འདོན་སྤེལ། 2013/02/5 8:46 AM རྩོམ་པ་པོ། རྩོམ་སྒྲིག་པ།

༈ ལྷ་བྲིས་པ་འཇམ་དབྱངས་ཕུན་ཚོགས་ལགས་ནི།༡༩༧༦ལོར་ཁམས་སྡེ་དགེ་དབོན་པོ་སྟོད་དུ་སྐྱེས་ཤིང་།རང་ལོ་བཅུ་བཞིའི་སྐབས་ནས་ཐོག་མའི་ལྷ་བྲིས་དགེ་རྒན་ཀརྨ་སྒར་ལུགས་ཀྱི་ལྷ་བྲིས་པ་གྲགས་ཅན་རྒ་བསོད་ནམས་ཉི་མ་ལགས་ཟླ་བ་དྲུག་ཙམ་རིང་བསྟེན་ནས་རི་མོ་དང་མཚོན་མདངས་རྒྱག་ལུགས་སོགས་སྦྱོང་།དེ་ནས་སྡེ་དགེ་དཔལ་སྤུངས་ལ་སོང་སྟེ་སྤྲུལ་པའི་ལྷ་བཟོ་ཐང་ལྷ་ཚེ་དབང་ལགས་བསྟེན་ནས་ཐིག་རྩ་རྣམས་སྦྱོང་།དེའི་རྗེས་སྡེ་དགེའི་འཇིམ་སྐུ་པ་གྲགས་ཅན་དགོན་གསར་ལྷ་པའམ།ཐུབ་བསྟན་ཀུན་གསལ་ལགས་ལོ་བརྒྱད་ཙམ་རིང་བཀུར་སྟི་ཆེན་པོའི་སྒོ་ནས་བསྟེན་ཏེ་འདམ་སྐུ་བཟོ་སྟངས་དང་།ཐང་ག་འབྲི་ལུགས་སོགས་མཐར་ཕྱིན་པར་སྦྱོང་།ལོ་ངོ་དེ་དག་གི་རིང་ཁོང་གི་མཉམ་དུ་ཡེ་ན་དགོན།དགོན་གསར་དགོན།མཁར་མདོ་དགོན།འདམ་ཐོག་དགོན།དར་མདོ་རྡོ་རྗེ་བྲག་དགོན།ལྔ་མཆོད་དགོན།དགོན་ཆེན་དགོན་སོགས་སུ་སོང་ནས་སྡེབས་རིས་དང་།འཇིམ་སྐུ་བཞེངས་པ།འབག་བཅའ་རྒྱུ་སོགས་བྱས།ད་དུང་རིག་གནས་པ་དང་།མནའ་དེང་ཟུང་འབྲེལ་གྱི་ལམ་ནས་ཐང་ག་འབྲི་བཞེངས་དང་།འཇིམ་སྐུ་ལྷ་བཟོ་སོགས་ཕུལ་དུ་ཕྱིན་པའི་སྡེ་དགེ་ལྷ་པ་ཡོན་ཏན་ཚེ་རིང་ལགས་ཀྱང་རྒྱུན་རིང་བསྟེན་ནས་དེང་རབས་རི་མོ་སོགས་སྦྱོང་།དེ་ནས་༢༠༠༠ལོ་ཙམ་ན་དབུས་ཉི་མ་ལྷ་སར་ཡོང་སྟེ།ལོ་གཉིས་རིང་རྡོ་ལ་བརྐོས་བརྒྱབ་ནས་ལྷ་སྐུ་བཞེངས་རྒྱུ་དང་།ཤིང་བརྐོས་སོགས་བྱས།༢༠༠༢ལོར་བཙན་བྱོལ་དུ་ཡོང་ནས་ད་བར་ཐང་ག་བྲིས་ཤིང་།ལོ་ངོ་དེ་དག་གི་རིང་མདོ་དབུས་ཁམས་གསུམ་གྱི་ལྷ་བྲིས་སྦྱོང་མཁན་གྱིས་གཙོས་བལ་པོའི་ཡུལ་མི་མང་པོས་ཀྱང་ཁོང་གི་འགྲམ་ནས་བོད་ལུགས་ཐང་གི་རི་མོ་སྦྱོང་གིན་ཡོད་ལ།དེ་སྔོན་དགེ་ཕྲུག་དྲུག་ཅུ་ཙམ་བསྐྱེད་སྲིང་བྱས་ཏེ་བོད་ཀྱི་སྲོལ་རྒྱུན་ཐང་གའི་ལག་རྩལ་བསླབས་ནས་མདུན་ལམ་བཟང་པོ་བསྟན་ཐུབ་ཡོད།ནམ་རྒྱུན་མི་ཚོས་ཁོང་ལ་ཁམས་པ་ལྷ་བྲིས་ཞེས་འབོད་ཀྱིན་ཡོད་པ་དང་།དགོན་སྡེ་དང་བླ་ཆེན།ཁྱིམ་ཚང་དང་ཚོགས་པ་སྒེར་སོགས་མི་རིགས་འདྲ་མིན་མང་པོས་ཐང་ག་འབྲི་བཞེངས་ཀྱི་མངག་བཅོལ་མང་པོ་བྱེད་ཀྱིན་ཡོད།དེ་སྔོན་ཁོང་གིས་ཐང་ག་གཅིག་སྟོང་ལྷག་ཙམ་འབྲི་བཞེངས་ཟིན་ལ།ཁོང་གི་ཐང་གའི་འབྲི་རྒྱུན་ནི་སྡེ་བྲིས་སམ་སྒར་སྨན་འདྲེས་མ་ཡིན།ནམ་རྒྱུན་ལྷ་སྐུའི་ཐིག་རྩ་ལ་ཧ་ཅང་གཟབ་ནན་བྱེད་བཞིན་པ་དང་།ཤ་བཅད་སྤྱན་འབྱེད་ལ་རྩ་འདོན་དམིགས་བསལ་བྱེད་ཀྱིན་ཡོད་པས།མི་ཚོས་ཀྱང་ཚད་ལྡན་ཚུལ་མཐུན་དུ་བརྩི་ཞིང་།དགའ་མོས་ཆེན་པོ་བྱེད་ཀྱིན་ཡོད།ཁོང་གིས་ད་ལྟ་རང་གི་དམིགས་བསལ་གྱི་འབྲི་རྩལ་རྣམས་སྤྱད་དེ་ལྷ་སྐུ་འབྲི་སྟངས་ཀྱི་ཐིག་དཔེ་ཞིག་བཟོ་ཐུབ་ན་གཞན་དག་ལ་ཧ་ཅང་ཕན་ཐོག་ཡོད་པ་གཟིགས་ཀྱིན་ཡོད་པ་ལྟར་ལས་འཆར་སྒྲིག་ཡོད།ཁོང་ལ་ཐང་ག་འབྲི་བཞེངས་ཐད་ནས་འབྲེལ་འཐུད་གནང་འདོད་ཚེ་འོག་གི་བརྒྱུད་ལམ་འདི་དག་སྤྱད་རོགས། ཁ་དྲོ།

འབྲེལ་འཐུད་ཁ་བྱང་།

ལག་ཁྱེར་ཁ་པར་ཨང་གསར་པ། 9813072888

ཡིག་ཟམ་ཁ་བྱང་། [email protected]

སྡོད་གནས་ཁ་བྱང་།

བལ་ཡུལ། བྷོ་དྷ་མཆོད་རྟེན་གྱི་ཉེ་འགྲམ།

6 Responses

1. དོན་འགྲུབ། says:

   October 14, 2014 at 9:58 am

   གྲོགས་པོ་ལགས ལྷ་བཟོ་ཡིག་ཟམ་ཁ་བྱང་། [email protected] འདི་མི་འགྲིགས་་གི ང་ལ་ཁོང་གི་ཁ་བྱང་ཞིག་སྤྲོད་རོགས

   Reply
2. དོན་འགྲུབ། says:

   October 14, 2014 at 9:59 am

   འདི་ངའི་བོད་འཕྲིན་ཡིན། marco3933

   Reply
3. Chamra Drimey Gyaltsen says:

   October 27, 2014 at 7:45 am

   དོན་འགྲུབ་ལགས། ཁམས་བཟང་།
   tashishoepak57 འདི་ཁམས་པ་ལྷ་བྲིས་ཀྱི་འཕྲིན་ཕྲན་ཁ་བྱང་རེད་འདུག་པས། ཁྱེད་ཀྱིས་འབྲེལ་བ་གནང་རོགས། དེ་བཞིན་ཁོང་གི་ཁ་པར་ཨང་གསར་པའང་གོང་དུ་བསྣན་ཡོད། ཁྱེད་ཀྱི་གོང་གི་ཁ་བྱང་དེའང་འདི་ནས་ཁོང་ལ་ཕུལ་ཟིན་ཡོད།

   Reply
4. དོན་འགྲུང says:

   October 30, 2014 at 10:09 am

   tashishoepak57 འདི་ཡང་འགྲིག་གི་མི་འདུག

   ངའི་྇ཁ་བྱང་འདི་ཁོང་ལ་སྐུར་རོགས mickaི[email protected]

   Reply
   • Chamra Drimey Gyaltsen says:

     October 30, 2014 at 5:44 pm

     ཁོང་གི་ཁ་པར་ཨང་གོང་དུ་གསར་བསྣན་ཐོག་ཕུལ་ཡོད་པས། དེའི་སྟེང་འབྲེལ་མཐུད་གནང་རོགས་ཞུ། ཁོང་གིས་ཀྱང་ཡིག་ཟམ་དེ་ཙམ་བེད་སྤྱོད་བྱེད་ཀྱིན་ཡོད་ཟོལ་མི་འདུག

     Reply
5. དོན་འགྲུང says:

   October 30, 2014 at 10:23 am

   [email protected]

   Reply

' རྩོམ་འོག་མ། སྡེ་དགེའི་རྒྱལ་རབས།

འབྲེལ་ཡོད་ཀྱི་རྩོམ་གཞན།

• ༄༅། །མཁྱེན་དཔྱོད་ཀྱི་འོད་སྣང་ལུགས་གཉིས་དཔལ་གྱི་མཁའ་དབྱིངས་ན་འཚེར་བཞིན་པའི་ཆོས་རྒྱལ་སྡེ་དགེ་རྒྱལ་པོའི་ལྷ་འབངས་སུ་གཏོགས་པའི་རྒྱ་ཆེའི་རྩོམ་རིག་པ་ཡོངས་ལ་ཆེད་གསོལ།
• ཁྲོ་ལ་རྟགས་ཅན་གྱི་ཆས་གོས་གསར་པ།
• ཁྲོ་ལ་འཚེམ་ཁང་གི་ཁྱབ་བསྒྲགས།
• ཁྲོ་ལ་འཚེམ་ཁང་གི་རྒྱན་གོས།
• ཁྲོ་ལ་འཚེམ་བཟོ་ཁང་གིས་རྒྱན་གོས་འཚེམ།