འདོན་སྤེལ། 2013/03/6 2:40 AM རྩོམ་པ་པོ།

ཨ་རིའི་ཕྱི་སྲིད་ལས་ཁུངས་ཀྱིས་བོད་ཀྱི་རྩོམ་པ་པོ་ཚེ་རིང་འོད་ཟེར་ལ་ལོ་འདིའི་“རྒྱལ་སྤྱིའི་བུད་མེད་སྙིང་སྟོབས་ཅན་”(International Women of Courage Award)ཞེས་པའི་གཟེངས་རྟགས་ཕུལ་ཡོད་པ་དང། ལོ་འདིར་རྟགས་མ་ཐོབ་མཁན་རྒྱལ་སྤྱིའི་ཁྲོད་དུ་བུད་མེད་བཅུ་ཡོད་འདུག

ཨ་རིའི་ཕྱི་སྲིད་ལས་ཁུངས་ཀྱིས་འགྲེལ་བརྗོད་གནང་དོན། རྒྱ་ནག་གི་བོད་ཀྱི་ས་ཁུལ་ཁག་ཏུ་ངོ་རྒོལ་དང་རང་སྲེག་འཕར་བཞིན་པའི་དུས་སྐབས་འདིར། ཚེ་རིང་འོད་ཟེར་ནི་རྒྱ་ནག་གི་བོད་མིའི་མི་སེར་གྱི་འགྲོ་བ་མིའི་ཐོབ་ཐང་ཐད་མངོན་གསལ་གྱིས་བསྒྲགས་མཁན་གྱི་རྒྱ་ནག་སྐམ་སའི་ལས་འགུལ་བ་འབུར་ཐོན་ཞིག་ཡིན་པ་དང་། ཁོང་ལྷ་སར་འཁྲུངས་ཤིང་། ཁོང་གི་གི་དྲ་དེབ་“མཐོང་མི་ཐུབ་པའི་བོད་”ཅེས་པ་དང་། དེ་བཞིན་སྙན་ངག རྩོམ་ཡིག ད་དུང་ཊི་ཝི་ཊར་ལྟ་བུའི་བརྒྱུད་ལམ་ཁག་བརྒྱུད་ནས། གཞུང་གི་བཀག་རྒྱའི་འོག་ནས་རང་གི་བསམ་ཚུལ་ཕྱིར་སྒྲོག་བྱེད་མ་ཐུབ་པའི་བོད་རིགས་ས་ཡ་མང་པོའི་མགྲིན་ཚབ་ཏུ་གྱུར་ཡོད། ཉེན་རྟོག་པས་རྟག་པར་ལྟ་རྟོག་བྱེད་བཞིན་པ་དང་། མུ་མཐུད་ནས་ཁང་པར་བཀག་ཉར་བྱས་པའི་གནས་སྟངས་འོག་ཡོད་མིན་ལ་མ་ལྟོས་པར་ཚེ་རིང་འོད་ཟེར་གྱིས་སྙིང་སྟོབས་ཆེན་པོས་བོད་ཀྱི་གནས་སྟངས་འགྲེལ་བརྗོད་ཧུར་ཐག་བྱས་པ་དང་། “བོད་མི་བརྒྱ་ཕྲག་བརྒལ་བས་བཙན་གནོན་ལ་ངོ་རྒོལ་བྱེད་སླད་རང་ལུས་མེར་སྲེག་མཛད་པ་དེ་ནི། ངས་ལས་མཚམས་མི་འཇོག་པ་དང་། ཞུམ་པ་མི་བྱེད་པའི་རྒྱུ་མཚན་དེ་ཡིན།”པར་བརྗོད་པ་རེད། ཅེས་བྲིས་འདུག

གཟེངས་རྟགས་དེ་ནི་ཨ་རིའི་ཕྱི་སྲིད་ལས་ཁུངས་ཀྱི་ངོས་ནས་འཛམ་གླིང་ཁྱོན་ཡོངས་ནས་བུད་མེད་གཞན་དོན་ལ་བརྩོན་ཞིང་སྙིང་སྟོབས་ལྡན་པ། དབུ་འཁྲིད་ཀྱི་ནུས་པ་ཐོན་པ་བཅས་ཀྱི་ཁྱད་ཆོས་ཅན་དག་ལ་འབུལ་གྱི་ཡོད་པ་དང་། འདི་ ༢༠༠༧ ལོར་མགོ་འཛུགས་ཀྱིས་རྒྱལ་སྤྱིའི་བུད་མེད་ཀྱི་ཉིན་མོ་སྟེ་ ཟླ་གསུམ་པའི་ཚེས་ ༨ ཉིན་འབུལ་བཞིན་ཡོད་པ་རེད། སྔ་ལོའི་གཟེངས་རྟགས་ཐོབ་མཁན་རྣམས་ནི་ཨ་རིའི་ཕྱི་སྲིད་དྲུང་ཆེ་དང་། སྲིད་འཛིན་གྱི་ལྕམ་སོགས་དང་ལྷན་དུ་པར་བསྒྲོན་པ་སོགས་ཀྱི་ཆེ་མཐོང་ཡང་མཛད་འདུག

ཡོང་ཁུངས། བོད་ཀྱི་བང་ཆེན།

བསམ་ཚུལ་འབྲི།

' རྩོམ་འོག་མ།

སྲིད་སྐྱོང་མཆོག་གིས་རྩོམ་པ་པོ་འོད་ཟེར་ལ་འཚམས་འདྲི་གནང་བ།

རྩོམ་པ་པོ་ཚེ་རིང་འོད་ཟེར་ལ་ཨ་རིའི་གཟེངས་རྟགས།

བསམ་ཚུལ་འབྲི།

འབྲེལ་ཡོད་ཀྱི་རྩོམ་གཞན།