འདོན་སྤེལ། 2014/10/27 7:34 AM རྩོམ་པ་པོ།

འདི་ལོའི་ཕྱི་ཟླ་ ༨ པའི་ནང་སྡེ་དགེ་འདན་མའི་ཕྱོགས་སུ་རྒྱ་གཞུང་གིས་དྲག་གནོན་བྱས་ཏེ་བོད་མི་དྲུག་རྐྱེན་འདས་སོང་ཡོད་པ་དག་གི་ཆེད། སུད་སི་ས་གནས་སྡེ་དགེ་ཚོགས་པ་ནས་མཐུན་སྦྱོར་གནང་བ་བཞིན། ཉེ་ཆར་ཕྱི་ཟླ་ ༡༠ པའི་ནང་སྡེ་དགེ་རྒྱལ་ཡོངས་ལྷན་ཚོགས་དབུས་སྤྱི་ཁྱབ་རྒྱུན་ལས་ཁང་ནས་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་མཆོད་མེ་སྟོང་མཆོད་གཉིས་དང་། ༸གོང་ས་རྒྱལ་བ་ཡིད་བཞིན་ནོར་བུའི་མདུན་འོད་དཔག་མེད་དང་། དཔལ་ལྡན་ལྷ་མོའི་གསེར་བྲིས་སྐུ་ཐང་སྤུས་ལེགས་ཅན་གཉིས། ཧིན་སྒོར་ ༩༣༠༠། དེ་བཞིན་འདས་པོ་རྣམས་ཀྱི་མཆོད་གནས་སུ་གྱུར་པ་དཔལ་སྤུངས་དགོན་དུ་རིགས་གསུམ་མགོན་པོ་དང་། སྤྱན་རས་གཟིགས་ཀྱི་གསེར་བྲིས་སྐུ་ཐང་སྤུས་ལེགས་ཅན་གཉིས། ཧིན་སྒོར་ ༥༠༠༠། དེ་མིན་གླིང་ཁམས་ཚན་དུ་འཇིགས་བྱེད་ཀྱི་སྐུ་ཐང་ཞིག་དང་། བྱ་བྲལ་ཁམས་ཚན་དུ་རྗེ་ཡབ་སྲས་གསུམ་གྱི་སྐུ་ཐང་ཞིག་བཅས་བསྔོ་རྟེན་ཕུལ་བ་དང་མཆོད་འབུལ་ཞུས་པའི་གནས་ཚུལ་སྙིང་བསྡུས་སུ།

ཚེ་འདས།

བློ་དཔལ་བཟང་།

ཚེ་དབང་མགོན་པོ།

སྦྱིན་པ་མཐར་ཕྱིན།

ཡེ་ཤེས།

བུ་རང་ལོ་ ༢༢ ཅན་ཞིག

བུད་མེད་སྦྲུམ་མ་ཞིག་བཅས་སོ།།