འདོན་སྤེལ། 2016/07/4 4:10 AM རྩོམ་པ་པོ།

སྡེ་དགེ་སྨན་ཤོད་ནས་ཉེ་ཆར་རྒྱ་མི་ཚོང་ལས་པས་རི་དྭགས་ལྐོག་གསོད་བྱེད་བཞིན་པའི་གནས་ཚུལ་ཞིག་ཐོན་པ་དང་། དེར་མང་ཚོགས་ཀྱིས་གཞུང་ལ་ཞུ་བཏུག་བྱས་ཀྱང་གཞུང་ངོས་ནས་ཡ་ལན་དང་དོ་སྣང་དེ་ཙམ་མ་བྱས་པའི་གནས་ཚུལ་ཐོན་ཡོད་པ་ལྟར། ས་འདི་ནས་ཤིང་ནགས་གཅོད་འདྲེག་གིས་ཤིང་ཆ་མང་པོ་ཞིག་འབྲི་ཆུར་བརྒྱུད་རྒྱ་ནག་ཏུ་དབོར་འདྲེན་བྱེད་བཞིན་པ་སོགས་ཀྱིས་ཁོར་ཡུག་གཏོར་སྐྱོན་གཏོང་བཞིན་པའི་གནས་ཚུལ་རིམ་པའང་ཐོན་ཡོད་པ་རེད། དེའང་བོད་ནང་གི་ས་གནས་ས་ཐོག་ནས་འདི་གར་འབྱོར་བའི་གནས་ཚུལ།

༼ནང་དུ་བཞུགས་པའི་བརྩེ་ལྡན་གྱི་གྲོགས་ཕོ་མོ་ཚང་མ་ལ་ཞུ་རྒྱུ། ད་རེས་ཀྱི་གནས་ཚུལ་འདི་ལ་ཐམས་ཅད་གྱི་དཔུང་པ་མཉམ་གཤིག་མ་བྱས་ན་སྨན་ཤོད་ལུང་པའི་མི་གསོན་པོ་དག་གི་མགོ་བོ་གཅོད་ནས་ཁུར་ཤོར་ཉེན་ཆེ།

དང་པོ། རྐུན་མ་དག་གིས་ཁྱིམ་ཕུག་ཕྱག་ནས་ཁྱིམ་བདག་ཡུལ་བུད་དགོས་ཐུག་ཐལ། མ་ཟད་བཤད་གྲྭའི་ཚོང་ཁང་ནང་དུ་འཛུལ་ནས་གསང་ཨང་དངུལ་སྒམ་དང་བཅས་པ་ཁུར་ནས་ཤོར་ཐལ།

གཉིས་པ། བདུད་འདྲེ་ལས་ཀྱང་བདུག་རྩིབ་ཆེ་བའི་ས་ཆ་གཞན་ནས་ང་ཚོའི་ལུང་པ་ལ་ཐོན་ནས་ཚོང་ལས་བྱེད་པའི་མི་བུ་དེ་དག་གིས་འཛམ་གླིང་ན་མཐོང་པ་དཀའ་བའི་རི་དྭགས་གླ་བ་དང་གོ་བོ་བཅས་ལྕགས་ལྐེད་བཙུགས་ནས་གསོད་པའི་རོ་སུམ་ཅུ་ཙམ་དང་ལྕགས་ལྐེད་སུམ་བརྒྱ་ལྷག་ཙམ་དངོས་སུ་མིག་མཐོང་ལག་ཟུངས་རེད། མི་བུ་འདི་དག་ནི་མི་ལོ་བརྒྱད་དགུ་ཁ་ལྷག་ལ་ཚོང་ལས་བྱས་ནས་ཡུལ་འདི་ལ་འདུག་ཡོད་པས་རི་དྭགས་དང་བྱ་རིགས་ག་ཚོད་གསོད་ཡོད་རྒྱུ་རེད།

གསུམ་པ། ནགས་ཚལ་ལ་གཏོར་གཤིག་གཏོང་ནས་སྔོན་གྱི་ནགས་ཚལ་ཏུག་པོ་དེ་དག་ཧ་ལམ་མེད་པ་བཟོ་ཚ་བ་རེད། ཡང་དེ་རིང་ཁ་རྩང་ལུང་པ་འདིའི་འདབ་ལ་་ས་རྐོར་བྱེད་ཀྱི་འཕྲུལ་ཆས་སོགས་བཀོལ་སྤྱོད་བྱེད་ནས་ཟངས་འཁོར་ནང་དུ་བརྫང་བཞིན་པ་དང་ཁ་ཤས་ཀྱིས་ཆུ་བོའི་ནང་དུ་དུད་བཞིན་པ་དང་ད་དུང་ལུང་པ་ཁག་གསུམ་ཙམ་གྱི་ནང་དུ་ཤིང་གྲངས་མེད་པ་གཅོད་བཞིན་ཡོད་པ་མིག་མཐོང་ལག་ཟུངས་རེད། ད་གཟབ་གཟབ་མ་བྱས་ན་རང་གིས་མགོ་བོ་གཅོད་ནས་གཞན་ལག་ཏུ་ཤོར་ཉེན་ཆེ། ཚོགས་པ་འདིའི་ནང་དུ་ཁྱོ་ཁ་ངའི་སྣ་ཟེར་ནས་རྩོད་ལེ་འདུག་བསྡད་ན་ཅི་ཕན་ཐོག་ཡོད་སར་ཨི་འགི་དགོ དོན་དག་དེ་དག་གཅིག་རྗེས་གཉིས་མཐུད་བྱས་ནས་ལས་བྱུང་། རྩོད་ཆད་པའི་དོན་དག་གཅིག་ཀྱང་མེད་པ་ཅི་རེད། རེ་རེ་བཞིན་རྩོད་མ་ཆད་ན་རྗེས་མ་ད་རུང་མུ་མཐུད་ནས་དོན་རྐྱེན་འདིར་དང་འདི་འདྲ་བ་ཇེ་མང་དུ་ཡིང་སྲིད། གོང་གི་སྡེ་དགེ་རྫོང་རྫོང་ཨུད། སྲིད་གཞུང་། རྫོང་སྤྱི་བདེ་ལས་ཁུང་དང་སྨན་ཤོད་ཕུ་མདའ་ཧྱོ་གསུམ་གྱི་ཤང་ཁག་སོ་སོའི་དབུ་ཁྲིད་རྣམས་པར་སོགས་འབྲེལ་ཡོད་ཀྱི་དབུ་ཁྲིད་རྣམས་པས་འདིའི་ཐད་ཕྱོགས་ལ་ཐག་ཅད་དང་དོ་སྣང་ཡག་པོ་གཅིག་གནང་རོགས་མ་བྱས་ན་འདི་འདྲ་བའི་གནས་ཚུལ་ནི་མ་འོངས་པ་ན་མུ་མཐུད་དུ་འབྱུང་ངེས་ཅན་རེད་འདུག  སྤྱིར་འདིར་འདྲའི་གནས་ཚུལ་ནི་ས་སྒང་འདིའི་ཐོག་གི་སྲོག་ཆགས་ཡོངས་ཀྱི་ཚེ་སྲོག་དང་འབྲེལ་བ་ཡོད་པ་དང་། བྱེ་དྲག་དུ་རྒྱལ་ཁབ་དང་ཆོས་ལུགས་ཡུལ་སྲོལ་གོམས་གཤིས་སོགས་ལ་སྨ་འབད་བརྙས་བཅོས་དང་། ཡོང་དགོས་སུ་ལུང་པ་འདི་ཡི་ཤང་ཁག་སོ་སོ་དང་དགོན་སྡེ་ཡུལ་མི་ཡོངས་ལ་བརྩི་སྲུང་མེད་པའི་ཕྱི་མི་བ་ཁ་ཤས་ཀྱིས་ཧ་ཅང་ཐ་ཆད་པའི་བྱ་ངན་བསམ་ཡུལ་ལས་འདས་པའི་གནས་ཚུལ་ཞིག་རེད་འདུག་སྙམ་པས་དེ་ལུགས་དགོང་འཇགས་འཚལ། སྤྱི་ལོ་༢༠༡༦ཟླ་བ་༦པའི་ཚེས་༢༩ཉིན་གྱི་དགོང་མོ་ལ་བྲིས།༽

2 Responses

1. འཛུམ་གྲོལ། says:

   July 28, 2016 at 4:10 am

   ངོ་མ་བྱ་བ་སྡུག་ཅག་དེ་རིག་ལ་ངོ་རྒོལ་བྱེད་འོས།

   Reply
2. འཛུམ་གྲོལ། says:

   July 31, 2016 at 10:47 am

   སྡེ་དགེ་དྲ་བའི་དྲ་བདག་ཚོར་སྐད་འགའ་བཞག་ཀྱང་གོ་རིག་ཅི་ཡང་མི་འདུག གལ་ཏེ་སྐད་འདི་མཐོང་ན། ཉིད་ཀྱིས་སྡེ་དགེ་དྲ་བར་བཀོད་པའི་ནང་ཆེན་རྒྱལ་རབས་ཅེས་པ་དེའི་ཞབས་སུ་མཆན་ཞིག་བཏགས་ཡོད་པ་དེར་ཞིབ་གཟིགས་ཅིག་གནང་རོགས་ཞུ།

   Reply

' རྩོམ་འོག་མ། འདི་ལོའི་སློབ་ཐོན་པ་ཚོར་གཟེངས་བསྟོད་ཕྱག་ཁྱེར་འབུལ་རྒྱུའི་གསལ་བརྡ།

འབྲེལ་ཡོད་ཀྱི་རྩོམ་གཞན།

• སྡེ་དགེ་རྒྱལ་ཡོངས་ལྷན་ཚོགས་ཀྱི་དབུས་རྒྱུན་སྐབས་ ༣ པའི་ལོ་འཁོར་༣ གྱི་ལས་བསྡོམས་སྙིང་བསྡུས།
• ཨ་ཧྥི་ཏབ་ཀརྨ་སིང་པུ་རེ་ཝལ་ (Aftab Karma Singh Pureval) ལགས་ཨ་རིའི་གྲོང་ཁྱེར་སིན་སི་ན་ཊི་( Cincinnati) ཡི་སྤྱི་ཁྱབ་གྲོང་ཁྱེར་དཔོན་པོའི་གོ་གནས་ཀྱི་རྒྱལ་ཁ་ཐོབ་པ།
• བོད་ཕྲུག་༢༧་ལ་སྲིད་སྐྱོང་གི་སློབ་ཡོན་གཟེངས་རྟགས་ཐོབ་པའི་ནང་རང་རེ་སྡེ་དགེ་བའི་སློབ་མ་གཅིག་ཡོད་པ་རེད།
• དབུས་རྒྱུན་སྐབས་གསུམ་པའི་ཚོགས་ཐེངས་གཉིས་པ་དེ་བསྐོང་ཚོགས་གནང་
• ལོ་གསར་པའི་འཚམ་འདྲི་བཀྲ་ཤིས་བདེ་ལེགས།