འདོན་སྤེལ། 2016/04/15 10:51 AM རྩོམ་པ་པོ།

maxresdefault

༄༅། །ཚངས་སྲས་མ།
འདྲེ་ཤིག་དམར་པོ། (སྡེ་དགེ)
སྲིད་གསུམ་ས་ཡི་མཛེས་རྒྱན་མཐོ་སྒང་ཞིང་།།
ལྷིང་འཇགས་མི་ཡི་གར་དུ་རོལ་མཛད་མ།།
ངག་གི་ལྷ་མོ་སྡེ་དགེ་ཟླ་གཡང་ཞེས།།
ལྷན་སྐྱེས་སྲས་སུ་སྨིན་པ་མཇལ་བས་སྤྲོ།།

དབྱངས་ཅན་མ་ཞེས་ཀུན་གྱིས་བསྟོད་ཀྱང་རུང་།།
ཚངས་སྲས་མ་ཞེས་ཀུན་གྱིས་བོས་ཀྱང་རུང་།།
ཟླ་གཡང་ལས་གཞན་ཚངས་སྲས་དབྱངས་ཅན་ཞིག།
གང་དུ་མེད་པ་སེམས་ཀྱི་ཡུལ་ན་བཞུར།།

ལྗང་མདོག་ཟླུམ་གཟུགས་ས་ཡི་བརྩེགས་མ་ན།།
ངག་གི་ལྷ་མོའི་བྱིན་རླབས་བཞུར་རྒྱུན་གྱིས།།
དགའ་བའི་གར་དང་བརྩེ་བའི་གླུ་དབྱངས་ལ།།
ཕྱོགས་པའི་སེམས་པ་རིང་ནས་རིང་དུ་འགྱུར།།

སེམས་ཀྱི་ཡིག་འབྲུ་དབྱར་གྱི་སྤང་ཐང་དུ།།
འབྲི་བའི་ནུས་རྩལ་རྟ་མཆོག་རྒོད་པོ་བཞིན།།
རིམ་གྱིས་བཞུད་པའི་གོམ་ཁ་ཀྱག་ཀྱོག་དེ།།
ཁྱེད་ལ་སྤྲིངས་པའི་སྙིང་གི་གཤིས་ཚིག་ཡིན།།

ཕྱི་ལོ། 2016/04/12

བསམ་ཚུལ་འབྲི།

' རྩོམ་འོག་མ།

སྡེ་དགེ་ཡུལ་གྱི་གེ་སར་སྒྲུང་གི་ངག་རྒྱུན་སྐོར།

ཚངས་སྲས་མ། འདྲེ་ཤིག་དམར་པོ།

བསམ་ཚུལ་འབྲི།

འབྲེལ་ཡོད་ཀྱི་རྩོམ་གཞན།