འདོན་སྤེལ། 2024/02/23 6:39 PM རྩོམ་པ་པོ།

༄༅། །རྒྱ་ནག་དམར་པོའི་སྲིད་གཞུང་གིས་བོད་ས་ཡོངས་རྫོགས་བཙན་འཕྲོག་གིས་བདག་བཟུང་བྱས་པ་ནས་བཟུང་ད་བར་བོད་ཐོག་འཛིན་པའི་སྲིད་བྱུས་ནི་དྲག་གནོན་སྡུག་རྩུབ་ཅན་ཏེ། བོད་ཀྱི་ཡུལ་གོམས་གཤིས་ལུགས་དང་མི་འཚམས་ཤིང་། བོད་མིའི་མངོན་འདོད་དང་མི་མཐུན་པ་དུ་མ་ཞིག་ལག་བསྟར་བྱས་པ་ལ་བརྟེན། འདས་པའི་མི་ལོ་ ༧༠ ལྷག་གི་རིང་བོད་མི་རྣམས་ཀྱི་ཞུ་འབོད་དང་། ཞི་རྒོལ་སོགས་ཀྱི་རྒྱུན་ཆད་མྱོང་མེད་ཅིང་། སྐབས་དུས་སོ་སོའི་ཞུ་འབོད་སོགས་ལ་རྒྱ་གཞུང་ནས་བདག་སྐྱོང་བྱ་རྒྱུའི་ཚབ་ཏུ་དྲག་གནོན་ཤ་སྟག་འོག་དམར་གསོད་དང་། འཛིན་བཟུང་བཙོན་འཇུག སྡུག་སྦྱོང་མནར་གཅོད་བར་མ་ཆད་པ་ལག་བསྟར་བྱས་དང་བྱེད་བཞིན་པ་ལྟར། དེང་སྐབས་རྒྱ་གཞུང་གིས་བོད་མདོ་ཁམས་སྡེ་དགེ་དབོན་པོ་སྟོད་ཕྱོགས་ཀྱི་འབྲི་ཆུའི་བཞུར་རྒྱུན་ལ་ཆུ་མཛོད་འཛུགས་སྐྲུན་གྱི་ལས་འཆར་དང་འབྲེལ་ཡུལ་དེ་གའི་མི་མང་དང་དགོན་སྡེ་ཁག་གནས་སྤོ་དགོས་པའི་བཙན་བཀའ་བཏང་བར་བརྟེན། ཉེ་ཆར་ ༢༠༢༤ ཟླ་ ༢ ཚེས་ ༡༤ དང་། ཁ་སང་ཕྱི་ཚེས་ ༢༢ བཅས་སུ་བོད་མདོ་ཁམས་སྡེ་དགེ་དབོན་པོ་སྟོད་ཀྱི་སེར་སྐྱ་བརྒྱ་ཕྲག་མང་པོ་ས་གནས་དེ་གའི་རྒྱ་གཞུང་གི་དབང་འཛིན་པ་རྣམས་ཀྱི་མདུན་སར་ཕྱིན་ནས་མཐེ་བོང་གནམ་ལ་སྒྲེང་ཏེ་ཉམ་ཆུང་ཚུལ་མཐུན་དང་བཅས་རྒྱུ་མཚན་འགྲེལ་བརྗོད་ཀྱིས་ལས་གཞི་དེ་རྣམས་ལག་བསྟར་མི་བྱ་བའམ། མཚམས་འཇོག་དགོས་པའི་ཞུ་འབོད་ཇི་ལྟར་བྱས་ཀྱང་རྒྱ་གཞུང་གིས་བདག་སྐྱོང་བྱ་རྒྱུའི་ཚབ་ཏུ་བོད་མི་ཧ་ཅང་མང་པོ་འཛིན་བཟུང་གིས་བཀག་ཉར་དང་དྲག་གནོན་རྡུང་རྡེག་ཚད་མེད་བྱེད་བཞིན་པ་རྣམས་ལ་གདུང་སེམས་མཉམ་བསྐྱེད་ཞུ་རྒྱུ་ཡིན།

བོད་གངས་ཅན་པའི་ཆུ་བོ་ཆེན་པོ་བཞི་ཡི་ཡ་གྱལ་འབྲི་ཆུ་ནི་འཛམ་གླིང་སྟེང་བཞུར་རྒྱུན་རིང་གྲས་ཀྱི་གཙང་ཆུ་ཞིག་ཡིན་པ་དང་། བོད་དང་རྒྱ་ནག་ཙམ་མ་ཟད་ལྷོ་ཤར་ཨེ་ཤ་ཡའི་རྒྱལ་ཁབ་མང་པོའི་མི་གྲངས་ས་ཡ་དུ་མའི་འཚོ་རྟེན་དང་འབྲེལ་བ་ཆགས་ཡོད་པ་ལྟར་འཛུགས་སྐྲུན་འདི་རིགས་ཀྱིས་གཙང་ཆེན་འདིའི་རྒྱུད་ཀྱི་སྣོད་བཅུད་ཡོངས་རྫོགས་ལ་གོད་ཆག་ཐེབས་ཏེ་རང་བྱུང་ཁོར་ཡུག་ལ་འབག་བཙོག་དང་གཏོར་སྐྱོན། དུས་མིན་ཆུ་ལོག་དང་ས་རུད་སོགས་ཀྱི་སྣ་འདྲེན་ཆགས་རྒྱུ་ཡིན་པ་གདོན་མི་ཟ་བ་དང་། སྡེ་དགེ་དབོན་པོ་སྟོད་མ་ནི་སྡེ་དགེ་ཆོས་རྒྱལ་ཆེན་པོའི་མངའ་ཁོངས་ཀྱི་རིག་གནས་ཕུན་སུམ་ཚོགས་ཤིང་ལོ་རྒྱུས་རང་བཞིན་ལྡན་པའི་སྲིད་པ་ས་ཆགས་རྡོ་ཆགས་ཀྱི་སྡེ་དགོན་ཕུན་སུམ་ཚོགས་པ་ཞིག་ཡིན་པར་བརྟེན་ཡུལ་དགོན་རྣམས་གནས་སྤོ་བྱ་དགོས་པའི་བཙན་བཀའ་བཏང་བ་ནི། ཆེད་དུ་དམིགས་ནས་གྲོང་སྡེ་འདི་ཡི་ཡུལ་གོམས་གཤིས་ལུགས་སོགས་མིང་མེད་དུ་གཏོང་ཐབས་དང་། གནས་འཁོད་ཡུལ་མི་རྣམས་བྱིའུ་ཚང་ལ་རྡོ་ཕོག་པ་ལྟ་བུ་གར་འགྲོ་འདི་འགྲོ་དང་། འཚོ་ཐབས་འདི་ཡིན་མེད་པར་ཁ་འཐོར་དགུ་འཐོར་དུ་གཏོང་རྒྱུའི་བྱུས་ངན་ཉག་ཅིག་ཡིན་པར་བརྟེན། ད་ལན་སེར་སྐྱ་མི་མང་རྣམས་ཀྱི་ཞུ་འབོད་ལ་རྒྱ་ནག་དབུས་སའི་གཞུང་ནས་བདག་སྐྱོང་ངེས་པར་དུ་དགོས་རྒྱུ་དང་། ཕན་ལས་གནོད་ཆེ་བའི་ལས་འཆར་དེ་རིགས་མཚམས་འཇོག་བྱ་དགོས་པའི་ཡོངས་ཁྱབ་བསྒྲགས་གཏམ་དུ།
སྡེ་དགེ་རྒྱལ་ཡོངས་ལྷན་ཚོགས་དབུས་སྤྱི་ཁྱབ་རྒྱུན་ལས་ཁང་ནས་ཕྱི་ལོ་ ༢༠༢༤ ཟླ་ ༢ ཚེས་ ༢༣ ལ།

A DECLARATION DEMANDING TO HEAR THE PLEA OF DEGE WONPOTOE, TIBET

Since the Chinese occupation of Tibet, China has imposed a series of oppressive policies, disregarding the will of the Tibetan people and eroding their culture and traditions. Over the past 70 years, amidst various protests and appeals, each met with brutal repression, arrests, and ongoing torture, the Tibetan plight persists.

Recently, the Chinese state forcibly ordered residents and monasteries from Wonpotue village, Dege Dzong, Sichuan, to relocate their ancestral lands for a major dam construction project on Drichu (Yangtze). Since February 14th, 2024, several hundred Tibetan men, women, and monks have knelt with folded hands, pleading at the site for the project’s cessation. Despite the peaceful nature and legitimacy of their demands, leaked footage and reports reveal their unjust detainment and physical assault. We, the Dege Gyalyong Welfare Association (DGWA), extend unwavering solidarity and support to all affected individuals, acknowledging their courage in confronting this adversity.

The implementation of this project and the displacement of thousands of Tibetans would wreak havoc on Tibet’s environment, natural resources, livelihoods, and the culture of its indigenous people. Drichu stands as one of Tibet’s four main rivers, and its damming would immediately affect water sources in neighbouring Tibetan counties. In the long term, it would jeopardize the livelihoods of millions spanning across China and Southeast Asian nations.

The project’s adverse social and environmental ramifications include man-made floods, landslides, alterations to Drichu’s natural ecosystems, and the abrupt displacement of residents from villages and monasteries in Wonpotoe. Wonpotoe, integral to Dege’s history, has significantly contributed to the propagation of Tibetan Buddhism, culture, and language. The forced relocation of its people, monasteries, and cultural hubs epitomizes an attempt to erase the very essence of the locality, an inhumane severance from ancestral ties. We demand the Chinese government to heed the people’s plea and immediately cease all relocation initiatives in the area.

General board members, Dege Gyalyong Welfare Association

VBhBGo8dWhrfDAmWTDueul&id=100001981664417

2.https://www.rfa.org/tibetan/sargyur/derge-arrested-resettlement-dam-construction-china-02222024073344.html

Some of the leaked video footage:

བསམ་ཚུལ་འབྲི།

' རྩོམ་འོག་མ།

ས་གནས་ཡུལ་མིའི་རེ་འབོད་ལ་བདག་སྐྱོང་དགོས་པའི་ཡོངས་ཁྱབ་བསྒྲགས་གཏམ།

བསམ་ཚུལ་འབྲི།

འབྲེལ་ཡོད་ཀྱི་རྩོམ་གཞན།