འདོན་སྤེལ། 2015/08/5 8:06 AM རྩོམ་པ་པོ།

སྡེ་དགེ་འཇོ་མདའ་ནས་ཡིན་པའི་ནད་པ་ཚེ་རིང་ལྷ་མོ་ལགས་ལ་ཧིན་སྒོར་འབུམ་གཉིས་ལྷག་གིས་རོགས་རམ་བྱས་ཏེ་ཁོང་མོ་དྲག་སྐྱེད་བྱུང་ཡོད།

Tsering Lhamo རྒྱ་གར་དྷ་རམ་ས་ལའི་ཉེ་འཁྲིས་ནོར་གླིང་དུ་གནས་སྡོད་སྡེ་དགེ་འཇོ་མདའ་སྤོ་ལུ་ནས་ཡིན་པའི་ཚེ་རིང་ལྷ་མོ་ལགས་ལ་ལོ་ན་གཅིག་ཙམ་ལ་སོན་པའི་ཕྲུ་གུ་གཅིག་ཡོད་པ་དང་། ཁོ་མོའི་ཁྱོ་ག་བོད་དུ་ཕྱིན་ཏེ་གཏན་ནས་ཕྱིར་ལོག་མེད་པའི་ཁར། ཁོང་མོ་ཡུན་རིང་ནད་ཀྱིས་མནར་བ་མ་ཟད། ཁོག་པའི་ནང་ཤ་སྐྲན་ཆགས་ཏེ་ཛ་དྲག་གཤག་བཅོས་བྱེད་དགོས་ཁེལ་བ་སོགས་མ་བུ་གཉིས་ཀྱི་འཚོ་བའི་ཆ་རྐྱེན་ཞན་པའི་ཐོག སྨན་ཁང་གིས་ཁོང་མོར་སྨན་བཅོས་བྱེད་པར་ཧིན་སྒོར་ཁྲི་ ༧ ལྷག་གཏོང་དགོས་ཚུལ་བརྗོད་དེ། སྐྱབས་མེད་མགོན་མེད་དུ་གྱུར་བའི་མ་བུ་གཉིས་འུ་ཐུག་ཐབས་ཟད་ཀྱི་གནས་སུ་གྱར་ཡོད་སྟབས། འདི་ལོའི་ཕྱི་ཟླ་ ༥ ཚེས་ ༣ ཉིན་སྡེ་དགེ་རྒྱལ་ཡོངས་ལྷན་ཚོགས་དབུས་སྤྱི་ཁྱབ་རྒྱུན་ལས་ཁང་གིས། རྒྱལ་ཁབ་ཁག་གི་ནང་ཡོད་པའི་ས་གནས་རྒྱུན་ལས་རྣམས་བརྒྱུད་དེ་རོགས་རམ་གང་ལེགས་གནང་སྐྱོང་ཡོང་བའི་རེ་སྐུལ་ཞུས་པ་ལྟར། སུད་སི་ས་གནས་གྱིས་གཙོས་རྡ་ས་ས་གནས་ཀྱི་ཕ་ཡུལ་གཅིག་པ་མང་པོ་ཞིག་གིས་་གཞན་ཕན་ལྷག་བསམ་གྱི་ཕྱག་ཟུང་བརྐྱངས་ཏེ། ཁྱོན་བསྡོམས་ཧིན་སྒོར་འབུམ་གཉིས་དང་ཁྲི་གཉིས། གཅིག་སྟོང་དྲུག་བརྒྱ་དགུ་བཅུ་གོ་ལྔ་(༢.༢༡.༦༩༥)ཡི་རོགས་དངུལ་གནང་ཡོད་པ་དང་། འདི་ལོའི་ཕྱི་ཟླ་ ༥ ཚེས་ ༡༥ ཙམ་ལ་ནད་པ་ཚེ་རིང་ལྷ་མོའི་ལག་ཏུ་དངུལ་རྣམས་ཚང་འབྱོར་བྱུང་ཡོད་སྟབས། ད་ལྟ་ཁོང་མོ་དྲག་སྐྱེད་བྱུང་སྟེ་མ་བུ་གཉིས་རེ་ཞིག་དཀའ་སྡུག་གི་ཁྲོད་ནས་བསྐྱབས་ཐུབ་པ་བྱུང་ཡོད།

རོགས་དངུལ་རྣམས་ཚང་འབྱོར་བྱུང་རྗེས། ཚེ་རིང་ལྷ་མོ་ལགས་ཀྱིས་བཀའ་དྲིན་ཆེ་ཞུའི་འབྱོར་འཛིན་ཞིག་དབུས་སྤྱི་ཁྱབ་རྒྱུན་ལས་ཁང་དུ་ཕུལ་བའི་ནང་། བཀུར་འོས་སྡེ་དགེ་རྒྱལ་ཡོངས་ལྷན་ཚོགས་དབུས་སྤྱི་ཁྱབ་རྒྱུན་ལས་ཁང་བརྒྱུད་ནས་གུས་མོར་ཁྱོན་བསྡོམས་ཧིན་སྒོར་ ༢༢༡༦༩༥ རོགས་རམ་གནང་སོན་བྱུང་བར་སྙིང་ཐག་པ་ནས་བཀའ་དྲིན་ཆེ་ཞུ་ཞུ། ཞེས་བརྗོད་འདུག

བསམ་ཚུལ་འབྲི།

' རྩོམ་འོག་མ།

ཁམས་ཕྱོགས་ཀྱི་མདོ་འཛིན་པ་གྲགས་ཅན་གླུ་པ་ཚེ་དབང་།

ནད་པ་ཞིག་ལ་སྒོར་འབུམ་ ༢ ལྷག་གི་རོགས་རམ་བྱས་ཏེ་ནད་ལས་གྲོལ་བ།

བསམ་ཚུལ་འབྲི།

འབྲེལ་ཡོད་ཀྱི་རྩོམ་གཞན།