འདོན་སྤེལ། 2014/11/20 7:55 AM རྩོམ་པ་པོ།

dege 44 10805412_957209330961252_1366027484_n འདི་ལོ་ཕྱི་ཟླ་ ༡༠ པའི་ཚེས་ ༣ ཙམ་ནས་སྡེ་དགེ་རྒྱལ་ཡོངས་ལྷན་ཚོགས་དབུས་སྤྱི་ཁྱབ་རྒྱུན་ལས་ཁང་དུ་སྡེ་དགེ་འདན་མའི་ཕྱོགས་ཀྱི་མཁལ་མ་གཉིས་ཆ་འཕྲོ་བརླགས་ཕྱིན་ཏེ་ཛ་དྲག་ནད་མནར་འགྱུར་བཞིན་པའི་ནད་པ་བསོད་ནམས་གཡུ་སྒྲོན་བྱ་བ་ཞིག་ལ་ཛ་དྲག་མྱུར་སྐྱོབ་གནང་རོགས་གྱིས་ཞེས་པའི་སྙན་ཞུ་ཞིག་འབྲེལ་ཡོད་བརྒྱུད་ནས་འབྱོར་བ་དང་། དབུས་དང་ཡན་ལག་མྱུར་སྐྱོབ་ཁང་གཉིས་ཐད་ནས་ཞིབ་འཇུག་དོ་ནན་བྱས་པར་བརྒྱུད། ནད་པ་འདི་བྱིས་པ་གཉིས་ཀྱི་ཨ་མ་ཡིན་པ་དང་། བྱིས་པ་གཅིག་དབང་པོ་སྐྱོན་ཅན་ཡིན་པ། བཟའ་ཟླ་དང་བཟའ་འཐོར་ཕྱིན་ཟིན་པ། མཁལ་མ་གཉིས་ཆ་འཕྲོ་བརླགས་ཕྱིན་ཤིང་བརྗེ་དགོས་པའི་དུས་ལ་ཐུག་ཡོད་ནའང་། སྨན་རིན་གྱི་དཀའ་ངལ་འོག་ཛ་དྲག་གནས་སྟངས་ནང་ཚུད་ཡོད་པ་བཅས་དངོས་འབྲེལ་ཛ་དྲག་དཀའ་ངལ་ཡོད་པ་ར་འཕྲོད་བྱུང་བ་དང་། མི་ལྔ་ལས་གྲུབ་པའི་ཚོགས་ཆུང་ཞིག་ཟུར་འཛུགས་ཐོག་སྡེ་དགེ་ནང་ཁུལ་དུ་ཞལ་འདེབས་བསྡུ་སློང་གི་ལས་རིམ་འགོ་འཛུགས་ཞུས། རྒྱལ་ཕྱི་ནང་གི་སྡེ་དགེའི་མང་ཚོགས་ཀྱིས་བྱམས་པ་དང་སྙིང་རྗེ་ཆེན་པོའི་ཐོག་རོགས་སྐྱོར་ཤུགས་ཆེན་བྱས་པ་ལྟར། ཁྱོན་ཡོངས་ཀྱི་ཞལ་འདེབས་རྒྱ་ནག་སྒོར་མོ་ཁྲི་བཅུ་ ༡༠༠༢༤༤་༢༦ ལྷག་ཙམ་གནང་སོན་བྱུང་པ་རྣམས། ༢༠༡༤་༡༡་༧ ཉིན་ནད་པ་བསོད་ནམས་གཡུ་སྒྲོན་མོ་རང་གི་ལག་ཏུ་ཕུལ་འབྱོར་ཟིན་ཡོད་པ་དང་། ནད་པ་མོ་རང་གིས་ཀྱང་ལག་ཟུང་སྙིང་ཀར་སྦྱར་ཏེ་ཚང་མ་ལ་ཐུགས་རྗེ་ཆེ་ཆེ་ཆེ་ཞེས་ཞུས་ཡོད་པ་རེད།

རྒྱ་གར་ལྡེ་ར་ལྡུན་ས་གནས་སྡེ་དགེ་ནས། ཧིན་སྒོར། ༡༡༤༥༠།
རྒྱ་གར་དྷ་ས་ས་གནས་སྡེ་དགེ་ནས། ཧིན་སྒོར། ༡༠༠༠༠།
རྒྱ་གར་ལྡི་ལི་ས་གནས་སྡེ་དགེ་ནས། ཧིན་སྒོར། ༢༠༠༠།
རྒྱ་གར་སྦིར་ས་གནས་སྡེ་དགེ་ནས། ཧིན་སྒོར། ༣༧༣༧༠།
རྒྱ་གར་ལྷོ་ཕྱོགས་ས་གནས་སྡེ་དགེ་ནས། ཧིན་སྒོར། ༩༠༠༨
མཚོ་པདྨ་ས་གནས་སྡེ་དགེ་ནས། ཧིན་སྒོར། ༤༡༠༠།
བལ་ཡུལ་ས་གནས་སྡེ་དགེ་ནས། བལ་སྒོར། ༨༡༨༠༠།
ཨ་རི་ཉི་ཡོག་ས་གནས་སྡེ་དགེ་ནས། ཨ་སྒོར། ༢༠༥༥།
ཨ་རི་མི་ནི་སོ་དྲ་ས་གནས་སྡེ་དགེ་ནས། ཨ་སྒོར། ༡༦༢༥།
ཨ་རི་ཀེ་ལི་ཧྥོ་ནི་ཡ་ས་གནས་སྡེ་དགེ་ནས། ཨ་སྒོར། ༡༦༥༢།
ཨ་རི་ཆི་ཀ་གྷོ་ས་གནས་སྡེ་དགེ་ནས། ཨ་སྒོར། ༤༠༠།
ཧྥི་རན་སི་ས་གནས་སྡེ་དགེ་ནས། ཡུ་སྒོར། ༡༩༤༠།
སྦེལ་ཇམ་ས་གནས་སྡེ་དགེ་ནས། ཡུ་སྒོར། ༡༧༢༥།
སུད་སི་ས་གནས་སྡེ་དགེ་ནས། སུད་སྒོར། ༤༢༣༥།

བསམ་ཚུལ་འབྲི།

' རྩོམ་འོག་མ།

སྡེ་དགེ་རྫ་ཆུ་ཁར་སྐད་འབོད་ངོ་རྒོལ།

མཁལ་མ་ནད་པ་ལ་རྒྱ་ནག་སྒོར་མོ་ཁྲི་བཅུ་ལྷག་གི་རོགས་སྐྱོར།

བསམ་ཚུལ་འབྲི།

འབྲེལ་ཡོད་ཀྱི་རྩོམ་གཞན།