་རའི་ས་གནས་འཐུས་མི་ལྷན་ཚོགས་ནས་ ༢༠༡༣་༡༠་༡ ཉིན།
| གྲངས། | ས་གནས། | མི་གྲངས། | གྲངས། | ས་གནས། | མི་གྲངས། | གྲངས། | ས་གནས། | མི་གྲངས། |
| 1. | བལ་ཡུལ། | ༡༠ | 8. | འབྲུག | ༣ | 15. | ཨ་རི་སྡེ་དགེ་ཚོགས་པ། | ༣ |
| 2. | སྦིར། | ༡༠ | 9. | ལྡི་ལི། | ༣ | 16. | སུད་སི་སྡེ་དགེ་ཚོགས་པ། | ༣ |
| 3. | སྦེལ་ཀོབ། | ༡༠ | 10. | ལྡེ་ར་ལྡུན། | ༣ | 17. | སྦེལ་ཇམ་སྡེ་དགེ་ཚོགས་པ། | ༣ |
| 4. | ཀ་ལ་མིན་ཏྲོན། | ༥ | 11. | མོན་གྷོ། | ༣ | 15. | ཁེ་ན་དྲ་སྡེ་དགེ་ཚོགས་པ། | ༣ |
| 5. | དྷ་ས། | ༣ | 12. | ཤིང་ལོང་། | ༢ | 16. | ཕྷི་རན་སི་སྡེ་དགེ་ཚོགས་པ། | ༢ |
| 6. | འབྲས་ལྗོངས། | ༤ | 13. | ས་གནས་འཐུས་མི། | ༢༤ | 17. | ||
| 7. | མཚོ་པདྨ། | ༣ | 14. | དངས་བླངས་པ། | ༢༥ | 18. |
One Response
བསམ་ཚུལ་འབྲི།
སྡེ་དགེ་རྒྱལ་ཡོངས་ཚོགས་ཆེན་ཐེངས་དང་པོ་རྒྱལ་ཁའི་ངང་གྲོལ་བ།
འབྲེལ་ཡོད་ཀྱི་རྩོམ་གཞན།
-
ས་གནས་ཡུལ་མིའི་རེ་འབོད་ལ་བདག་སྐྱོང་དགོས་པའི་ཡོངས་ཁྱབ་བསྒྲགས་གཏམ།
-
སྡེ་དགེ་རྒྱལ་ཡོངས་ལྷན་ཚོགས་ཀྱི་ ༢༠༢༢ ལོའི་སློབ་ཡོན་གསལ་བསྒྲགས།
-
༄༅། །འཛམ་གླིང་ཤར་ནུབ་གང་དུ་བཞུགས་ཡོད་པའི་རང་རེེའི་སྡེ་དགེ་བ་ཕུ་ནུ་མིང་སྲིང་ཡོངས་ལ་སྡེ་དགེའི་ཉིན་མོའི་གསལ་བརྡ།
-
སྡེ་དགེ་པ་འཛིན་གྲྭ་བཅུ་པའི་སློབ་མ་ཡོངས་ནས་དོ་སྣང་གནང་དགོས་རྒྱུ་གལ་ཆེ།
-
སྡེ་དགེ་རྒྱལ་ཡོངས་ལྷན་ཚོགས་ཀྱི་ ༢༠༡༩ ལོའི་སློབ་ཡོན་འབུལ་འགོ་བཙུགས།
བདག་གིས་རེ་བ་ནི་ད་རིང་ཚོགས་འདི་དུས་སྐབས་ཀརྨ་བཀའ་བརྒྱུད་པའི་བླ་ཆེན་ཞ་དམར་དང་སུ་ཏི་གཉིས་མཐུན་འབྲེལ་བྱེད་རྒྱུ་ཀརྨ་པ་གཉིས་ཕན་ཚུལ་འཇལ་སྤྲོད་གནང་རྒྱུ་གྲོས་མོ་བྱེད་ཐུབ་པ་འབད་བརྩོན་བྱེད་རོགས་ཞུ་ང་རང་འདྲ་པོ་དཔེ་གཞག་ན་འཇིག་རྟེན་འདི་ཐོག་ཀམ་ཚང་རྙོག་དྲ་དེ་མེད་པ་ཆགས་པ་ཡིན་དེ་ལས་ལྷག་ཚད་དགོས་པ་པ་མེད་པ་ཁ་ཞེན་གཉིས་མེད་ཡིན་ཚོགས་འདི་ལ་ཕེབས་བསམ་པའི་རེ་བ་ཡོད་སྟེ་ཕ་ཡུལ་སྡེ་དགེ་མིན་པའི་བྱ་ཐབས་བྲལ། ད་རེང་སྡེ་ཚོགས་པའི་གོ་སྐབས་འདི་མ་ཤོར་བ་རྒྱལ་བ་ཡབ་སྲས་རྣམས་མཐུན་འབྲེལ་བྱེད་རྒྱུ་ཐབས་ཤེས་གང་འདྲ་གནང་དགོས་ན་གནང་རོགས་ཞུ།
ཞབས་འདེབས་འདྲ་ཕུལ་དགོས་ན་གང་ཐུབ་བྱེད་ཆོགས གུས་ཏྲེ་ཧོར་ཁམས་པ་ཀརྨ་སྐལ་བཟང་ནས་སྙིང་ནས་རེ་བ་ཡིན།