བླ་ཆེན་བྱམས་པ་ཕུན་ཚོགས་ཀྱི་རྣམ་ཐར།
སྡེ་དགེའི་ལོ་རྒྱུས་སྤྱི་དོན་ཟླ་ཤེལ་གསར་པའི་མེ་ལོང་ལས་དྲངས།རྩོམ་པ་པོ།སྡེ་དགེ་ཐུབ་བསྟན་ཕུན་ཚོགས།
བླ་ཆེན་བྱམས་པ་ཕུན་ཚོགས། སྡེ་དགེའི་རྒྱལ་རབས་དང་པོ་སྟེ། སྔར་གྱི་གླིང་ཡུལ་ལ་སྡེ་དགེའི་ཡུལ་ཞེས་རྒྱལ་པོ་འདིའི་དུས་ནས་ཡུལ་མིང་འགྱུར་བ་ཐོག་མར་བྱུང༌། ཁོང་ནི་རབ་བྱུང་བཅུ་པའི་ལྕགས་འབྲུག་སྤྱི་ལོ་ 1580ལོར་དཔོན་ཆེན་ལྷུན་ཐུབ་ཀྱི་སྲས་གསུམ་པར་འཁྲུངས། ཡུལ་འདིའི་རིས་མེད་ཀྱི་ཆོས་སྡེ་མང་པོའི་བདག་པོར་གྱུར་པས་སྡེ་འབངས་རྣམས་ཀྱིས་བརྩི་བཀུར་ཐོབ། བུ་སྤུན་དང་ཚ་བོ་མང་བས་དགྲ་འདུལ་གཉེན་སྐྱོང་གི་ལས་ལ་རང་བཞིན་གྱིས་སྟོབས་ཤུགས་རྒྱས། ཐོག་མར་ལྕགས་རའི་གླིང་དཔོན་དཔུང་ཤུགས་ཀྱིས་དབང་བསྡུས། དེ་ནས་རིམ་བཞིན་དུ་དཔེ་ཝ་དང༌། རྨེ་ཤོད། ཀུ་སེ། སྤོ་ལུ། མཁར་མདོ་ཚུར་རི་སོགས་གོ་སྐབས་དང་བསྟུན་ནས་དབང་དུ་བྱས། སྤྱི་ལོ་1639ལོར་སོག་དམག་གིས་ཁམས་ཕྱོགས་སུ་བེ་རུ་རྒྱལ་པོ་ལ་དཔུང་འཇུག་བྱེད་སྐབས་བླ་ཆེན་གྱིས་སོག་དམག་ལ་རོགས་རམ་བྱས་སྟབས། འབྲི་ཆུ་ནུབ་བརྒྱུད་ལྷ་ཐོག་མན་ཆད་བླ་ཆེན་ལ་གཟིགས་གཟེངས་སུ་ཕུལ། སྔར་གྱི་གླིང་ཚང་གི་མངའ་ཁོངས་ཕལ་ཆེར་བདག་བཟུང་བྱས་ཏེ་སྡེ་དགེ་རྒྱལ་པོ་ཞེས་པའི་མཚན་སྙན་གངས་ལྗོངས་ཡོངས་ལ་ཁྱབ། མཐར་རྫོང་སྒོ་བཅོ་བརྒྱད་དང༌། འབངས་མི་ཁྱིམ་དུད་སུམ་ཁྲི་དྲུག་སྟོང་གི་བདག་པོར་གྱུར། སྤྱི་ལོ་1660ལོར་ཡས་མས་ཙམ་ཞིག་ན་སྐུ་གཤེགས་པར་འདྲ།
བསམ་ཚུལ་འབྲི།
གུང་རྒོལ་རྒྱལ་སྲུང་སྐོར་གྱི་སྡེ་དགེའི་གསང་བའི་ཚོགས་འདུ།