འདོན་སྤེལ། 2015/05/14 4:36 PM རྩོམ་པ་པོ།

བལ་ཡུལ་ནང་ས་ཡོམ་གྱི་གོད་ཆག་ཕོག་པར་གསུང་འཕྲིན་སྩལ་བ།

༄༅། །ཕྱི་ལོ་ ༢༠༡༥ ཟླ་ ༤ ཚེས་ ༢༥ ཉིན་བལ་ཡུལ་ནང་ས་ཡོམ་ཤུགས་ཆེ་བརྒྱབ་སྟེ་མི་མང་པོའི་ཚེ་སྲོག་ཤོར་ཡོད་པ་མ་ཟད། སྡོད་ཁང་དང་རྒྱུ་དངོས་སོགས་ལ་གཏོར་བཤིག་ཚབས་ཆེན་ཕོག་པར་བརྟེན། ཕྱི་ཚེས་ ༢༦ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བལ་ཡུལ་གྱི་སྲིད་བློན་སྐུ་ཞབས་སུ་ཤིལ་ཀོ་ར་ལ་ Sushil Koirala མཆོག་ལ་གསུང་འཕྲིན་ཞིག་སྩལ་བ་བརྒྱུད་ཐུགས་ཕམ་ཧ་ཅང་ཆེན་པོས་གདུང་སེམས་མཉམ་སྐྱེ་མཛད་དོན། བལ་པོ་དང་བོད་མི་གཉིས་ནི་ལོ་རྒྱུས་ཐོག་ནས་ཁྱིམ་མཚེས་ཀྱི་འབྲེལ་བ་རྒྱུན་རིང་ནས་གནས་ཡོད་པ་མ་ཟད། བོད་མི་སྐྱབས་བཅོལ་བ་མང་པོ་ཞིག་ད་ལྟ་བལ་ཡུལ་ཁུལ་དུ་གནས་སྡོད་བྱེད་བཞིན་ཡོད།

ཐེངས་འདིར་རང་བྱུང་གི་གོད་ཆག་འོག་རྐྱེན་འདས་སུ་གྱུར་བ་རྣམས་ལ་གསོལ་འདེབས་སྨོན་ལམ་བྱེད་རྒྱུ་དང་ཤུལ་ལུས་ནང་མི་སྤུན་མཆེད་རྣམས་ལ་གདུང་སེམས་མཉམ་སྐྱེ་ཞུ་རྒྱུ་མ་ཟད། རྨས་སྐྱོན་ཕོག་པ་རྣམས་མགྱོགས་ནས་མྱུར་དུ་དྲག་སྐྱེད་ཡོང་བའི་གསོལ་འདེབས་སྨོན་ལམ་ཞུ་རྒྱུ་ཡིན། བལ་ཡུལ་མི་མང་རྣམས་ཀྱི་དཀའ་སྡུག་ལ་གདུང་སེམས་མཉམ་བསྐྱེད་ཆེད་ངོས་ཀྱིས་ཏཱ་ལའི་བླ་མའི་དགེ་རྩ་ཁང་ལ་ངལ་སེལ་རོགས་དངུལ་ཆེད་ཞལ་འདེབས་འབུལ་དགོས་པ་བཀོད་མངགས་བྱས་ཡོད། ཅེས་པའི་གསུང་འཕྲིན་སྩལ་ཡོད་པ་རེད། ཡོང་ཁུངས། རྒྱལ་བ་རིན་པོ་ཆེའི་དྲ་བ།

' རྩོམ་འོག་མ། ངོས་ཀྱི་ཡུལ་དང་ངོས་ཀྱི་མི་དམངས།

འབྲེལ་ཡོད་ཀྱི་རྩོམ་གཞན།

• སྡེ་དགེའི་མཁས་དབང་བློ་གྲོས་ཕུན་ཚོགས་ཀྱི་བཀའ་སློབ།
• བཀའ་བརྒྱུད་སྨོན་ལམ་ལ་རྒྱལ་དབང་ཀརྨ་པའི་བཀའ་སློབ་གསར་པ།
• ཨ་རིའི་ཡུལ་ནས་བོད་ཀྱི་ན་གཞོན་བུ་མོ་ཞིག་གི་སློབ་ཐོན་གཏམ་བཤད།
• མཁན་པོ་སྐལ་ལྡན་ཚེ་རིང་མཆོག་གི་ས་ག་ཟླ་བའི་བཀའ་སློབ།
• མཁས་དབང་ཐུབ་བསྟན་ཕུན་ཚོགས་ཀྱིས་རྒྱལ་རབས་སྐོར་བཤད་པ།