འདོན་སྤེལ། 2015/05/1 4:48 AM རྩོམ་པ་པོ།

11009143_1059469377401913_7517676237806407316_n ཉེ་ཆར་ས་རྭ་མཐོ་སློབ་ནས་སློབ་མཐར་ཕྱིན་པའི་རྩོམ་པ་པོ་ཀརྨ་རྣམ་དག་ལགས་ཀྱིས་རང་ཉིད་ཀྱི་སྒེར་དེབ་ཐོག་མ་«ན་ཟུག་གི་གཏིང་།»ཞེས་པ་དེ་པར་སྐྲུན་དང་འགྲེམ་སྤེལ་བྱས་ཡོད་པ་རེད། རྩོམ་པ་པོས་རྩོམ་དེབ་དེ་ངོ་སྤྲོད་བྱས་པའི་ནང་དུ་«ན་ཟུག་གི་གཏིང་།»ཞེས་པའི་བདག་གི་སྙན་དེབ་ཆུང་ཆུང་འདི་དེ་རིང་མི་ཡུལ་འབྱོར་ཞིང་སྙིང་ཉེ་བའི་ཀློག་པ་པོ་རྣམ་པའི་སྤྱན་ལམ་དུ་ཕུལ་ཐུབ་སོང་། འདི་ལ་ནང་གསེས་ཚན་པ་ལྔས་གྲུབ་ཡོད་ལ། ལུས་ནི་ཚིགས་སུ་བཅད་པ་རྐྱང་རྐྱང་ཡིན། བརྗོད་བྱ་ནི། རྒྱང་རིང་ལ་བསྐུར་བའི་འཕྲིན་པ། རྗེས་དྲན། འཆར་ཡན་གྱིས་བྲིས་པ། དྲན་གདུང་། དགའ་དུང་། བརྩེ་དུང་སྟེ། མདོར་ན་ན་ཟུག་རྐྱང་ལས་གྲུབ་པའམ། ན་ཟུག་འབའ་ཞིག་གིས་ཚོས་པའི་ཡིག་ཚོགས་འགའ་ཞིག་སྤུངས་ཡོད། དྲང་མོ་ཞུས་ན་འདི་དག་སྙན་ངག་ཅིག་གི་ངོ་བོར་འགྲོ་ཡི་ཡོད་མེད་ང་རང་གིས་ཀྱང་རྟོགས་མེད། གང་ལྟར། ལྡེབ་ངོས་ 133 ཙམ་གྱིས་གྲུབ་པའི་དེབ་ཆུང་ཞིག་ཡིན། ཞེས་བཀོད་ཡོད་པ་རེད། ཀརྨ་རྣམ་དག་ལགས་ནི། སྡེ་དགེ་འཇོ་མདའ་སིད་མདའ་རུ་སྐྱེས་ཤིང་། བཙན་བྱོལ་དུ་འབྱོར་ནས་མཐོ་རིམ་སློབ་སྦྱོང་བྱས། དེ་བཞིན་ཉེ་ཆར་ས་རྭ་མཐོ་སློབ་ནས་སློབ་མཐར་ཕྱིན་ཞིང་། ནམ་རྒྱུན་དུ་རྩོམ་ཡིག་སྣ་མང་སྤེལ་མཁན་གྱི་གཞོན་སྐྱེས་རྩོམ་པ་པོ་ཞིག་ཡིན་པ་དང་། ཁོང་གིས་ད་བར་རྩོམ་ཡིག་འགྲན་རྩོད་རིམ་པའི་ནང་གཟེངས་རྟགས་བྱ་དགའ་ཐེངས་མང་བླངས་ཡོད་པ་རེད། ༼འདྲ་པར་འདི་ནི་ན་ཟུག་གི་གཏིང་ཞེས་པའི་རྩོམ་པ་ཀརྨ་རྣམ་དག་དང་། ཁོང་གི་སྤུན་ཚངས་སར་ལགས་གཉིས་རེད། ཁོང་གཉིས་ཆ་འདི་ལོར་ས་རྭ་མཐོ་སློབ་ནས་སློབ་མཐར་ཕྱིན་ཡོད་པར་དགའ་བསུ་དང་འཚམས་འདྲི་ཞུ།༽ 11133986_1059469730735211_7992221141140120890_n

བསམ་ཚུལ་འབྲི།

' རྩོམ་འོག་མ།

ཕྱིར་འཚོང་དངོས་རྫས་ལེགས་ཤོས་ཇི་ལྟར་ཆུད་ཟོས་སུ་གཏོང་བ།

ན་ཟུག་གི་གཏིང་ཞེས་པའི་རྩོམ་དེབ་གསར་པ་ཐོན་འདུག

བསམ་ཚུལ་འབྲི།

འབྲེལ་ཡོད་ཀྱི་རྩོམ་གཞན།