འདོན་སྤེལ། 2014/08/17 11:57 AM རྩོམ་པ་པོ།

དཔོན་དབང་གྲགས་ཀྱི་བུའི་གནས་སྟངས་ཛ་དྲག་དང་། ཤུག་པ་སྡེ་དགོན་གཉིས་ཀྱི་སྐྱེས་པ་ཚང་མ་འཇུ་བཟུང་བྱས་ཏེ་མགོའི་སྐྲ་བྲེགས་ཡོད་པའི་གནས་ཚུལ་འདུག

༢༠༡༤།༨།༡༧ ཉིན་འདི་གར་ཁུངས་ལྡན་གནས་ཚུལ་འབྱོར་གསལ་ལྟར་ན། ཕྱི་ཚེས་ ༡༦ ཉིན་འདན་མ་ཤུག་པ་སྡེ་བའི་སྐྱེ་སེར་གཉིས་ཀྱི་སྐྱེས་པ་ཆ་ཚང་ལོ་ཕྱུག་ས་ཁུལ་གྱི་སྨན་ཁང་གསར་པའི་ནང་བཀག་བསྐྱིལ་བྱས་ཏེ། ཁོ་ཚོ་ཚང་མའི་མགོ་ནས་སྐྲ་བྲེགས་ནས་མགོ་རིལ་བཟོས་འདུག ད་ལྟའི་ཆར་བཀྲ་ཤིས་ཉི་ཤར་དགོན་ནམ་ཤུག་པ་མེ་རུ་དགོན་པའི་ནང་དུ་མཐའ་ན་དཀོན་གཉེར་དང་། སྒྲུབ་ཁང་གི་སྒྲུབ་དཔོན་ཀྱང་མ་བཞག་པ་འཛིན་བཟུང་བྱས་ཟིན་པའི་གནས་སྟངས་ཆགས་འདུག

དེ་བཞིན་དཔོན་དབང་གྲགས་ཀྱི་བུ་ཀུན་དགའ་ཤེས་རབ་སྐྱེ་དགུ་ཁུལ་གྱི་སྨན་ཁང་དུ་སྨན་བཅོས་ཆེད་ཁྱེར་ཡོད་ནའང་། སྨན་ཁང་ནས་ཁོང་གི་ལུས་སྟེང་དུ་མདེའུ་གཉིས་བརྒྱབ་ཡོད་པའི་མདེའུ་མགོ་ཕྱིར་བཏོན་རོགས་མ་བྱས་པར་ལུས་འདུག་ལ། ད་སྐབས་ཁོང་གི་གནས་སྟངས་ཛ་དྲག་ཆགས་ཀྱིན་ཡོད་པ་རེད་འདུག

ཁ་སྔོན་ཕྱི་ཚེས་ ༡༢ ནས་འཛིན་བཟུང་བྱས་པའི་ཁྲོད་ཀྱི་བོད་ ༢༤ ཡི་མཚན་ཐོ་འབྱོར་བ། ༡་བློ་དཔལ་བཟང་། ༢་པདྨ་རྒྱལ་ལོ། ༣་ཡོན་ཏན་སྐྱབས། ༤་བཀྲ་དགའ། ༥་ཀུན་དགའ་བསྟན་འཛིན། ༦་ཟླ་བ་བཀྲ་ཤིས། ༧་ཀརྨ་བཀྲ་ཤིས། ༨་བཀྲ་ཤིས་མགོན་པོ། ༩་ཀུན་དགའ་ཤེས་རབ། ༡༠་ཡེ་ཤེས། ༡༡་འཇམ་དབྱངས་བསོད་ནམས། ༡༢་བཀྲ་ཤིས། ༡༣་ཚེ་རིང་། ༡༤་རྒྱ་ལུག ༡༥་ཐུབ་བསྟན་ཆོས་འཕེལ། ༡༦་བླ་སྐྱབས། ༡༧་དབང་ཆེན། ༡༨་བུ་མོ། ༡༩་མཚོ་རྒྱལ། ༢༠་སྦུ་རྒྱལ། ༢༡་དབྱངས་ཅན་ལྷ་མོ། ༢༢་ཚེ་སྐྱབས་དབང་མོ། ༢༣་ཡེ་ཤེས་སྒྲོན་མ། ༢༤་དབྱངས་ཅན་དཔལ་མོ་བཅས་སོ།། ཡོང་ཁུངས། སྡེ་དགེ་དྲ་བ། www.dhege.org

བསམ་ཚུལ་འབྲི།

' རྩོམ་འོག་མ།

བཙོན་པས་རང་ཤི་རྒྱག་པ་དང་འདས་གྲོངས་འགྲོ་བཞིན་པ།

སྐྱེས་པ་ཚང་མ་འཛིན་བཟུང་བྱས་ཏེ་མགོ་རིལ་བཟོས་འདུག

བསམ་ཚུལ་འབྲི།

འབྲེལ་ཡོད་ཀྱི་རྩོམ་གཞན།