སྒྱུ་རྩལ་བ་སྡེ་དགེ་ཟླ་བ་སྒྲོལ་མས་གཟེངས་རྟགས་བླངས་པ།
སྒྱུ་རྩལ་བ་སྡེ་དགེ་ཟླ་བ་སྒྲོལ་མ་ནི། ཁམས་སྡེ་དགེ་སྨན་ཤོད་དུ་སྐྱེས་ཤིང་། ལོ་ན་བཅུ་ཙམ་གྱི་སྐབས་སུ་ཁོ་མོར་ན་ཚ་ཐུ་མོ་ཞིག་ཕོག་ཏེ། རང་གི་ཨ་ཕ་དང་མཉམ་དུ་རྒྱ་ནག་ཏུ་སྨན་བཅོས་ཆེད་དུ་སོང་། སྐབས་དེར་ཁོང་ཕ་བུ་གཉིས་ལ་རྒྱ་ཡིག་འབྲི་ཀློག་གི་ཤེས་ཚད་གཏན་ནས་མེད་པས། ཐོག་མ་སྨན་ཁང་དང་སྨན་པ་མ་རྙེད་ནས་རྒྱ་ལམ་དཀྱིལ་དུ་དུས་ཡུན་རིང་པོ་ཅི་བྱ་གཏོལ་མེད་ངང་ལུས། རྗེས་སུ་ཟླ་བ་དྲུག་རིང་སྨན་ཁང་དུ་བསྡད་ནས་ནད་ལས་གྲོལ་ཏེ་རང་ཁྱིམ་དུ་ལོག དཀའ་སྡུག་དེའི་ཁྲོད་ནས་ཁོ་མོས་ཤེས་ཡོན་གྱི་རིན་ཐང་དེ་རྙེད་དེ་སློབ་གྲྭར་འགྲིམ་མགོ་བརྩམས། ཁོ་མོའི་ལྷན་སྐྱེས་ཀྱི་རྣམ་རིག་དང་། དཀའ་སྡུག་གིས་འབད་བརྩོན་བྱས་པར་བརྒྱུད་སྡེ་དགེ་རྫོང་གི་སློབ་ཆུང་འཛིན་རིམ་དག་ལོ་གཉིས་ཀྱིས་མཐར་ཕྱིན་ཐུབ་པ་བྱུང་། དེ་ནས་སློབ་འབྲིང་ལོ་གསུམ་སོང་རྗེས། ཕྱི་ལོ་༢༠༠༧ ལོར་”མཚོ་སྔོན་ཟི་ལིང་ཚད་ལྡན་དབྱིན་ཡིག་སྦྱང་བསྡར་ལས་རིམ་གཙུག་ལག་སློབ་གཉེར་ཁང་”(Qinghai normal university( ETP) English Training Program) དུ་ལོ་བཞིའི་ཆ་ཚད་ཀྱི་སློབ་གཉེར་འགོ་བརྩམས་ཡང་། ༢༠༠༩ ལོར་སློབ་གྲྭ་དེ་སྒོ་བརྒྱབ་ཤོར། དེ་ནས་ཁོང་མོར་སློབ་མ་མ་ཡིན་པའི་མིང་ཐོག་ནས་སློབ་ཁྲིད་ཟུར་ཉན་བྱེད་ཆོག་བའི་གོ་སྐབས་ཤིག་ཐོབ་སྟེ་སློབ་སྦྱོང་བྱས་ཤིང་། 
དེ་དང་དུས་མཚུངས་སུ་དགེ་རྒན་གྱི་ཕྱག་རོགས་དང་། ཞིབ་འཇུག པར་པ། ཡུལ་སྐོར་སྤྲོ་འཆམ་སྣེ་ཤན་པ་སོགས་ཀྱི་ཕྱག་ལས་རིམ་པ་གནང་། ཡང་དེ་དག་གི་ཞོར་དུ་ཁོ་མོས་ཕ་ཡུལ་སྡེ་དགེའི་ཡུལ་གྱི་སྲོལ་རྒྱུན་རིག་གནས་ལ་གཞས་དང་། མགུར་མོ་སོགས་བོད་དབྱིན་གཉིས་སུ་ཕབ་བསྒྱུར་བྱས་ཏེ་པར་རིས་དང་བཅས་པའི་”སྨན་ཤོད་ལུང་པའི་ལྷིང་འཇགས་ཀྱི་གླུ་སྒྲ”(silence in the valley of songs)ཞེས་པའི་དེབ་ཅིག་ ༢༠༡༢ ལོར་དཔར་བསྐྲུན་དང་འགྲེམས་སྤེལ་བྱས། 
དེ་དང་དུས་མཚུངས་ ༢༠༡༡ ལོར་”འཇིམ་བཟོའི་གློག་བརྙན་”(clay sculpture image of sman) ཞེས་པའི་ནང་པའི་འཇིམ་བཟོ་སྐུའི་འདྲ་བཟོ་སྟངས་སྐོར་གྱི་གློག་བརྙན་ཞིག་བཟོས་ནས། རྒྱ་ནག་རྒྱལ་ས་པེ་ཅིང་དུ་ཕྱི་ལོ་༢༠༡༢ ལོའི་”རྒྱལ་སྤྱིའི་སློབ་མའི་ལག་རྩལ་གློག་བརྙན་འགྲན་བསྡུར་” International crafts film contest for students in year, 2012)ཞེས་པར་ཞུགས་ཏེ་ཨང་རིམ་དང་པོའི་བྱ་དགའི་གཟེངས་རྟགས་ཐོབ། ཕྱི་ལོ་ ༢༠༡༣ ལོར་ཨ་རིའི་གཙུག་ལག་སློབ་གྲྭ་(Bay Path University) རུ་ཚུད་རྒྱུགས་བཏང་ནས་སློབ་ཡོན་ཐོབ་པ་ལྟར་དེང་སང་ཁོ་མོས་ཨ་རིར་དཔལ་འབྱོར་རིག་པའི་སྐོར་སློབ་གཉེར་གནང་བཞིན་པ་རེད། ཕྱོགས་སྒྲིག་པ། དོན་འགྲུབ་སྒྲོལ་མ། སྡེ་དགེ་ཟླ་བ་སྒྲོལ་མའི་གློག་བརྙན་དང་ཁོ་མོར་བཅར་འདྲི་བྱས་པ་ཆ་ཚང་འདི་ནས་གསན་གཟིགས་ཐུབ།
3 Responses
བསམ་ཚུལ་འབྲི།
སུད་སི་ནས་སྡེ་དགེ་འདན་མའི་ཆེད་ངོ་རྒོལ་སྐད་འབོད།
བསམ་ཚུལ་ཞིག་འགོད་ཐབས་ཆེད་འདི་རུ་ཡོང་ཡོད།
ཇི་ལྟར་བྱ་དགོས་མིན་དེ་ལས་མ་ཤེས།
འདན་གཡུ་སྲས་ལགས། མཆན་བུ་འདོགས་སྟངས་ཁྱེད་ཀྱིས་གོང་དུ་བཏགས་པ་ལྟར་ཡིན། འོན་ཀྱང་མཆན་བུ་རྣམས་འདི་ནས་དཔྱད་ཞིབ་གྲུབ་རྗེས་མ་གཏོགས་ལམ་སང་འཆར་མི་ཐུབ།
གཏམ་བཟང་འདི་ཐོས་པ་ཧ་ཅང་དགའ་ཚོར་ཆེན་པོ་བྱུང་།