འདོན་སྤེལ། 2018/05/21 4:50 AM རྩོམ་པ་པོ།

dege2 གྲོས་ཆོད་ཁག་དྲུག་སྤྱི་མོས་སུ་བཞག་སྟེ་སྡེ་དགེ་རྒྱལ་ཡོངས་ལྷན་ཚོགས་ཀྱི་འགན་འཛིན་ལྷན་ཚོགས་ཐེངས་ ༤ པ་དེ་ཁ་སང་ཕྱི་ཚེས་ ༢༠ ཉིན་རྒྱལ་ཁའི་ངང་མཇུག་གྲོལ་ཡོད་པ་རེད།
དེའང་འདི་ཟླའི་ཕྱི་ཚེས་ ༡༩ ནས་ ༢༠ བར་ཉིན་གཉིས་རིང་ལྡི་ལི་བོད་སྒར་བསམ་ཡས་གླིང་དུ་སྡེ་དགེ་རྒྱལ་ཡོངས་ལྷན་ཚོགས་ཀྱི་འགན་འཛིན་ལྷན་ཚོགས་ཐེངས་ ༤ དེ་བཞིན་བསྐོང་ཚོགས་གནང་ཁ་སང་གྲོས་ཆོད་ཁག་དྲུག་སྤྱི་མོས་སུ་བཞག་སྟེ་མཇུག་གྲོལ་ཡོད་པ་དང་། ཚོགས་ཐེངས་འདིར་ཨ་རི། ཁེ་ན་ཌ། ཡུ་རོབ། བལ་ཡུལ། རྒྱ་གར་བཅས་རྒྱལ་ཁབ་ཁག་འགའ་ནས་ས་གནས་རྒྱུན་ལས་དང་འབྲེལ་མཐུད་པ་བཅས་ཚོགས་ཞུགས་མི་ ༢༥ ཙམ་འབྱོར་ཡོད་པ་དང་། ༸གོང་ས་༸སྐྱབས་མགོན་ཆེན་པོ་མཆོག་གི་སྐུ་ཕྱྭ་དང་འབྲེལ་བས་མཚོན། མཐོ་རིམ་སློབ་གྲྭ་འགྲོ་མཁན་གྱི་གཞོན་སྐྱེས་ཚོར་མུ་མཐུད་དེ་སློབ་ཡོན་འབུལ་ཕྱོགས་དང་། གཞིས་བྱེས་གཉིས་ན་གནས་པའི་ནད་པ་ཉམས་ཐག་དང་ཛ་དྲག་དཀའ་ངལ་འཕྲད་རིགས་ལའང་མུ་མཐུད་རོགས་ཇི་ལྟར་བྱེད་ཕྱོགས། མ་ཟད་རིག་གཞུང་བཟང་པོ་རྣམས་རྒྱུད་འཛིན་དར་སྤེལ་གཏོང་ཕྱོགས་སོགས་གྲོས་ཆོད་ཁག་ ༦ སྤྱི་མོས་སུ་བཞག་ཡོད་པ་རེད།

dege 1 ཚོགས་ཐེངས་འདིར་ཁྲོ་ལ་གསོལ་མགྲོན་ཁང་གསར་རྒྱག་སྐབས་དཔལ་འབྱོར་གྱི་མཐུན་རྐྱེན་རྒྱ་ཆེན་གནང་མཁན་ཚོར་སྔོན་མ་ནས་འགྲོ་ལུགས་ཤིག་བཟོས་ཡོད་པ་བཞིན་བཀའ་དྲིན་རྗེས་དྲན་གྱི་གཟེངས་རྟགས་རེ་འབུལ་ལམ་ཞུས་ཡོད་པ་རེད། རི་ཕུག་ཚང་དཀོན་མཆོག་བསྟན་འཛིན། མཆོག་སྤྲུལ་ཨོ་རྒྱན་སྟོབས་རྒྱལ་རིན་པོ་ཆེ། གསེར་རྡོ་ཚང་རྡོ་རྗེ་དབང་གྲགས། འཛི་སྒར་མཁན་པོ་བསོད་ནམས་བཀྲ་ཤིས་བཅས་ལ་འབུལ་ལམ་ཞུས་ཡོད་པ་རེད།

བསམ་ཚུལ་འབྲི།

' རྩོམ་འོག་མ།

༢༠༡༨ ལོའི་སྡེ་དགེའི་སློབ་ཡོན་འབུལ་འགོ་བཙུགས་ཡོད།

འགན་ལྷན་ཐེངས་ ༤ པ་དེ་ཁ་སང་རྒྱལ་ཁའི་ངང་གྲོལ་སོང་།

བསམ་ཚུལ་འབྲི།

འབྲེལ་ཡོད་ཀྱི་རྩོམ་གཞན།