འདོན་སྤེལ། 2014/08/24 11:59 AM རྩོམ་པ་པོ།

10617261_4358995510793_239418022_n ཕྱི་ཚེས་ ༢༢ ཉིན་སུད་སི་ས་གནས་སྡེ་དགེ་ཚོགས་པའི་གོ་སྒྲིག་འོག སྡེ་དགེ་འདན་མ་རུ་ཛ་དྲག་དཀའ་ངལ་འཕྲད་བཞིན་པར་གདུང་སེམས་མཉམ་བསྐྱེད་ཆེད། རེབ་སྐོང་ཆོས་འཁོར་གླིང་དུ་མཆོད་འབུལ་སྨོན་ལམ་རྒྱ་ཆེན་ཞིག་གནང་ཡོད་པ་དང་། བོད་མི་དྲུག་ཅུ་ལྷག་ཅིག་མཉམ་ཞུགས་གནང་ཡོད་འདུག སུད་སི་ས་གནས་སྡེ་དགེ་ཚོགས་པའི་ཚོགས་གཙོ་པདྨ་འོད་ཟེར་ལགས་ཀྱིས་ཉེ་ཆར་སྡེ་དགེ་རྒྱལ་ཡོངས་ལྷན་ཚོགས་ནས་སྤེལ་བའི་གསར་འགོད་བསྒྲགས་གཏམ་སྒྲོག་སྦྱོང་གནང་པས་མཚོན་གསལ་བཤད་གནང་ཡོད་པ་རེད།

ཤེས་རབ་དགའ་ཚལ་སློབ་གླིང་།

དེ་བཞིན་ཕྱི་ཚེས་ ༢༣ ཉིན་གཞུགས་སྒར་དྷ་སའི་ཉེ་འགྲམ་དུ་ཡོད་པའི་ཤེས་རབ་དགའ་ཚལ་སློབ་གླིང་དུ། དགེ་སློབ་ཐུན་མོང་ཐོག་ད་ལྟའི་འདན་མའི་ཡུལ་གྱི་ཛ་དྲག་དཀའ་ངལ་ལ་གདུང་སེམས་མཉམ་བསྐྱེད་ཞུས་ཡོད་པ་ཡོད་པ་རེད། དེའང་ཉིན་དེར་སློབ་གྲྭའི་ཚོགས་ཁང་དུ་སྔ་དྲོ་ཕྱག་ཚོད་ ༩ པ་ནས་དབུ་བཙུགས་ཏེ་དགེ་སློབ་མཉམ་འཛོམས་ཐོག་མ་ཎི་གསོག་སྒྲུབ་ཀྱིས་མཚོན་བསྔོ་སྨོན་ཞུས་པ་དང་། མཆོད་མེ་བརྒྱ་ཕྲག་འགའ་ཕུལ་ཏེ་མཆོད་འབུལ་ཞུས་ཡོད་པ་རེད། དང་ཐོག་སློབ་གྲྭའི་རྒན་བདག་གིས་ད་ལྟའི་འདན་མའི་ཛ་དྲག་དཀའ་ངལ་དང་། འདས་པོ་ཚོའི་མཚན་བྱང་བཅས་ངོ་སྤྲོད་གནང་སྟེ་མཆོད་འབུལ་བྱེད་དགོས་པའི་བརྒྱུད་རིམ་སོགས་གསུང་ཡོད་པ་རེད།

ཕྱི་ཚེས་ ༢༢ ཉིན་མཚོ་པདྨ་ས་གནས་སྡེ་དགེ་ཚོགས་པའི་ངོས་ནས་ཀྱང་མཚོ་པདྨ་རུ་ཡོད་པའི་སློབ་དཔོན་པདྨ་འབྱུང་གནས་ཀྱི་སྒྲུབ་གནས་ཁག་དང་། རྟེན་གསུམ་མདུན་མར་མེ་བརྒྱ་ཕྲག་དང་བཅས་མཆོད་འབུལ་སྨོན་ལམ་གནང་སྟེ་གདུང་སེམས་མཉམ་བསྐྱེད་ཞུས་པ་ཡོད་པ་བཅས་སོ།།

བསམ་ཚུལ་འབྲི།

' རྩོམ་འོག་མ།

བོད་ཀྱི་རིག་མཛོད་ཆེན་མོ་སྡེ་དགེའི་པར་ཁང༌།

སུད་སི་དང་མཚོ་པདྨ་གསོག་སྒར་སློབ་གྲྭ་བཅས་ནས་མཆོད་འབུལ

བསམ་ཚུལ་འབྲི།

འབྲེལ་ཡོད་ཀྱི་རྩོམ་གཞན།