མགུར་མོ་ཁག་ཅིག
མགུར་མོ་ཁག་ཅིག
མ་རྩ་འགུ་བ་དངུལ་རེད། །
ཕྲ་ཁང་རིན་ཆེན་གསེར་རེད། །
རྡུང་མི་མགར་བ་གཅིག་རེད། །
གོན་རེས་བྱས་ན་ལོས་ཆོག །
ལྕང་མ་བཙུགས་ནི་ཡོད་རེད། །
རི་རྒྱལ་རྩེ་ལ་བཙུགས་ཡོད། །
ལས་འབྲས་ཡོད་པའི་ལྕང་མ། །
རི་རྒྱལ་རྩེ་ལ་སྐྱེས་བྱུང་། །
ལྕང་མ་བཙུགས་ནི་བཙུགས་ནི་བཙུགས་ཡོད། །
ཆུ་གཉིས་བར་ལ་བཙུགས་ཡོད། །
ལས་འབྲས་མེད་པའི་ལྕང་མ། །
ཆུ་གཉིས་བར་ལ་སྐམ་སོང་། །
ཆུང་འདྲེས་ཆུང་མ་ཟེར། །
ཆུང་ལ་འདྲེས་རྒྱུ་མ་བྱུང་། །
བྱམས་པ་བྱམས་པ་མ་ཟེར། །
ལུས་ལ་བྱམས་རྒྱུ་མ་བྱུང་། །
ཁྱོད་རང་མར་གཅིག་ཁུར་ཡོང་། །
བསམ་པ་ཨེ་མཐུན་མི་མཐུན། །
དཀྲུག་པའི་ཇ་ལ་བལྟས་ཆོག །
ནམ་མཁར་སྐར་མས་གང་བྱུང་། །
སྨིན་དྲུག་འདྲ་ལེ་མི་འདུག །
རྒྱ་གྲོང་མི་ཡིས་གང་བྱུང་། །
བྱམས་པ་འདྲ་ལེ་མི་འདུག །
ཕ་རིའི་སྤང་གི་སྟེང་ལ། །
ར་མ་ལུག་གིས་གང་བྱུང་། །
སྤྱང་གི་གཅིག་རྒྱུག་གཉིས་རྒྱུག །
མ་མོ་ལུག་དེ་གཏོར་ཐལ། །
ཡར་གི་བྲག་རིའི་རྩེ་ལ། །
གསེར་གྱི་མཆོད་རྟེན་བཞེངས་ཡོད། །
བསྐོར་ར་ཡོང་འདོད་ཡོད་ན། །
སྐོར་ལམ་བདེ་མོ་བྱས་ཆོག །
ལྷ་བྱ་ཁུ་བྱུག་ཁྱེད་ལ། །
བསམ་ནས་འཇོལ་མོ་ང་རང་། །
དགུན་ཟླ་གསུམ་གྱི་རིང་ལ། །
མིག་རྩ་མཆི་མས་བསྐོར་སོང་། །
རྒྱ་ནག་སྟོང་སྐུད་མདུད་པ། །
སོ་དང་སེན་མོས་བཀྲོལ་ཆོག།
རང་སེམས་དར་གྱི་མདུད་པ། །
བཀྲོལ་ཡང་གྲོས་ས་མ་རེད། །
སེར་པོ་གསེར་གྱིས་རྡུང་བའི། །
ཨ་ལོང་ཁྲ་རྒྱན་མེ་ཏོག །
མཛེས་མཛེས་ལྷ་ལ་ཕུལ་ཡོད། །
ང་ལ་དངོས་གྲུབ་གནང་རོགས། །
ཚོང་དཔོན་ལྷ་ས་འགྲོ་ན། །
ཁ་བཏགས་འདོམ་གང་ཁྱེར་རོགས། །
ཡིད་བཞིན་ནོར་བུའི་མདུན་དུ། །
གསོལ་འདེབས་སྨོན་ལ་རྒྱག་རོགས། །
ཡར་གི་ཉི་ཟླ་གཉིས་པོ། །
ཨ་སྔོན་གནམ་གྱི་རྒྱན་རེད། །
ང་ཡི་ཆུང་འདྲིས་བྱམས་པ། །
ན་ཆུང་ཀུན་གྱི་རྒྱན་རེད། །
བསམ་ཚུལ་འབྲི།
གླུ་ཐོག་མ་དར་ཚུལ་གྱི་སྐོར་རགས་ཙམ་གླེང་བ།