འདོན་སྤེལ། 2017/10/19 2:40 PM རྩོམ་པ་པོ།

འདི་ལོར་བོད་ཀྱི་གློག་བརྙན་དུས་སྟོན་ཐོག་ནས་(མི་ཚེ་ནི་ཇ་ཕོར་པ་གང་)ཞེས་པའི་གློག་བརྙན་དེར་ཨང་གསུམ་པའི་བྱ་དགའ་ཐོབ་ཡོད་འདུག

དེའང་འདི་ཚེས་ ༡༤ དང་ ༡༥ ཉིན་གཉིས་རིང་རྡ་རམ་ས་ལ་རུ་བོད་ཀྱི་གློག་བརྙན་དུས་སྟོན་འགྲན་ཚོགས་དེ་ཚོགས་ཡོད་པ་དང་། དེར་གློག་བརྙན་འགྲན་ཞུགས་པ་ ༩ ཡོད་པ་ལས་(མི་ཚེ་ནི་ཇ་ཕོར་པ་གང་)ཞེས་པའི་གློག་བརྙན་དེར་ཨང་གསུམ་པའི་བྱ་དགའ་ཐོབ་ཡོད་འདུག གློག་བརྙན་དེ་ནི་སྐར་མ་ལྔའི་དུས་ཡུན་ཅན་ཞིག་ཡིན་པ་དང་། བརྗོད་གཞི་ནི་མི་ཚེ་ཐུང་ཐུང་འདི་དོན་དང་ལྡན་པ་ཞིག་བྱེད་དགོས་སྟངས་ཡིན་འདུག་ལ། འཁྲབ་ཁྲིད་པ་གཙོ་བོ་རྒན་ཀུན་དགའ་རིན་ཆེན་དང་། འཁྲབ་ཁྲིད་པ་གཞོན་པ་ཀུན་དགའ་རྡོ་རྗེ་ལགས་རྣམ་པ་གཉིས་ཡིན་འདུག

དེའང་གློག་བརྙན་བཟོ་སྐྲུན་པས་མཛད་སྒོའི་སྟེང་གསུངས་དོན། ན་ནིང་ལོར་ངེད་ཚོའི་གློག་བརྙན་གྱིས་ཨང་དང་པོའི་བྱ་དགའ་ཐོབ་སོང་ཡང་། ད་ལོའི་ཨང་གསུམ་པ་ཐོབ་པའི་དགའ་ཚོར་འདི་དེ་བས་དམིགས་བསལ་བ་ཞིག་བྱུང་སོང་། གང་ཡིན་ཟེར་ན་ད་ལོར་འགྲན་ཞུགས་པ་ཚང་མ་བོད་པ་རེད་འདུག་ཅེས་དང་། ཡང་ང་ཚོ་བོད་ཀྱི་གློག་བརྙན་རིག་པ་ནི་མི་རིགས་དང་རྒྱལ་ཁབ་གཞན་གྱི་གློག་བརྙན་རིག་པའི་ཡར་རྒྱས་ཀྱི་མྱུར་ཚད་ལས་རྦད་དེ་མགྱོགས་བ་ཡོད་ཚུལ་སོགས་གསུངས་ཡོད་པ་རེད།

འཁྲབ་ཁྲིད་པ་གཞོན་པ་ཀུན་དགའ་རྡོ་རྗེ་ལགས་ནི་སྡེ་དགེ་འཇོ་མདའ་ཝཱ་རཱ་རུ་སྐྱེས་ཤིང་། ༢༠༠༦ ལོར་རྒྱ་གར་ལ་འབྱོར་བ་རེད་འདུག ཁོང་གིས་གསུང་ན་ང་རང་གློག་བརྙན་དང་པར་སོགས་བཟོ་རྒྱུ་ལ་ཧ་ཅང་དགའ་པོ་ཡོད། མ་ཟད་མུ་མཐུད་ནས་གློག་བརྙན་བཟོ་བསྐྲུན་གྱིས་མ་འོངས་པ་གློག་བརྙན་བཟོ་སྐྲུན་པ་ཚད་ལྡན་ཞིག་བྱེད་ཐུབ་པའི་རེ་བ་ཡོད་ཅེས་གསུངས་གནང་སོང་།

One Response

1. བླ་ཁྲི་ལྷགཔ་རྒྱལམཚན says:

   October 19, 2017 at 9:13 pm

   ཀུན་དགའ་རྣམ་གཉིས་ལ་སོ་སོས་མི་རིགས་དང་རིག་གཞུང་ལ་དོ་སྣང་གཙོ་འཛིན་གནང་སྟེ་གློག་བརྙན་བཟོ་བསྐྲུན་གནང་བར་ཡིད་རང་ཞུ་རྒྱུ་དང་། ད་ཐེང་རྩེ་ཕུད་ཨང་གསུམ་པའི་བྱ་ག་ཐོབ་པར་འཚམས་འདྲི་ཞུ། མུ་ཐུད་རང་རེ་ཐུན་མོང་མ་ཡིནཔའི་སྐད་ཡིག་དང་རིགས་གཞུང་བསྲུང་སྐྱོབ་དར་སྤེལ་ལ་སོགས་ལ་དམིག་སྟེ་གློག་བརྙན་་བཟོ་བསྐྲུན་གནང་རྒྱུར་འབད་བརྩོན་་གནང་གལ
   ཞུ་རྒྱུ་ཡིན་། བཀྲིས་སྨིན་ཚོག་བཅས། ༢༠༡༧།༡༠།༡༩ ལ། ཨ་རི་ནས།།

   Reply

' རྩོམ་འོག་མ། བོད་མི་ཞིག་ལ་ཀྲུང་གོའི་བཟོ་རྩལ་ཁྱད་འཕགས་ཀྱི་གསེར་གྱི་བྱ་དགའ་ཐོབ་པ།

འབྲེལ་ཡོད་ཀྱི་རྩོམ་གཞན།

• སྡེ་དགེ་རྒྱལ་ཡོངས་ལྷན་ཚོགས་ཀྱི་དབུས་རྒྱུན་སྐབས་ ༣ པའི་ལོ་འཁོར་༣ གྱི་ལས་བསྡོམས་སྙིང་བསྡུས།
• ཨ་ཧྥི་ཏབ་ཀརྨ་སིང་པུ་རེ་ཝལ་ (Aftab Karma Singh Pureval) ལགས་ཨ་རིའི་གྲོང་ཁྱེར་སིན་སི་ན་ཊི་( Cincinnati) ཡི་སྤྱི་ཁྱབ་གྲོང་ཁྱེར་དཔོན་པོའི་གོ་གནས་ཀྱི་རྒྱལ་ཁ་ཐོབ་པ།
• བོད་ཕྲུག་༢༧་ལ་སྲིད་སྐྱོང་གི་སློབ་ཡོན་གཟེངས་རྟགས་ཐོབ་པའི་ནང་རང་རེ་སྡེ་དགེ་བའི་སློབ་མ་གཅིག་ཡོད་པ་རེད།
• དབུས་རྒྱུན་སྐབས་གསུམ་པའི་ཚོགས་ཐེངས་གཉིས་པ་དེ་བསྐོང་ཚོགས་གནང་
• ལོ་གསར་པའི་འཚམ་འདྲི་བཀྲ་ཤིས་བདེ་ལེགས།