འདོན་སྤེལ། 2015/04/23 11:48 AM རྩོམ་པ་པོ།

སྡེ་དགེ་འཇོ་མདའ་ནས་ཡིན་པའི་བུ་མོ་ཤེས་རབ་མཚོ་མོས་ཚན་རིག་དང་ཨང་རྩིས་ཡིག་ཚད་ཁྲོད་ཨང་དང་པོ་བླངས་འདུག
11160218_1049637731718411_1250836939_n འདི་ལོའི་ཕྱི་ཟླ་ ༣ ཚེས་ ༢༥ ཉིན་སུ་ཇ་བོད་ཁྱིམ་དབུ་བརྙེས་ནས་ལོ་ངོ་ ༢༩ འཁོར་བའི་དུས་དྲན་མཛད་སྒོ་ཚོགས་ཡོད་པ་དང་། སྐབས་དེར་སྐུ་མགྲོན་གཙོ་བོར་ས་སྐྱ་ཕུན་ཚོགས་ཕོ་བྲང་གི་སྲས་བགྲེས་པ་མཉྫུ་བཛྲ་རིན་པོ་ཆེ་ཆིབས་བསྒྱུར་བཀའ་དྲིན་བསྐྱངས་ཏེ། ཉེ་སྔོན་རྒྱ་གར་གྱི་ཨོ་ལུམ་ཕི་ཌི་ཚན་རིག་ཐེབས་རྩ་ཁང་(Science Olympiad Foundation)ཞེས་པའི་སྒེར་གྱི་ཚོགས་པ་ཞིག་གི་གོ་སྒྲིག་འོག རྒྱ་གར་རྒྱལ་ཡོངས་ནང་རིམ་པ་འདྲ་མིན་ཅན་གྱི་ཚན་རིག་དང་ཨང་རྩིས་ཀྱི་ཡིག་ཚད་འགྲན་སྡུར་ཞིག་སྤེལ་ཡོད་པ་ལྟར། སུ་ཇ་བོད་ཁྱིམ་གྱི་འཛིན་རིམ་ ༢ པ་ནས་ ༡༠ པ་བར་གྱི་སློབ་མ་ཚོར་རིམ་པ་གཉིས་ཀྱི་ཐོག་ནས་འགྲམ་སྡུར་བྱས་ཡོད་པའི་ཁྲོད། བྱ་དགའ་ཐོབ་པའི་སློབ་མ་ ༤༠ ཙམ་ལ་གཟེངས་རྟགས་གནང་ཡོད་པ་དང་། སྐབས་དེར་སྡེ་དགེ་འཇོ་མདའ་ནས་ཡིན་པའི་བུ་མོ་ཤེས་རབ་མཚོ་མོ་ལགས་ལ་འགྲན་སྡུར་རིམ་པ་དང་པོའི་ནང་ཨང་དང་པོ་ཐོབ་པར་གསེར་གྱི་རྟགས་མ་གནང་ཡོད་འདུག

བུ་མོ་ཤེས་རབ་མཚོ་མོ་ནི་ཁམས་སྡེ་དགེ་འཇོ་མདའ་འཛི་སྒར་གྲོང་ཚོ་ནས་ཡིན་པ་དང་། ད་ལྟ་རང་ལོ་ ༡༣ ཡིན་ཞིང་། ཕ་མིང་ལ་བཀྲ་ཤིས་དང་མ་མིང་ལ་སྒྲོལ་མ་ལྷ་མོ་ཟེར་གྱི་ཡོད་འདུག ཕྱི་ལོ་ ༢༠༠༥ ལོར་རྒྱ་གར་ནང་སྐྱབས་བཅོལ་དུ་འབྱོར་ཏེ་སྤིར་ཉིན་སློབ་ཏུ་བཞག་ཡོད་པ་དང་། སྔོན་འགྲོ་དང་པོ་ནས་སུ་ཇ་བོད་ཁྱིམ་དུ་ཞུགས་ཏེ་གཟེངས་རྟགས་ཤིག་ཀྱང་ཐོབ་ཡོད་འདུག ད་ལྟ་ཁོ་མོས་འཛིན་རིམ་ ༨ པའི་ནང་སློབ་གཉེར་བྱེད་བཞིན་ཡོད་ལ། ཐེངས་འདིའི་གཟེངས་སུ་ཐོན་པའི་གྲུབ་འབྲས་ལ་དགའ་སྤོབས་ཆེན་པོ་དང་བཅས་ངས་མུ་མཐུད་སློབ་སྦྱོང་ལ་འདི་ལྟར་འབད་བརྩོན་བྱ་ངེས་ཡིན་ཞེས་བརྗོད་འདུག

བསམ་ཚུལ་འབྲི།

' རྩོམ་འོག་མ།

ན་ཟུག་གི་གཏིང་ཞེས་པའི་རྩོམ་དེབ་གསར་པ་ཐོན་འདུག

བུ་མོ་ཤེས་རབ་མཚོ་མོས་གསེར་གྱི་རྟགས་མ་བླངས་པ།

བསམ་ཚུལ་འབྲི།

འབྲེལ་ཡོད་ཀྱི་རྩོམ་གཞན།