མཁས་དབང་ནམ་མཁའི་ནོར་བུའི་གསུངས་རྩོམ་ཕྱོགས་སྒྲིག
རྩོམ་པ་པོ། ནམ་མཁའི་ནོར་བུ།
ངོ་སྤྲོད།
དཔེ་དེབ་འདིའི་ནང་གཙོ་བོ་ཁོང་གིས་བོད་ཀྱི་ཤེས་རིག་སྐོར་ལ་ཞིབ་འཇུག་གནང་བའི་བོད་ཀྱི་གནའ་བོའི་ལོ་རྒྱུས་སྐོར་དང་ཤེས་རིག་སྐོར། ཆོས་ལུགས་སྐོར། གསོ་རིག་སྐོར། སྤྱི་ཚོགས་རྟོགས་དཔྱོད་སྐོར་སོགས་ཕྱོགས་གཅིག་ཏུ་བསྒྲིགས་ཏེ་བཀོད་ཡོད།
དཀར་ཆག།
བོད་ཀྱི་ལོ་རྒྱུས་ལས་འཕྲོས་པའི་གཏམ་ནོར་བུའི་དོ་ཤལ།
གླེང་གཞི།
མཆོད་བརྗོད།
ནང་དོན་དངོས་བཤད་པ།
མཆན་འགྲེལ།
བྱང་འབྲོག་གི་ལམ་ཡིག
འགོ་བརྗོད།
གླེེང་བརྗོད།
ནང་དོན་དངོས་བཤད་པ།
རྫ་ཆུ་ཁའི་ཡུལ་སྡེ།
གསེར་ཐའི་ཡུལ་སྡེ།
འབྲོག་པའི་མནའ་གྲོགས།
འབྲོག་པའི་ཏིས་རྩོད།
འབྲོག་མིའི་ངོ་ཚ།
འབྲོག་མིའི་ཤེས་རིག།
འབྲོག་མིའི་ཆོས།
འབྲོག་པའི་མ་ཎིའི་རྒྱ་ཞག
འབྲོག་པའི་གླང་ཟླའི་བཞི་རྒྱལ།
འབྲོག་པའི་སློབ་གསོའི་སྐོར།
འབྲོག་པའི་མཚེར་ས།
འབྲོག་པའི་སྦྲ་ཁྱིམ།
འབྲོག་པའི་འཚོ་བ།
འབྲོག་པའི་ཕྱུགས་ལས།
འབྲོག་པའི་ཤེ་ནོར།
འབྲོག་པའི་ཚེ་ཐར།
འབྲོག་པའི་ཆས་ལུགས།
འབྲོག་པའི་རྔོན་བདའ།
འབྲོག་པའི་རེ་སྟོན།
འབྲོག་པའི་ལོ་སར།
འབྲོག་པའི་འདུ་བ།
འབྲོག་པའི་གཉེན་སྒྲིག
འབྲོག་པའི་ཡུལ་ཁྲིམས།
འབྲོག་པའི་ཁ་མཆུ།
འབྲོག་པའི་མི་སྟོང་།
འབྲོག་པའི་རྐུན་སྟོང་།
འབྲོག་པའི་རྟ་སྟོང་།
འབྲོག་པའི་བྱི་སྟོང་།
འབྲོག་པའི་བག་སྟོང་།
འབྲོག་པའི་སྐྱེལ་འགྲུལ།
ཚིག་མཛོད་དང་འགྲེལ་བཤད།
སྒྲུང་ལྡེའུ་བོན་གསུམ་གྱི་གཏམ།
གླེང་གཞི།
སྒྲུང་གི་སྐོར།
གླིང་གེ་སར་གྱི་སྒྲུང་གི་སྐོར།
གནའ་སྒྲུང་གི་སྐོར།
རོ་ལངས་གསེར་སྒྲུང་གི་སྐོར།
མ་སང་གི་སྒྲུང་སྐོར།
མཆིལ་བའི་སྒྲུང་སྐོར།
ལྡེའུའི་སྐོར།
ཁེགས་ཀྱི་སྐོར།
རྒྱལ་པོའི་མཚན་གྱི་སྐོར།
ཞང་ཞུང་སྐད་ཀྱི་སྐོར།
བོད་མིའི་མིང་དོན་གྱི་སྐོར།
ལྡེའུ་འཕྲུལ་གྱི་སྐོར།
ཟབ་གནད་ཀྱི་ལྡེའུ་སྐོར།
གསང་གནད་ཀྱི་ལྡེའུ་སྐོར།
བོན་གྱི་སྐོར།
བོན་སྒོ་བཞི་མཛོད་ལྔའི་སྐོར།
བོན་ཐེག་པ་རིམ་དགུའི་སྐོར།
བོན་བརྡོལ་འཁྱར་བསྒྱུར་གསུམ་སྐོར།
རྒྱུའི་བོན་རིགས་བཞིའི་སྐོར།
བོན་ཤེས་པ་ཅན་བཅུ་གཉིས་ཀྱི་སྐོར།
མགོན་ཤེས་ལྷ་བོན།
ཐུག་དཀར་གཞུ་སྐོར།
སྒྲ་བླ་ཝེར་མའི་སྐོར།
སྒྲ་བླ་བསེའུ་རུ་གཅིག་སྐོར།
སྒྲ་བླའི་ཚིག་དོན་སྐོར།
གཡང་ཤེས་ཕྱ་བོན།
འགོ་བའི་ལྷ་ལྔ།
ཀླུང་རྟའི་སྐོར།
ཕྱ་གཡང་གི་སྐོར།
ཕུག་ལྷའི་སྐོར།
རྨུ་ཐག་གི་སྐོར།
འགྲོ་ཤེས་གླུད་གཏོང་།
མདོས་ཀྱི་སྐོར།
གླུད་ཀྱི་སྐོར།
ཡས་ཀྱི་སྐོར།
ཕོ་གླུད་མོ་གླུད་ཆུང་གླུད་གསུམ་སྐོར།
མདོས་ཀྱི་ཚད་སྐོར།
གླུད་ཀྱི་ཡོན་ཏན་སྐོར།
གླུད་རྫས་ཀྱི་དགོས་པའི་སྐོར།
འདུར་ཤེས་སྲིད་གཤེན།
ཤི་ཐབས་ཀྱི་སྐོར།
འདུར་ཐབས་ཀྱི་སྐོར།
བླ་བསླུའི་སྐོར།
གཤེད་འདུར་གྱི་སྐོར།
གཙང་ཤེས་སེལ་འདེབས།
སེལ་དགོས་པའི་རྒྱུ་མཚན།
སེལ་གྱི་ལག་ལེན་སྐོར།
སེལ་བྱའི་སྐོར།
བསང་གི་སྐོར།
ཚན་ཁྲུས་ཀྱི་སྐོར།
ཚན་དཀར་གྱི་སྐོར།
བག་མའི་སྐོར།
དམར་ཚན་གྱི་སྐོར།
འགྲོས་ཤེས་གཏད་བྱད།
དབྱིངས་ཀྱི་ལྷ་ཚོགས་མཆོད་པའི་སྐོར།
མཁའི་དབལ་མོ་བསྐང་བའི་སྐོར།
ཀློང་གི་དམ་བཅའ་བརྟེན་པའི་སྐོར།
ཀླུ་གཉན་ས་བདག་གཏོ་བཅོས་སྐོར།
གཏོ་བཅོས་ཀྱི་ལག་ལེན་སྐོར།
ཕན་ཤེས་སྨན་དཔྱད།
རྒྱུ་རྐྱེན་མཐོང་ལ་དཔྱད་པའི་སྐོར།
ངོས་འཛིན་རྩ་ལ་དཔྱད་པའི་སྐོར།
ཕན་གནོད་ཆུ་ལ་དཔྱད་པའི་སྐོར།
འཆི་སོས་ཁམས་ལ་དཔྱད་པའི་སྐོར།
གསོ་བྱ་ནད་ཀྱི་བྱེ་བྲག་སྐོར།
གསོ་བྱེད་གཉེན་པོའི་བྱེ་བྲག་སྐོར།
སྤྱོད་ལམ་གྱིས་བཅོས་པའི་སྐོར།
སྨན་གྱི་བཅོས་པའི་སྐོར།
དཔྱད་ཀྱི་བཅོས་པའི་སྐོར།
མེ་བཙའི་སྐོར།
ཐུར་མའི་སྐོར།
གདོན་རིགས་ཀྱི་སྐོར།
སྐོས་ཤེས་རྩིས་མཁན།
སྐོས་ཀྱི་དོན།
གབ་རྩེའི་དོན།
སྤར་ཁ་རྨེ་བའི་གླིང་སྐོར།
སྨེ་བའི་སྐོར།
གཤེན་རབ་ཀྱི་འདས་ལོ།
འབྱུང་བ་དུས་ཀྱི་འཁོར་ལོའི་སྐོར།
ཇུ་ཞག་རྟེན་འབྲེལ་ལས་རྩིས་སྐོར།
གཙུག་ལག་གི་གོ་དོན་སྐོར།
སྨྲང་ཤེས་གཏོ་དགུ།
སྨྲང་གི་སྐོར།
སྲིད་པའི་མིའུ་བརྒྱུད་ཀྱི་སྐོར།
གཏོ་དགུའི་དོན་སྐོར།
སྲིད་པའི་གྲོལ་ཕུག་སྐོར།
སྲིད་པ་ཕོ་དགུ་དང་སྲིད་པ་མོ་དགུའི་སྐོར།
སྲིད་པའི་ཆོག་རབས་ཀྱི་སྐོར།
འདྲེ་དང་སྲིའི་སྐོར།
འདྲེ་སྲིར་བརྫངས་འདེབས་ཀྱི་སྐོར།
ཀག་ཉེན་བཟློག་པའི་ཉིན་གཏོའི་སྐོར།
རྟེན་འབྲེལ་སྲིད་པའི་རྩིས་གཏོའི་སྐོར།
ལྡིང་ཤེས་ཤ་བའི་སྐོར།
ཤ་བའི་བོན་དགུའི་སྐོར།
ཤ་བའི་མདོས་ཆོག་གི་སྟ་གོན་སྐོར།
ཤ་བའི་མདོས་ཀྱི་ཆོག་རབས་ཀྱི་སྐོར།
ཤ་བའི་མདོས་ཀྱི་རྒྱུ་མཚན་སྐོར།
ཤ་བ་ལྡིང་ཤེས་ཀྱི་དོན་སྐོར།
བོན་པོས་རྔ་ལ་ཞོན་པའི་སྐོར།
དམར་མཆོད་ཀྱི་ལོ་རྒྱུས་སྐོར།
བན་བོན་རྩོད་གླེང་གི་སྐོར།
འཕུར་ཤེས་ཇུ་ཐིག
ཇུ་ཐིག་གི་སྲོལ་ཇི་ལྟར་བྱུང་བའི་སྐོར།
ཇུ་ཐིག་གི་ཡིག་ཆའི་སྐོར།
ཇུ་ཐིག་གི་རྟེན་བཅའ་བའི་སྐོར།
ཇུ་ཐིག་ལག་ལེན་གྱི་སྐོར།
ཇུ་ཐིག་གི་མདུད་པའི་སྐོར།
ཇུ་ཐིག་ལག་ལེན་གྱི་སྤྱོད་པའི་སྐོར།
ཇུ་ཐིག་གི་དགོས་པའི་སྐོར།
སྒྲོལ་ཤེས་འཕྲུལ་བོན།
བསྙེན་པའི་སྐོར།
སྒྲུབ་པའི་སྐོར།
ལས་སྦྱོར་གྱི་སྐོར།
རྒྱུད་ཆེན་པོ་བཅུ་གཉིས་ཀྱི་སྐོར།
ལས་སྦྱོར་ལ་འཇུག་ཚུལ་གྱི་སྐོར།
བསྒྲལ་བའི་ཞིང་གི་སྐོར།
སྤྱོད་ལམ་འགལ་འབྲེལ་གྱི་སྐོར།
ཛྭོ་ཐིས་དབལ་གྱི་སྐོར།
སྤྱི་སྤུངས་སྔགས་སེམས་ཀྱི་སྐོར།
དབལ་ཇི་ལྟར་སྲིད་པའི་སྐོར།
དབལ་ཟངས་ཀྱི་སྐོར།
སྲིད་འཔི་དུག་ཡས་བཅུ་གསུམ་གྱི་སྐོར།
རུབ་ཀྱི་ལོ་རྒྱུས་ཤིག་གི་སྐོར།
སྣང་བཞེར་ལོད་པོའི་ཛྭོའི་སྐོར།
མཆན་འགྲེལ།
ལུང་འདྲེན་གྱི་དཔེ་ཁུངས།
གཟི་ཡི་ཕྲེང་བ།
གླེང་བརྗོད།
བོད་ཀྱི་མི་རིགས།
བོད་ཀྱི་སྐད་ཡིག།
བོན་དང་བོན་པོ།
ཞང་ཞུང་དང་བོད།
ཆོས་དང་སྲིད།
མཆན་འགྲེལ།
ཏུན་ཧོང་ནས་ཐོན་པའི་དཔེ་རྙིང་སྦས་པའི་རྒུམ་ཆུང་གི་ཕྱི་མོའི་སྐོར་བཤད་པ།
རྫོགས་པ་ཆེན་པོའི་སྐོར་གྱི་དྲིས་ལན།
བོད་ཀྱི་གསོ་རིག་ལས་མངལ་ཆགས་ཚུལ་དང་དེར་བརྟག་ཐབས་སྐོར་མདོ་ཙམ་བསྟན་པ།
༄༅།།འབྲོག་མིའི་ཤེས་རིག <<ནམ་མཁའི་ནོར་བུའི་གསུང་རྩོམ་ཕྱོགས་བསྒྲིགས>> རྩོམ་པ་པོ། ནམ་མཁའི་ནོར་བུ། ཞུ་དག་པ། ལྷག་ཚེ།
འབྲོག་ཡུལ་གྱི་མི་སྡེའི་ནང་དུ་སློབ་གསོ་བྱས་པ་ལས་བྱུང་བའི་ཤེས་རིག་ནི་ཧ་ཅང་དཀོན་ཞིང་། དེ་ལྟར་སློབ་བསྐུལ་བྱེད་ནུས་པའི་ཡོན་ཏན་དང་ལྡན་པའང་ཆེས་ཉུང་བ་དང་། ཤེས་རིག་ལ་སློབ་གཉེར་བྱེད་པའི་དར་སྲོལ་ཡང་དེ་ཙམ་བྱུང་མེད་པ་རེད། འོན་ཀྱང་འབྲོག་མི་དག་ལ་རང་རང་གི་འཚོ་བའི་དཀའ་ངལ་སེལ་ཐུབ་པའི་མ་བཅོས་རང་གཤིས་སུ་གོམས་པའི་རང་བཞིན་གྱི་ཡོན་ཏན་མང་དུ་ཡོད་པ་རེད། འབྲོག་མི་དེ་དག་རང་ལ་རྒྱུན་མཁོའི་ཡོ་བྱད་ཚང་མ་འབྲོག་མི་རང་ཉིད་ཀྱི་ཤེས་རིག་དང་ལག་རྩལ་བཅས་ལ་བརྟེན་ནས་བཟོ་བསྐྲུན་བྱེད་ཐུབ་པ་དང་། རང་ཤེས་ཀྱིས་བཟོས་པའི་ཡོ་བྱད་དེ་ཙམ་ལ་བརྟེན་ནས་མི་སྡེའི་འཚོ་བ་བདེ་སྐྱིད་དང་ལྡན་པར་བསྒྲུབ་ཐུབ་པ་དང་། སྐབས་ཀྱི་དགོས་དོན་ཆེ་ཕྲ་མཐའ་དག་བསྒྲུབ་ཐུབ་ཀྱི་ཡོད་པ་རེད། འབྲོག་མི་དག་ལ་སྒོ་ཕྱུགས་འཚོ་སྐྱོང་དང་། གསོ་ཐབས། འཕྲོད་བསྟེན་སོགས་ཇི་ལྟར་ལག་ལེན་བྱ་དགོས་པའི་ཡིག་ཆ་གང་ཡང་མི་སྣང་ཞིང་། འོན་ཀྱང་སྔར་ནས་འབྲོག་མི་རྒན་པོ་དག་གི་ཉམས་མྱོང་བསགས་པ་དག་གཅིག་ནས་གཅིག་ཏུ་ངག་བརྒྱུད་བྱས་པའི་ཐབས་ཚུལ་ལ་འབྲོག་མི་རྒན་གཞོན་ཀུན་ཀྱང་ཧ་ཅང་མཁས་པར་སྣང་ཞིང་། ཉམས་མྱོང་གི་ཐབས་ཚུལ་དེ་རིགས་ལ་བརྟེན་ནས་སྒོ་ཕྱུགས་ཀྱི་འཕེལ་སྟོབས་རྒྱ་ཆེར་བསྐྱེད་ཐུབ་པ་དང་། མ་ཟད་ཕྱུགས་ནད་འགོག་སྲུང་གི་བྱ་བའང་དེ་ཙམ་གྱིས་འགྲུབ་ཀྱི་ཡོད་པ་རེད། འབྲོག་མིའི་ལག་བཟོས་ཀྱི་དངོས་པོ་ཡག་ཤོས་ཤིག་ནི་འཕྱིང་བའི་རིགས་མི་འདྲ་བ་དག་ཡིན་འདུག་ཅིང་། དེ་ཡང་“རྐྱ་འཕྱིང་”ཞེས་བྱ་བ་འབྲོག་མི་དག་རྟ་ཞོན་ནས་འགྲུལ་བཞུད་བྱེད་དུས་ཀྱི་ཆར་གོས་སུ་བཟོས་པ་དང་། “རྫི་འཕྱིང་”ཞེས་པ་འཕྱིང་སྒོར་ཞྭ་མོ་དང་བཅས་ཕྱུགས་རྫིའི་ཆར་གོས་སུ་བཟོས་པ་དང་། “ཁེབས་འཕྱིང”ཞེས་བྱ་བ་བལ་འཕྱིང་འཐུག་པོ་གྲུ་བཞི་པ་ཁ་ཆར་དང་གྲང་ངད་གཉིས་ཀ་ལས་སྐྱོབས་ཐུབ་པའི་ཉལ་ཆས་དང་། “ཁེབས་འབོལ”ཞེས་བྱ་བ་དམིགས་བསལ་དགུན་དུས་ཀྱི་གྲང་ངད་སེལ་ཐུབ་པའི་ཉལ་ཆས་དང་། གཞན་ཡང་ཕོ་མོ་རྒན་གཞོན་ཚང་མར་དབར་དུས་སུ་དགོས་པའི་འཕྱིང་ཞྭ་ལ་“རྩེ་བུད”ཅེས་བྱ་བ་ཞྭ་རྩེར་སྟོང་སྐུད་དམར་པོའི་ཚར་ལོས་བརྒྱན་པ་དག་བཟོ་སྲོལ་ཡོད་འདུག་ཅིང་། གླིང་གེ་སར་གྱི་སྒོམ་ཞུ་ཞེས་བྱ་བ་འཕྱིང་བའི་ཞྭ་མོ་ཞིག་བཟོ་སྲོལ་ཡོད་འདུག་པ་དེའང་འབྲོག་མིའི་སྤྱོད་ཚུལ་འདིའི་སྟེང་ནས་བྱུང་ཡོད་པར་མངོན་ཞིང་། གེ་སར་རྡོ་རྗེ་ཚེ་རྒྱལ་གྱི་སྐུ་བཪྙན་དག་གི་སྒོམ་ཞུའི་བཟོ་དབྱིབས་ཀྱང་འབྲོག་མིའི་འཕྱིང་ཞྭ་དང་ཕྱོགས་ཀུན་ནས་འདྲ་བར་སྣང་ངོ་། །
དགུན་དུས་ཀྱི་ཆེད་དུ་འཕྱིང་བའི་ལྷམ་གོག་ཡུ་རིང་དང་། གདན་གྱི་ཆེད་དུ་བལ་སྟན་ཆེ་ཆུང་སྣ་ཚོགས་ལ་བལ་ནག་གི་གཡུང་དྲུང་དང་དགའ་འཁྱིལ་གྱི་རི་མོ་བཀོད་པ་སོགས་བཟོ་སྲོལ་ཡོད་པ་རེད། བལ་འཕྱིང་འཇོག་ཚུལ་ནི། གནམ་གཤིས་བཟང་ཞིང་ཉི་མ་དྲོ་བའི་དུས་སུ་སྤང་ཐང་ངོས་འཇམ་པོའི་སྟེང་དུ་རེ་ཕར་ཆེན་པོ་ཞིག་བཏིང་བའི་ཁར་བལ་ཡག་པོར་བསེད་པ་དག་ལེབ་ལེབ་མོར་བཀོད་ཅིང་། དེའི་སྟེང་དུ་ཆུ་ཁོལ་མ་ཅུང་ཟད་གཏོར་ནས་རེ་ཕར་དང་བཅས་རིལ་པོར་བསྒྲིལ་ཏེ། འཕྱིང་བ་ཆེ་ཆུང་དང་འཚམས་པར་ཕོ་མོ་མང་དག་ལྷན་དུ་གྲལ་བསྒྲིག་ཅིང་ལག་པས་ཆུ་ཚོད་གཅིག་ཙམ་གྱི་རིང་བསྒྲིལ་དགོས་པ་དང་། དེ་ནས་རེ་ཕར་བཏོན་ནས་འཕྱིང་པ་ཁོ་ན་ཆུ་ཚོད་ཁ་ཤས་ཀྱི་རིང་དུ་བསྒྲིལ་དགོས་ཀྱི་ཡོད་པ་རེད། འཕྱིང་བ་འཇོག་པའི་ཚེ་གྲོང་རོགས་ཕན་ཚུན་འབོད་རེས་ཀྱིས་ལག་གྲོགས་བྱེད་པ་དང་། འཕྱིང་བ་འཇོག་མཁན་གྱི་སྦྱིན་བདག་དེས་ལུག་བཤས་གཅིག་གིས་ཐོག་དྲངས་པའི་བཟའ་བཏུང་ཡག་པོ་ཤིག་ཀྱང་གྲབས་བཀོད་བྱེད་དགོས་སྲོལ་ཡོད་པ་རེད། འབྲོག་པའི་བུ་དང་བུ་མོ་དག་གིས་འཕྱིང་བ་བསྒྲིལ་བའི་ཚེ་སྙན་པོའི་དབྱངས་དང་བཅས་ཏེ། “ཨ་ལ་མཎེ་ལ་པད་མེ། ”བུ་དག་གིས་“འཕྱིང་ཡག་ལྷ་འུའི་ལ་ལྷ་འཕྱིང་། བུ་མོ་དག་གི་“གཡང་ཡག་གཡང་དཀར་ལ་ཁ་ཆུ་། ”བུ་དག་གིས་“གཅིག་ཡག་ཨ་བུ་ཡི་རྐྱ་འཕྱིང་། ”བུ་མོ་དག་གིས་“གཉིས་ཡག་ཞིག་མོ་ཡི་རྫི་འཕྱིང་། བུ་དག་གིས་“གསུམ་ཡག་སོ་ཁ་ཡི་དར་འཕྱིང་། ”བུ་མོ་དག་གིས་“བཞི་ཡག་ལྷ་གཞི་ཡི་དཀར་ལིང་། ”བུ་དག་གིས་“ལྔ་ཡག་ལྷ་ལྔ་ཡི་འཕྱིང་ཞྭ། ”བུ་མོ་དག་གིས་“དྲུག་ཡག་གྲུས་མ་ཡི་རྫི་འཕྱིང་། ”ཞེས་སོགས་ཨང་གྲངས་མང་པོར་ལབ་སྲོལ་ཡོད་འདུག་ཀྱང་ཁོ་བོས་གསལ་པོར་མ་ངེས་སོ། །
འབྲོག་མི་དག་གིས་འབྲི་གཡག་གི་སྤུ་རྩིད་ནི་ཧ་ཅང་གལ་ཆེན་དུ་བརྩི་ཞིང་། སྤུ་རྩིད་འཇམ་པོའི་གྲས་དཀར་ནག་ཁྲ་སྒྲིག་ཐགས་སུ་བཏགས་པའི་རེ་བའི་རིགས་སྣ་ཚོགས་བཟོ་བ་དེ་དག་ནི་རྟ་གལ་ཀྱི་རྒྱབ་སྟན་དང་། དོས་ཁེབས་དང་། རེ་འབོག་ཆེ་ཆུང་སོགས་བཟོ་བྱེད་དུ་ཕན་ཐོགས་ཆེ་བ་དང་། གཡག་རྔ་སོགས་སྤུ་རྩིད་གྱོང་རིགས་ཀྱིས་དོས་ཐག་དང་སྦྲ་གུར་གྱི་ཆོན་ཐག་སོགས་བཟོ་གི་ཡོད་པ་རེད། སྤུ་རྩིད་ཀྱི་མཁོ་སྤྱོད་ཆེས་གལ་ཆེ་བ་ནི་“རྩིད་རེ”ཞེས་བྱ་བའི་རེ་ནག་འཐུག་པོ་དེ་རིགས་ཡིན་འདུག་ཅིང་། དེ་དག་ནི་འབྲོག་མིའི་སྡོད་གནས་སྦྲ་བཟོ་བྱེད་དུ་མེད་དུ་མི་རུང་བའི་དངོས་པོ་ཞིག་རེད། འབྲོག་མི་དེ་དག་ལ་འཁལ་འཐགས་ཀྱི་ཡོ་ཆས་ནི་ཤིང་གི་དབྱུག་པ་རིང་ཐུང་འགའ་ཤས་ལས་གཞན་པའི་ལག་ཆས་དམིགས་བསལ་གང་ཡང་མི་སྣང་ཞིང་། འོན་ཀྱང་ལག་ཆས་ངན་ངེ་དེ་ཙམ་ལ་བརྟེན་ནས་རེ་བ་དང་། རེ་ཁྲ་དང་། རྩིད་རེ་སོགས་འབྲོག་མི་རང་ཉིད་ཀྱི་དགོས་མཁོ་འདེངས་ངེས་བཟོ་བསྐྲུན་ཐུབ་པའི་ཁར་རོང་ཡུལ་རྣམས་སུ་འཚོང་ཆས་ཀྱང་བྱེད་ཐུབ་ཀྱི་ཡོད་པ་རེད།
འབྲོག་ཡུལ་དེ་དག་ཏུ་རི་མོ་ལ་མཁས་པའི་ལྷ་བྲིས་པ་མི་ཉུང་བ་ཡོད་འདུག་ཅིང་། ཁྱད་པར་དུ་རྫ་ཆུ་ཁའི་ཡུལ་ཚོ་འགའ་ཤས་སུ་སྙན་གྲགས་དང་ལྡན་པའི་ལྷ་བྲིས་པ་འགའ་ཤས་ཡོད་འདུག་པ་དེ་དག་གིས་བྲིས་པའི་སྟོན་པའི་མཛད་པ་བཅུ་གཉིས་དང་། གུ་རུ་མཚན་བརྒྱད། གླིང་གེ་སར་གི་སྒྲུང་ཐང་མི་འདྲ་བ་སྣ་ཚོགས། མི་ལའི་ལྔ་ཐང་། གཞན་ཡང་སྦྱིན་བདག་སོ་སོའི་འདོད་མོས་ལྟར་བྲིས་པའི་འདོད་ལྷ་སྣ་ཚོགས་ཀྱི་བྲིས་ཐང་སོགས་དགོན་པ་ཁག་གམ་འབྲོག་མི་ཕྱུག་པོ་དག་གི་སྦྲ་གུར་རྣམས་སུ་མཇལ་རྒྱུ་འདུག་ཅིང་། འབྲོག་མིའི་བྲིས་བཀོད་ཕལ་ཆེ་བ་ནི་རི་མོ་ཉུང་ཞིང་སྤང་ཐང་དང་མེ་ཏོག་དང་གངས་རི་སོགས་ཐར་ཐོར་ཡོད་པའི་ནང་དུ་ལྷ་རིས་སྦོམ་ལ་བརྗིད་ཆགས་པ་ཞིག་བཞེངས་སྲོལ་བྱུང་འདུག
འབྲོག་ཡུལ་དུ་ལྕགས་མགར་མི་ཉུང་བ་ཡོད་འདུག་པ་དེ་དག་གིས་གྲི་དང་འཇོར་སོགས་རྒྱུན་མཁོའི་དངོས་པོ་རྣམས་བཟོ་སྐྲུན་བྱེད་ཐུབ་ཀྱི་འདུག་ཅིང་། འོན་ཀྱང་གསེར་དངུལ་གྱི་མགར་ལས་བྱེད་མཁན་ནི་ཧ་ཅང་ཉུང་ཞིང་། འགའ་ཤས་ཡོད་པ་དག་གིས་འབྲོག་པའི་བུད་མེད་ཀྱི་རྒྱན་ཆས་དག་བཟོ་བསྐྲུན་བྱེད་ཀྱི་ཡོད་འདུག་ནའང་། དེ་དག་གིས་རྒྱན་ཆས་ཆ་ཚང་བ་རེ་བཟོ་བ་ལ་ལོ་རེ་ཙམ་འགོར་ཞིང་། ལས་རྩོལ་གྱི་རིན་ཐང་ཡང་ཧ་ཅང་ཆེན་པོ་ཡིན་པ་རེད།
འབྲོག་ཡུལ་དུ་སྨན་པ་ཧ་ཅང་དཀོན་ཞིང་། འགའ་ཞིག་ཡོད་པ་དག་ནི་རབ་བྱུང་ངམ་སྔགས་པ་གང་རུང་དགོན་པ་ཁག་ཏུ་བཞུགས་མཁན་ཡིན་འདུག་ཅིང་། དེ་དག་དབར་དུས་སུ་“སྨན་ལྡོམ”ཞེས་པ་འབྲོག་སྡེ་ཚང་མར་ཐེངས་རེ་བསྐོར་འགྲུལ་བྱེད་པ་དེའི་ཚེ་ཡུལ་ནང་གི་ནད་པ་རྣམས་ལ་ནད་བཅོས་ཟབ་རྒྱས་བྱེད་ཅིང་། རྫ་རི་གངས་རིའི་སུལ་དང་སྤང་ཐང་རྣམས་ནས་སྔོ་སྨན་གྱི་རིགས་སྣ་ཚོགས་འཐུ་བ་དང་། ཡུལ་སོ་སོའི་འབྲོག་མི་རྣམས་ནས་བསྙེན་བཀུར་ཡང་རྒྱ་ཆེན་པོ་ཞུ་གི་ཡོད་པ་རེད་དུས་གཞན་དག་ཏུ་ཡུལ་སོ་སོར་ནད་པ་ཚབས་ཆེན་བྱུང་བའི་ཚེ་སྨན་པ་གདན་འདྲེན་དུ་འགྲོ་དགོས་ཤིང་། ཡུལ་འགའ་ཤས་སུ་ས་ཐག་དང་རི་ལུང་མང་པོས་རྒྱངས་ནས་སྨན་པ་མི་ཐོབ་པའི་དཀའ་ངལ་ཡང་མང་དུ་ཡོད་པར་སེམས་སོ། །
འབྲོག་མི་དག་གིས་ནམ་རྒྱུན་དུ་ནད་པའི་ཆེད་དུ་སྨན་བཅོས་ལས་ཀྱང་རིམ་གྲོའི་བཅོས་གལ་ཆེ་བར་བྱེད་སྲོལ་ཡོད་འདུག དེ་ཡང་ནང་གི་མི་ཞིག་ན་བའི་ཚེ་ཐོག་མར་རང་རང་གི་མཆོད་གནས་སུ་ཡིན་དེའི་དྲུང་དུ་བཅར་ནས་ནད་པ་དེ་ལ་གཏོ་བཅོས་དང་སྨན་བཅོས་གང་དགོས་པ་འདུག་ཅེས་ཕ་མོ་ཞུ་ཞིང་། སྨན་བཅོས་བྱ་དགོས་སུ་བབས་ན་སྨན་པ་འཚོལ་ཞིང་གཏོ་བཅོས་དགོས་ན་རང་གི་མཆོད་གནས་གདན་འདྲེན་ཏེ་གཏོ་གླུད་གང་འོས་བསྒྲུབ་པར་བྱེད་སྲོལ་ཡོད་འདུགདེ་ཡང་གཏོ་བཅོས་ཀྱི་དགོས་དོན་གཙོ་བོ་ནི་ནད་པ་དེ་ལ་གནོད་བྱེད་གང་རུང་ཞིག་གི་གནོད་པ་བཏང་བ་སྟེ་དེ་ཉིད་སེལ་བའི་ཐབས་དང་། ཡང་ན་ནད་པ་དེས་སྔོན་བསགས་པའི་ལས་ངན་པ་ཞིག་གམ་ལན་ཆགས་པ་གང་རུང་དངོས་སུ་སྨིན་པ་སྟེ་དེ་དག་སེལ་བའི་ཐབས་ནི་གཙོ་བོ་གཏོ་བཅོས་བྱེད་དགོས་པ་ལས་སྨན་གྱིས་བཅོས་མི་ནུས་པ་དང་། ནད་གང་ཞིག་གློ་བུར་གྱི་རྐྱེན་འདུ་བ་འཁྲུགས་པ་དང་། བཟའ་བཏུང་གི་ཕན་གནོད་སོགས་ལ་བརྟེན་ནས་བསྐྱེད་པའི་རིགས་ལ་ནི་གཏོ་བཅོས་ལས་ཀྱང་སྨན་བཅོས་ཟབ་པའི་དོན་རེད།
འབྲོག་ཡུལ་གྱི་དགོན་པ་དག་ཏུ་དཀར་ནག་གི་རྩིས་ལ་མཁས་པའི་རྩིས་པ་མང་དུ་ཡོད་འདུག་པ་དེ་དག་གིས་ལོ་ཟླ་ཞག་དུས་གཟའ་སྐར་འཕྲོད་སྦྱོར་སོགས་བྱེད་རྩིས་ཀྱི་དགོངས་པ་ལྟར་བརྩིས་སྲོལ་ཡོད་འདུག་ཅིང་། གཞན་ཡང་གཤིན་རྩིས་དང་བག་རྩིས་སོགས་མི་སྡེའི་དགོས་དོན་མཐའ་དག་བསྒྲུབ་པའི་རྩིས་ནག་གི་སྐོར་འགོ་རྣམས་ཀྱང་གཏན་ལ་འབེབས་ཤིང་། མི་སྡེས་རྩིས་ཀྱི་ཁ་དམར་བླང་དོར་བྱ་དགོས་པའི་རིགས་ལ་དོ་སྣང་ཆེན་པོས་ལག་བསྟར་བྱེད་ཀྱི་ཡོད་པ་རེད། ཡ་མཚན་འོས་པ་ཞིག་ལ། འབྲོག་མི་ཕལ་པ་ཡི་གེ་འབྲི་ཀློག་མི་ཤེས་ཤིང་། རྩིས་ཀྱི་རིག་གཞུང་ལ་སློབ་གཉེར་གང་ཡང་བྱེད་མ་མྱོང་བ་མང་དག་གིས་དགོང་མོར་ཟླ་བ་ལ་བལྟས་ནས་ཚེས་གྲངས་གང་ཡིན་དང་། ཟླ་བ་དང་འགྲོགས་པའི་སྐར་མ་ལ་བལྟས་ནས་ཚེས་གྲངས་གང་ཡིན་དང་། ཉིན་སྐར་གང་ལ་བརྟེན་པའི་བྱ་བ་ལེགས་ཉེས་ཀྱི་ཁ་དམར་དག་ཀྱང་རྩིས་ཀྱི་གཞུང་ནས་བཤད་པ་དང་མི་འགལ་བ་རྗེས་དཔག་བྱེད་ཐུབ་ཀྱི་ཡོད་འདུག
འབྲོག་མིས་ཡོངས་གྲགས་སུ་བརྩི་སྲོལ་ཡོད་པའི་ཟླ་བ་བཅུ་གཉིས་》ནི། བྱ་ཟླ་བ། ==(ཟླ་བ་དང་པོ། )ཁྱི་ཟླ་བ། :(ཟླ་བ་གཉིས་པ། )ཕག་ཟླ་བ། :(ཟླ་བ་གསུམ་པ། )བྱི་ཟླ་བ། =(ཟླ་བ་བཞི་པ། )གླང་ཟླ་བ། ==(ཟླ་བ་ལྔ་པ། )སྟག་ཟླ་བ་། =(ཟླ་བ་དྲུག་པ། )ཡོས་ཟླ་བ། =(ཟླ་བ་བདུན་པ། )འབྲུག་ཟླ་བ། =(ཟླ་བ་བརྒྱད་པ། )སྦྲུལ་ཟླ་བ། ==(ཟླ་བ་དགུ་པ། )རྟ་ཟླ་བ། =(ཟླ་བ་བཅུ་པ། )ལུག་ཟླ་བ། =(ཟླ་བ་བཅུ་གཅིག་པ། )སྤྲེལ་ཟླ་བ། ==(ཟླ་བ་བཅུ་གཉིས་པ། )
འབྲོག་མི་ཚོས་ཉི་ཟླ་གཟའ་སྐར་ཀུན་གྱི་ནང་ནས་བྱ་བ་ལེགས་ཉེས་ཀྱི་རྩིས་གཞི་གཙོ་བོ་ཉིན་སྐར་ལ་བྱེད་ཅིང་། དེ་དག་དགོང་མོར་ཟླ་བ་དང་འགྲོགས་ནས་མཁའ་རུ་ཤར་བ་ལས་ངོས་འཛིན་བྱེད་པ་སྟེ།
་གཟའ་སྐར་ངོས་འཛིན་སྟངས་ནི་ཕལ་ཆེར་བྱེད་གྲུབ་ཀྱི་རྩིས་གཞུང་རྣམས་དང་མཐུན་པར་སྣང་ཞིང་། དེ་དག་ནི་འབྲོག་མི་རྣམས་ཀྱིས་རྩིས་གཞུང་ལས་བླངས་པའི་ཤེས་རིག་རྒྱུན་རིང་དུ་གོམས་འདྲིས་སུ་ཕྱིན་པ་ཞིག་ཡིན་པར་མངོན་ནོ། །
འབྲོག་མི་རྒན་གཞོན་ཕལ་མོ་ཆེས་ལིའམ་རག་གིས་ལུགས་བརྒྱབ་པའི་མེ་ལོང་གི་ངོས་གཅིག་ཏུ་ལོ་འཁོར་བཅུ་གཉིས་མཚོན་པའི་སེམས་ཅན་བཅུ་གཉིས་ཀྱི་གཟུགས་རིས་གཡོན་ནས་གཡས་སུ་བསྐོར་བ་དང་། དབུས་སུ་ལིང་ཚེ་དགུ་ལྡན་གྱི་ནང་དུ་སྨེ་པ་དགུ་མཚོན་པའི་ཨང་གྲངས་དགུ་དང་། དེའི་ཕྱི་རིམ་གྱི་ལིང་ཚེ་བརྒྱད་ཀྱི་ནང་དུ་སྤར་ཁ་བརྒྱད་ཀྱི་ཕག་རྒྱ་བརྒྱད་གཡོན་ནས་གཡས་སུ་བསྐོར་ཏེ་བཀོད་པ་འདི་ལྟར།
ཡང་ན་ལོ་འཁོར་བཅུ་གཉིས་ཀྱི་གཟུགས་རིས་བཀོད་པའི་དབུས་སུ་གཡུང་དྲུང་གི་རི་མོ་ཙམ་བཀོད་པ་གང་རུང་སྐེད་རྒྱན་དུ་འདོགས་སྲོལ་ཡོད་འདུག་ཅིང་། དེས་ནི་ལོ་ཟླ་ཞག་དུས་ཀྱི་ཀེག་དྲན་པ་དག་བཟློག་པ་དང་། ནང་མི་ཕན་ཚུརྣ་རྣམས་སྤར་ཁ་དང་སྨེ་བ་མི་མཐུན་པའི་རྐྱེན་ངན་དག་སེལ་བ་དང་། མེ་ལོང་དུ་ཕྱི་རོལ་གྱི་གཟུགས་སྣ་ཚོགས་འཆར་བ་ལ་བརྟེན་ནས་གནོད་བྱེད་དག་གིས་མི་མཐོང་ཞིང་བསྒྲིབ་ཐུབ་པ་ཡིན་ཞེས་ཤོད་སྲོལ་ཡོད་འདུག
བསམ་ཚུལ་འབྲི།
ཞོགས་དུང་གི་བག་ཆགས་དོང་སྤྲུགས