སྡེ་དགེ་བུ་མོ་བསྟན་འཛིན་བདེ་གསལ་གྱི་ངོ་སྤྲོད་མདོར་བསྡུས།
IMG_8818
བུ་མོ་བསྟན་འཛིན་བདེ་གསལ་ནི། ཕ་ཡུལ་ཁམས་སྡེ་དགེ་འཇོ་མདའ་ནས་ཡིན་ཞིང་། ཕ་མིང་བྱང་ཆུབ་དང་། མ་མིང་ཉི་མ་ཟེར། སྤྱི་ལོ་༢༠༡༡ཟླ་ ༡༢ ཚེས་༡ ཉིན་བཙན་བྱོལ་དུ་སྐྱེས། ཆུང་དུས་ནས་ལྷན་སྐྱེས་ཀྱིས་བོད་གཞས་ལ་དགའ་ཞེན་ཆེ་བ་དང་། རྟག་ཏུ་གཞས་སྣ་ཚོགས་གཏང་གི་ཡོད།
ཕ་མ་གཉིས་ཀྱིས་ཀྱང་བུ་མོའི་སེམས་ཁམས་དང་། བོད་མི་རིགས་ཀྱི་ཆེད་དུ་བུ་མོའི་དགའ་ཕྱོགས་ལྟར་བོད་གཞས་དང་བོད་ཡིག་སོགས་བུ་མོའི་སློབ་སྦྱོང་གོང་འཕེལ་གཏང་།
བུ་མོ་ཆུང་ཆུང་བསྟན་འཛིན་བདེ་གསལ་གྱི་གཞས་ལ་གྲོགས་པོ་དང་སྤུ་ཉེ་སོགས་ཀྱིས་དགའ་ཞེན་ངང་རྟག་ཏུ་མཛད་སྒོ་དང་གུང་སེང་དང་ཐུགས་སྤྲོ་སོགས་ལ་བསྟན་འཛིན་བདེ་གསལ་གཞས་གཏང་རོགས་ཟེར་སྐབས་བུ་མོས་མཚེར་སྣང་མེད་པར་གཞས་ཡང་ཡང་གཏོང་བཞིན་ཡོད།
ད་སྐབས་བུ་མོ་ཆུང་ཆུང་བསྟན་འཛིན་བདེ་གསལ་གྱི་གཞས་གསར་པ་(བུ་མོ་ཆུང་ཆུང་)ཟེར་བ་དྲྭ་ཐོག་ལ་ཐོན་ལ་ཉེ་བ་དང་། རྒྱ་ཕྱི་ནང་ཀུན་ལ་བཞུགས་པའི་བོད་ཀྱི་གྲགས་ཅན་གླུ་པ་དང་གླུ་མ་མང་པོས་རྒྱབ་སྐྱོར་དང་སྨོན་ཚིག་ལྟར།
སྡེ་དགེ་རྒྱལ་ཡོངས་དབུ་རྒྱུན་ལས་ཁང་ནས་སྡེ་དགེ་བུ་མོ་གཞས་མ་བསྟན་འཛིན་བདེ་གསལ་གྱི་ངོ་སྤྲོད་མདོ་བསྡུས་ཤིག་དགོས་གསུངས་པ་ལྟར། སྤྱི་ལོ་༢༠༢༡ སྤྱི་ཟླ་ ༡༡ཚེས་༢༥ལ་ཕུལ།
བསམ་ཚུལ་འབྲི།
༄༅། །མཁྱེན་དཔྱོད་ཀྱི་འོད་སྣང་ལུགས་གཉིས་དཔལ་གྱི་མཁའ་དབྱིངས་ན་འཚེར་བཞིན་པའི་ཆོས་རྒྱལ་སྡེ་དགེ་རྒྱལ་པོའི་ལྷ་འབངས་སུ་གཏོགས་པའི་རྒྱ་ཆེའི་རྩོམ་རིག་པ་ཡོངས་ལ་ཆེད་གསོལ།