འདོན་སྤེལ། 2014/09/3 5:24 AM རྩོམ་པ་པོ།

བོད་མི་གཉིས་འཇུ་བཟུང་།

རྒྱ་གཞུང་གིས་སྡེ་དགེ་འདན་མར་མི་མང་གི་ཞུ་འབོད་བྱེད་སྐབས་པར་བརྒྱབ་པའི་ཉེས་མིང་འོག་བོད་མི་གཉིས་འཇུ་བཟུང་བྱས་ཡོད་འདུག

ཟླ་སྔོན་མའི་ཚེས་ ༢༨ ཡས་མས་སུ་རྒྱ་གཞུང་གིས་སྡེ་དགེ་འདན་མ་ཤུག་པ་སྡེ་བའི་ཐག་ཉེར་ཡོད་པའི་གཡུ་འབྲུག་སྡེ་བའི་བོད་མི་ཚེ་གོ་དང་པད་རྒྱལ་གཉིས་འཛིན་བཟུང་བྱས་ཡོད་འདུག ཁོང་གཉིས་འཛིན་བཟུང་བྱས་དོན། ཟླ་སྔོན་མའི་ཕྱི་ཚེས་ ༡༡ ཉིན་གཞུང་ཕྱོགས་ནས་སྡེ་དགེ་འདན་མ་ཤུག་པ་སྡེ་བའི་སྡེ་དཔོན་དབང་གྲགས་ལགས་འཇུ་བཟུང་བྱས་རྗེས། ས་གནས་མི་མང་འདུ་འཛོམས་ཀྱིས་ཁོང་ཀློད་གྲོལ་ཆེད་ཞུ་འབོད་གནང་སྐབས་པར་བརྒྱབ་ཡོད་པའི་ཉེས་མིང་འོག་འཛིན་བཟུང་བྱས་ཡོད་ཚུལ་རྒྱ་ནག་གཞུང་གིས་བརྗོད་ཡོད་འདུག

ཉེ་ལམ་རྒྱ་གཞུང་གིས་སྐབས་དེར་འཛིན་བཟུང་བྱས་པའི་སྡེ་དགེ་འདན་མ་ཤུག་པ་སྡེ་བའི་བོད་མི་ཁག་ཅིག་རིམ་པས་ཀློད་གྲོལ་བཏང་ཡོད་ཀྱང་། སྡེ་དཔོན་དབང་གྲགས་ད་ཆར་ཡང་བཀག་ཉར་བྱས་ཏེ། ནང་མི་ཉེ་འབྲེལ་ཚོས་ཁོང་གར་ཡོད་ཅི་བྱུང་གི་གནས་ཚུལ་ཅི་ཡང་མ་ཤེས་པར་ལྷག་འདུག་ལ། ད་ཆར་འདན་མར་དམག་མི་དང་ཉེན་རྟོག་པ་སོགས་འགྲེམས་འཇོག་གིས་ས་གནས་མི་མང་གི་འགྲོ་སྐྱོད་སོགས་ལ་ལ་དམ་དྲག་དང་། བརྒྱུད་ལམ་སོགས་ལ་དམ་དྲག་དང་ལྟ་རྟོག་ནན་མོ་བྱེད་ཀྱི་ཡོད་འདུག ཡོང་ཁུངས། བོད་ཀྱི་དུས་བབ།

བསམ་ཚུལ་འབྲི།

' རྩོམ་འོག་མ།

དཔོན་དབང་གྲགས་སེར་ཤུལ་རྫོང་ཐོག་ལ་འདུག་ཟེར།

སྡེ་དགེ་འདན་མ་ནས་སྐྱར་དུ་བོད་མི་གཉིས་འཇུ་བཟུང་།

བསམ་ཚུལ་འབྲི།

འབྲེལ་ཡོད་ཀྱི་རྩོམ་གཞན།