འདོན་སྤེལ། 2014/08/13 4:30 AM རྩོམ་པ་པོ།

སྡེ་དགེ་འདན་མ་ནས་བོད་མི་འཇུ་བཟུང་དང་དྲག་གནོན།
༢༠༡༤།༨།༡༡ གི་མཚན་མོའི་ཆུ་ཚོད་ ༡༢ ཙམ་ན་སྡེ་དགེ་འདན་མ་དབང་དྲག་ལགས་རྒྱ་གཞུང་གིས་འཇུ་བཟུང་བྱས་ཏེ་ཕྱི་ཚེས་ ༡༢ ཉིན་མི་མང་ལ་དྲག་གནོན་ཐོག་ཛ་དྲག་གནས་ཚུལ་ཐོན་བཞིན་ཡོད་འདུག

དེའང་ཁུངས་ལྡན་གནས་ཚུལ་འབྱོར་གསལ་ལྟར་ན། ཉེ་ཆར་སེར་ཤུལ་རྫོང་ཐོག་ཏུ་རྒྱ་ནག་ནས་དཔོན་པོ་ཁག་ཅིག་འབྱོར་གྱིན་ཡོད་པ་ལྟར། རྫོང་དང་ཁུལ་རིམ་པ་ནས་སྡེ་དགེ་འདན་མའི་ཕྱོགས་ཀྱི་ཤུག་པ་སྡེ་བ་སོགས་ལ་བྲོ་རྡུང་མཁན་ཡོང་དགོས་པའི་བཀོད་ཁྱབ་གཏོང་སྐབས། བྲོ་པ་བུ་མོ་ཁ་ཅིག་ལ་ཁུལ་གྱི་དཔོན་པོ་འགས་བརྙས་བཅོས་བྱས་པ་དང་། བྲོ་བ་ཚོས་རང་གི་སྡེ་དཔོན་དབང་གྲགས་ལ་ཞུས་ནས། ཁོང་གིས་དེ་འདྲའི་མཐོང་ཆུང་བརྙས་བཅོས་བྱེད་དོན་ཅི་ཡིན་ཞེས་གཞུང་གི་ལས་བྱེད་རྣམས་ལ་གནས་ལུགས་བཤད་དེ་རྩོད་པ་ཤོར་ཡོད་འདུག  སྐབས་དེ་དག་ཏུ་ཉེ་ཆར་འདན་མའི་རྟ་རྒྱུགས་དང་། བསང་གསོལ་གྱི་སྲོལ་རྒྱུན་བྱེད་སྒོ་ཁག་ལ་རྫོང་དང་ཁུལ་རིམ་པས་ཆོག་མཆན་སྤྲད་མེད་ཀྱང་ཁྲིམས་འགལ་གྱི་ལས་ཀ་བྱས་སོང་ཞེས་པ་སོགས་ཀྱི་སྐད་ཆ་བྱུང་ཡོད་འདུག་ལ། དབང་དྲག་གིས། བསང་གསོལ་དང་རྟ་རྒྱུགས་ནི། གནའ་ནས་བོད་ལ་དར་བའི་ཆོས་ལུགས་དང་སྲོལ་རྒྱུན་གྱི་བྱེད་སྒོ་གལ་ཆེན་རིགས་ཡིན་པས། ཆོས་ལུགས་དད་པ་རང་མོས་ཡིན་དུས། སྲོལ་རྒྱུན་གྱི་བྱེད་སྒོ་ཁག་ཁྲིམས་འགལ་ཡིན་པ་ངོས་ལེན་མེད་ལུགས་སོགས་བཤད་ཡོད་འདུག གནས་སྟངས་དེ་འདྲའི་འོག་ཕྱི་ཁ་སང་ཕྱི་ཚེས་ ༡༡ དགོང་མོ་བོད་ནང་གི་ཆུ་ཚོད་ ༡༢ ཙམ་ན་སྡེ་དཔོན་དབང་གྲགས་ལགས། ཁོང་གི་རང་ཁྱིམ་ནས་ལྐོག་ཏུ་བཙན་ཁྲིད་བྱས་ཟིན་ཡོད་པ་དང་།

ཕྱི་ཚེས་ ༡༢ ཉིན་མང་ཚོགས་ཀྱིས་གནས་ཚུལ་དེ་ཧ་གོ་བ་དང་། ལོ་ཕྱུག་ཁུལ་དུ་མི་མང་བརྒྱ་ཕྲག་ལྷག་འཛོམས་ནས་ང་ཚོའི་སྡེ་དཔོན་ཉེས་མེད་ཐོག་བཙན་ཁྲིད་བྱས་པ་གློད་གྲོལ་གཏོང་དགོས་ཞེས་སྐད་འབོད་བྱས་པ་ན། སེར་ཤུལ་རྫོང་ཐོག་ནས་དམག་ཕབ་སྟེ། མང་ཚོགས་གསེང་ལ་དུག་རྫས་གཏོང་པ་དང་། གང་སར་མེ་མདའ་བརྒྱབ་ནས་དབང་གྲགས་གི་བུ་ལ་མདེའུ་གཉིས་དང་། དབང་དྲག་གི་སྤུན་མཆེད་བཟང་པོ་ལའང་མདེའུ་གཉིས་བརྒྱབ་འདུག་བས་མཚོན། བོད་མི་བཅུ་ཡན་མན་ཙམ་ཤི་གསོན་ཅི་འགྱུར་མི་ཤེས་པའི་རྨས་སྐྱོན་རྫབ་ཆེན་བཟོས་ཡོད་འདུག  སླར་ཡང་ཁ་སང་ཚེས་ ༡༢ དགོང་མོ་གནས་ཚུལ་འབྱོར་བ་ལྟར་ན་མཚན་གུང་བོད་མི་མང་པོ་ཞིག་འཛིན་བཟུང་བྱས་ཡོད་པ་དང་། མཚན་མོ་སྨག་ནང་དུ་དམག་མིའི་རླངས་འཁོར་མང་པོ་ཞིག་འབྱོར་ཡོད་འདུག དེ་རིང་ཕྱི་ཚེས་ ༡༣ ཉིན་ཤུག་པ་སྡེ་པ་ཡོངས་དམག་མིས་སྐོར་ཟིན་པ་དང་། ཕོ་སར་ཕལ་མོ་ཆེ་རི་འགོར་སོགས་སུ་བྲོས་ཟིན་ཡོད་འདུག་ལ། ཤུལ་ལུས་ནང་མི་དང་བུད་མེད་ཚོར་བཅར་རྡུང་ཐོག འདྲི་བརྩད་ཚ་ནན་བྱེད་ཀྱིན་ཡོད་པ་སོགས་ཀྱི་ཛ་དྲག་གནས་ཚུལ་འབྱོར་བཞིན་འདུག
དེ་དང་འབྲེལ་བ་ལོ་ཤས་སྔོན་བོད་ནང་གི་མེར་སྲེག་གི་དོན་རྐྱེན་བྱུང་སྐབས། སེར་ཤུལ་རྫོང་ཐོག་ཏུ་བྲོ་རྡུང་གླུ་ལེན་གྱི་མཛད་སྒོ་སྤེལ་ནས། ཤུག་པ་སྡེ་བའང་ཡོང་དགོས་པའི་བཀོད་ཁྱབ་ལ་ངོས་ལེན་མ་བྱས་པའི་གནས་སྟངས་ཀྱང་བྱུང་མྱོང་ཡོད་འདུག

དབང་གྲགས་ལགས་ནི། ལོ་ན་ ༤༥ ཡན་མན་ཙམ་དང་། སྡེ་དགེ་འདན་མ། ལོ་ཕྱུག ཤུག་པ་གྲོང་སྡེ་ནས་ཡིན་འདུག་པ་དང་ཤུག་པ་སྡེ་བའི་སྡེ་དཔོན་དང་། འདན་མའི་རྟ་རྒྱུགས་ཀྱི་འགན་འཛིན་ཡང་ཡིན་པ་རེད། ནམ་རྒྱུན་མི་མང་ཉམ་ཐག་དང་། གཞན་གྱིས་བརྙས་བཅོས་གཏོང་ས་དག་ལ་རྒྱབ་སྐྱོར་དང་རོགས་རམ་གང་ཐུབ་བྱེད་མཁན་གྱི་བོད་མི་ཞིག་ཡིན་འདུག ཡོང་ཁུངས། སྡེ་དགེ་དྲ་བ།

7 Responses

1. TCHRD condemns Chinese police shooting of unarmed Tibetans in Kardze says:

   August 14, 2014 at 8:54 am

   […] strict restriction on communication, information is coming out of Kardze (Ch: Ganzi) Tibetan Autonomous Prefecture in Sichuan Province that Chinese […]

   Reply
2. Chamra Drimey Gyaltsen says:

   August 15, 2014 at 5:25 am

   བོད་གཞུང་གི་དྲྭ་ཚིགས་སུ་ཐོན་པའི་སྡེ་དགེ་འདན་མའི་ཛ་དྲག་གནས་ཚུལ་སྐོར། http://bod.asia/2014/08/%E0%BD%81%E0%BD%98%E0%BD%A6%E0%BC%8B%E0%BD%A6%E0%BE%A1%E0%BD%BA%E0%BC%8B%E0%BD%91%E0%BD%82%E0%BD%BA%E0%BC%8B%E0%BD%A0%E0%BD%91%E0%BD%93%E0%BC%8B%E0%BD%98%E0%BC%8B%E0%BD%93%E0%BD%A6%E0%BC%8B%E0%BD%96/

   Reply
3. Chamra Drimey Gyaltsen says:

   August 15, 2014 at 5:26 am

   བོད་ཀྱི་བང་ཆེན་དྲྭ་ཚིགས་སུ་ཐོན་པའི་སྡེ་དགེ་འདན་མའི་ཛ་དྲག་གནས་ཚུལ་སྐོར། http://bangchen.net/2014/08/lochung/

   Reply
4. Chamra Drimey Gyaltsen says:

   August 15, 2014 at 5:27 am

   ཨེ་ཤི་ཡ་རང་དབང་རླུང་འཕྲིན་ཁང་གི་དྲྭ་ཚིགས་སུ་ཐོན་པའི་སྡེ་དགེ་འདན་མའི་ཛ་དྲག་གནས་ཚུལ་སྐོར། http://bangchen.net/2014/08/lochung/http://www.rfa.org/tibetan/tibet/tibetans-shot-in-denma-yultso-08132014110250.html

   Reply
5. Chamra Drimey Gyaltsen says:

   August 15, 2014 at 5:27 am

   བོད་ཀྱི་དུས་བབ་དྲྭ་ཚིགས་སུ་ཐོན་པའི་སྡེ་དགེ་འདན་མའི་ཛ་དྲག་གནས་ཚུལ http://www.tibettimes.net/news.php?showfooter=1&id=9176

   Reply
6. Chamra Drimey Gyaltsen says:

   August 15, 2014 at 5:30 am

   སྡེ་དགེ་འདན་མའི་ཛ་དྲག་གི་གནས་ཚུལ་དང་འབྲེལ་བའི་ཨ་རིའི་རླུང་འཕྲིན་ཁང་གི་བཅར་འདྲི་ཞིག http://www.voatibetan.com/content/arrest-of-denma-chief-leads-to-crack-down-on-protesters-/2412461.html

   Reply
7. Chamra Drimey Gyaltsen says:

   August 21, 2014 at 7:15 am

   ཨ་རིའི་རླུང་འཕྲིན་ཁང་ནས་འདན་མའི་ཛ་དྲག་གནས་སྟངས་སྐོར་བཅར་འདྲི། http://www.voatibetan.com/content/denma-police-firing-/2422656.html

   Reply

' རྩོམ་འོག་མ། སྡེ་དགེ་འདན་མའི་ཆེད་དུ་བསྒྲགས་གཏམ།

འབྲེལ་ཡོད་ཀྱི་རྩོམ་གཞན།

• སྡེ་དགེ་རྒྱལ་ཡོངས་ལྷན་ཚོགས་ཀྱི་དབུས་རྒྱུན་སྐབས་ ༣ པའི་ལོ་འཁོར་༣ གྱི་ལས་བསྡོམས་སྙིང་བསྡུས།
• ཨ་ཧྥི་ཏབ་ཀརྨ་སིང་པུ་རེ་ཝལ་ (Aftab Karma Singh Pureval) ལགས་ཨ་རིའི་གྲོང་ཁྱེར་སིན་སི་ན་ཊི་( Cincinnati) ཡི་སྤྱི་ཁྱབ་གྲོང་ཁྱེར་དཔོན་པོའི་གོ་གནས་ཀྱི་རྒྱལ་ཁ་ཐོབ་པ།
• བོད་ཕྲུག་༢༧་ལ་སྲིད་སྐྱོང་གི་སློབ་ཡོན་གཟེངས་རྟགས་ཐོབ་པའི་ནང་རང་རེ་སྡེ་དགེ་བའི་སློབ་མ་གཅིག་ཡོད་པ་རེད།
• དབུས་རྒྱུན་སྐབས་གསུམ་པའི་ཚོགས་ཐེངས་གཉིས་པ་དེ་བསྐོང་ཚོགས་གནང་
• ལོ་གསར་པའི་འཚམ་འདྲི་བཀྲ་ཤིས་བདེ་ལེགས།