འདོན་སྤེལ། 2015/01/13 8:39 AM རྩོམ་པ་པོ།

༈ མཁས་དབང་ཐུབ་བསྟན་ཕུན་ཚོགས་ལ་བྱ་དགའ་ཐོབ་པ། འབུམ་རམས་པ་སྡེ་དགེ་ཐུབ་བསྟན་ཕུན་ཚོགས་ལགས་ལ་སི་ཁྲོན་ཞིང་ཆེན་མི་དམངས་སྲིད་གཞུང་གིས་སྤྱི་ཚོགས་ཚན་རིག་གི་ཨང་གསུམ་པའི་བྱ་དགའི་རྟགས་མ་ཕུལ་འདུག
 དེའང་ལྷོ་ནུབ་མི་རིགས་སློབ་གྲྭ་ཆེན་མོའི་དགེ་རྒན་ཆེན་མོ་མཁས་དབང་སྡེ་དགེ་ཐུབ་བསྟན་ཕུན་ཚོགས་ལགས་ཀྱིས་ལོ་འགའི་སྔོན་ནས་བསྡུ་སྒྲིག་བྱས་པའི་བོད་ཀྱི་ཚིག་གཏེར་རྒྱ་མཚོ་ཞེས་པའི་བོད་ཡིག་ཚིག་མཛོད་དེར། ཉེ་ཆར་ཕྱི་ལོ་ ༢༠༡༤ ལོའི་ཕྱི་ཟླ་ ༡༢ པའི་ནང་སི་ཁྲོན་ཞིང་ཆེན་མི་དམངས་སྲིད་གཞུང་གིས་སྤྱི་ཚོགས་ཚན་རིག་གི་ཨང་གསུམ་པའི་བྱ་དགའི་རྟགས་མ་དང་། རྒྱ་སྒོར་ཁྲི་གཅིག་ཕུལ་ཡོད་འདུག 《བོད་ཡིག་ཚིག་གཏེར་རྒྱ་མཚོ།》ནི་ ༢༠༠༤ ལོ་ནས་བཟུང་དགེ་རྒན་ཆེན་མོ་ཐུབ་བསྟན་ཕུན་ཚོགས་ཀྱིས་གཙོ་སྒྲིག་བྱས་ཤིང་། ཚིག་མཛོད་འདི་ནི་སྔར་ཡོད་ཀྱི་མིང་མཛོད་རྙིང་པ་དང་མདོ་རྒྱུད་གཞུང་ལུགས་རྣམས་ཀྱི་ཐ་སྙད་བསྡུ་རུབ་བྱས་པའི་རྨང་གཞིའི་ཐོག བོད་ཀྱི་དམངས་ཁྲོད་ཐ་སྙད་མང་པོ་གཅིག་ཏུ་བསྡུས་ཤིང་དེ་དག་ལ་འགྲེལ་བརྗོད་བྱས་ཏེ་གྲུབ་པའི་དཔེ་དེབ་སྟོད་སྨད་བར་གསུམ་གྱི་བདག་ཉིད་ཅན་ཞིག་ཡིན་ལ། ༢༠༡༢ ལོའི་ཟླ་༧ པར་སི་ཁྲོན་མི་རིགས་དཔེ་སྐྲུན་ཁང་གིས་པར་བསྐྲུན་བྱས་ཏེ་བཀྲམས་ཡོད། ཁོང་གི་ལོ་རྒྱུས་དྲྭ་ཐག་འདིའི་སྟེང་ན་ཡོད་པས་སྣུན་རོགས།

One Response

1. གཅན བཟོད་རྒྱམ། says:

   January 13, 2015 at 6:10 pm

   མཁས་དབང་ཐུབ་བསྟན་ཕུན་ཚོགས་མཆོག་ལ་བྱ་དགའ་ཐོབ་པར་རྟེན་འབྲེལ་ཞུ།

   སྒོར་ཁྲི་གཅིག་ཧ་ཅང་ཉུང་དྲག་འདུག འབུམ་གཅིག་གནང་ཡོད་པ་འགྲིག་པ།

   Reply

' རྩོམ་འོག་མ། མ་ཨ་མའི་པང་དུ་བུ་ཞིག་འཁྲུངས་བུ་ཁྱོད་འདྲ་འཁྲུངས་ན་རེ་རེས་ཆོག

འབྲེལ་ཡོད་ཀྱི་རྩོམ་གཞན།

• སྡེ་དགེ་རྒྱལ་ཡོངས་ལྷན་ཚོགས་ཀྱི་དབུས་རྒྱུན་སྐབས་ ༣ པའི་ལོ་འཁོར་༣ གྱི་ལས་བསྡོམས་སྙིང་བསྡུས།
• ཨ་ཧྥི་ཏབ་ཀརྨ་སིང་པུ་རེ་ཝལ་ (Aftab Karma Singh Pureval) ལགས་ཨ་རིའི་གྲོང་ཁྱེར་སིན་སི་ན་ཊི་( Cincinnati) ཡི་སྤྱི་ཁྱབ་གྲོང་ཁྱེར་དཔོན་པོའི་གོ་གནས་ཀྱི་རྒྱལ་ཁ་ཐོབ་པ།
• བོད་ཕྲུག་༢༧་ལ་སྲིད་སྐྱོང་གི་སློབ་ཡོན་གཟེངས་རྟགས་ཐོབ་པའི་ནང་རང་རེ་སྡེ་དགེ་བའི་སློབ་མ་གཅིག་ཡོད་པ་རེད།
• དབུས་རྒྱུན་སྐབས་གསུམ་པའི་ཚོགས་ཐེངས་གཉིས་པ་དེ་བསྐོང་ཚོགས་གནང་
• ལོ་གསར་པའི་འཚམ་འདྲི་བཀྲ་ཤིས་བདེ་ལེགས།