འདོན་སྤེལ། 2018/04/20 7:42 AM རྩོམ་པ་པོ།

D0045D94-A68C-436F-B058-6A966607E882 དེའང་ཕ་ཡུལ་སྡེ་དགེ་ཡིད་ལྷུང་ནས་ཡིན་པ་ནད་པ་ངག་དབང་ཀུན་དགའི་ཆེད་དུ་བལ་སྒོར་ (༡༡༡༠༤༠) གཅིག་འབུམ་གཅིག་ཁྲི་གཅིག་སྟོ་བཞི་བཅུ་ཐམ་པ་ཞིག་འདི་ཟླའི་ཕྱི་ཚེས་ ༢༠ ཉིན་རོགས་སྐྱོར་ལག་སོན་བྱུང་ཡོད་པ་རེད། དེའང་ཉེ་སྔོན་བལ་ཡུལ་ས་གནས་སྡེ་དགེ་ཚོགས་པར་བརྒྱུད་སྡེ་དགེ་རྒྱལ་ཡོངས་ལྷན་ཚོགས་དབུས་ལས་ཁུངས་སུ་བོད་ནང་གི་ནད་པ་ཉམས་ཐག་ལོ་ན་ ༡༧ ཡིན་པ་ངག་དབང་ཀུན་དགའ་ལགས་ཀྱིས་བདེ་སྡུག་སྙན་ཞུ་ཞིག་ཕུལ་འབྱོར་བྱུང་ཡོད་པ་དང་།

དེར་ནམ་རྒྱུན་གྱི་འགྲོ་ལུགས་བཞིན་ཡན་ལག་མྱུར་སྐྱོབ་ཁང་ནས་ཞིབ་འཇུག་བྱས་པར་བརྒྱུད་སྙན་ཞུ་འབྱོར་གསལ་བཞིན་དོ་བདག་ལ། གློ་གཅོང་གི་ན་ཚ་ཕོག་སྟེ་སྨན་བཅོས་བྱེད་བཞིན་པའི་སྐབས། མུ་གེའི་གོང་ལ་ཟླ་ལྷག་ལྟར། ལམ་བར་ནས་འཕྲུལ་རྟས་བརྡབ་སྐྱོན་བྱུང་ནས་ཁོག་སྨད་ཞྭ་བོར་གྱུར་པའི་ཛ་དྲག་དཀའ་ངལ་འཕྲད་ཡོད་པ་དང་། ཁོང་ཚོའི་ནང་མི་ལ་བུ་ཕྲུག་ ༥ དང་ཕ་མ་གཉིས་བཅས་ ༧ ཡོད་མོད། ཉེ་སྔོན་ཕ་རྒན་འདས་གྲོངས་ཤོར་རྗེས། ནང་མིའི་ཁ་སྟབས་ནི་བུ་འདི་རང་ལ་བརྟེན་དགོས་གྱུར་ཡོད་འདུག་པ་དང་། བུ་འདིའང་གོང་གསལ་ལྟར་ཉེ་སྔོན་ནས་སྡུག་པོ་ཉིས་བརྩེགས་ཀྱི་དཀའ་ངལ་འོག་ལུས་ནས་ད་ཆར་སྨན་ཡོན་གྱི་དཀའ་ངལ་ཅི་ཆེ་འཕྲད་བཞིན་དངོས་བདེན་ཡིན་པའི་སྙན་ཐོ་འབྱོར་ཡོད།

84928F9F-AEA4-4E86-88B7-F24D05E4A888 དེ་བཞིན་འདི་ནས་ངོས་སྦྱོར་སོགས་ཀྱི་མཐུན་འགྱུར་ལམ་སྟོན་འོག་ས་བགོས་བཞིན་རྒྱ་གར་ནང་ཁུལ་གྱི་སྡེ་དགེ་ས་རྒྱུན་དང་འབྲེལ་མཐུད་པ་(རྡ་ས། སྦིར། ལྡེ་ར་ལྡུན། མོན་གྷོ། མཚོ་པདྨ་)རྣམ་པས་གཙོ་འགན་བཞེས་ཏེ་བལ་སྒོར་ ༡༡༡༠༤༠ ཐམ་པའི་རོགས་སྐྱོར་ཁ་ཡོད་ལག་ཡོད་ཕུལ་འབྱོར་ཐུབ་ཡོད་པ་དང་། དེ་བཞིན་བོད་ནང་ནས་དོ་བདག་གིས་ ༢༠༡༨་༤་༢༠ ཉིན་སྡེ་དགེ་རྒྱལ་ཡོངས་ལྷན་ཚོགས་དབུས་ལས་ཁུངས་སུ་ཐུགས་རྗེ་ཆེ་ཞུ་དང་བཅས་དེ་དེ་བཞིན་འབྱོར་འཛིན་ཁུངས་འཕེར་འབུལ་འབྱོར་བྱུང་ཡོད་པ་རེད།

བསམ་ཚུལ་འབྲི།

' རྩོམ་འོག་མ།

སྡེ་དགེ་མཁན་ཆེན་ཨ་པད་རིན་པོ་ཆེའི་ངོ་མཚར་བའི་མཛད་རྣམ་འགའ་ཞིག

སྡེ་དགེ་ཡིད་ལྷུང་གི་ནད་པ་ཞིག་ལ་བལ་སྒོར་འབུམ་ ༡ ལྷག་གི་རོཊ་སྐྱོར།

བསམ་ཚུལ་འབྲི།

འབྲེལ་ཡོད་ཀྱི་རྩོམ་གཞན།