འདོན་སྤེལ། 2014/08/16 8:44 AM རྩོམ་པ་པོ།

ངོ་རྒོལ་སྐད་འབོད་དང་སྐྱོན་བརྗོད་བསྒྲགས་གཏམ་སྤེལ་བ།

དཔོན་གཞོན་པ་དབང་ཆེན།

༈ འདི་ཟླའི་ཕྱི་ཚེས་ ༡༡ སྡེ་དགེ་འདན་མ་ནས་སྡེ་དཔོན་དབང་གྲགས་བཙན་ཁྲིད་དང་། ཚེས་ ༡༢ ཉིན་ཁོང་གི་བུ་ཀུན་དགའ་ཤེས་རབ། སྤུན་མཆེད་བཟང་པོ་སོགས་ལ་མེ་མདའ་བཞུས་ནས་མི་ ༡༠ ཙམ་རྨས་པ། སྡེ་དཔོན་གཞོན་པ་དབང་ཆེན་སོགས་མི་མང་ ༢༠ ཙམ་འཇུ་བཟུང་བྱས་པ་དང་། ཤུག་པ་སྡེ་པ་ཁྱོན་ཡོངས་ད་ལྟ་དམག་མིས་བསྐོར་ཏེ་དྲག་གནོན་འོག་ལྷག་མུས་ཡིན་ པའི་ཛ་དྲག་གནས་སྟངས་ཆེད། ཕྱི་ཚེས་ ༡༤ དང་ ༡༥ སོ་སོར་ཨ་རི་ཉི་ཡོག་ནས་དང་བླངས་བོད་མི་ཁག་ཅིག་གིས་གོ་སྒྲིག་འོག མཉམ་འབྲེལ་རྒྱལ་ཚོགས་མདུན་སྡེ་དཔོན་དབང་གྲགས་སོགས་གློད་བཀྲོལ་དགོས་པ་དང་། མཉམ་འབྲེལ་རྒྱལ་ཡོངས་ཀྱི་དྲུང་ཆེས་ཛ་དྲག་གི་གནས་དོན་འདི་དག་ཆེད་སྐད་ཆ་བཤད་རོགས་ཞེས་པ་སོགས་ཀྱི་སྐད་འབོད་བྱས་ཏེ། ཡིག་ཆ་འགྲེམ་སྤེལ། ཛ་དག་གི་གནས་ཚུལ་ལྷག་པའི་པར་རིས་སྦྱར་འགྲེམ་བཅས་གནང་ཡོད་འདུག

ཉི་ཡོག་ནས་ངོ་རྒོལ་སྐད་འབོད་སྐབས།

དེ་བཞིན་ཕྱི་ཚེས་ ༡༤ ཉིན་བོད་ཀྱི་མང་གཙོ་དང་འགྲོ་བ་མིའི་ཐོབ་ཐང་འཕེལ་རྒྱས་ལྟེ་གནས་ཁང་གིས་རྒྱ་གཞུང་གིས་སྡེ་དགེ་འདན་མར་སྤེལ་གྱི་བྱ་སྤྱོད་དེར་སྐྱོན་བརྗོད་དང་། ད་དུང་སྡེ་དཔོན་དབང་གྲགས་ལགས་མྱུར་དུ་ཀློད་གྲོལ་དང་། ས་གནས་བོད་རིགས་མང་ཚོགས་ཁྲིམས་མཐུན་གྱི་ཁེ་དབང་སྤྲོད་དགོས་པ་མ་ཟད། གནོད་སྐྱོན་ཕོག་ཡུལ་མང་ཚོགས་རྣམས་དགོངས་སེལ་དང་གུན་གསེབ་སྤྲོད་དགོས་པའི་འབོད་བསྐུལ་ཡང་བྱས་འདུག

དེ་མིན་ཕྱི་ཚེས་ ༡༥ ཉིན་སྡེ་དགེ་རྒྱལ་ཡོངས་ལྷན་ཚོགས་ཀྱི་ངོས་ནས་རྒྱ་ནག་གཞུང་གི་བྱེད་ཕྱོགས་དེར་སྐྱོན་བརྗོད་དང་། ༡༽ སྡེ་དཔོན་རྒན་གཞོན་གྱི་གཙོས་འཇུ་བཟུང་བྱས་པ་རྣམས་ཆ་རྐྱེན་མེད་པའི་ཐོག་འཕྲལ་དུ་གློད་བཀྲོལ་དགོས། ༢༽ ཤུག་པ་སྡེ་བའི་ནང་ཡོད་པའི་དམག་མི་རྣམས་འཕྲལ་དུ་ཕྱིར་ལོག་དགོས། ༣༽ རྨས་མ་རྣམས་ལ་གཡས་ཁག་གཡོན་བཀྲི་མེད་པར་དུས་ཐོག་སྨན་བཅོས་གང་ལེགས་བྱ་དགོས་ཞེས་པ་དང་། མཉམ་འབྲེལ་རྒྱལ་ཡོངས་སོགས་རོགས་སྐྱོར་དགོས་པའི་འབོད་བསྐུལ་གྱི་བསྒྲགས་གཏམ་ཞིག་སྤེལ་ཡོད་པ་རེད། ཡོང་ཁུངས། སྡེ་དགེ་དྲ་བ། www.dhege.org

བསམ་ཚུལ་འབྲི།

' རྩོམ་འོག་མ།

ཁྲོ་ལ་འཚེམ་བཟོ་ཁང་གིས་རྒྱན་གོས་འཚེམ།

འདན་མར་དྲག་གནོན་ལ་ངོ་རྒོལ་སྐད་འབོད་དང་སྐྱོན་བརྗོད།

བསམ་ཚུལ་འབྲི།

འབྲེལ་ཡོད་ཀྱི་རྩོམ་གཞན།