བོད་མི་ཞིག་ཨ་རིའི་གྲོས་ཚོགས་འཐུས་མིའི་འོས་མིར་ལངས་པ།
བོད་མི་ཀརྨ་ལགས་ཨ་རིའི་གྲོས་ཚོགས་འོག་མིའི་འཐུས་མིར་ལངས་པ།
དེའང་འདི་ལོའི་ཕྱི་ཟླ་དང་པོའི་ཚེས་ ༣༡ ཉིན་བོད་མི་ཀརྨ་(Aftab Karma Singh Pureval)ལགས་ཨ་རིའི་གྲོས་ཚོགས་འོག་མའི་འཐུས་མིར་ལངས་རྒྱུའི་གསལ་བསྒྲགས་བསྐྱངས་ཡོད་འདུག ཁོང་ནི་བོད་མི་ཞིག་ཨ་རིའི་གྲོས་ཚོགས་འཐུས་མིའི་འོས་མིར་ལངས་པ་ལོ་རྒྱུས་ནང་ཆེས་ཐོག་མར་ཆགས་ཡོད་འདུག་ལ། གལ་སྲིད་ཁོང་ལ་མི་མང་གིས་འོས་འཕེན་རྒྱབ་སྐྱོར་འོག་ད་ཐེངས་དངོས་གཞིའི་འོས་བསྡུའི་རྒྱལ་ཁ་ཐོབ་ཚེ་བོད་མི་ཞིག་ཨ་རིའི་འཐུས་མིར་ཆགས་པའང་ལོ་རྒྱུས་ཐོག་ཆེས་ཐོག་མའི་ཟིན་ཐོ་འགོད་ཀྱིན་ཡོད་པ་རེད།
ཁོང་གིས་སྐབས་དེའི་གསལ་བསྒྲགས་སྐབས། (ང་གྲོས་ཚོགས་འཐུས་མིའི་འོས་མིར་ལངས་དགོས་དོན་ནི། ང་ཚོའི་རྒྱལ་ཁབ་འདི་མི་རབས་གསར་བས་སྣེ་ཁྲིད་ནས་ཁ་ཕྱོགས་གསར་བ་ཞིག་བསྐྱོད་དགོས་འདུག)ཅེས་གསར་འགོད་པ་ཚོར་བཤད་ཡོད་པ་རེད། ཨ་རིའི་གསར་འགྱུར་བརྒྱུད་ལམ་ཁག་གིས་གནས་ཚུལ་སྤེལ་གསལ་ལྟར་ན། ད་ཐེངས་ཀརྨ་ལགས་ལ་འོས་བསྡུའི་རྒྱལ་ཁ་ཐོབ་རྒྱུར་རེ་བ་ཆེན་པོ་ཡོད་ཚུལ་བཤད་ཀྱིན་འདུག་ལ། དེ་བས་ཀྱང་དཔྱད་བརྗོད་པ་ཚོས་ད་ཐེངས་ཁོང་འགྲན་རྩོད་མེད་པའི་ངང་དམངས་གཙོ་ཚོགས་པའི་འོས་མིར་ཐོབ་རྒྱུ་ཡིན་པ་ཚོད་དཔག་གནང་གི་ཡོད་པ་རེད། ཁོང་གི་ཁ་གཏད་ནི་དགུང་ལོ་ ༦༥ ཅན་ ༡༩༩༤ ལོ་ནས་སྤྱི་མཐུན་ཚོགས་པའི་གྲོས་ཚོགས་ཀྱི་འོས་མི་ཡིན་པ་སེཏི་ཧྥི་ཆ་བྷོཏི་ Steve Chabot ལགས་ཡིན་པ་དང་། དངོས་གཞིའི་འོས་བསྡུ་ནི་འདི་ལོའི་ཕྱི་ཟླ་ ༡༡ པའི་ཚེས་ ༦ རེས་གཟའ་མིག་དམར་ཉིན་ཡིན་པ་རེད།
ཀརྨ་ལགས་ནི་ ༡༩༨༢།༩།༩ ཉིན་ཨོ་ཧའོ་ཞེ་ནི་ཡ་( Xenia)གྲོང་ཁྱེར་དུ་སྐྱེས་ཤིང་། ཁོང་གི་ཨ་མ་ལགས་ཁམས་སྡེ་དགེ་ནས་ཡིན་པ་རེད། ཀརྨ་ལགས་ཁྲིམས་ལུགས་རིག་པའི་བསླབ་པ་མཐར་ཕྱིན་རྗེས་ཆེད་ལས་ཁྲིམས་རྩོད་པའི་ཕྱག་ལས་གནང་ཡོད་པ་དང་། རང་ལོ་ ༣༥ ཡིན་འདུག ན་ནིང་ཕྱི་ཟླ་དང་པོའི་ནང་ཁོང་ཨ་རིའི་མངའ་སྡེ་ཨོ་ཧའོ་(Ohio)ཡི་རྫོང་ཆེ་ཤོས་ཧཱ་མིལ་ཊོན་(Hamilton)ཁྲིམས་ཁང་གི་དྲུང་ཡིག་ཆེན་མོར་རྒྱལ་ཁ་ཐོབ་ཡོད་པ་དང་། ཨ་རིའི་ནང་ན་སོན་པའི་བོད་མི་ཁོང་ནི་ཆབ་སྲིད་ཀྱི་སྡིངས་ཆའི་ཐོག་ཨ་རིའི་དམངས་གཙོ་ཚོགས་པས་རེ་བ་ཆེན་པོ་རྒྱག་སའི་ན་གཞོན་ཞིག་ཡིན་པ་རེད། ཡོང་ཁུངས། སྡེ་དགེ་དྲ་བ།
ཁོང་གི་གནས་ཚུལ་རྙིང་པ་ཞིག་དྲ་ཐག་འདིར་ཡོད།
ནང་མི་དང་ཁོ་རང་ཉིད་ཀྱི་ངོ་སྤྲོད་བཅས་ཀྱི་གཏམ་བཤད་ཅིག་དྲ་ཐག་འདིར་ཡོད།
ཁོང་གི་དྲུང་ཆེའི་དམ་འབུལ་དང་བརྒྱུད་ལམ་ཁག་གི་དོ་སྣང་སྤྲོད་ས་ཁག
ཁོང་འོས་མིར་ལངས་པའི་གསལ་བསྒྲགས་འདི་ནས་གསན་གཟིགས་ཐུབ།
བསམ་ཚུལ་འབྲི།
བོད་ས་ཁྱི་ལོའི་གནམ་ལོ་གསར་དུ་བཞད་པར་འཚམས་འདྲི་ཞུ།
འབྲེལ་ཡོད་ཀྱི་རྩོམ་གཞན།
-
སྡེ་དགེ་རྒྱལ་ཡོངས་ལྷན་ཚོགས་ཀྱི་དབུས་རྒྱུན་སྐབས་ ༣ པའི་ལོ་འཁོར་༣ གྱི་ལས་བསྡོམས་སྙིང་བསྡུས།
-
ཨ་ཧྥི་ཏབ་ཀརྨ་སིང་པུ་རེ་ཝལ་ (Aftab Karma Singh Pureval) ལགས་ཨ་རིའི་གྲོང་ཁྱེར་སིན་སི་ན་ཊི་( Cincinnati) ཡི་སྤྱི་ཁྱབ་གྲོང་ཁྱེར་དཔོན་པོའི་གོ་གནས་ཀྱི་རྒྱལ་ཁ་ཐོབ་པ།
-
བོད་ཕྲུག་༢༧་ལ་སྲིད་སྐྱོང་གི་སློབ་ཡོན་གཟེངས་རྟགས་ཐོབ་པའི་ནང་རང་རེ་སྡེ་དགེ་བའི་སློབ་མ་གཅིག་ཡོད་པ་རེད།
-
དབུས་རྒྱུན་སྐབས་གསུམ་པའི་ཚོགས་ཐེངས་གཉིས་པ་དེ་བསྐོང་ཚོགས་གནང་
-
ལོ་གསར་པའི་འཚམ་འདྲི་བཀྲ་ཤིས་བདེ་ལེགས།