བཀའ་བརྒྱུད་པའི་དགོན་པ་གཞན།
༢༽བསྟན་འཕེལ་དགོན་ནི།རབ་བྱུང་དགུ་པའི་ནང་དུ་ངག་དབང་འབྱུང་གནས་ཀྱིས་བསྟན་དགོན་ཡོངས་རྫོགས་བསྟན་འཕེལ་ཀུན་བཟང་རྒྱ་མཚོ་ལ་ཕུལ།ཆོས་རྗེ་ཀུན་བཟང་རྒྱ་མཚོས་རབ་བྱུང་བཅུ་པའི་ལྕགས་བྱ་ལོ་སྟེ་སྤྱི་ལོ་༡༦༢༡ལོར་རྨ་རྫ་ཟལ་མོའི་སྒང་རྫ་ཀླུ་དལ་འབབ་ཀྱི་གཡས་ཟུར་ཤེལ་ཁོག་ཐང་དུ་དཔལ་ཕུན་ཚོགས་བསམ་གཏན་གླིང་ཞེས་ཕྱག་བཏབ།སྔོན་དགེ་འདུན་པ་སུམ་བརྒྱ་བཞི་བཅུ་ཞེ་ལྔ་ལྷག་དང་ད་ལྟ་མཁན་སྤྲུལ་ལྔ་དང་སོ་དགུ་ཙམ་ཡོད།
༣༽ཚ་ཚ་དགོན་ནི།སཱཙྪ་སྒྲུབ་རྒན་རྟོགས་ལྡན་གྲགས་པ་རྒྱལ་མཚན་གྱིས་ཐོག་མར་ཕྱག་བཏབ།སྡེ་དགེ་རྒྱལ་པོ་སོགས་ཀྱི་མཐུན་རྐྱེན་ལ་བརྟེན་ནས་འཁོར་ལོ་གསུམ་གྱི་འཕྲིན་ལས་རྒྱ་ཆེར་སྤེལ།སྔོན་དགེ་འདུན་པ་ལྔ་བརྒྱ་སུམ་ཅུ་སོ་དགུ་དང་ད་ལྟ་བརྒྱ་དང་དགུ་བཅུ་ལྷག་ཡོད།
༤༽ཆུ་ངོགས་དགོན་ནི།རབ་བྱུང་བཅུ་གཅིག་པའི་ས་གླང་ལོ་སྤྱི་ལོ་༡༦༤༩ལོར་སྒྲུབ་བརྒྱུད་འཕྲིན་ལས་རྣམ་རྒྱལ་ལམ་འབྲུག་རྟོགས་ལྡན་པདྨ་དཀར་པོས་མཛེས་ཡུལ་དུ་བཀྲ་ཤིས་ཆོས་རྫོང་ཞེས་པའི་སྒྲུབ་སྡེ་ཕྱག་བཏབ།སྔོན་དགེ་འདུན་པ་བརྒྱ་དང་ཉེར་བདུན་ལྷག་དང་ད་ལྟ་དྲུག་ཅུ་ཙམ་ཡོད།
༥༽རྫ་རི་མགུལ་དགོན་ནི།རབ་བྱུང་བརྒྱད་པའི་ཤི་ཁྱི་ལོར་ཀརྨ་པ་སྐུ་ཕྲེང་བདུན་པ་ཆོས་གྲགས་རྒྱ་མཚོས་ཐོག་མར་ཕྱག་བཏབ།ཕྱིས་སུ་ཀརྨ་བྱང་ཆུབ་རྒྱལ་མཚན་གྱིས་ཐུབ་བསྟན་བདེ་ཆེན་གླིང་ཞེས་པ་གསར་དུ་བཏབ།སྔོན་དགེ་འདུན་པ་སུམ་བརྒྱ་ཉི་ཤུ་ལྷག་དང་།ད་ལྟ་སྤྲུལ་སྐུ་བཞི།མཁན་པོ་བཞི།གྲྭ་པ་ཞེ་གཉིས་ཙམ་ཡོད།
༦༽པད་སྙིང་དགོན་ནི།རབ་བྱུང་བཅུ་པའི་ལྕགས་བྱི་ལོ་སྟེ་སྤྱི་ལོ་༡༦༠༠ལོར་གྲུབ་པའི་དབང་ཕྱུག་ཆེན་པོ་གསང་ཆེན་སྦྲིང་གི་པ་དགུང་ལོ་ཞེ་ལྔའི་སྟེང་བྲག་དཀར་པོ་པུསྟི་བརྩེགས་པ་འདྲ་བའི་སྟེང་།ཐང་མེ་ལོང་འདྲ་བའི་ངོས་སུ་ཐོག་མར་ཕྱག་བཏབ།སྔོན་དགེ་འདུན་པ་བཞི་བརྒྱ་ལྷག་དང་ད་ལྟ་ལྔ་ཙམ་ཡོད།
༧༽རྟགས་འཕེལ་དགོན་ནི།རབ་བྱུང་བཅུ་གསུམ་པའི་མེ་ཡོས་ལོ་སྟེ་སྤྱི་ལོ་༡༧༤༧ལོར་ཚ་ཚ་ཆོས་འཛིན་རྒྱལ་པོའི་དབོན་བློ་གྲོས་རྒྱ་མཚོས་རྟགས་འཕེལ་བསམ་གཏན་ཆོས་འཁོར་གླིང་ཞེས་ཐོག་མར་ཕྱག་བཏབ་ཅེས་པ་དང་།སྐུ་སྐྱེ་བློ་སྤྲུལ་མཆོག་གིས་ཕྱག་བཏབ་ཅེས་ཀྱང་འབྱུང་བས་དཔྱད་པར་འཚལ།སྔོན་དགེ་འདུན་ལྔ་བཅུ་ལྷག་དང་ད་ལྟ་ཉི་ཤུ་ཙམ་ཡོད།
༨༽འབྲུག་དགོན་པ་ནི།རབ་བྱུང་ལྔ་པའི་ནང་དུ་ཨརྒ་རྟོགས་ལྡན་རིན་པོ་ཆེ་མཁར་དམར་དཀོན་མཆོག་རྒྱ་མཚོས་ཐོག་མར་ཕྱག་བཏབ།ད་ལྟ་བླ་གྲྭ་བདུན་ཅུ་ལྷག་ཡོད།
༩༽ཨ་ལོ་དཔལ་འབྱོར་དགོན་ནི།རབ་བྱུང་བརྒྱད་པའི་མེ་སྤྲུལ་ལོ་སྟེ་སྤྱི་ལོ་༡༤༧༢ལོར་ཀརྨ་པ་བདུན་པ་ཆོས་གྲགས་རྒྱ་མཚོས་ཨ་ལོ་ཡུལ་དུ་ཀམ་ཚང་བསྟན་པའི་ཆོས་སྡེ་བཙུགས།ད་ལྟ་དགེ་འདུན་པ་སུམ་ཅུ་ལྷག་ཡོད།
༡༠༽རྫོང་ཤོད་དགོན་ནི།རབ་བྱུང་བཅོ་ལྔ་པའི་མེ་གླང་ལོར་ཀརྨ་ངག་དབང་ཡོན་ཏན་རྒྱ་མཚོས་སྒྲུབ་སྡེ་བཙུགས།སྔོན་ཆད་སྤྲུལ་སྐུ་གསུམ་དང་དགེ་འདུན་པ་བཞི་བཅུ་ཞེ་གསུམ་ལྷག་ད་ལྟ་སྤྲུལ་སྐུ་གཅིག་དང་བླ་གྲྭ་ཉེར་དགུ་ཡོད།
༡༡༽ཇ་ཆུ་དགོན་ནི།རབ་བྱུང་དགུ་པའི་ནང་ཀརྨ་པ་བདུན་པ་ཆོས་གྲགས་རྒྱ་མཚོས་ཐོག་མའི་དབུ་བཙུགས།ཕྱིས་སུ་ས་གཡོས་སོགས་འགལ་རྐྱེན་གྱིས་གྲུབ་པ་མཆོག་སྦྱིན་གྱིས་རབ་བྱུང་བཅུ་གཅིག་པའི་ནང་སྟེ་སྤྱི་ལོ་༡༦༨༨ལོར་ཕྱག་བཏབ་ནས་ཇ་ཆུ་དགོན་ཞེས་གྲགས།སྒྲུབ་རྒྱུད་ཀརྨ་ཀཾ་ཚང་དང་བདུད་འདུལ་གྱི་གཏེར་ཆོས་གཙོས་རྙིང་མའི་བཀའ་གཏེར་གྱི་ཕྱག་སྲོལ་བཅས་དར་སྤེལ་བྱུང་བས་བཀའ་རྙིང་རིས་མེད་ཀྱི་གྲུབ་མཐའ་འདྲེས་མར་གྱུར།སྔོན་ཆད་དགེ་འདུན་པ་བརྒྱ་དང་སུམ་ཅུ་ལྷག་དང་ད་ལྟ་བརྒྱ་ཙམ་ཡོད།
༡༢༽དྲན་ཐང་དགོན་ནི།སྡེ་དགེ་ཆོས་རྒྱལ་བསྟན་པ་ཚེ་རིང་གིས་འདན་ཡུལ་སྟོད་སྨད་དུ་དགོན་སྡེ་བཅོ་བརྒྱད་གསར་འདེབས་མཛད་པའི་སྐབས་སུ་གཙུག་ལག་ཁང་གསར་སྐྲུན་མཛད།སྔོན་ཆད་བླ་གྲྭ་དགུ་བཅུ་ལྷག་དང་ད་ལྟ་སུམ་ཅུ་ཙམ་ཡོད།
༡༣༽ཀླུ་དཀྱིལ་དགོན་ནི།རབ་བྱུང་གསུམ་པའི་ཤིང་གླང་ལོར་གྲུབ་ཐོབ་རྒོད་འཕུར་བས་ཀླུ་རྒྱལ་མ་དྲོས་པའི་ཕོ་བྲང་སྟེང་དུ་ཐོག་མར་ཕྱག་བཏབ།ད་ལྟ་བླ་གྲྭ་ཉེར་གསུམ་ཡོད།
༡༤༽གའུ་དགོན་ནི།རབ་བྱུང་བཅུ་གཉིས་པའི་དཀྱིལ་ཙམ་དུ་རྟོགས་ལྡན་བསྟན་འཛིན་ཤེས་རབ་ཀྱིས་ཐོག་མར་ཕྱག་བཏབ།སྔོན་ཆད་གྲྭ་བཙུན་བརྒྱ་ལྷག་དང་ད་ལྟའང་དེ་ཙམ་ཡོད།
༡༥༽འདན་བཀྲ་ཤི་རྣམ་རྒྱལ་གླིང་ནི།སྔོན་དུས་སུ་རྒྱ་བཟའ་གྱིས་ཤིང་ཀོང་ཇོས་རྒྱལ་སྲས་ལྗང་ཚའི་དགོངས་རྫོགས་སུ་ལྕགས་ཕག་ལོར་བཞེངས་པར་གྲགས།ཉེ་གནས་རིན་ཆེན་དཔལ་གྱི་དུས་སུ་དགེ་འདུན་ཆིག་ཁྲི་སུམ་སྟོང་ཙམ་དང་ད་ལྟ་བརྒྱ་ཕྲག་གཉིས་ལྷག་ཡོད།
༡༦༽མེ་རི་དགོན་ནི།རབ་བྱུང་བརྒྱད་པའི་ནང་ཀརྨ་པ་བདུན་པ་ཆོས་གྲགས་རྒྱ་མཚོས་ཐོག་མར་ཕྱག་བཏབ།བླ་གྲྭ་ཉི་ཤུ་ལྷག་ཡོད།༡༧༽མ་དགོན་དགོན་ནི།ཐོག་མར་གནས་འདི་ན་གླིང་འབུམ་པའི་རྒྱ་ཚ་ཞལ་དཀར་གྱི་མཁར་དམར་པོ་ཞིག་ཡོད་ཅེས་གྲགས།ཕྱིས་སུ་བླ་མ་དཀོན་མཆོག་རྒྱ་མཚོའམ་ཚད་མེད་ཨ་དགའ་རྟོགས་ལྡན་གྱིས་རབ་བྱུང་བཅུ་གཅིག་པའི་ལྕགས་རྟ་ལོ་སྤྱི་ལོ་༡༦༣༠ལོར་ཐོག་མར་ཕྱག་བཏབ།སྔོན་བླ་གྲྭ་བརྒྱ་དང་དྲུག་ཅུ་ལྷག་དང་ད་ལྟ་ལྔ་བཅུ་ཙམ་ཡོད།
༡༨༽ཚེ་སྒྲུབ་དགོན་ནི།༡༩༽རྣམ་རྒྱལ་དགོན་ནི།༢༠༽ཀ་ཕུ་དགོན།༢༡༽ཆོས་དཔལ་དགོན།༢༢༽གུར་ཕུ་དགོན་ནི་སྤྱི་ལོ་༡༣༥༠ལོར་ཐོག་མར་ཕྱག་བཏབ།༢༣༽བན་ཆེན་དགོན་ནི་སྤྱི་ལོ་༡༦༥༨ལོར་ཐོག་མར་ཕྱག་བཏབ།༢༤༽སྟག་ལུང་དགོན་ནི་སྤྱི་ལོ་༡༥༧༤ལོར་ཕྱག་བཏབ།༢༥༽གནས་མདོ་དགོན་ནི་སྤྱི་ལོ་༡༥༧༠ལོར་ཕྱག་བཏབ།༢༦༽ཤུག་ར་དགོན།༢༧༽འབྲུ་ཚེ་འགྲང་དགོན།༢༨༽ཁྲོ་རུ་དགོན་ནི་སྤྱི་ལོ་༡༢༡༤ལོར་ཐོག་མར་ཕྱག་བཏབ།༢༩༽གླིང་གྱིང་དགོན།༣༠༽འཇོ་ཕུ་དགོན་ནི་སྤྱི་ལོ་༡༥༧༨ལོར་ཕྱག་བཏབ།༣༡༽བདེ་ཆེན་དགོན་ནི་སྤྱི་ལོ་༡༤༣༢ལོར་ཕྱག་བཏབ།༣༢༽རི་འགོ་དགོན།༣༣༽ཆོས་ཉིད་དགོན།༣༤༽འཛི་སྒར་དགོན་ནི་དགེ་ལེགས་ཆོས་གྲུབ་བསྟན་འཛིན་གྱིས་སྤྱི་ལོ་༡༦༧༠ལོར་ཐོག་མར་ཕྱག་བཏབ།༣༥༽སྐྱབས་ཀྱེ་དགོན་ནི་སྤྱི་ལོ་༡༥༧༠ལོར་ཐོག་མར་ཕྱག་བཏབ།༣༦༽རྒྱུ་ནེ་དགོན།༣༧༽དྲུང་རམ་དགོན་ནི་སྤྱི་ལོ་༡༧༠༠ལོར་ཐོག་མར་ཕྱག་བཏབ།༣༨༽སྟིས་ཕུ་དགོན་ནི་སྤྱི་ལོ་༡༥༧༩ལོར་ཕྱག་བཏབ།༣༩༽གཏེར་སྟོན་དགོན་ནི་སྤྱི་ལོ་༡༦༢༧ལོར་ཕྱག་བཏབ།༤༠༽རི་འགུལ་དགོན།༤༡༽རྩེ་རེ་དགོན།༤༢༽རིན་ཆེན་གླིང་དགོན།༤༣༽སྐུ་ཚེ་དགོན་ནི་སྤྱི་ལོ་༡༥༧༠ལོར་ཕྱག་བཏབ།༤༤༽མཁར་འགོ་དགོན་ནི་སྤྱི་ལོ་༡༧༩༦ལོར་ཕྱག་བཏབ།༤༥༽ཚེ་རིང་དགོན་ནི་སྤྱི་ལོ་༡༡༧༥ལོར་ཕྱག་བཏབ།༤༦༽དར་རྒྱས་དགོན་ནི་སྤྱི་ལོ་༡༦༥༢ལོར་ཕྱག་བཏབ།༤༧༽རྡོ་གཏིང་དགོན་ནི་སྤྱི་ལོ་༡༨༠༨ལོར་ཕྱག་བཏབ།༤༨༽སྤམ་བྲག་དགོན་ནི་སྤྱི་ལོ་༡༢༠༠ལོར་ཕྱག་བཏབ།༤༩༽དགོན་ཕུ་དགོན་ནི་སྤྱི་ལོ་༡༣༩༠ལོར་ཕྱག་བཏབ་པ་ཡིན་ནོ།།
བསམ་ཚུལ་འབྲི།
རྙིང་མ་པའི་དགོན་པ་གཞན།