འདོན་སྤེལ། 2021/11/7 8:17 AM རྩོམ་པ་པོ།

༄། འདི་ལོར་རྒྱ་གར་དབུས་འབྲིང་རིམ་ཤེས་ཡོན་ལྷན་ཚོགས་ཀྱི་འཛིན་རིམ་བཅུ་གཉིས་ཀྱི་རྒྱལ་ཡོངས་ཡིག་རྒྱུགས་ཆེན་མོའི་གྲུབ་འབྲས་ཁོངས་སུ་སྲིད་སྐྱོང་སློབ་ཡོན་ཐོབ་མཁན་བོད་རིགས་སློབ་ཕྲུག་༢༧ ་ཐམ་པ་བྱུང་ཡོད་པའི་ནང་རང་རེ་སྡེ་དགེ་བའི་སློབ་མ་གཅིག་ཡོད་པ་རེད། དེ་ཡང་སློབ་ཕྲུག་ཚོས་སློབ་སྦྱོང་ཐོག་བརྩོན་འགྲུས་གོང་སྤེལ་གནང་ཆེད་དང་རྒྱལ་ཡོངས་རྒྱུགས་སྤྲོད་སྐབས་གྲུབ་འབྲས་ལེགས་པོར་ཡོང་བའི་ཆེད་དུ་ཕྱི་ལོ་ ༢༠༡༣ ལོར་སྲིད་སྐྱོང་སློབ་ཡོན་ཐོག་མར་དབུ་འཛུགས་གནང་ཡོད་པ་གཞིར་བཞག་ཐོག་འདི་ལོར་སྲིད་སྐྱོང་སློབ་ཡོན་བཞེས་མཁན་སློབ་མ་གྲངས་༢༧ བྱུང་ཡོད་པ་རེད། དེའི་ནང་རང་རེ་སྡེ་དགེ་བའི་སློབ་མ་བདེ་སྐྱིད་དབྱངས་འཛོམས་ཀྱིས་ཀྱང་སྲིད་སྐྱོང་སློབ་ཡོན་བཞེས་ཐུབ་པ་བྱུང་ཡོད། དམིགས་བསལ་ཕྱི་ལོ་ ༢༠༢༡ ལོར་རྒྱ་གར་རྒྱལ་ཡོངས་ཀྱི་འཛིན་རིམ་བཅུ་གཉིས་པའི་ཡིག་རྒྱུགས་ཁྲོད་བརྒྱ་ཆ་དགུ་བཅུ་གོ་དགུའི་གྲུབ་འབྲས་ཐོབ་པས། བཙན་བྱོལ་བོད་མིའི་སློབ་གྲྭའི་ཁོངས་སུ་རྒྱུགས་འབྲས་མཐོ་ཤོས་བླངས་པའི་སློབ་མ་ཆགས་ཡོད་པ་རེད། དེ་ལ་སྡེ་དགེ་རྒྱལ་ཡོངས་ལྷན་ཚོགས་ཀྱི་ཚོགས་གཙོ་སྲས་འཆི་མེད་རྡོ་རྗེས་སྡེ་དགེ་རྒྱལ་ཡོངས་ལྷན་ཚོགས་ཀྱི་ངོས་ནས་འཚམས་འདྲི་དང་འབྲེལ་དར་དང་དམིགས་བསལ་ཧིན་སྒོར་ལྔ་སྟོང་གནང་ཡོད་པ་མ་ཟད་མ་འོངས་པར་སློབ་སྦྱོང་མུ་མཐུད་དུ་གནང་སྟེ་གྲུབ་འབྲས་གཟེངས་སུ་ཐོན་པའི་སློབ་གསོ་དང་ལམ་སྟོན་སོགས་གནང་ཡོད་པ་བཅས།

སྡེ་དགེ་རྒྱལ་ཡོངས་ལྷན་ཚོགས་དབུས་སྤྱི་ཁྱབ་རྒྱུན་ལས་ཁང་ནས་ཕྱི་ལོ་༢༠༢༡ ཟླ་ ༨ ཚེས་ ༦ ཉིན།

བསམ་ཚུལ་འབྲི།

' རྩོམ་འོག་མ།

ཨ་ཧྥི་ཏབ་ཀརྨ་སིང་པུ་རེ་ཝལ་ (Aftab Karma Singh Pureval) ལགས་ཨ་རིའི་གྲོང་ཁྱེར་སིན་སི་ན་ཊི་( Cincinnati) ཡི་སྤྱི་ཁྱབ་གྲོང་ཁྱེར་དཔོན་པོའི་གོ་གནས་ཀྱི་རྒྱལ་ཁ་ཐོབ་པ།

བོད་ཕྲུག་༢༧་ལ་སྲིད་སྐྱོང་གི་སློབ་ཡོན་གཟེངས་རྟགས་ཐོབ་པའི་ནང་རང་རེ་སྡེ་དགེ་བའི་སློབ་མ་གཅིག་ཡོད་པ་རེད།

བསམ་ཚུལ་འབྲི།

འབྲེལ་ཡོད་ཀྱི་རྩོམ་གཞན།