འདོན་སྤེལ། 2015/05/14 4:00 PM རྩོམ་པ་པོ།

༄༅། །མྱ་ངན་དང་གདུང་སེམས་མཉམ་བསྐྱེད་ཞུ་འཕྲིན།

དེའང་ ༢༠༡༥-༤-༢༥ དང་ ༢༠༡༥-༥-༡༢ ཉིན་བཅས་ལ་བལ་ཡུལ་གྱིས་གཙོས་བོད་དང་རྒྱ་གར་གྱི་ས་ཁུལ་འགའ་ལ་འབྱུང་བ་སའི་གོད་ཆགས་ཚབས་ཆེན་བྱུང་སྟེ་འགྲོ་བ་མི་སྤྱི་དང་། བྱེ་བྲག་ཏུ་སེམས་ཅན་གཞན་མང་པོ་ཞིག་གི་ཚེ་སྲོག་ཤོར་ཡོད་པས་མ་ཚད་། རྨས་མ་སོགས་ཤུལ་དུ་ལུས་པ་རྣམས་ཀྱི་ལུས་སེམས་ལ་དཀའ་སྡུག་དང་ཕོག་ཐུག་ཆེན་པོ་ཤོར་ཡོད་པར་སྡེ་དགེ་རྒྱལ་ཡོངས་ལྷན་ཚོགས་ཀྱི་ངོས་ནས་མྱ་ངན་དང་བཅས་གདུང་སེམས་མཉམ་བསྐྱེད་ཞུ་བཞིན་ཡོད་།

དེ་བཞིན་གནོད་ཐེབས་ས་གནས་སུ་རྒྱུས་ལོན་བྱས་པར་བརྒྱུད་ད་བར་སྡེ་དགེའི་མི་མང་ལ་གནས་ཚུལ་ངན་པ་བྱུང་མི་འདུག་མོད་། ཅི་སྟེ་དཀའ་ངལ་ཆེན་པོ་འཕྲད་རིགས་མཆིས་ཚེ་ཚོགས་པའི་ངོས་ནས་དབུས་དང་ས་གནས་བརྒྱུད་མཐུན་འགྱུར་རོགས་དན་གང་འབྱོར་བྱ་ངེས་ཡིན་པས་དེ་ལུགས་དགོངས་འཇགས་ཡོང་བ་ཞུ་རྒྱུ་དང་།

མཐའ་དོན་གནོད་ཐེབས་ས་གནས་མང་ཚོགས་ཀྱིས་རྒྱུན་དུ་ལུས་སེམས་ཀྱི་འཕྲོད་བསྟེན་ལ་དོ་ནན་དང་། ཉིན་རེའི་འཚོ་བའི་ཁྲོད་སྒོ་ཀུན་ནས་ཡིད་གཟབ་གནང་རོགས་གྱིས་ཞེས་པའི་དྲན་སྐུལ་དང་བཅས་

སྡེ་དགེ་རྒྱལ་ཡོངས་ལྷན་ཚོགས་དབུས་སྤྱི་ཁྱབ་རྒྱུན་ལས་ཁང་ནས་ ༢༠༡༥-༥-༡༣ ཉིན་།

བསམ་ཚུལ་འབྲི།

' རྩོམ་འོག་མ།

ལུས་སེམས་བདེ་ཐང་འདོད་ན་རླུང་སྦྱོང་ལ་འབད་རོགས།

མྱ་ངན་དང་གདུང་སེམས་མཉམ་བསྐྱེད་ཀྱི་ཞུ་འཕྲིན།

བསམ་ཚུལ་འབྲི།

འབྲེལ་ཡོད་ཀྱི་རྩོམ་གཞན།